Odia Post

ନୂଆଦିଲ୍ଲୀ,୩୧ା୭:ଚାଇନା ସୀମାରେ ଦୀର୍ଘଦିନ ହେଲା ଉତ୍ତେଜନା ଲାଗି ରହିଛି। ବିବାଦର ସମାଧାନ ପାଇଁ ଦୁଇଦେଶ ପକ୍ଷରୁ ଉଦ୍ୟମ ଜାରି ରହିଥିଲାବେଳେ ଭାରତ ଅତିରିକ୍ତ ୩୫ ହଜାର ଯବାନଙ୍କୁ ପୂର୍ବ ସୀମାରେ ମୁତୟନ କରିବା ପାଇଁ ପ୍ରସ୍ତୁତି ଚଳାଇଛି। ଏହା ଫଳରେ ୩,୪୮୮ କିଲୋମିଟର ଦୀର୍ଘ ପ୍ରକୃତ ନିୟନ୍ତ୍ରଣ ରେଖାରେ ସ୍ଥିତାବସ୍ଥା ବଦଳିପାରେ ବୋଲି ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି। ଗତ ଜୁନ୍‌ ୧୫ରେ ଭାରତ ଓ ଚାଇନା ସେନା ମଧ୍ୟରେ ରକ୍ତାକ୍ତ ସଂଘର୍ଷ ଘଟିଥିଲା। ଏଥିରେ ଭାରତର ୨୦ ଯବାନ ଶହୀଦ ହୋଇଥିଲାବେଳେ ଚାଇନା ପଟୁ ମଧ୍ୟ କେତେଜଣ ସୈନ୍ୟ ନିହତ ହୋଇଥିଲେ। ଏହା ପରେ ଉଭୟ ଦେଶ ସୀମାକୁ ଅଧିକ ସେନା ଓ ଅସ୍ତ୍ରଶସ୍ତ୍ର, କମାଣ ଓ ଟ୍ୟାଙ୍କ ପ୍ରେରଣ କରିଥିଲେ। ଭାରତ-ଚାଇନା ସୀମା ରାଜିନାମା ଯଦି କାର୍ଯ୍ୟକାରୀ ନ ହୁଏ ତେବେ ଅଧିକ ସୈନ୍ୟ ମୁତୟନ କରିବାକୁ ପଡ଼ିବ ବୋଲି ଉକ୍ତ ଅଧିକାରୀ କହିଛନ୍ତି। ଯଦି ସର୍ବୋଚ୍ଚ ରାଜନୈତିକ ସ୍ତରରେ ଘନିଷ୍ଠତା ନ ଆସେ ତେବେ କୌଣସି ଗୋଟିଏ ପକ୍ଷ ପଠାଇଥିବା ଅତିରିକ୍ତ ସେନା ପ୍ରତ୍ୟାହାର କରିବେ ନାହିଁ ବୋଲି ୟୁନାଇଟେଡ ସର୍ଭିସ୍‌ ଇନ୍‌ଷ୍ଟିଚ୍ୟୁଶନ ଅଫ୍‌ ଇଣ୍ଡିଆର ନିର୍ଦ୍ଦେଶକ ତଥା ଅବସରପ୍ରାପ୍ତ ମେଜର ଜେନେରାଲ ବି.କେ. ଶର୍ମା କହିଛନ୍ତି। ଯଦିଓ ସୀମାରେ ଏବେ ମୁହାଁମୁହିଁ ସ୍ଥିତି ନାହିଁ ତେବେ ବହୁପର୍ଯ୍ୟାୟ ଆଲୋଚନା ସତ୍ତ୍ୱେ ସମ୍ପୂର୍ଣ୍ଣ ସେନା ପ୍ରତ୍ୟାହାର ହୋଇନାହିଁ। ଅଧିକାଂଶ ଅଞ୍ଚଳରୁ ସୈ

ଓ୍ବାଶିଂଟନ, ୩୧ା୭:ମେଲ୍‌ ଜରିଆରେ ଭୋଟ ହେଲେ ଜାଲିଆତି ସମ୍ଭାବନା ଥିବା ଆଶଙ୍କା କରି ନଭେମ୍ବର ମାସରେ ହେବାକୁ ଥିବା ନିର୍ବାଚନ ଘୁଞ୍ଚାଇବା ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ପ୍ରସ୍ତାବ ଦେଇଛନ୍ତି। ତେବେ ଜାଲିଆତି ହେବା ନେଇ ସେ କୌଣସି ପ୍ରମାଣ ଦେଇନାହାନ୍ତି। ଗୁରୁବାର ସକାଳେ ଟ୍ରମ୍ପ୍‌ ଟୁଇଟ୍‌ କରି କହିଥିଲେ, ମେଲ୍‌ ଜରିଆରେ ଭୋଟ ହେଲେ ବ୍ୟାପକ ଜାଲିଆତି ହୋଇପାରେ। ତେଣୁ ଲୋକେ ସୁରକ୍ଷିତ ଓ ନିରାପଦର ସହ ଭୋଟ ଦେବା ପର୍ଯ୍ୟନ୍ତ ଅପେକ୍ଷା କରାଯିବା ଉଚିତ ବୋଲି ସେ କହିଥିଲେ। କରୋନା ମହାମାରୀ ଆମେରିକାରେ ବଡ଼ ଚ୍ୟାଲେଞ୍ଜ ସୃଷ୍ଟି କରିଥିଲାବେଳେ ଇତିମଧ୍ୟରେ ରାଷ୍ଟ୍ରପତି ନିର୍ବାଚନ ହେବାକୁ ଯାଉଛି। ଭୋଟକେନ୍ଦ୍ରକୁ ଯାଇ ଭୋଟ ଦେଲେ କରୋନା ବ୍ୟାପିବା ସମ୍ଭାବନା ଥିବାରୁ ମେଲ୍‌ ଜରିଆରେ ଭୋଟ ଦେବାକୁ କେତେକ ରାଜ୍ୟ ଭୋଟିଂ ନିୟମରେ ପରିବର୍ତ୍ତନ କରିଛନ୍ତି। ତେବେ ଏଭଳି ଭୋଟିଂକୁ ନେଇ ଦ୍ୱନ୍ଦ୍ୱ ସୃଷ୍ଟି ହୋଇଛି। ଦ୍ୱିତୀୟ ତ୍ରୈମାସିକରେ ଆମେରିକାର ଅର୍ଥନୀତି ୩୨.୯ ପ୍ରତିଶତ ଖସିଥିବା ବାଣିଜ୍ୟ ବିଭାଗ ରିପୋର୍ଟ କରିବାର କିଛି ସମୟ ପରେ ଟ୍ରମ୍ପ୍‌ ଏଭଳି ଟୁଇଟ୍‌ କରିଛନ୍ତି। ସେହିପରି ଦେଶରେ ବେରୋଜଗାରୀ ବଢ଼ୁତ୍ଥବାରୁ ଅଧିକରୁ ଅଧିକ ଆମେରିକୀୟ ବେରୋଜଗାରୀ ସହାୟତା ପାଇବା ପାଇଁ ଚାହୁଁଥିବା ଶ୍ରମ ବିଭାଗ ପକ୍ଷରୁ କୁହାଯାଇଛି। ତେବେ ପୂର୍ବତନ ରାଷ୍ଟ୍ରପତି ଜନ୍‌ ଟାଇଲରଙ୍କ ଦ୍ୱାରା ସ୍ବାକ୍ଷରିତ ହୋଇଥିବା ଆଇ

ଅଯୋଧ୍ୟା,୩୧ା୭:ବହୁ ପ୍ରତୀକ୍ଷିତ ରାମମନ୍ଦିର ଭୂମିପୂଜା ଲାଗି ଯୁଦ୍ଧକାଳୀନ ଭିତ୍ତିରେ ପ୍ରସ୍ତୁତି ପର୍ବ ଚାଲିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫ରେ ସେଠାକୁ ଯିବାର କାର୍ଯ୍ୟକ୍ରମ ରହିଛି। ଏଭଳି ସ୍ଥିତିରେ ଅଯୋଧ୍ୟାର ରାମମନ୍ଦିର ନିକଟରେ କର୍ତ୍ତବ୍ୟରତ ୧୫ ପୋଲିସ ଓ ଜଣେ ପୂଜକଙ୍କୁ କରୋନା ହୋଇଥିବା ଜଣାପଡ଼ିଛି। ଏମାନଙ୍କ ରିପୋର୍ଟ ଗୁରୁବାର ପଜିଟିଭ୍‌ ଆସିଛି। ଦେଶର ବିଭିନ୍ନ କୋଣ ଅନୁକୋଣରେ ଥିବା ସାଧୁସନ୍ଥମାନଙ୍କୁ ଅଗଷ୍ଟ ୫ ପୂର୍ବାହ୍ନ ୧୧.୩୦ରୁ ଅପରାହ୍ନ ୧୨.୩୦ ପର୍ଯ୍ୟନ୍ତ ନିଜର ମଠ ଓ ମନ୍ଦିରରେ ପୂଜା କରିବା ଲାଗି ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ଅପିଲ କରାଯାଇଛି। ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାଇ ଭୂମିପୂଜାର ଲାଇଭ୍‌ ଟେଲିକାଷ୍ଟ ଟିଭିରେ ଦେଖିବା ସହ ଘରେ ସନ୍ଧ୍ୟାରେ ମାଟି ଦୀପ ଜାଳିବା ଲାଗି ଅନୁରୋଧ କରିଛନ୍ତି। ଅଗଷ୍ଟ ୫ ଉତ୍ସବରେ ଅଯୋଧ୍ୟା ଓ ବାରାଣସୀରୁ ୧୧ ପୂଜକ ପୂଜାର୍ଚ୍ଚନା କରିବାର କାର୍ଯ୍ୟକ୍ରମ ରହିଛି। ତେବେ କରୋନା ପଜିଟିଭ୍‌ ହୋଇଥିବା ପୂଜକ ପ୍ରଦୀପ ଦାସ ଏହି ପୂଜକମାନଙ୍କ ମଧ୍ୟରେ ନାହାନ୍ତି। ତେଣୁ କାର୍ଯ୍ୟକ୍ରମ ଲାଗି ବ୍ୟସ୍ତ ହେବାର ନାହିଁ ବୋଲି ମହନ୍ତ କମଳ ନୟନ ଦାସ ପ୍ରକାଶ କରିଛନ୍ତି। ୫ରେ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସମେତ ୨୦୦ ଭିଭିଆଇପି ଭୂମି ପୂଜା କାର୍ଯ୍ୟକ୍ରମରେ ଯୋଗଦେବାର କାର୍ଯ୍ୟକ୍ରମ ରହିଛି ବୋଲି ଟ୍ରଷ୍ଟ କୋଷାଧ୍ୟକ୍ଷ ସ୍ବାମୀ ଗୋବିନ୍ଦ

ଓ୍ବାଶିଂଟନ,୩୧ା୭( :ବିଶ୍ୱର ୪ ବଡ଼ କମ୍ପାନୀ ଆମାଜନ, ଆପଲ, ଫେସ୍‌ବୁକ୍‌ ଓ ଗୁଗଲର ପ୍ରଭାବଶାଳୀ କାର୍ଯ୍ୟନିର୍ବାହୀ ଅଧିକାରୀ (ସିଇଓ)ମାନଙ୍କୁ ଆମେରିକା କଂଗ୍ରେସ ପକ୍ଷରୁ ଘନ ଘନ ଜେରା କରାଯାଇଛି। ଟେକ୍ନୋଲୋଜି ଦୁନିଆର ପ୍ରତିଦ୍ୱନ୍ଦ୍ୱୀମାନଙ୍କୁ ଆଗକୁ ବଢ଼ିବାରେ ରୋକିବା ମାମଲାରେ କଂଗ୍ରେସରେ ବୁଧବାରଠାରୁ ଶୁଣାଣି ଚାଲିଛି। ଫଳରେ ଫେସ୍‌ବୁକ୍‌, ଆପଲ ଓ ଗୁଗଲ ଭଳି କମ୍ପାନୀଗୁଡ଼ିକୁ ନିଜ ଫର୍ମକୁ ନେଇ ସଂସଦର ଆଣ୍ଟାଇଟ୍ରଷ୍ଟ ସବ୍‌ କମିଟି ଆଗରେ ସଫେଇ ଦେବାକୁ ପଡ଼ିଛି। ଶୁଣାଣି ବେଳେ ଏହି ୪ କମ୍ପାନୀର ସିଇଓ ନିଜ ଉପରେ ଲାଗିଥିବା ବଳର ଅପବ୍ୟବହାର ସମ୍ପର୍କିତ ଅଭିଯୋଗ ବିରୋଧରେ ସଫେଇ ଦେଇଛନ୍ତି। ରିପବ୍ଲିକାନ୍‌ ଓ ଡେମୋକ୍ରାଟ୍ସ ସାଂସଦମାନେ ଦିଗ୍‌ଗଜ କମ୍ପାନୀଗୁଡ଼ିକର ସିଇଓମାନଙ୍କୁ ଗୁଡ଼ାଇତୁଡ଼ାଇ ଅନେକ ପ୍ରଶ୍ନ କରିଛନ୍ତି। ଏହି କମ୍ପାନୀଗୁଡ଼ିକ ନିଜ ଶକ୍ତିର ଅପବ୍ୟବହାର କରି ପ୍ରତିଦ୍ୱନ୍ଦ୍ୱୀମାନଙ୍କୁ ଦବାଉଛନ୍ତି। ଏହାସହ ଡାଟା ଏକତ୍ରିତ କରି ବହୁ ଲାଭ କମାଇଛନ୍ତି ବୋଲି ଏମାନଙ୍କ ବିରୋଧରେ ଅଭିଯୋଗ ରହିଛି। ଓ୍ବାଶିଂଟନ ପୋଷ୍ଟରେ ପ୍ରକାଶିତ ରିପୋର୍ଟ ଅନୁସାରେ ଏହି ଟେକ୍ନୋ ଜ୍ୟାଣ୍ଟମାନେ ଆଣ୍ଟାଇଟ୍ରଷ୍ଟ ସବ୍‌କମିଟି ଆଗରେ ଭିଡିଓ କନ୍‌ଫରେନ୍ସ ଜରିଆରେ ହାଜର ହୋଇଛନ୍ତି। ସେମାନଙ୍କୁ ପ୍ରାୟ ୬ ଘଣ୍ଟା ଧରି ଜେରା କରାଯାଇଛି। ସବ୍‌କମିଟି ଏହି ସମୟରେ ଅନେକ ଦସ୍ତାବିଜ ଉପସ୍ଥାପନ କରିଥିଲା। ସେମାନଙ୍କ ପାଖରେ ଅନେକ ଘଣ୍ଟ

କୋଭିଡ୍‌-୧୯ ମହାମାରୀ ଦ୍ୱାରା ସୃଷ୍ଟି ହୋଇଥିବା ଖର୍ଚ୍ଚର ଆବଶ୍ୟକତାକୁ ପୂରଣ କରିବା ପାଇଁ ଚଳିତମାସ ଆରମ୍ଭରେ ଅନେକ ଆର୍ଥିକ ସଂଯମ ବା ବ୍ୟୟସଂକୋଚମୂଳକ ପଦକ୍ଷେପ ଘୋଷଣା କରିବା ପରେ, ଆର୍ଥିକ ଅନଟନଗ୍ରସ୍ତ ରାଜ୍ୟ ସରକାର ପୁଣି ବିଭିନ୍ନ ହେଡ୍‌ରେ ଚଳିତ ବର୍ଷର ଆବଣ୍ଟିତ ବଜେଟ୍‌ ବ୍ୟୟ ହ୍ରାସ କରିଛନ୍ତି। ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଗତ ଫେବୃୟାରୀ ମାସରେ ୨୦୨୦-୨୧ ପାଇଁ ୧.୫୦ ଲକ୍ଷ କୋଟି ଟଙ୍କାର ରାଜ୍ୟ ବଜେଟ୍‌ ଉପସ୍ଥାପନ କରିଥିଲେ, ଯାହା ୨୦୧୯-୨୦ର ସଂଶୋଧିତ ଆକଳନଠାରୁ ୧୧ ପ୍ରତିଶତ ଅଧିକ। ବଜେଟ୍‌ରେ ଯେଉଁସବୁ ଲକ୍ଷ୍ୟ ଥିଲା ସେଗୁଡିକ ୧,୨୪,୫୫୦ କୋଟି ଟଙ୍କାର ରାଜକୋଷୀୟ ଆୟ ଏବଂ ୨୪,୪୫୦ କୋଟି ଟଙ୍କାର ଋଣ ମାଧ୍ୟମରେ ପୂରଣ ହେବ ବୋଲି ଆଶା କରାଯାଇଥିଲା। କିନ୍ତୁ ଅର୍ଥନୈତିକ ମାନ୍ଦାବସ୍ଥା ଅର୍ଥନୀତି ଉପରେ କୁପ୍ରଭାବ ପକାଇଲା ଏବଂ ତା’ପରେ ଯେତିକି ଅର୍ଥନୈତିକ କାର୍ଯ୍ୟକଳାପ ଚାଲିଥିଲା କୋଭିଡ୍‌-୧୯ ତାକୁ ପୂରା ମାରିଦେଲା। ଗତ ଏପ୍ରିଲ ଓ ମେ ମାସରେ ଆଭ୍ୟନ୍ତରୀଣ ଉତ୍ସରୁ ରାଜସ୍ବ ଆୟ ୭୦% ହ୍ରାସ ପାଇଛି। ବାର୍ଷିକ ରାଜସ୍ବ ସଂଗ୍ରହରେ ଏହା ୨୦ ପ୍ରତିଶତ ହ୍ରାସ ଘଟାଇବ। ଏଥିସହ କେନ୍ଦ୍ର ସରକାର ବିଭିନ୍ନ ହେଡ୍‌ରେ ରାଜ୍ୟ ସରକାରଙ୍କୁ ଯେଉଁ ସହାୟତା ଯୋଗାଇଥାନ୍ତି, ତାକୁ ହ୍ରାସ କରିପାରନ୍ତି। ଏଭଳି କଠିନ ସମୟରେ ରାଜ୍ୟ ସରକାର ଖର୍ଚ୍ଚକାଟ କରିବା ଏବଂ ବଜେଟ ବ୍ୟୟ ହ୍ରାସ କରିବା ବ୍ୟତୀତ ଅନ୍ୟ କୌଣସି ଉପାୟ ନାହିଁ।

ପ୍ରତୀକ ଦାଶ ଦେଶର ବିଭିନ୍ନ କୋର୍ଟରେ ଏବେ ପ୍ରାୟ ୩ କୋଟି ୨୦ଲକ୍ଷ ମାମଲା ବିଚାରାଧୀନ ଭାବେ ପଡ଼ିରହିଛି। ସେଥିରୁ ପ୍ରାୟ ଅଧା (୪୬%) ହେଉଛି କେନ୍ଦ୍ର କିମ୍ବା ରାଜ୍ୟ ସରକାରଙ୍କ ସହ ଜଡ଼ିତ ମାମଲା। କେନ୍ଦ୍ର ଆଇନ ଓ ନ୍ୟାୟ ମନ୍ତ୍ରଣାଳୟ ରିପୋର୍ଟରୁ ଏକଥା ଜଣାପଡ଼ିଛି। ସେଥିରେ କୁହାଯାଇଛି ଯେ, କେନ୍ଦ୍ର ସରକାର ପ୍ରାୟ ୧ଲକ୍ଷ ୩୫ହଜାର ୬୦ଟି ମାମଲାରେ ଜଡ଼ିତ। ଭାରତରେ ପ୍ରାୟ ୧୩୦ କୋଟି ଲୋକ ଥିବାବେଳେ ସେମାନଙ୍କ ତୁଳନାରେ କୋର୍ଟ ଓ ବିଚାରପତିଙ୍କ ସଂଖ୍ୟା ବହୁତ କମ୍‌। ତଳକୋର୍ଟରେ ସବୁଠାରୁ ଅଧିକ ମାମଲା ପଡ଼ି ରହିଛି। ଫଳରେ ସାଧାରଣ ଗରିବ ଲୋକଟିକୁ ତ୍ୱରିତ୍‌ ନ୍ୟାୟ ମିଳିପାରୁ ନାହିଁ। ନ୍ୟାୟ ପାଇବା ଲାଗି ବହୁ ବର୍ଷ ଲାଗିଯାଉଛି। ବିଚାରାଧୀନ ରହିଥିବା ମାମଲା ମଧ୍ୟରୁ ରେଳ ମନ୍ତ୍ରଣାଳୟ ସହ ଜଡ଼ିତ ମାମଲାର ସଂଖ୍ୟା ହେଉଛି ୬୬,୬୮୫। ସେଥିରୁ ୧୦,୪୬୪ ମାମଲା ହେଉଛି ୧୦ ବର୍ଷରୁ ଅଧିକ ପୁରୁଣା। ସେହିଭଳି ଅନ୍ୟ ପାଞ୍ଚଟି ମନ୍ତ୍ରଣାଳୟ ସହ ଜଡ଼ିତ ମାମଲାର ସଂଖ୍ୟା ମଧ୍ୟ ଯଥେଷ୍ଟ ଅଧିକ ରହିଛି। ଅର୍ଥ ମନ୍ତ୍ରଣାଳୟ ସହ ଜଡ଼ିତ ମାମଲା ସଂଖ୍ୟା ୧୫,୬୫୧ ରହିଥିଲାବେଳେ ଯୋଗାଯୋଗ ମନ୍ତ୍ରଣାଳୟ ସହ ଜଡ଼ିତ ମାମଲା ସଂଖ୍ୟା ୧୨,୫୪୨, ସ୍ବରାଷ୍ଟ ମନ୍ତ୍ରଣାଳୟର ୧୧,୬୬୮, ପ୍ରତିରକ୍ଷାର ୩,୪୩୩ ଏବଂ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ସହ ଜଡ଼ିତ ମାମଲାର ସଂଖ୍ୟା ରହିଛି ୩,୨୭୫। ସୁପ୍ରିମ୍‌କୋର୍ଟରେ ବର୍ତ୍ତମାନ ୬୦,୭୫୦ଟି ମାମଲ

ଡ. ହରିଶରଣ ମହାରାଜ ବୃକ୍ଷ ସମଗ୍ର ଜୀବଜଗତର ଉପକାର କରିଥାଏ। ”ପରୋପକାରାୟ ବହନ୍ତି ନଦ୍ୟଃ, ପରୋପକାରାୟ ଫଳନ୍ତି ବୃକ୍ଷାଃ, ପରୋପକାରାୟ ଦୁହ୍ୟନ୍ତି ଗାବୋ ପରୋପକାରାର୍ଥମିଦଂ ଶରୀରମ୍‌। (ମାଣ୍ଡବ୍ୟ ସଂହିତା)। ତାଦୃଶ୍ୟ ଗୋଟିଏ ବୃକ୍ଷ ତା’ର ଜୀବଦ୍ଦଶା କାଳରେ ଔଷଧ, ଖାଦ୍ୟ, ଜଳସଂରକ୍ଷଣ, ମୃତ୍ତିକା ସଂରକ୍ଷଣ, ଜାଳେଣି, ଅମ୍ଳଜାନଯୁକ୍ତ ବିଶୁଦ୍ଧ ବାୟୁ ପ୍ରଦାନ, ପକ୍ଷୀ ଜଗତକୁ ମନୋମୟ ଖାଦ୍ୟ, ବାସ ଯୋଗାଇଥାଏ। ସୁତରାଂ ଅଧିକମାତ୍ରା ଓ ବିଚ୍ଛିନ୍ନତାର ବନରାଜି ସ୍ଥିତି ହିଁ ଜୀବଜଗତର ‘ପ୍ରାକୃତିକ ପୋଷଣୀୟ’ର ସହାୟକ ହୋଇଥାଏ। ସଂପ୍ରତି ଜଙ୍ଗଲ ସୁରକ୍ଷା ଏକ ମହତ୍ତ୍ୱପୂର୍ଣ୍ଣ ତଥା ସମୟୋପଯୋଗୀ ଆହ୍ବାନ। କାରଣ ଏହି ସମ୍ପଦର କୌଣସି ବିକଳ୍ପ ନାହିଁ। ବର୍ତ୍ତମାନ ଉଜୁଡ଼ା ଜଙ୍ଗଲର ପୁନରୁଦ୍ଧାର ଏବଂ ନୂତନ ଜଙ୍ଗଲ ସୃଷ୍ଟି ନିମନ୍ତେ ସରକାର, ଏନ୍‌ଜିଓ, ସାମାଜିକ କର୍ମକର୍ତ୍ତା, ଆୟୁର୍ବେଦାଚାର୍ଯ୍ୟ, ବୃକ୍ଷପ୍ରେମୀ, ବନପ୍ରେମୀ ଆଗେଇ ଆସିବାର ସମୟ ଆସିଛି। ବିଶ୍ୱରେ ଶିଳ୍ପାୟନ ପ୍ରଗତି ନାମରେ ପ୍ରତିବର୍ଷ ୩୨୦ ଲକ୍ଷ ଏକର ଜଙ୍ଗଲ ଅବିଚାରିତ ଭାବେ ଧ୍ୱଂସ ପାଇଚାଲିଛି। ଏହି ଧାରା ଅବ୍ୟାହତ ରହିଲେ ପୃଥିବୀ କ୍ରମଶଃ ମରୁଭୂମିରେ ପରିଣତ ହେବ। ଅଙ୍ଗାରକାମ୍ଳ ଗ୍ୟାସ୍‌ ଆତଙ୍କ ସୃଷ୍ଟି ହେବା ସହିତ ଜଙ୍ଗଲ ଉପରେ ନିର୍ଭରଶୀଳ ୮୦ପ୍ରତିଶତ ପଶୁପକ୍ଷୀ ନିଶ୍ଚିହ୍ନ ହେବାର ସମ୍ଭାବନା ରହିଛି। ବର୍ତ୍ତମାନ ସମଗ୍ର ବିଶ୍ୱର ଜନସଂଖ୍ୟା ପ୍ରାୟ ୭୦୦ କୋଟି।

ଅରୁଣାଚଳପ୍ରଦେଶ ନାମଶାଇ ଜିଲାର ଚକମା ଗାଁର ଲୋକମାନେ ନିଜସ୍ବ ଉଦ୍ୟମରେ ବେରେଙ୍ଗ ନଦୀ ଉପରେ କାଠ ପୋଲ ନିର୍ମାଣ କରିଛନ୍ତି। ଏହି ଗାଁରେ ପ୍ରାୟ ୫,୨୦୦ ଚକମା ଆଦିବାସୀ ରହନ୍ତି। ବଙ୍ଗବିଭାଜନ ବେଳେ ଶରଣାର୍ଥୀ ଭାବେ ଏମାନଙ୍କୁ ଭାରତ ସରକାର ଥଇଥାନ କରିଥିଲେ। ୫୦ ବର୍ଷ ପରେ ଭୋଟଦାନ ଓ ସରକାରୀ ଚାକିରିରୁ ବଞ୍ଚତ୍ତ ତଥା ପଞ୍ଚାୟତିରାଜ ବ୍ୟବସ୍ଥାରୁ ଦୂରରେ ରହିଛନ୍ତି ଏହି ଆଦିବାସୀମାନେ। ସବୁ କାର୍ଯ୍ୟରେ ଏମାନେ ବେରେଙ୍ଗ ନଦୀ ପାର ହୋଇ ଗୁନାନଗର ଯାଇଥାନ୍ତି। ବର୍ଷାଦିନେ ଏହି ନଦୀ ଗମନାଗମନକୁ ବିଚ୍ଛିନ୍ନ କରେ। ଏମାନେ ମେଡିକାଲ ବି ଯାଇପାରନ୍ତିନି। ପିଲାମାନେ ଯାତାୟାତ ଅଭାବରୁ ବି ପଢ଼ା ଛାଡ଼ି ଦେଉଛନ୍ତି। ୧୫ ବର୍ଷ ଧରି ବେରେଙ୍ଗ ନଦୀ ଉପରେ ପୋଲ ନିର୍ମାଣ କରିବା ଲାଗି ସରକାରଙ୍କୁ ଜଣାଇବା ପରେ କୌଣସି ସୁଫଳ ନ ମିଳିବାରୁ ଗ୍ରାମବାସୀମାନେ ୨ ମାସ ମଧ୍ୟରେ ଏକ କାଠ ପୋଲ ନିର୍ମାଣ କରିପାରିଛନ୍ତି। ଏହା ଚକମା ୟୁଥ୍‌ ଓ୍ବେଲ୍‌ଫେୟାର ଆସୋସିଏଶନ ତତ୍ତ୍ୱାବଧାନରେ କରାଯାଇଛି। ଏଥିପାଇଁ ପଡ଼ୋଶୀ ଗାଁର ଖମ୍ପିତି ସମ୍ପ୍ରଦାୟ ଆଦିବାସୀମାନେ ୫୧,୦୦୦ ଟଙ୍କା ଦାନ କରିଛନ୍ତି। ଲକ୍‌ଡାଉନ ଲାଗୁ ହେବା ପରେ ଏମାନେ କାମ ଆରମ୍ଭ କରିଥିଲେ ଓ ୧୫୪ ଫୁଟ ଲମ୍ବର କାଠ ପୋଲ ମେ’ ଶେଷ ସୁଦ୍ଧା ଶେଷ କରିଦେଇଛନ୍ତି। ଏଥିପାଇଁ ୪.୮୫ ଲକ୍ଷ ଟଙ୍କା ବ୍ୟୟ ହୋଇଛି। ସବୁ ଟଙ୍କା ଗ୍ରାମବାସୀମାନେ ହିଁ ଦେଇଛନ୍ତି। The post ଏଇ ଭାରତରେ appeared firs

ଓ୍ବାଶିଂଟନ,୩୧ା୭:ପର୍ସିଭରାନ୍ସ ୭ ମାସ ପରେ ମଙ୍ଗଳରେ ଅବତରଣ କରିବ। ୩.୫୦୦ ବିଲିୟନ ବର୍ଷ ପୂର୍ବେ ଲାଲ୍‌ଗ୍ରହରେ ଥିବା ଜେଜିରୋ ହ୍ରଦ ଏକ ବୃହତ୍‌ ଗର୍ତ୍ତରେ ପରିଣତ ହୋଇଛି। ୮୨୦ ଫୁଟ୍‌ ଗଭୀର ଏହି ଗର୍ତ୍ତରେ ପର୍ସିଭରାନ୍ସ ଅତୀତର ସମ୍ଭାବ୍ୟ ସୂକ୍ଷ୍ମ ଜୀବସତ୍ତା ଅନ୍ବେଷଣ କରିବ। ଆମେରିକାର ମହାକାଶ ଗବେଷଣା ସଂସ୍ଥା ନାସା ଏହାର ମାର୍ସ ୨୦୨୦ ପର୍ସିଭରାନ୍ସ ରୋଭର ମିଶନକୁ ମଙ୍ଗଳ ଅଭିମୁଖେ ପ୍ରେରଣ କରିଛି। ଫ୍ଲୋରିଡାଥର କେପ୍‌ କାନାଭେରାଲ ଏୟାରଫୋର୍ସ ଷ୍ଟେଶନରୁ ରକେଟ ଆଟଲାସ୍‌ ଭି-୫୪୧ ଜରିଆରେ ଗୁରୁବାର ଅପରାହ୍ନ ୫ଟା ୨୦ ମିନିଟରେ ଏହାକୁ ଉତ୍‌କ୍ଷେପଣ କରି ଆଉ ଏକ ମଙ୍ଗଳ ଅଭିଯାନର ଶୁଭାରମ୍ଭ କରାଯାଇଛି। ୩୦୦ ନିୟୁତ ମାଇଲ ଯାତ୍ରା କରି ୭ ମାସ ପରେ ଏହା ମଙ୍ଗଳରେ ପହଞ୍ଚତ୍ବ। ପଡ଼ୋଶୀ ଗ୍ରହକୁ ଯାଇଥିବା ଏହି ମିଶନରେ ଏକ ରୋଭର ଓ ହେଲିକପ୍ଟର ରହିଛି। ଏହି ସ୍ପେସ୍‌କ୍ରାଫ୍ଟ ଆସନ୍ତା ବର୍ଷ ଫେବୃୟାରୀରେ ମଙ୍ଗଳରେ ପହଞ୍ଚତ୍ବ। ସେହିପରି ପର୍ସିଭରାନ୍ସ ରୋଭର ୨୦୨୧ ଫେବୃୟାରୀ ୧୮ରେ ଜେଜିରୋ କ୍ରାଟରକୁ ଛୁଇଁବ ବୋଲି ଆଶା କରାଯାଉଛି। ସାଙ୍ଗରେ ଯାଇଥିବା ଇନ୍‌ଜେନୁଇଟି ହେଲିକପ୍ଟର ଅନ୍ୟ ଗ୍ରହକୁ ଯାଇ ଡଡ଼ାଣ କରିବାରେ ପ୍ରଥମ ହେଲିକପ୍ଟର ବା ଏକ ଫ୍ଲାଇଂ ରୋବଟ ହେବ। ଏହି ମିଶନରେ ଅର୍ବିଟର ବ୍ୟବସ୍ଥା କରାଯାଇ ନାହିଁ। ଆଷ୍ଟ୍ରୋବାଇଓଲୋଜି ଉପରେ ଗୁରୁତ୍ୱ ଦେବା ଏବଂ ଅତୀତ କିମ୍ବା ବର୍ତ୍ତମାନ ମଙ୍ଗଳରେ ଜୀବସତ୍ତାର ପ୍ରମାଣ ଖୋଜି

ନୂଆଦିଲ୍ଲୀ, ୩୧ା୭(ପି.ଟି.):ପ୍ରତିରକ୍ଷା ଦୁର୍ନୀତି ମାମଲାରେ ଦୋଷୀସାବ୍ୟସ୍ତ ସମତା ପାର୍ଟିର ପୂର୍ବତନ ଅଧ୍ୟକ୍ଷା ଜୟା ଜେଟ୍‌ଲୀ ଓ ଅନ୍ୟ ଦୁଇଜଣଙ୍କୁ ଦିଲ୍ଲୀର ଏକ ଅଦାଲତ ଗୁରୁବାର ୪ ବର୍ଷ ଜେଲ୍‌ ଦଣ୍ଡାଦେଶ ଶୁଣାଇଛନ୍ତି। ୨୦୦୦-୦୧ରେ ପ୍ରତିରକ୍ଷା ସାମଗ୍ରୀ କିଣାରେ ଦୁର୍ନୀତି ଅଭିଯୋଗ ହୋଇଥିଲା। ଏହି ପ୍ରତିରକ୍ଷା ଚୁକ୍ତିନାମାରେ ଦେଶର ସମଗ୍ର ପ୍ରତିରକ୍ଷା ବ୍ୟବସ୍ଥା ସହ ସାଲିସ୍‌ କରାଯାଇଥିଲା ବୋଲି ସ୍ବତନ୍ତ୍ର ସିବିଆଇ ଜଜ୍‌ ବୀରେନ୍ଦର ଭଟ୍ଟ କହିବା ସହ ଏହି ମାମଲାରେ ଜୟାଙ୍କ ପୂର୍ବତନ ଦଳୀୟ ସହକର୍ମୀ ଗୋପାଳ ପଚେରଓ୍ବାଲ ଏବଂ ଅବସରପ୍ରାପ୍ତ ମେଜର ଜେନେରାଲ ଏସ୍‌.ପି. ମୁର୍ଗାଇଙ୍କୁ ମଧ୍ୟ ୪ ବର୍ଷ ଲେଖାଏ ଜେଲ୍‌ଦଣ୍ଡାଦେଶ ଦେଇଛନ୍ତି। ପ୍ରତିରକ୍ଷା ବିଭାଗ ଦେଶର ସ୍ବାଧୀନତା ଓ ସାର୍ବଭୌମତ୍ୱ ସହ ସିଧାସଳଖ ଜଡ଼ିତ ହୋଇଥିବାରୁ ଏଥିରେ କୌଣସି ପ୍ରକାର ଦୁର୍ନୀତିକୁ ବରଦାସ୍ତ କରାଯିବନି। ଦୋଷୀସାବ୍ୟସ୍ତ ବ୍ୟକ୍ତିମାନେ କରିଥିବା ଅପରାଧ ଅତି ଗର୍ହିତ ବୋଲି ଅଦାଲତ କହିଛନ୍ତି। କ୍ୟାମେରା ଆଗରେ ମାମଲାର ଶୁଣାଣି ଓ ଦଣ୍ଡବିଧାନ କରାଯାଇଥିଲା। ୩ ଦୋଷୀଙ୍କୁ ୧ ଲକ୍ଷ ଟଙ୍କା ଲେଖାଏ ଜରିମାନା ଦାଖଲ କରିବା ସହ ଗୁରୁବାର ଅପରାହ୍ନ ୫ଟା ପୂର୍ବରୁ କୋର୍ଟରେ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦିଆଯାଇଛି। ପରେ ସ୍ବତନ୍ତ୍ର ସିବିଆଇ କୋର୍ଟଙ୍କ ଦଣ୍ଡାଦେଶ ଉପରେ ଦିଲ୍ଲୀ ହାଇକୋର୍ଟ ସ୍ଥଗିତାଦେଶ ଜାରି କରିଛନ୍ତି। ଫଳରେ ଜୟାଙ୍କୁ ବଡ଼ ଆଶ

ଭୁବନେଶ୍ୱର,୩୧ା୭(ବ୍ୟୁରୋ):ରାଜ୍ୟବାସୀଙ୍କୁ ଉନ୍ନତମାନର ବିଦ୍ୟୁତ୍‌ ସେବା ଯୋଗାଇ ଦେବାକୁ ରାଜ୍ୟ ସରକାର ବିଦ୍ୟୁତ୍‌ ବ୍ୟବସ୍ଥାକୁ ଘରୋଇକରଣ କରିଛନ୍ତି। ଗତ ଶତାବ୍ଦୀର ୮୦ ଦଶନ୍ଧିରୁ ଆରମ୍ଭ ହୋଇଥିବା ଏହି ପ୍ରୟାସ ବାରମ୍ବାର ଗୋଟିଏ ପ୍ରକାର ଫଳ ଦର୍ଶାଉଛି। କରଦାତାଙ୍କ ଅର୍ଥରେ ସୃଷ୍ଟି ହୋଇଥିବା ବିରାଟକାୟ ବିଦ୍ୟୁତ୍‌ ଭିତ୍ତିଭୂମିକୁ ବ୍ୟବହାର କରି ଘରୋଇ କମ୍ପାନୀଗୁଡ଼ିକ ଲୁଟ୍‌ କରି ରାଜ୍ୟ ଛାଡ଼ି ପଳାଉଛନ୍ତି। ଏହି ନାଟକ ଆମେରିକା କମ୍ପାନୀ ଏଇଏସ୍‌ ଠାରୁ ଆରମ୍ଭ ହୋଇଥିଲା। ମଝିରେ ରିଲାଏନ୍ସ(ବିଏସ୍‌ଇସ୍‌) ପଶିଆସିଥିଲା। ଏବେ ସେହି ଆସନରେ ଟାଟା ଆସି ବସିଛି। ଟାଟା ପାୱାର ଏବେ ସେସୁକୁ ହାତେଇ ନେଇଛି। ୧ ଟଙ୍କା ବିନିଯୋଗ ନ କରି ଟାଟା କମ୍ପାନୀ ଗତ ଜୁନ୍‌ ମାସରୁ ଗ୍ରାହକଙ୍କ ଠାରୁ ଅର୍ଥ ଆଦାୟ ଆରମ୍ଭ କରିଦେଲାଣି। ମାତ୍ର ୨ ମାସ ବିତି ନ ଥିବା ବେଳେ ଟାଟା ପାୱାର ନିଜେ ରାଜି ହୋଇଥିବା ତା’ର ମୂଳ ସର୍ତ୍ତାବଳୀ ସହିତ ଅସନ୍ତୋଷ ପ୍ରକାଶ କଲାଣି। ସେଥିପାଇଁ ଟାଟା ଏବେ ଓଡ଼ିଶା ବିଦ୍ୟୁତ୍‌ ନିୟାମକ ଆୟୋଗ (ଓଇଆର୍‌ସି)ଙ୍କ ଦ୍ୱାରସ୍ଥ ହେଲାଣି। ଏହି ଆବେଦନ ଉପରେ ଜୁଲାଇ ୨୮ରେ ଶୁଣାଣି ହେବାର ଥିଲା। ହେଲେ ଓଇଆର୍‌ସି ଏହାକୁ ଆସନ୍ତା ସେପ୍ଟେମ୍ବର ପହିଲାକୁ ଘୁଞ୍ଚାଇ ଦେଇଛନ୍ତି। ତେବେ ଶୁଣାଣି ବେଳେ ଓଇଆର୍‌ସିଙ୍କ ନିଷ୍ପତ୍ତିି ରାଜ୍ୟବାସୀଙ୍କ ସପକ୍ଷରେ ଯିବ ନା ଟାଟା କମ୍ପାନୀ ପକ୍ଷରେ ଯିବ ତାହା ଉପରେ ସମସ୍ତଙ୍କ ନଜର ରହିଛ

The post ଧରିତ୍ରୀ କାର୍ଟୁନ – Dharitri Cartoon appeared first on Dharitri Odia News .

ବାରିପଦା ଅଫିସ, ୩୧ା୭- ପରିବେଶ ପ୍ରତି ଦୁର୍ବଳତା ରହିଛି ତାଙ୍କର। ସେଥିପାଇଁ ନିଜ ଛାତ ଉପରେ ତିଆରି କରିଛନ୍ତି ସୁନ୍ଦର ବଗିଚା। ଏହି ବଗିଚାରେ ଭଳିକି ଭଳିି ଫୁଲ ଓ ଫଳ ସାଙ୍ଗକୁ ରହିଛି ପନପରିବା ଗଛର ସମ୍ଭାର। ଏହି ବଗିଚାକୁ ଦେଖିଲେ ଯେ କେହି ବି କ୍ଷଣିକ ପାଇଁ ଅଟକିଯିବେ। ଛାତ ଉପରେ ଏହିଭଳି ବଗିଚା ତିଆରି କରିଛନ୍ତି ବାରିପଦା ପୌରପରିଷଦ ଅଧୀନ ୫ନଂ. ୱାର୍ଡ଼ ସୁରୂପନଗର ବାସିନ୍ଦା ଧରଣୀ କୁମାର ଦେ। ଏହି ବଗିଚାକୁ ଦେଖିଲେ ଜଣାପଡ଼େ ଧରଣୀଙ୍କ ପରିବେଶ ପ୍ରତି ଭଲ ପାଇବା କେତେ। ସପେଟା, ପିଜୁଳି, ଆମ୍ବ, ନଡ଼ିଆ, ଡାଳିମ୍ବ, ବରକୋଳି, ଲେମ୍ବୁ, ଭେଣ୍ଡି, ପୋଇ, ପୋଟଳ, ଗୋଲାପ, ଗେଣ୍ଡୁ ଫୁଲ, ଧନିଆ ପତ୍ର, ଲଙ୍କା ଆଦି ୪୦ରୁ ଉର୍ଦ୍ଧ୍ୱ ବିଭିନ୍ନ ଫୁଲ, ଫଳ ଓ ପନିପରିବା ଗଛ ଲଗାଇଛନ୍ତି। କେବଳ ସେତିକ ନୁହେଁ ଥାଲକୁଡ଼ି, ଅଶ୍ୱଗନ୍ଧା ଭଳି ଔଷଧିୟ ବୃକ୍ଷ ମଧ୍ୟ ଲଗାଇଛନ୍ତି ସେ। ଧରଣୀ କୁହନ୍ତି ଯେ, ପିଲାଦିନୁ ଗଛ ପ୍ରତି ତାଙ୍କର ଦୁର୍ବଳତା ଥିଲା। ସହରରେ ରହୁଥିବା ହେତୁ ଗଛ ଲଗାଇବା ପାଇଁ ଜାଗାର ଅଭାବ ଦେଖାଦେଲା। ତେଣୁ ଛାତ ଉପରେ ସେ ବଗିଚା କରିବା ପାଇଁ ନିଷ୍ପତ୍ତି ନେଇଥିଲେ। ପ୍ରଥମେ ମାଟି କୁଣ୍ଡରେ ବିଭିନ୍ନ ଗଛ ଲଗାଇଥିଲେ। ମାତ୍ର ମାଟିକୁଣ୍ଡ ଅଳ୍ପ ଦିନ ପରେ ନଷ୍ଟ ହୋଇଯାଉଥିଲା। ଏବେ ସେ ପ୍ଲାଷ୍ଟିକ୍‌ କୁଣ୍ଡରେ ବିଭିନ୍ନ ପ୍ରକାର ଗଛ ଲଗାଇଛନ୍ତି। ବଜାରରେ ମିଳୁଥିବା ପନିପରିବାରେ ରାସାୟନିକ ସାର ଦିଆଯାଉଥିବା ବେଳେ ତାହା

ସିମୁଳିଆ, ୩୧ା୭(ଡି.ଏନ.ଏ.)-ବାଲେଶ୍ୱର ଜିଲା ସିମୁଳିଆ ବ୍ଲକ କହ୍ନେଇବିନ୍ଧା ପଞ୍ଚାୟତ ଅଧୀନ କଇଁଶୀ ଗ୍ରାମର ସୁରେନ୍ଦ୍ର ପ୍ରସାଦ ସେନାପତି(୬୫) ଲେମ୍ବୁଚାଷ କରି ବାର୍ଷିକ ୮୦ହଜାର ଟଙ୍କା ଆୟ କରୁଛନ୍ତି। ଏହି ଟଙ୍କାରେ ତାଙ୍କ ଖର୍ଚ୍ଚ ଉଠିଯାଉଥିବାରୁ ଆତ୍ମସନ୍ତୋଷ ମିଳୁଥିବା ସେ ପ୍ରକାଶ କରିଛନ୍ତି। ସୁରେନ୍ଦ୍ର କୁହନ୍ତି, ବେତଡା ହାଇସ୍କୁଲରୁ ମାଟ୍ରିକ ପାସ୍‌ କରିବା ପରେ ଘରର ୯ ଏକର ଜମିର ଦାୟିତ୍ୱ ନେଇ ଧାନ ଚାଷ ଆରମ୍ଭ କରିଥିଲେ ା ତାଙ୍କ ବାପା ଉପେନ୍ଦ୍ର ଓ ବଡବାପା ସୁଦର୍ଶନ ଘର ପାଖ ବାଡିରେ କିଛି ଲେମ୍ବୁ ଚାରା ଲଗାଇଥିଲେ ା ପରେ ଏହା ପ୍ରତ୍ୟେକ ଡାଳରୁ ଚେର କାଢି କ୍ରମଶଃ ବଢି ବଢି ୩ଶହ ଗଛରେ ପହଞ୍ଚିଛି। ତେବେ ଆଗପଛ ହୋଇ ଡିସେମ୍ବରରୁ ଲେମ୍ବୁଗଛରେ ଫୁଲ ଆସି ଫଳ ଧରେ ା ଏପ୍ରିଲରୁ ଲେମ୍ବୁ ବିକ୍ରି ଆରମ୍ଭ ହୋଇଥାଏ ା ଶହେ ଲେମ୍ବୁର ଦାମ ଶହେରୁ ଦେଢଶହ ଟଙ୍କାରେ ବିକ୍ରୀ ହୋଇଥାଏ ା ବାର୍ଷିକ ପ୍ରାୟ ୧୫ହଜାର ଟଙ୍କା ଖର୍ଚ୍ଚ କରି ଏଥିରୁ ସେ ୮୦ହଜାର ଟଙ୍କା ଲାଭ କରୁଛନ୍ତି। ଲେମ୍ବୁ ବଗିଚା ମଧ୍ୟରେ ସେ ଲଙ୍କା, କଦଳୀ ଇତ୍ୟାଦି ବିଭିନ୍ନ କିସମର ଫସଲ କରିଛନ୍ତି। ତେବେ ଲେମ୍ବୁ ଚାଷର କିଛି ନିୟମ ରହିଥିବା କହନ୍ତି ସୁରେନ୍ଦ୍ର ା ବଗିଚା ମଧ୍ୟକୁ ବାହାର ଲୋକମାନଙ୍କୁ ପଶିବା ମନା ା ଲେମ୍ବୁ ମଧ୍ୟ ସେ ନିଜେ ଏକା ତୋଳି ବେପାରୀମାନଙ୍କୁ ଦେଇଥାଆନ୍ତି ା କେବଳ କାମ ସମୟରେ କେତେକ ଶ୍ରମିକ ଭିତରେ ପଶି ବାଡି କାମ କରିଥାଆନ୍ତି।

ହିଞ୍ଜିଳିକାଟୁ, ୩୧ା୭(ଡ଼ି.ଏନ୍‌.ଏ.)- କୋଭିଡ୍‌ ନିୟମ ଉଲ୍ଲଂଘନ କରି ହିଞ୍ଜିଳିକାଟୁ ଥାନା ତଥା ପୁରୁଷୋତ୍ତମପୁର ବ୍ଲକ ଅନ୍ତରିଗାଁରେ ରବିବାର କ୍ରିକେଟ ଟୁର୍ନାମେଣ୍ଟ ଆୟୋଜନ ହୋଇଥିଲା। ଏଥିରେ ଅନ୍ତରିଗାଁ ସରପଞ୍ଚ ମୁଖ୍ୟ ଅତିଥି ହୋଇ ଟୁର୍ନାମେଣ୍ଟ ଉଦ୍‌ଘାଟନ କରିବା ଫଟୋ ଭାଇରାଲ ହୋଇଥିଲା। ସୋମବାର ପୁରୁଷୋତ୍ତମପୁର ତହସିଲଦାର ଅରୁଣ କୁମାର ନାୟକ ଅନ୍ତରିଗାଁରେ ପହଞ୍ଚି ଘଟଣାର ଅନୁସନ୍ଧାନ କରିଥିଲେ। ବୁଧବାର ତହସିଲଦାର ନାୟକ ହିଞ୍ଜିିଳି ଥାନାରେ ସରପଞ୍ଚ ରମେଶ ବେହେରାଙ୍କ ସମେତ ଅନ୍ୟମାନଙ୍କ ନାମରେ ଏତଲା ଦେଇଥିଲେ। ଏତଲାକୁ ଭିତ୍ତିକରି ପୋଲିସ ଟୁର୍ନାମେଣ୍ଟ ଆୟୋଜନ କରିଥିବା ପ୍ରାୟ ୧୯ଜଣଙ୍କୁ ଥାନାକୁ ଆଣି ପଚରାଉଚୁରା କରିଛି। ସେମାନଙ୍କ ଠାରୁ ୨୧ହଜାର ଟଙ୍କା ଜରିମାନା ଆଦାୟ କରାଯାଇଛି। କାହାରିକୁ ଗିରଫ କରାଯାଇନାହିଁ। ଏ ନେଇ ନଂ.୨୬୩/୨୦ରେ ମାମଲା ରୁଜୁ ହୋଇଥିବା ଆଇଆଇସି ଅଭିମନ୍ୟୁ ଦାସ କହିଛନ୍ତି। The post ଏତଲା ଦେଲେ ତହସିଲଦାର, ଜରିମାନା ଆଦାୟ କରୋନାରେ କ୍ରିକେଟ ଟୁର୍ନାମେଣ୍ଟ appeared first on Dharitri Odia News .

ନୂଆଦିଲ୍ଲୀ,୩୧।୭-କରୋନା ଦେଶର ଅର୍ଥ ବ୍ୟବସ୍ଥା ଉପରେ ଗଭୀର ପ୍ରଭାବ ପକାଇଛି। ସରକାରଙ୍କ ଟିକସ ଜନିତ ଆୟ ବର୍ତ୍ତମାନ କମିଛି। ଫଳରେ ରାଜ୍ୟଗୁଡିକର ଅଂଶ ପ୍ରଦାନ କରିବା ଦିଗରେ ବର୍ତ୍ତମାନ କଷ୍ଟକର ହେଉଛି। ମହାରାଷ୍ଟ୍ର ଏବଂ ଗୁଜରାଟ ଭଳି ବଡ ବଡ ରାଜ୍ୟକୁ ବାଦ୍‌ ଦେଲେ ଅଧିକାଂଶ ରାଜ୍ୟଗୁଡ଼ିକର ଆୟ କେନ୍ଦ୍ରଠାରୁ ମିଳୁଥିବା ଜିଏସ୍‌ଟି ଉପରେ ନିର୍ଭର କରିଥାଏ। ଲକ୍‌ଡାଉନ ଯୋଗୁ ଜିଏସ୍‌ଟି ଆଦାୟ ଉପରେ ନକାରାତ୍ମକ ପ୍ରଭାବ ପଡିଛି। ଏଭଳି ସ୍ଥିତିରେ କେନ୍ଦ୍ର ସମ୍ପୂର୍ଣ୍ଣ ହାତ ଟେକି ଦେଇଥିବା ଜଣାପଡିଛି। କେନ୍ଦ୍ର ଚାହୁଁଛି ଯେ, ରାଜ୍ୟଗୁଡ଼ିକ ବଜାରରୁ ଋଣ ଉଠାନ୍ତୁ। ରାଜସ୍ବ ମାମଲାରେ ବର୍ତ୍ତମାନ କେନ୍ଦ୍ର ଏବଂ ରାଜ୍ୟ ମଧ୍ୟରେ ଆଇନଗତ ଲଢ଼େଇ ଆରମ୍ଭ ହୋଇଯାଇଛି। ବଜାରରୁ ଋଣ ଉଠାଇବା ଲାଗି ରାଜ୍ୟଗୁଡିକୁ କେନ୍ଦ୍ର ସରକାର ଯେଉଁ ପ୍ରସ୍ତାବ ଦେଇଛନ୍ତି କେରଳ ଏବଂ ପଶ୍ଚିମବଙ୍ଗ ଭଳି ରାଜ୍ୟ ତାକୁ ବିରୋଧ କରୁଛନ୍ତି। କେନ୍ଦ୍ର ନିଜର ଦାୟିତ୍ୱକୁ ଠିକ୍‌ ଭାବେ ନିର୍ବାହ କରୁ ବୋଲି ରାଜ୍ୟଗୁଡିକ ଯୁକ୍ତି ବାଢିଛନ୍ତି। କେନ୍ଦ୍ର ବଜାରରୁ ଋଣ କରୁ ଏବଂ ରାଜ୍ୟଗୁଡିକ ଯେଉଁ ରାଜସ୍ବରେ ଯେଉଁ କ୍ଷତି ସହୁଛନ୍ତି ତା’ର ଭରଣା କରୁ ବୋଲି ରାଜ୍ୟଗୁଡିକ ଯୁକ୍ତିରେ କହିଛନ୍ତି। ୨୦୧୭ରେ ଜିଏସ୍‌ଟି କାର୍ଯ୍ୟକାରୀ କରାଯିବା ସମୟରେ କେନ୍ଦ୍ର ସରକାର କହିଥିଲେ ଯେ, ରାଜ୍ୟଗୁଡ଼ିକର ରାଜସ୍ବ ହ୍ରାସକୁ କେନ୍ଦ୍ର ଭରଣା କରିବ। ଆଗାମୀ ୫ ବର୍ଷ ଯାଏ ଏଭଳି

ନୂଆଦିଲ୍ଲୀ,୩୧।୭ -ଲାଇଫ୍‌ ଇନ୍‌ସ୍ୟୁରାନ୍ସ କର୍ପୋରେଶନ ଅଫ୍‌ ଇଣ୍ଡିଆ(ଏଲ୍‌ଆଇସି) ପକ୍ଷରୁ ଆର୍ଥତ୍କ ବର୍ଷ ୨୦୧୯-୨୦ ଲାଗି ଆର୍ଥତ୍କ ଫଳାଫଳ ଘୋଷଣା କରାଯାଇଛି। ଏହି ସମୟରେ କମ୍ପାନୀ ନୂଆ ବାଣିଜ୍ୟ ପର୍‌ଫରମାନ୍ସରେ ଅଭିବୃଦ୍ଧି କରିଛି। ପ୍ରଥମ ବର୍ଷ ପ୍ରିମିୟମରେ ଏହା ୨୫.୧୭% ଅଭିବୃଦ୍ଧି କରିବା ସହ ରେକର୍ଡ ୧.୭୭ ଲକ୍ଷ କୋଟି ଟଙ୍କା ହାସଲ କରିଛି। ପେନ୍‌ସନ ଏବଂ ଗ୍ରୁପ୍‌ ସୁପରଆନୁଏଶନ ବାଣିଜ୍ୟରେ ଏହା ନୂଆ ଇତିହାସ ସୃଷ୍ଟି ସହ ୧.୨୬ ଲକ୍ଷ କୋଟି ଟଙ୍କା ନିୟୁ ବିଜ୍‌ନେସ ପ୍ରିମିୟମ ସଂଗ୍ରହ କରିଛି। ଗତ ବର୍ଷ ଏହି ବର୍ଗରେ ପ୍ରିମିୟମ ସଂଗ୍ରହ ୯୦,୮୪୮ କୋଟି ଟଙ୍କା ଥିଲା। ଏଥିରେ ୩୯.୪୬% ଅଭିବୃଦ୍ଧି ଘଟିଛି। ଚଳିତ ବର୍ଷ ମାର୍ଚ୍ଚ ଶେଷ ସୁଦ୍ଧା ଏହାର ମୋଟ ପ୍ରିମିୟମ ଆୟ ୩.୭୯ ଲକ୍ଷ କୋଟି ଟଙ୍କା ରହିଛି। ଏଥିରେ ୧୨.୪୨% ଅଭିବୃଦ୍ଧି ଘଟିଛି। ଗତ ବର୍ଷ ଏହି ବର୍ଗରେ ଆୟ ୩.୩୭ ଲକ୍ଷ କୋଟି ଟଙ୍କା ରହିଥିଲା। ମୋଟ ପଲିସି ପେଆଉଟ୍‌ରେ ୧.୩୧% ଅଭିବୃଦ୍ଧି ସହ ଏହା ୨.୫୪ ଲକ୍ଷ କୋଟି ଟଙ୍କା ରହିଛି। ନିଗମର ମୋଟ ଆୟ ୯.୮୩% ବଢି ୬.୧୫ ଲକ୍ଷ କୋଟି ଟଙ୍କା ଛୁଇଁଛି। ଏହା ଗତ ବର୍ଷ ୫.୬୦ ଲକ୍ଷ କୋଟି ଟଙ୍କା ରହିଥିଲା। ସେହିଭଳି ଏଲ୍‌ଆଇସିର ମୋଟ ସମ୍ପତ୍ତି ୨.୭୧% ବଢି ୩୧.୯୬ ଲକ୍ଷ କୋଟି ଛୁଇଁଛି। କରୋନା ସମୟରେ ୫୬୧ ବୀମା ଦାବିକୁ ଫଇସଲା କରିଥିବା ଏହା ସୂଚନା ଦେଇଛି। The post ଏଲ୍‌ଆଇସିର ଆର୍ଥତ୍କ ଫଳାଫଳ appeared first on

ଭୁବନେଶ୍ୱର,୩୧।୭-ଓଡ଼ିଶା ପାଓ୍ବାର ଜେନେରେଶନ କର୍ପୋରେଶନ ଲିମିଟେଡ୍‌ (ଓପିଜିସି)ର ୪୯% ଇକ୍ୱିଟି ଶେୟାର ଅଧିଗ୍ରହଣକୁ କମ୍ପିଟିସନ କମିଶନ ଅଫ୍‌ ଇଣ୍ଡିଆ(ସିସିଆଇ)ଗୁରୁବାର ମଞ୍ଜୁରୀ ପ୍ରଦାନ କରିଛନ୍ତି। ଆଦାନୀ ପାଓ୍ବାର ଲିମିଟେଡ୍‌(ଏପିଏଲ୍‌) ଆଦାନୀ ଗ୍ରୁପ୍‌ର ଏକ କମ୍ପାନୀ ହୋଇଥିବା ବେଳେ ଏହା ମୁଖ୍ୟତଃ ଶକ୍ତି ଉତ୍ପାଦନ କ୍ଷେତ୍ରରେ କାର୍ଯ୍ୟ କରୁଛି। ଏପିଏଲ୍‌ ଏକ ପବ୍ଲିକ ଲିମିଟେଡ୍‌ କମ୍ପାନୀ। ଏହାର ଶେୟାର ବମ୍ବେ ଷ୍ଟକ୍‌ ଏକ୍ସଚେଞ୍ଜ ଏବଂ ନ୍ୟାଶନାଲ ଷ୍ଟକ୍‌ ଏକ୍ସଚେଞ୍ଜ ଅଫ୍‌ ଇଣ୍ଡିଆ ଲିମିଟେଡ୍‌ରେ ସୂଚୀଭୂକ୍ତ ହୋଇଛି। ସେହିଭଳି ଓପିଜିସି ଓଡ଼ିଶା ସରକାରଙ୍କ ଏକ ସାର୍ବଜନୀନ କମ୍ପାନୀ। ଏହା ଓଡ଼ିଶା ସରକାର, ଏଇଏସ୍‌ ଇଣ୍ଡିଆ ପ୍ରାଇଭେଟ ଲିମିଟେଡ୍‌ ଏବଂ ଏଇଏସ୍‌ ଓପିଜିସି ହୋଲ୍ଡିଂର ଏକ ଯୌଥ ଉଦ୍ୟୋଗ। ଓପିଜିସି ଶକ୍ତି ଉତ୍ପାଦନ କ୍ଷେତ୍ରରେ କାର୍ଯ୍ୟ କରୁଛି। ଏହି ପ୍ରସ୍ତାବିତ ଅଧିଗ୍ରହଣ ସମ୍ପର୍କିତ ସିସିଆଇର ବିସ୍ତୃତ ନିର୍ଦ୍ଦେଶ ପରବର୍ତ୍ତୀ ସମୟରେ ଜାରି କରାଯିବ ବୋଲି ଜଣାପଡ଼ିଛି। The post ଆଦାନୀର ଓପିଜିସି ଅଂଶଧନ ଅଧିଗ୍ରହଣକୁ ମଞ୍ଜୁରୀ appeared first on Dharitri Odia News .

ନୂଆଦିଲ୍ଲୀ,୩୧।୭ -ଆର୍ଥତ୍କ ବର୍ଷ ୨୦୧୮-୧୯ ଲାଗି ଆୟକର ରିଟର୍ନ (ଆଇଟିଆର୍‌) ପଇଠ କରିବା ସୀମାକୁ ସରକାର ଚଳିତ ବର୍ଷ ସେପ୍ଟେମ୍ବର ଶେଷ ଯାଏ ବଢ଼ାଇଛନ୍ତି। ବର୍ତ୍ତମାନ କରୋନା ଯୋଗୁ ଲୋକମାନେ ବିଭିନ୍ନ ସମସ୍ୟା ସାମ୍ନା କରୁଛନ୍ତି। ଆୟକରଦାତାଙ୍କୁ ଆଶ୍ୱସ୍ତି ପ୍ରଦାନ କରିବା ଲାଗି ଏଭଳି ନିଷ୍ପତ୍ତି ଗ୍ରହଣ କରାଯାଇଛି ବୋଲି ଆୟକର ବିଭାଗ ପକ୍ଷରୁ ଶୁକ୍ରବାର ସୂଚନା ଦିଆଯାଇଛି। ଆୟକର ବିଭାଗର ସର୍ବୋଚ୍ଚ ନୀତି ନିର୍ଦ୍ଧାରଣକାରୀ ସଂସ୍ଥା କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ପକ୍ଷରୁ ଆର୍ଥତ୍କ ବର୍ଷ ୨୦୧୮-୧୯ ଲାଗି ରିଟର୍ନ ଫାଇଲ କରିବା କ୍ଷେତ୍ରରେ ଏଭଳି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରାଯାଇଛି। ଏହା ପୂର୍ବରୁ ରିଟର୍ନ ଫାଇଲ କରିବାର ଶେଷ ତାରିଖ ଜୁଲାଇ ୩୧ ରହିଥିଲା,ଯାହାକୁ ବର୍ତ୍ତମାନ ସେପ୍ଟେମ୍ବର ୩୦ କରାଯାଇଛି। ସୂଚନାଯୋଗ୍ୟ, ୨୦୧୮-୧୯ର ମୂଳ କିମ୍ବା ସଂଶୋଧିତ ଆଇଟି ରିଟର୍ନ ଭରିବାର ଶେଷ ତାରିଖକୁ ତୃତୀୟ ଥର ଲାଗି ବଢ଼ାଯାଇଥିବା ଜଣାପଢ଼ିଛି। The post ୨୦୧୮-୧୯ ଆଇଟିଆର୍‌ ପଇଠ ସୀମା ବଢ଼ିଲା appeared first on Dharitri Odia News .

ମୁମ୍ବାଇ,୩୧।୭ : ୟେସ୍‌ ବ୍ୟାଙ୍କରୁ ଆଣିଥିବା ଋଣ ଅନିଲ ଅମ୍ବାନୀ ଶୁଝିବାକୁ ସକ୍ଷମ ହୋଇ ନ ହେବାରୁ ତାଙ୍କ କମ୍ପାନୀର ମୁ୍‌ମ୍ବାଇ କାର୍ଯ୍ୟାଳୟକୁ ବ୍ୟାଙ୍କ ପକ୍ଷରୁ କବ୍‌ଜା କରାଯାଇଛି। ଅନିଲ ଧୀରୁ ଭାଇ ଅମ୍ବାନୀ ଗ୍ରୁପର ମୁଖ୍ୟ କାର୍ଯ୍ୟାଳୟ କୁହାଯାଉଥିବା ରିଲାଏନ୍ସ ସେଣ୍ଟରକୁ ୟେସ୍‌ ବ୍ୟାଙ୍କ ନିଜ ଅକ୍ତିଆରକୁ ନେଇଥିବା ଜଣାପଡିଛି। ସର୍‌ଫାଏସି ଆଇନ ଅନୁସାରେ ୨୨ ଜୁଲାଇରେ ଏହି ବିଲଡିଂକୁ ବ୍ୟାଙ୍କ ନିଜ ଅଧିନକୁ ନେଇଛି। ଦକ୍ଷିଣ ମୁମ୍ବାଇ ସାନ୍ତାକ୍ରୁଜର ରହିଥିବା ପ୍ରାୟ ୨୧,୪୩୨ ବର୍ଗ ମିଟର ଏରିଆରେ ଥିବା କାର୍ଯ୍ୟାଳୟ ଏବଂ ନାଗିନ ମହଲରେ ଦୁଇ ମହଲା କୋଠାକୁ ବ୍ୟାଙ୍କ ନିଜ ଅଧୀନକୁ ନେଇଥିବା ବୁଧବାର ଏକ ଇଂରାଜୀ ଖବରକାଗଜରେ ବିଜ୍ଞାପନ ଦିଆଯାଇଛି। ଅନୀଲ ୨୮୯୨ କୋଟି ଟଙ୍କା ପଇଠ କରିବାକୁ ସକ୍ଷମ ନ ହେବାରୁ ବ୍ୟାଙ୍କ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଅନିଲ ଅମ୍ବାନୀଙ୍କ ଗ୍ରୁପ ଉପରେ ୟେସ୍‌ ବ୍ୟାଙ୍କର ମୋଟ୍‌ ୧୨ ହଜାର କୋଟି ଟଙ୍କାର ଋଣ ରହିଥିବା ଜଣାପଡିଛି। The post ଋଣ ସୁଝି ପାରିଲେନି ଅନିଲ ଅମ୍ବାନୀ; ଗ୍ରୁପ ମୁଖ୍ୟାଳୟକୁ କବ୍‌ଜା କଲା ବ୍ୟାଙ୍କ appeared first on Dharitri Odia News .

ମୁମ୍ବାଇ,୩୧।୭ : ରିଲାଏନ୍ସ ଇଣ୍ଡଷ୍ଟ୍ରିଜ ପକ୍ଷରୁ ଏହାର ଚଳିତ ଆର୍ଥତ୍କ ବର୍ଷର ପ୍ରଥମ ତ୍ରୈମାସ ଆର୍ଥତ୍କ ଫଳାଫଳ ସମ୍ପର୍କରେ ଘୋଷଣା କରାଯାଇଛି। ପ୍ରଥମ ତ୍ରୈମାସରେ ରିଲାଏନ୍ସର ନିଟ୍‌ ଲାଭ ଗତ ବର୍ଷ ତୁଳନାରେ ୩୦.୬% ବୃଦ୍ଧି ଘଟି ୧୩,୨୪୮ କୋଟି ଛୁଇଁଛି। ଏହି ସମୟରେ ରିଲାଏନ୍ସ ଜିଓର ନିଟ୍‌ ଲାଭ ୧୮୩% ବଢିଥିବା ଜଣାପଡିଛି। ଗତ ବର୍ଷ ସମାନ ତ୍ରୈମାସରେ ଜିଓ ୮୯୧ କୋଟି ଟଙ୍କା ନିଟ୍‌ ଲାଭ ହାସଲ କରିଥଲା। ଚଳିତ ବର୍ଷ ଏପ୍ରିଲ-ଜୁନ ସମୟରେ ଏହା ୨୫୨୦ କୋଟି ଟଙ୍କାକୁ ବୃଦ୍ଧି ଘଟିଛି। ଜିଓର ପରିଚାଳନାଗତ ରାଜସ୍ବ ୩୩.୭% ବଢି ୧୬,୫୫୭ କୋଟି ଟଙ୍କା ରହିଛି। ବର୍ତ୍ତମାନ କମ୍ପାନୀ ନିକଟରେ ୩୯.୮୩ କୋଟି ଗ୍ରାହକ ରହିଛନ୍ତି। ଏହି ତ୍ରୈମାସରେ କମ୍ପାନୀ ୯୯ ଲକ୍ଷ ଗ୍ରାହକ ଯୋଡିଛି। ଏକ ଦୃଢ ଏବଂ ସୁରକ୍ଷିତ ଓ୍ବେରଲେସ ଡିଜିଟାଲ ନେଟଓ୍ବର୍କ ନିର୍ମାଣ କରି ଭାରତୀୟଙ୍କୁ ଡିଜିଟାଲ ସଂଯୋଗର ସୁଫଳ ପହଞ୍ଚାଇବା ଲକ୍ଷ୍ୟ ରହିଛି ବୋଲି ରିଲାଏନ୍ସ ଇଣ୍ଡଷ୍ଟ୍ରିଜ ଅଧ୍ୟକ୍ଷ ମୁକେଶ ଅମ୍ବାନୀ ସୂଚନା ଦେଇଛନ୍ତି। The post ଜିଓର ନିଟ୍‌ ଲାଭ ୧୮୩% ବଢିଲା appeared first on Dharitri Odia News .

କାମାକ୍ଷାନଗର, ୩୧।୭(ଡି.ଏନ.ଏ.) ଦିନ କେଇଟା ପରେ ପାଦ ଥାପିବ ପାର୍ବଣ। ମାଟିରେ ମାଟି ହୋଇ ମାଟିକୁ ଜୀବନ୍ତ ରୂପ ଦେଉଥିବା କାରିଗରଙ୍କୁ ଏତେବେଳକୁ ମିଳନ୍ତାନି ତର। ଅର୍ଡର ଦେବାକୁ ମୂର୍ତ୍ତିକାରଙ୍କ ଘର ଆଗରେ ଲାଗିଥାନ୍ତା ଲମ୍ବା ଲାଇନ୍‌। ହେଲେ କରୋନା ପାଇଁ ଖାଲିପଡ଼ିଛି ଶାଳଘର। ଅର୍ଥ ଉପାର୍ଜନ ସମୟରେ ହାତ ବାନ୍ଧି ବସିଛନ୍ତି ଶିଳ୍ପୀ। କରୋନା ପାଇଁ ପର୍ବପର୍ବାଣିରେ ଲାଗିଥିବା କଟକଣା ମୂର୍ତ୍ତି କାରିଗରଙ୍କ ବୃତ୍ତିକୁ ବିପନ୍ନ କରିଦେଇଥିବାବେଳେ ପାର୍ବଣ ପୂର୍ବରୁ ସେମାନଙ୍କୁ ଘାରିଛି ପେଟପାଟଣା ଚିନ୍ତା। ଢେଙ୍କାନାଳ ଜିଲା କାମାକ୍ଷାନଗର ବ୍ଲକର ମୂର୍ତ୍ତିକାରଙ୍କ ଗଁା ଭାବେ ପରିଚିତ ଆଳତୁମାରେ ରୁହନ୍ତି ୨୦ କୁମ୍ଭକାର ପରିବାର। ସେମାନଙ୍କ ମଧ୍ୟରୁ ୧୦ ପରିବାର କେବଳ ମୂର୍ତ୍ତିତିଆରି ଉପରେ ନିର୍ଭରଶୀଳ। ପାର୍ବଣ ଋତୁ ଆସିଲେ ଖୋଜାପଡ଼ନ୍ତି ଏହି ମୂର୍ତ୍ତିକାରମାନେ। ହେଲେ ଚଳିତବର୍ଷ କରୋନା କୋରଡ଼ା ସେମାନଙ୍କ ଜୀବନକୁ ଦୁର୍ବିଷହ କରିଦେଇଛି। ପାର୍ବଣ ଋତୁରେ ପର୍ଯ୍ୟାପ୍ତ ରୋଜଗାର ଆଶାରେ ରହୁଥିବା ଶିଳ୍ପୀ ପରିବାର କାମ ନ ପାଇଁ ୪ମାସ ହେଲା ହାତବାନ୍ଧି ବସିଛନ୍ତି। ମୂର୍ତ୍ତିକାରଙ୍କ କହିବା କଥା, ଜନ୍ମାଷ୍ଟମୀଠାରୁ ମୂର୍ତ୍ତିକାମ ଜୋର୍‌ ଧରିଥାଏ। ପର୍ଯ୍ୟାୟକ୍ରମେ ଖୁଦୁରୁକୁଣୀ, ଗଣେଶ, ବିଶ୍ୱକର୍ମା, ଦୁର୍ଗା, ଲକ୍ଷ୍ମୀ, କାର୍ତ୍ତିକେଶ୍ୱର, କାଳୀ, ସରସ୍ବତୀ ଆଦି ପୂଜାରେ ଦେବଦେବୀଙ୍କ ମୂର୍ତ୍ତି ନିର୍ମାଣ କରି ସେମାନେ

ଛେଣ୍ଡିପଦା,୩୧ା୭(ସ୍ବ.ପ୍ର.) ଚଳିତବର୍ଷ ପାଣିପାଗ ଚାଷ ଅନୁକୂଳ ରହିବ ବୋଲି ପୂର୍ବାନୁମାନକୁ ନେଇ ଉତ୍ସାହିତ ହୋଇପଡ଼ିଥିବା ଅନୁଗୋଳ ଜିଲା ଛେଣ୍ଡିପଦା ବ୍ଲକର ଚାଷୀମାନେ ଏବେ ଚିନ୍ତାରେ। ଶ୍ରାବଣ ସରିବାକୁ ବସିଥିଲେ ହେଁ ରୁଆ କାର୍ଯ୍ୟ ପାଇଁ ଜମିରେ ପାଣି ନାହିଁ। ଆଉ କିଛି ଦିନ ମଧ୍ୟରେ ବର୍ଷା ନ ହେଲେ ବର୍ଷକର ଖାଦ୍ୟ ଯୋଗାଡ଼ ଚାଷୀଙ୍କ ପକ୍ଷେ କଷ୍ଟକର ହୋଇପଡ଼ିବ। ବ୍ଲକର ମୋଟ୍‌ ଚାଷ ଜମି ମଧ୍ୟରୁ ଅଧା ଜମିରେ ବୁଣା କାର୍ଯ୍ୟ ହୋଇଥିବା ବେଳେ ବାକି ଅଧା ଜମି ରୁଆ ନ ହୋଇ ପଡ଼ିଆ ପଡ଼ିଛି। ଗତ ମେ’ ମାସରେ ଛେଣ୍ଡିପଦା ବ୍ଲକରେ ୫୨.୯ ମିଲିମିଟର ସ୍ଥାନରେ ୧୦୪.୪୦ ମିଲିମିଟର ବର୍ଷା ହୋଇଥିଲା। ତେବେ ଜୁନରୁ ଏହି ପରିମାଣ ହ୍ରାସ ପାଇଛି। ଜୁନ୍‌ରେ ୨୨୫.୧ ସ୍ଥାନରେ ୧୨୭.୬୦ ମିଲିମିଟର ବର୍ଷା ହୋଇଛି। ସେହିପରି ଜୁଲାଇରେ ୩୪୭ ମିଲିମିଟରର ଆବଶ୍ୟକତା ଥିବାବେଳେ ମାତ୍ର ୨୪୧.୨୦ ମିଲିମିଟର ବର୍ଷା ହୋଇଥିବା କୃଷି ବିଭାଗ ସୂତ୍ରରୁ ଜଣାଯାଇଛି। ଫଳରେ ସମଗ୍ର ବ୍ଲକରେ ଏବେ ଚାଷ କାର୍ଯ୍ୟ ପ୍ରଭାବିତ ହୋଇଛି। ସହକାରୀ କୃଷି ଅଧିକାରୀ ବିନୋଦ କୁମାର ସିଂ ଦେଇଥିବା ତଥ୍ୟ ଅନୁଯାୟୀ, ଛେଣ୍ଡିପଦା ବ୍ଲକରେ ଚଳିତ ଖରିଫ ଋତୁରେ ୧୨ ହଜାର ୬୬୩ ହେକ୍ଟର ଜମିରେ ଚାଷ ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଥିଲା। ସେଥିମଧ୍ୟରୁ ୭ ହଜାର ୮୭୨ ହେକ୍ଟର ଜଳସେଚିତ ଓ ୪ ହଜାର ୭୯୧ ହେକ୍ଟର ଅଣଜଳସେଚିତ ଜମି ରହିଛି। ମୋଟ୍‌ ୭ ହଜାର ୧୫୧ ହେକ୍ଟରରେ ଚାଷ ହୋଇପାରିଛ

ନୂଆଦିଲ୍ଲୀ,୩୦।୭: ଦେଶରେ କୋଭିଡ୍‌-୧୯ ସ୍ଥିତିକୁ ଅନୁଧ୍ୟାନ କରି ସ୍ବରାଷ୍ଟ୍ର ମନ୍ତ୍ରଣାଳୟ ପକ୍ଷରୁ ବୁଧବାର ଅନ୍‌ଲକ୍‌-୩ ନିର୍ଦ୍ଦେଶନାମା(ଗାଇଡ୍‌ଲାଇନ) ଜାରି କରାଯାଇଛି। ଏହା ଅଗଷ୍ଟ ୩୧ପର୍ଯ୍ୟନ୍ତ ଜାରି ରହିବ। ଜୁନ୍‌ ୨୯ତାରିଖରେ ଜାରି ହୋଇଥିବା ଅନ୍‌ଲକ୍‌-୨ ଆସନ୍ତା ଶୁକ୍ରବାର ଶେଷ ହେଉଛି। ତେଣୁ କଣ୍ଟେନ୍‌ମେଣ୍ଟ ଜୋନ୍‌ ବ୍ୟତୀତ ଅନ୍ୟ ଅଞ୍ଚଳରେ କେତେକ କଟକଣାକୁ କୋହଳ କରାଯାଇ ଅନ୍‌ଲକ୍‌-୩ ଘୋଷଣା କରାଯାଇଛି। ଅନ୍‌ଲକ୍‌-୩ରେ ରାତ୍ରିକାଳୀନ କଟକଣାକୁ ଉଠାଇ ଦିଆଯାଇଛି। ରାତି ସମୟରେ ସାଧାରଣ ଯାତାୟାତକୁ ଅନୁମତି ମିଳିଛି। ଏଥିସହ ଯୋଗ ଶିକ୍ଷାନୁଷ୍ଠାନ ଏବଂ ଜିମ୍‌ ଆଦି ସଂସ୍ଥାକୁ ଅଗଷ୍ଟ ୫ତାରିଖରୁ ଖୋଲିବାକୁ ଅନୁମତି ମିଳିଛି। ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜୁଅର(ଏସ୍‌ଓପି) ଜାରି କରାଯାଇଛି। ସ୍କୁଲ୍‌, କଲେଜ ଏବଂ ଶିକ୍ଷାନୁଷ୍ଠାନଗୁଡ଼ିକ ଅଗଷ୍ଟ ୩୧ ପର୍ଯ୍ୟନ୍ତ ବନ୍ଦ ରହିବ। ତେବେ ଏହି ସମୟରେ ପୂର୍ବଭଳି ଅନ୍‌ଲାଇନ୍‌ କ୍ଲାସ ଚାଲୁ ରହିବ। ସେହିପରି ସିନେମା ହଲ୍‌, ସୁଇମିଂ ପୁଲ, ଆମୋଦପ୍ରମୋଦ ଉଦ୍ୟାନ, ପାର୍କ, ଥିଏଟର୍ସ, ବାର୍‌, ଅଡିଟୋରିୟମ୍‌, ଏବଂ ସର୍ବସାଧାରଣ ସଭାସ୍ଥଳ ଆଦି ବନ୍ଦ ରହିବ। ଅନ୍ତଃରାଷ୍ଟ୍ରୀୟ ବିମାନ ଉଡ଼ାଣ ଏବଂ ମେଟ୍ରୋ ରେଳ ଚଳାଚଳ ଉପରେ ମଧ୍ୟ କଟକଣା ଲାଗୁ ରହିଛି। ସାମାଜିକ, ରାଜନୈତିକ, କ୍ରୀଡ଼ା, ମନୋରଞ୍ଜନ, ଶୈକ୍ଷିକ, ସାଂସ୍କୃ

ନୂଆଦିଲ୍ଲୀ,୩୦।୭:ଏନ୍‌ଇପିରେ ରହିଥିବା ପ୍ରସ୍ତାବ ଅନୁଯାୟୀ ୧୦+୨ଶିକ୍ଷା ପାଟର୍ନ (ଢାଞ୍ଚା)ରେ ପରିବର୍ତ୍ତନ କରାଯିବ। ଅର୍ଥାତ୍‌ ୧୨ ବର୍ଷର ସ୍କୁଲ୍‌ ଶିକ୍ଷା ଓ ୩ ବର୍ଷର ଅଙ୍ଗନଓ୍ବାଡି ବା ପ୍ରାକ୍‌ ବିଦ୍ୟାଳୟ ଶିକ୍ଷାକୁ ନେଇ ୫+୩+୩+୪ ଶିକ୍ଷା ପାଟର୍ନ ପ୍ରସ୍ତୁତ ହେବ। ତଦନୁଯାୟୀ ୩ରୁ ୮ ବର୍ଷ ବୟସ ପର୍ଯ୍ୟନ୍ତ ପିଲାଙ୍କୁ ମୌଳିକ ପର୍ଯ୍ୟାୟ(୩ବର୍ଷ ପ୍ରି-ସ୍କୁଲ ପରେ ୧ମ ଓ ୨ୟ ଶ୍ରେଣୀ), ୮ରୁ ୧୧ ବର୍ଷ ବୟସ ପର୍ଯ୍ୟନ୍ତ ପିଲାଙ୍କୁ ପ୍ରସ୍ତୁତି ପର୍ଯ୍ୟାୟ (୩ୟରୁ ୫ମ), ୧୧ରୁ ୧୪ ବର୍ଷ ବୟସ ପର୍ଯ୍ୟନ୍ତ ପିଲାଙ୍କୁ ମଧ୍ୟମ ପର୍ଯ୍ୟାୟ (୬ଷ୍ଠରୁ ୮ମ) ଏବଂ ୧୪ରୁ ୧୮ ବର୍ଷ ବୟସ ପର୍ଯ୍ୟନ୍ତ ପିଲାଙ୍କୁ ମାଧ୍ୟମିକ ପର୍ଯ୍ୟାୟ(୯ମରୁ ଦ୍ୱାଦଶ ଶ୍ରେଣୀ) ଏଭଳି ବିଭକ୍ତ କରାଯାଇଛି। ଏହି ସଂଶୋଧିତ ଢାଞ୍ଚା କାର୍ଯ୍ୟକାରୀ ହେଲେ ଶିକ୍ଷାଠାରୁ ଦୂରେଇ ରହୁଥିବା ୩ରୁ ୬ ବର୍ଷ ବୟସର ପିଲା ପାଠପଢ଼ା ସହ ସାମିଲ ହୋଇପାରିବେ। କାରଣ ସ୍କୁଲ ପାଠ୍ୟକ୍ରମରେ ମାନସିକ ବିକାଶ ଘଟାଇବା ପାଇଁ ଏହି ବୟସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ ବୋଲି ବିଶ୍ୱ ସ୍ବୀକୃତି ଦେଇଛି। ସବୁ ସ୍କୁଲରେ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କୁ ମାତୃଭାଷାରେ କିମ୍ବା ସ୍ଥାନୀୟ ଭାଷା ଓ ଆଞ୍ଚଳିକ ଭାଷା ମଧ୍ୟରୁ ଗୋଟିକରେ ଶିକ୍ଷା ପ୍ରଦାନ କରାଯିବ। ଅଷ୍ଟମ ଶ୍ରେଣୀ ଏବଂ ଏହା ପରେ ମଧ୍ୟ ଛାତ୍ରୀଛାତ୍ର ଏହି ଭାଷାରେ ଶିକ୍ଷା ଗ୍ରହଣ କରିପାରିବେ। ସଂସ୍କୃତ ଭାଷାକୁ ସବୁ ସ୍ତ

ଭୁବନ, ୩୦।୭(ଡି.ଏନ.ଏ.): ଗାଁର ଛାତିଚିରି ଆଗକୁ ମାଡ଼ିଯାଇଛି ଜାତୀୟ ରାଜପଥ ୫୩। ଦୁଇଭାଗ ହୋଇଯାଇଛି ଗ୍ରାମ। ଉଭୟ ପଟରେ ଗଢ଼ିଉଠିଛି ଜନବସତି। ରହିଛି ଗୁରୁତ୍ୱପୂର୍ଣ୍ଣ କାର୍ଯ୍ୟାଳୟ। ଗୋଟିଏ ପଟରୁ ଆଉ ଗୋଟିଏ ପଟକୁ ନ ଗଲେ ନ ଚଳେ। ହେଲେ ଏଥିପାଇଁ ଅଞ୍ଚଳବାସୀଙ୍କ ଜୀବନ ଲାଗୁଛି ବାଜି। ଗ୍ରାମ ମଧ୍ୟରେ ଅବସ୍ଥିତ ୨କିମି ଦୈର୍ଘ୍ୟ ବିଶିଷ୍ଟ ଜାତୀୟ ରାଜପଥ ଅତିକ୍ରମ କରିବା ସମୟରେ ଘଟୁଛି ଦୁର୍ଘଟଣା। ହାନି ହେଉଛି ଧନଜୀବନ। ତେଣୁ ଯାତାୟାତକୁ ସୁଗମ କରିବା ଲାଗି ଅଣ୍ଡରପାସ୍‌ କିମ୍ବା ଓଭରବ୍ରିଜ୍‌ ନିର୍ମାଣ କରିବାକୁ ଦାବି କରିଛନ୍ତି ଢେଙ୍କାନାଳ ଜିଲା ଭୁବନ ବ୍ଲକ ଗଡ଼ନୃସିଂହପ୍ରସାଦ ଅଞ୍ଚଳବାସୀ। ଗ୍ରାମବାସୀଙ୍କ କହିବା କଥା, ୬୦୦ରୁ ଊର୍ଦ୍ଧ୍ୱ ଜନସଂଖ୍ୟା ବିଶିଷ୍ଟ ଗଡନୃସିଂହପ୍ରସାଦର ଗୋଟିଏ ପାର୍ଶ୍ୱରେ ସେବା ସମବାୟ ସମିତି, ପଞ୍ଚାୟତ କାର୍ଯ୍ୟାଳୟ, ଆର୍‌ଆଇ ଅଫିସ, ପ୍ରାଥମିକ ସ୍କୁଲ ଏବଂ ଅପରପାର୍ଶ୍ୱରେ ୨ହାଇସ୍କୁଲ, ମହାବିଦ୍ୟାଳୟ, ସ୍ବାସ୍ଥ୍ୟକେନ୍ଦ୍ର, ପ୍ରାଣୀଧନ ଚିକିତ୍ସାଳୟ, ବିଦ୍ୟୁତ୍‌ କାର୍ଯ୍ୟାଳୟ ରହିଛି। ସେହିପରି ଯାଜପୁର ଜିଲା ସୁକିନ୍ଦା ଅଞ୍ଚଳର ୧୫ରୁ ଊର୍ଦ୍ଧ୍ୱ ଖଣିରେ କାର୍ଯ୍ୟରତ ଶ୍ରମିକ, ଅଧିକାରୀମାନେ ଏହି ରାସ୍ତା ଉପରେ ନିର୍ଭରଶୀଳ, ଯାହା ରାଜପଥକୁ ବ୍ୟସ୍ତବହୁଳ ସଡ଼କରେ ପରିଣତ କରିଛି। ଏନ୍‌ଏଚ୍‌ ୫୩କୁ ଏବେ ୪ ଲେନ୍‌ କରାଯାଉଛି। ତା’ସାଙ୍ଗକୁ ସମାନ୍ତରାଳ ଭାବେ ତାଳଚେର-ସୁକିନ୍ଦା ରେଳପଥ କାମ ମଧ୍ୟ ଆଗ

ନୂଆଦିଲ୍ଲୀ,୩୦।୮(ପି.ଟି.): ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ରେ ଡୋପିଂ ରୋକିବାକୁ ପ୍ରୟାସ ଆରମ୍ଭ ହୋଇଛି। ଏହି ଦାୟିତ୍ୱରେ ଥିବା ଜାତୀୟ ନିଶା ନିବାରଣ ସଂସ୍ଥା (ନାଡ଼ା) ନମୁନା ସଂଗ୍ରହ ପ୍ରକ୍ରିୟାକୁ ଆଉଟ୍‌ସୋର୍ସ କରିବ। ଏଥର ଆଇପିଏଲ ୟୁନାଇଟେଡ ଆରବ ଏମିରେଟ୍ସ (ୟୁଏଇ)ରେ ଆୟୋଜନ ହେବାକୁ ଯାଉଥିବାରୁ ନାଡ଼ା ପାଇଁ ଏହି ପ୍ରକିୟା ଅଧିକ ବ୍ୟୟ ବହୁଳ ସାବ୍ୟସ୍ତ ହେବ। ଫଳରେ ଏଥିପାଇଁ ନାଡ଼ା ଆଉଟ୍‌ସୋର୍ସ କରିବା ସମ୍ଭାବନା ସୃଷ୍ଟି ହୋଇଛି। ଏହି କ୍ରମରେ ନାଡ଼ା ପାଇଁ ଏକାଧିକ ବିକଳ୍ପ ରହିଛି। ନାଡ଼ା ୟୁଏଇ ଜାତୀୟ ନିଶା ନିବାରଣ ସଂସ୍ଥା (ନାଡୋ)ର ସାହାଯ୍ୟ ନେଇପାରିବ କିମ୍ବା ସ୍ବିଡେନର ଇଣ୍ଟରନ୍ୟାଶନାଲ ଡୋପ୍‌ ଟେଷ୍ଟ ଆଣ୍ଡ ମ୍ୟାନେଜମେଣ୍ଟ (ଆଇଡିଟିଏମ୍‌) ସହ ଯୋଗାଯୋଗ କରି କାର୍ଯ୍ୟକ୍ରମ ସ୍ଥିର କରିବ। ୨୦୧୯ ତୃତୀୟ ଭାଗ ବେଳକୁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ନାଡ଼ା ଅଧୀନକୁ ଆସିଥିଲା। ଫଳରେ ଚଳିତ ବର୍ଷ ପ୍ରଥମଥର ପାଇଁ ଆଇପିଏଲ୍‌ରେ ନମୁନା ସଂଗ୍ରହ କରିବ। ଆଇପିଏଲ୍‌ ସେପ୍ଟେମ୍ବର ୧୯ରୁ ଆରମ୍ଭ ହୋଇ ନଭେମ୍ବର ୮ ତାରିଖରେ ଶେଷ ହେବ। କୋଭିଡ୍‌-୧୯ ମହାମାରୀ କାରଣରୁ ବିସିସିଆଇ ଆଇପିଏଲ୍‌କୁ ଦେଶ ବାହାରେ ୟୁଏଇରେ ଆୟୋଜନ କରିବାକୁ ନିଷ୍ପତ୍ତି ନେଇଛି। ଆଇପିଏଲ୍‌ କାର୍ଯ୍ୟସୂଚୀ ସ୍ଥିର ହେବା ପରେ ନାଡ଼ାକୁ ସୂଚନା ଦିଆଯିବ। ନାଡ଼ା ନମୁନା ସଂଗ୍ରହ ଓ ପରିବହନ ଖର୍ଚ୍ଚ ତୁଲାଇବ ବୋଲି ବିସିସିଆଇର ଜଣେ

ବଅଁରପାଳ,୩୦ା୭(ଡି.ଏନ.ଏ.) ପ୍ରବାସୀ ଶ୍ରମିକମାନଙ୍କ ଘର ବାହୁଡ଼ାକୁ ଦୃଷ୍ଟିରେ ରଖି ଚଳିତବର୍ଷ ଚାଷ ଉପରେ ସରକାର ଅଧିକ ଗୁରୁତ୍ୱ ଦେଉଛନ୍ତି। କିନ୍ତୁ ଆବଶ୍ୟକ ପରିମାଣର ବର୍ଷା ଅଭାବରୁ ଅନେକ ସ୍ଥାନରେ ଚାଷ କାର୍ଯ୍ୟ ବାଧାପ୍ରାପ୍ତ ହୋଇଥିବା ବେଳେ ଅନୁଗୋଳ ଜିଲା ବଅଁରପାଳ ବ୍ଲକ ଅଞ୍ଚଳରେ ୩୩ ଉଠା ଜଳସେଚନ ପଏଣ୍ଟ ଅଚଳ ହୋଇପଡ଼ିଥିବାରୁ ୬୬୦ ହେକ୍ଟର ଜମିକୁ ପାଣି ମାଡ଼ିପାରୁ ନାହିଁ। ଫଳରେ ଏସବୁ ଜମିରେ ଚାଷ କିପରି କରାଯିବ ସେ ନେଇ ଚିନ୍ତାରେ ପଡ଼ିଛନ୍ତି ଚାଷୀ। ଚଳିତବର୍ଷ ବଅଁରପାଳ ବ୍ଲକର ୨୪ ହଜାର ୮୧୧ ହେକ୍ଟର ଜମିରେ ଚାଷ କରିବା ପାଇଁ କୃଷି ବିଭାଗ ପକ୍ଷରୁ ଲକ୍ଷ୍ୟଧାର୍ଯ୍ୟ କରାଯାଇଛି। ସେଥିମଧ୍ୟରୁ ୧୦ ହଜାର ୮୨୫ ହେକ୍ଟରରେ ଧାନ ଓ ୧୩ ହଜାର ୯୮୬ ହେକ୍ଟରରେ ଅଣଧାନ ଫସଲ ହେବ। ମୋଟ୍‌ ୨୪ ହଜାର ୮୧୧ ହେକ୍ଟର ମଧ୍ୟରୁ ୯ ହଜାର ୬୧୫ ହେକ୍ଟର ଜମି ପାଇଁ ଜଳସେଚନର ବ୍ୟବସ୍ଥା ରହିଛି। ସେଥିରୁ ପ୍ରାୟ ୨ ହଜାର ହେକ୍ଟର ଉଠାଜଳସେଚନ ଉପରେ ନିର୍ଭର କରେ। ବ୍ଲକ ଅଞ୍ଚଳର ଗଡ଼ତଳମୂଳ, ମହୀଧରପୁର, ଫୁଲପଡା, ବଉଳିଗଡ଼, ରାମିମୁଣ୍ଡା, କଲଣ୍ଡାପାଳ, ଜୁହାରପୁରୁ, ପାଟଣା, କୁକୁଡ଼ାଙ୍ଗ, ଏକଘରିଆ ଆଦି ଅଞ୍ଚଳରେ ଥିବା ବଉଳି, ନନ୍ଦିରା, ଲିଙ୍ଗରା, ମାତେଳିଆ ଆଦି ବିଭିନ୍ନ ନଦୀ ନାଳ ପାର୍ଶ୍ୱରେ ୧୦୧ଟି ଉଠାଜଳସେଚନ ପଏଣ୍ଟ ରହିଛି। କିନ୍ତୁ ଦୀର୍ଘଦିନ ହେଲା ସେଥିରୁ ୩୩ଟି ପଏଣ୍ଟ ଅଚଳ ହୋଇ ପଡିଛି। କେତୋଟିରୁ ପମ୍ପସେଟ୍‌ ଚୋରି ହୋଇଯାଇଛି ତ

ମାଞ୍ଚେଷ୍ଟର, ୩୦।୭- ଓ୍ବେଷ୍ଟଇଣ୍ଡିଜ ବିପକ୍ଷରେ ଟେଷ୍ଟ ସିରିଜ ବିଜୟୀ ଇଂଲଣ୍ଡ ଦଳ ପାକିସ୍ତାନ ବିପକ୍ଷ ସିରିଜ ପାଇଁ ଅପରିବର୍ତ୍ତିତ ରହିଛି। ବୁଧବାର ଘୋଷିତ ଦଳରେ ୧୪ ଖେଳାଳି ଓ ୪ ରିଜର୍ଭ ଖେଳାଳି ରହିଛନ୍ତି। ଜୋ ରୁଟ୍‌ଙ୍କ ନେତୃତ୍ୱରେ ଇଂଲଣ୍ଡ ଆଗାମୀ ସିରିଜ ଖେଳିବ। ଅଗଷ୍ଟ ୫ରୁ ଏହି ୩ ମ୍ୟାଚ ବିଶିଷ୍ଟ ସିରିଜ ଆରମ୍ଭ ହେବ। ଇଂଲଣ୍ଡକୁ ୨-୧ରେ ଟେଷ୍ଟ ସିରିଜ ବିଜୟୀ କରାଇବାରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିବା ୬ ପେସ୍‌ ବୋଲର ସେମାନଙ୍କ ସ୍ଥାନ ବଜାୟ ରଖିଛନ୍ତି। ସ୍ପିନର ଡମ୍‌ ବେସ୍‌ଙ୍କ ଉପରେ ଚୟନକର୍ତ୍ତା ପୁଣି ଆସ୍ଥା ସ୍ଥାପନ କରିଛନ୍ତି। ତାଙ୍କ କାଉଣ୍ଟି ଟିମ୍‌ମେଟ୍‌ ଜ୍ୟାକ୍‌ ଲିଚ୍‌ ରିଜର୍ଭ ସ୍ପିନର ରହିଛନ୍ତି। ଗ୍ଲସେଷ୍ଟରଶାୟାରର ଜେମ୍ସ ବ୍ରାକେ ଓ ଏସେକ୍ସର ଡନ ଲରେନ୍ସ ରିଜର୍ଭ ବ୍ୟାଟ୍ସମ୍ୟାନ ରହିଥିବାବେଳେ ସରେର ବେନ୍‌ ଫୋକ୍ସ ରିଜର୍ଭ ଉଇକେଟ କିପର ତାଲିକାରେ ରହିଛନ୍ତି। ଅଗଷ୍ଟ ୧ରୁ କାଉଣ୍ଟି ସିଜନ ଆରମ୍ଭ ହେବାକୁ ଯାଉଛି। ତେଣୁ ରିଜର୍ଭ ଖେଳାଳିଙ୍କୁ ଇଂଲଣ୍ଡ ରୋଶେନ ଭିତ୍ତିରେ ଖେଳାଇବା ଲକ୍ଷ୍ୟରେ ରହିଛି। ଓ୍ବେଷ୍ଟଇଣ୍ଡିଜ ବିପକ୍ଷ ତୃତୀୟ ଟେଷ୍ଟ ପରେ ୧୮ ଜଣ ଯାକ ଖେଳାଳିଙ୍କୁ ଘରକୁ ଯିବାକୁ ସୁଯୋଗ ଦିଆ ଯାଇଥିଲା। ପରିବାର ସହିତ ସମୟ କଟାଇବାପରେ ସେମାନେ ଅଗଷ୍ଟ ୨ରେ ଓଲ୍ଡ ଟ୍ରାଫୋର୍ଡ ଗ୍ରାଉଣ୍ଡରେ ଏକତ୍ରିତ ହେବାକୁ କୁହାଯାଇଛି। The post ଇଂଲଣ୍ଡ ଟେଷ୍ଟ ଦଳ ଅପରିବର୍ତ୍ତିତ appeared

ଖଇରା,୩୦।୭(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ନନ୍ଦୁର ଗ୍ରାମ ପଞ୍ଚାୟତ ଅଧୀନ ମଠନୂଆଗାଁ ଗ୍ରାମକୁ ବାହ୍ୟ ମଳମୁକ୍ତ ଗ୍ରାମ ଭାବେ ସରକାର ଘୋଷଣା କରିଛନ୍ତି। ଏଥିସହ ଜିଲା ଜଳ ପରିମଳ ମିଶନ ତରଫରୁ ଜୁଲାଇ ୨୨ ତାରିଖରେ ଗ୍ରାମରେ ସୂଚନାଫଳକ ଲଗାଇ ଦିଆଯାଇଛି। ଏହି ଘଟଣା ଗ୍ରାମବାସୀଙ୍କୁ ଆଶ୍ଚର୍ଯ୍ୟ କରିଛି। ଗ୍ରାମରେ ଆହୁରି ୨୫ପରିବାର ସ୍ବଚ୍ଛ ଭାରତ ଯୋଜନାରେ ପାଇଖାନା ପାଇବାରୁ ବଞ୍ଚିତ ଥିବା ବେଳେ ରେକର୍ଡ ପତ୍ରରେ ଶତପ୍ରତିଶତ ସଫଳତା ଦେଖାଇ ବାଃ ବାଃ ନେବାକୁ ଉଦ୍ୟମ କରାଯାଇଛି। ଏଭଳି ଘଟଣା ପଞ୍ଚାୟତିରାଜ ତଥା ଜଳ ପରିମଳ ବିଭାଗର ସ୍ବଚ୍ଛତା ଉପରେ ପ୍ରଶ୍ନ ଉଠାଇଛି। ଘଟଣା ସମ୍ପର୍କରେ ସମସ୍ତ ଗ୍ରାମବାସୀ ଖଇରା ବିଡିଓ ଦେବେନ୍ଦ୍ର ବଳଙ୍କୁ ଲିଖିତ ଭାବେ ଅଭିଯୋଗ କରିବା ସହ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି। ଉକ୍ତ ଗ୍ରାମର ପରିବାର ସଂଖ୍ୟା ୬୦। ଲୋକସଂଖ୍ୟା ପାଖାପାଖି ୩ଶହ। ୬୦ ପରିବାର ମଧ୍ୟରୁ ବର୍ଷେ ତଳେ ୧୫ଜଣଙ୍କର ପାଇଖାନା ନିର୍ମାଣ କରାଯାଇଥିଲା। ୨ମାସ ତଳେ ୨୦ଜଣ ନିଜସ୍ବ ଉଦ୍ୟମରେ ପାଇଖାନା ନିର୍ମାଣ କରିଥିଲେ। ଏଥିମଧ୍ୟରୁ ୧୦ଜଣଙ୍କୁ ଅର୍ଥ ମିଳି ସାରିଥିବା ବେଳେ ବାକି ୧୦ଜଣ ଦୌଡି ଦୌଡି ନୟାନ୍ତ ହୋଇଥିଲେ ମଧ୍ୟ ବିଲ୍‌ ପାଇନାହାନ୍ତି। ବାକି ୨୫ଜଣଙ୍କୁ ଏପର୍ଯ୍ୟନ୍ତ ପାଇଖାନା ମିଳିନାହିଁ। ଏଭଳି ପରିସ୍ଥିତିରେ ଶହେ ପ୍ରତିଶତ ନିର୍ମାଣ ହୋଇଥିବା ନେଇ ତଥ୍ୟକୁ ଗ୍ରାମର ଲକ୍ଷ୍ମଣ ବେହେରା ସମାଲୋଚନା କର

ବାରିପଦା ଅଫିସ, ୩୦ା୭- ଦିନେ ସେମାନେ ଶିଶୁ ଶ୍ରମିକ ଥିଲେ। ହେଲେ ବୁଧବାର ମାଟ୍ରିକ୍‌ ପାସ୍‌ କରିବା ପରେ ଏବେ ତାଙ୍କ ମନରେ ଅନେକ ସ୍ବପ୍ନ ଉଙ୍କି ମାରିଛି। କିଏ ପାଠ ପଢ଼ି ଚାକିରି କରିବ ତ ଆଉ କିଏ ନିଜକୁ ବିଭିିନ୍ନ କ୍ଷେତ୍ରରେ ପ୍ରତିଷ୍ଠିତ କରାଇ ପାରିବା ଭଳି ଲକ୍ଷ୍ୟ ରଖି ନିଜକୁ ପ୍ରସ୍ତୁତ କରିବା ପାଇଁ ଆଗଭର ହେଲେଣି। ଏହି କୃତି ୯ ଜଣ ଛାତ୍ରହେଲେ ଅଜୟ କୁମାର ପାତ୍ର, ଜିତେନ୍ଦ୍ର କୁମାର ନାୟକ, ହେମନ୍ତ କୁମାର ମୁର୍ମୁ, ପାଣ୍ଡୁ ସିଂ, ଗୁଜା ମୁର୍ମୁ, ଦୀପୁ ମହାକୁଡ଼, କାର୍ତ୍ତିକ ମହାକୁଡ଼, ଦୁର୍ଗା ମାରାଣ୍ଡି ଓ ରାଜେଶ ପାତ୍ର। ପରିବାରର ଅଭାବ ଅନଟନ ଯୋଗୁ ଦିନେ ସେମାନଙ୍କ ପାଠ ପଢ଼ାରେ ଡୋରି ବନ୍ଧା ହୋଇଥିଲା। ହେଲେ ମାଟ୍ରିକ୍‌ ପାସ୍‌ କରିବା ପରେ ସେମାନଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି। ଅଜୟ ଓ ଜିତେନ୍ଦ୍ର ୬୦ ପ୍ରତିଶତରୁ ଊର୍ଦ୍ଧ୍ୱ ମାର୍କ ରଖିଥିବା ବେଳେ ଅନ୍ୟମାନେ ମଧ୍ୟ ଭଲ ମାର୍କ ରଖି ପାସ୍‌ କରିଛନ୍ତି। ସେମାନଙ୍କ ମଧ୍ୟରୁ କିଏ ଅନାଥ ତ ଆଉ କାହାର ବାପା ଥିବା ବେଳେ ମା’ ଆରପାରିକୁ ଚାଲି ଯାଇଛନ୍ତି। ଆଉ କାହାର ମା’ ଥିବା ବେଳେ ବାପାଙ୍କ ଦେହାନ୍ତ ହୋଇଛି। ଫଳରେ ବାଧ୍ୟ ହୋଇ ସେମାନ ନିଜ ପେଟ ଚାଖଣ୍ଡ ସହିତ ପରିବାରକୁ କିଛି ଅର୍ଥ ଦେବା ଆଶାରେ ଶିଶୁ ଶ୍ରମିକ ଭାବେ ଖଟି ଆସୁଥିଲେ। ଜଳଖିଆ ଦୋକାନ, ଗ୍ୟାରେଜ, ଢାବା ଆଦି ବିଭିନ୍ନ ଦୋକାନରେ ଏମାନେ କାମ କରୁଥିଲେ। ୨୦୧୪ରେ ଜିଲା ପ୍ରଶାସନ ପକ୍ଷରୁ ତତ୍କାଳ

କେନ୍ଦୁଝର, ୩୦ା୭ (ସ୍ବ.ପ୍ର.)- ମନୋରମ ପର୍ଯ୍ୟଟନସ୍ଥଳ ସାନଘାଗରା ଦୀର୍ଘ ପ୍ରାୟ ୪ ମାସ ହେଲା ତାଲା ବନ୍ଦ ରହିଛି। ବର୍ଷତମାମ ଚଳଚଞ୍ଚଳ ରହୁଥିବା ଏହି ସ୍ଥାନଟି କରୋନା ଶଟ୍‌ ଡାଉନ ଓ ଲକଡାଉନ ପାଇଁ ଏବେ ଖାଁ ଖାଁ ହୋଇ ପଡ଼ିଛି। ଏହାର ମୁଖ୍ୟ ଗେଟରେ ପର୍ଯ୍ୟଟକଙ୍କ ପ୍ରବେଶ ରୋକିବା ପାଇଁ ବାରିକେଡ ଲଗାଯାଇଛି। ଫଳରେ ଏହାର ବିକାଶ ପାଇଁ ହୋଇଥିବା କୋଟି କୋଟି ଟଙ୍କା ବ୍ୟୟ ପାଣିରେ ପଡ଼ିଲା ବୋଲି କୁହାଯାଉଛି। ରକ୍ଷଣାବେକ୍ଷଣ ଅଭାବରୁ ସେସବୁ ଧିରେ ଧିରେ ନଷ୍ଟ ହେବାକୁ ବସିଛି। ପ୍ରକାଶ ଯେ, ଏଠାକୁ ପ୍ରତ୍ୟେକ ବର୍ଷ ଲକ୍ଷାଧିକ ପର୍ଯ୍ୟଟକ ରାଜ୍ୟ ତଥା ରାଜ୍ୟ ବାହାରୁ ବର୍ଷତମାମ ଆସିଥାନ୍ତି। ପ୍ରାକୃତିକ ପରିବେଶ ମଧ୍ୟରେ ଥିବା ଜଳପ୍ରପାତର ମନୋରମ ଦୃଶ୍ୟ ଉପଭୋଗ କରିବା ସହ ଏଠାରେ ଭୋଜିଭାତ କରି ଥାନ୍ତି। ସେହିପରି ଏଠାରେ ପର୍ଯ୍ୟଟକମାନେ ବୋଟିଂର ମଜାନେବା ସହ ପାର୍କରେ ଖେଳକୁଦ କରିଥାନ୍ତି। ମାତ୍ର ଏବେ ସବୁ ବନ୍ଦ ହୋଇଯାଇଛି। ଏଭଳି ପରିସ୍ଥିତି କେନ୍ଦୁଝର ଜିଲାର ମାନ୍ୟତା ପାଇଥିବା ସମସ୍ତ ପର୍ଯ୍ୟଟନ କେନ୍ଦ୍ରରେ ଦେଖିବାକୁ ମିଳିଛି। କେନ୍ଦୁଝର ଜିଲା ଜଳପ୍ରପାତ ପର୍ଯ୍ୟଟନ ପାଇଁ ବେଶୀ ପ୍ରସିଦ୍ଧି ଲାଭ କରିଛି। ସମାନ ଅବସ୍ଥା ଖଣ୍ଡାଧାର, ହାଣ୍ଡିଭଙ୍ଗା, ମୁର୍ଗା, ଗୁଣ୍ଡିଚାଘାଗୀ, ଭୀମକୁଣ୍ଡ ଆଦିରେ ଅନ୍ୟାନ୍ୟ ଜଳପ୍ରପାତ ସମୃଦ୍ଧ ପର୍ଯ୍ୟଟନ କେନ୍ଦ୍ରରେ ଦେଖିବାକୁ ମିଳିଛି। ଏହା ବ୍ୟତୀତ ରାଜ୍ୟ ତଥା ରାଜ୍ୟ ବାହାରେ ପ୍ରସିଦ୍ଧି

କଟକ ଅଫିସ,୩୦।୭: ସାମାଜିକ କର୍ମୀ ଆଦିତ୍ୟ ଦାସଙ୍କ ମୃତ୍ୟୁ ମାମଲାର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଛନ୍ତି ରାଜ୍ୟ ପୋଲିସ ମହାନିର୍ଦ୍ଦେଶକ (ଡିଜିପି) ଅଭୟ। ଏନେଇ ଗୁରୁବାର ଡିଜିପି ଅଭୟ ଟୁଇଟ କରି ସୂଚନା ଦେଇଛନ୍ତି।  ସୂଚନାଯୋଗ୍ୟ, ଗତ ଜୁଲାଇ ୭ରେ ଆଦିତ୍ୟଙ୍କ ମୃତ୍ୟୁଦେହ ଲିଙ୍ଗରାଜ ଷ୍ଟେସନ ନିକଟ ରେଳ ଧାରଣାରୁ ମିଳିଥିଲା। ଏହା ହତ୍ୟା ନା ଆତ୍ମହତ୍ୟା, ତାହାକୁ ନେଇ ଏବେ ସନ୍ଦେହ ସୃଷ୍ଟି ହୋଇଛି। ବର୍ତ୍ତମାନ ଭୁବନେଶ୍ୱର ଜିଆରପି ପୋଲିସ ଏହାର ତଦନ୍ତ କରୁଛି। ତେବେ ଜିଆରପିର ଶିଥିଳତା ତଦନ୍ତ ଯୋଗୁ କ୍ରାଇମ୍‌ବ୍ରାଞ୍ଚ ତଦନ୍ତ ପାଇଁ ପୂର୍ବରୁ ଦାବି ହୋଇ ଆସୁଥିଲା। The post ଆଦିତ୍ୟ ଦାସ ମୃତ୍ୟୁ ମାମଲା: କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଲେ ଡିଜିପି appeared first on Dharitri Odia News .

କରାଚୀ,୩୦।୭ (ପି.ଟି.): ପାକିସ୍ତାନ ବ୍ୟାଟ୍ସମ୍ୟାନ ଉମର ଆକମଲଙ୍କ ୩ ବର୍ଷିଆ ବାସନ୍ଦ ଅବଧୀକୁ ପାଖାପାଖି ଅଧା କରିଦିଆଯାଇଛି। ଫିକ୍ସିଂ କରିବାକୁ ତାଙ୍କୁ ଦିଆଯାଇଥିବା ପ୍ରସ୍ତାବକୁ ସେ ପାକିସ୍ତାନ କ୍ରିକେଟ ବୋର୍ଡ (ପିସିବି)କୁ ଜଣାଇ ନ ଥିଲେ। ଫଳରେ ତାଙ୍କୁ କ୍ରିକେଟରୁ ୩ ବର୍ଷ ବାସନ୍ଦ କରାଯାଇଥିଲା। କ୍ରିକେଟ ପ୍ରତି ତାଙ୍କ ଭଲ ପାଇବାକୁ ଉପଲବ୍ଧି କରି ତାଙ୍କ ଦଣ୍ଡ କୋହଳ କରାଯାଇଛି। ତେବେ ଏଥିରେ ଆକମଲ ସନ୍ତୁଷ୍ଟ ହୋଇନାହାନ୍ତି। ସମ୍ପୂର୍ଣ୍ଣ ବାସନ୍ଦାଦେଶ ଉଠା ନହେବା ପର୍ଯ୍ୟନ୍ତ ସେ ଲଢେଇ ଜାରି ରଖିବେ ବୋଲି ଆକମଲ କହିଛନ୍ତି। ତାଙ୍କ ବାସନ୍ଦ ଅବଧୀ ୨୦୨୦ ଫେବୃୟାରୀରୁ ୨୦୨୧ ଅଗଷ୍ଟ ପର୍ଯ୍ୟନ୍ତ ଲାଗୁ ହେବ। ପାକିସ୍ତାନ ସୁପର ଲିଗ୍‌ (ପିଏସ୍‌ଏଲ୍‌) ଖେଳିବା ଅବସରରେ ଆମକଲଙ୍କୁ ଫିକ୍ସିଂ କରିବାକୁ ପ୍ରସ୍ତାବ ଦିଆଯାଇଥିଲା। ତେବେ ସେ ଏହାକୁ ସାର୍ବଜନୀନ କରି ନ ଥିଲେ। ଏହି ବାସନ୍ଦାଦେଶ ବିରୋଧରେ ସେ ଅପିଲ କରିଥିଲେ। ଜଷ୍ଟିସ୍‌ ଫକିର ମହମ୍ମଦ ଖୋଖେର ଆକମଲଙ୍କ ଅପିଲର ଶୁଣାଣି କରିଥିଲେ ଓ ଦଣ୍ଡ କୋହଳ କରିଥିଲେ। The post ଆକମଲଙ୍କ ବାସନ୍ଦ ଅବଧି ୧୮ ମାସକୁ କମିଲା appeared first on Dharitri Odia News .

ନୂଆଦିଲ୍ଲୀ,୩୦।୭: କରୋନା ଯୋଗୁ ଭାରତୀୟ ବଜାର କ୍ଷତିଗ୍ରସ୍ତ ହୋଇଛି। ନିଯୁକ୍ତି ଉପରେ ଏହା ପ୍ରତ୍ୟକ୍ଷ ଭାବେ ପ୍ରଭାବ ପକାଇଛି। ସାଧାରଣତଃ ଦେଶର ସଙ୍ଗଠିତ କ୍ଷେତ୍ରରେ ବହୁ କମ୍‌ ଲୋକ କାମ କରିଥାନ୍ତି। ଅଣସଙ୍ଗଠିତ କ୍ଷେତ୍ର ଅନେକ ଲୋକଙ୍କୁ କାମ କରିବାର ସୁଯୋଗ ପ୍ରଦାନ କରୁଥିବା ବେଳେ ଅର୍ଥ ବ୍ୟବସ୍ଥାକୁ ଏହି କ୍ଷେତ୍ରର ଯୋଗଦାନ ଗୁରୁତ୍ୱପୂର୍ଣ୍ଣ ରହିଛି। ଦେଶର ଅଣୁ କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ(ଏମ୍‌ଏସ୍‌ଏମ୍‌ଇ)ଗୁଡ଼ିକରେ ଉଭୟ ସଙ୍ଗଠିତ ଏବଂ ଅଣସଙ୍ଗଠିତ ଉଭୟ ଶ୍ରମଶକ୍ତିକୁ ନିଯୁକ୍ତି ପ୍ରଦାନ କରିଥାଏ। ଏହି କ୍ଷେତ୍ର ବର୍ତ୍ତମାନ ସଙ୍କଟ ସ୍ଥିତି ଦେଇ ଗତି କରୁଛି। ଏହି କ୍ଷେତ୍ରରେ କାମ କରୁଥିବା ୧୦୦ ନିୟୁତ ବା ୧୦ କୋଟି ନିଯୁକ୍ତି ଉପରେ ବର୍ତ୍ତମାନ କଳାବାଦଲ ଛାଇ ହୋଇ ରହିଛି। ଉକ୍ତ କ୍ଷେତ୍ରକୁ ସମୟ ପୂର୍ବରୁ ବଞ୍ଚାଇବା ଲାଗି ସରକାର ହସ୍ତକ୍ଷେପ କରିବାର ଆବଶ୍ୟକତା ରହିଛି ବୋଲି ଏମ୍‌ଏସ୍‌ଏମ୍‌ଇ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ବାଣିଜ୍ୟ ସଂକ୍ରାନ୍ତ ପାର୍ଲାମେଣ୍ଟର ଷ୍ଟାଣ୍ଡିଂ କମିଟି ସାମ୍ନାରେ ପ୍ରେଜେଣ୍ଟେଶନ ରଖିଛନ୍ତି। ଅଧିକାରୀ ଜଣକ କହିଛନ୍ତି, କରୋନା ଯୋଗୁ ଟ୍ରାଭେଲ ଏବଂ ଟୁରିଜମ୍‌ ଶିଳ୍ପ ଉପରେ ସଙ୍କଟ ସ୍ଥିତି ଉପୁଜିଛି। ଏହି କ୍ଷେତ୍ରରେ କାମ କରୁଥିବା ଲକ୍ଷ ଲକ୍ଷ ଲୋକଙ୍କ ଚାକିରି ଚାଲିଯାଇଛି। ଏମ୍‌ଏସ୍‌ଏମ୍‌ଇଗୁଡ଼ିକୁ ଟ୍ରାକ୍‌କୁ ଫେରାଇ ଆଣିବା ଲାଗି ଅଧିକାରୀ ମାନେ ସରକାରଙ୍କୁ କେତେକ ପ୍ରସ୍ତା

ବୌଦ୍ଧ,୩୦।୭(ସ୍ବ.ପ୍ର.) ବୌଦ୍ଧ ଜିଲା ଭାଜପା ଯୁବମୋର୍ଚ୍ଚା ସମ୍ପାଦକ ତଥା କଣ୍ଟାମାଳ ବ୍ଲକର ସିଆଲଝୁଲି ଗ୍ରାମର ଲୋକନାଥ ପ୍ରଧାନଙ୍କ ହତ୍ୟା ଘଟଣା ନେଇ ରାଜନୀତି ଜୋର ଧରିଛି। ମଙ୍ଗଳବାର ଭାଜପା ରାଜ୍ୟ ସାଧାରଣ ସମ୍ପାଦକ ରବି ନାରାୟଣ ନାୟକଙ୍କ ନେତୃତ୍ୱରେ ଏକ ପ୍ରତିନିଧି ଦଳ କଣ୍ଟାମାଳ ଗସ୍ତ କରି ଏହି ହାତ୍ୟାକାଣ୍ଡରେ କଣ୍ଟାମାଳ ବିଧାୟକଙ୍କ ପୁଅ ଓ ସ୍ଥାନୀୟ ସରପଞ୍ଚଙ୍କ ସଂପୃକ୍ତି ଥିବା ନେଇ ଏସ୍‌ପିଙ୍କ ନିକଟରେ ଅଭିଯୋଗ କରିଥିଲେ। ଏହି ଅଭିଯୋଗ ପରେ ବୁଧବାର ସନ୍ଧ୍ୟାରେ କଣ୍ଟାମାଳ ବିଧାୟକ ମହୀଧର ରଣା ବୌଦ୍ଧ ସର୍କିଟ ହାଉସଠାରେ ଆୟୋଜିତ ଏକ ଖବରଦାତା ସମ୍ମିଳନୀ କରି ଘଟଣାର ନିରପେକ୍ଷ ତଦନ୍ତ ଦାବି କରିଛନ୍ତି। ବିଧାୟକ ରଣା କହିଥିଲେ ଯେ, ଏହି ହତ୍ୟାକାଣ୍ଡ ପାଇଁ ସେ ମର୍ମାହତ। ତେବେ ହତ୍ୟାର ଶିକାର ହୋଇଥିବା ଲୋକନାଥଙ୍କ ପରିବାର ସହ ତାଙ୍କର କୌଣସି ସମ୍ପର୍କ ନାହିଁ। ଏହି ଘଟଣାରେ ତାଙ୍କ ପୁଅ, ସ୍ଥାନୀୟ ସରପଞ୍ଚ କିମ୍ବା ବିଜେଡିର କେହି ଜଡିତ ନାହାନ୍ତି। ଅଯଥାରେ ଭାଜପା ହୀନ ରାଜନୀତି କରୁଛି। ଭାଜପା ରାଜନୀତି କରିବାକୁ ଏପରି ମିଛ ଆରୋପ କରୁଥିବା ବିଧାୟକ ରଣା କହିଥିଲେ। ଯଦି ଏହି ହତ୍ୟାକାଣ୍ଡରେ ତାଙ୍କ ପରିବାରର କେହି ସଂପୃକ୍ତ ଥିବା ପ୍ରମାଣିତ ହୁଏ, ତେବେ ବିଧାୟକ ପଦରୁ ଇସ୍ତଫା ଦେବେ ବୋଲି କହିଥିଲେ। ଏଥିସହ ପୋଲିସ ଠିକ୍‌ ଭାବରେ ଘଟଣାର ତଦନ୍ତ କରି ପ୍ରକୃତ ଦୋଷୀଙ୍କୁ ଧରି ଆଇନ ଅନୁଯାୟୀ ଦଣ୍ଡିତ କରିବାକୁ ଦାବି

ଭୁବନେଶ୍ୱର, ୩୦।୭(କ୍ରୀଡ଼ା ପ୍ରତିନିଧି)- ଗତବର୍ଷ ୧୮ ବର୍ଷରୁ କମ୍‌ ଦଳରେ ଥିବା ୫ ଖେଳାଳିଙ୍କୁ ଓଡ଼ିଶା ଏଫସି ଏଥର ସିନିୟର ଦଳପାଇଁ ଚୁକ୍ତିବଦ୍ଧ କରିଛି। ହିରୋ ଏଲିଟ୍‌ ଲିଗ୍‌ରେ ପ୍ରଭାବୀ ପ୍ରଦର୍ଶନ କରି ସିନିୟର ଦଳରେ ପେସାଦାର କ୍ୟାରିୟର ଆରମ୍ଭ କରିବାକୁ ସୁଯୋଗ ପାଇଥିବା ଏହି ଖେଳାଳିମାନେ ହେଲେ ଡିଫେଣ୍ଡର ଜୋନ୍ସ ଲାଲଥାକିମା(ଗତ ସିଜନର ଅଧିନାୟକ), ରୋନାଲ୍ଡୋ ଓ୍ବାରୋକପାମ୍‌, ମିଡ୍‌ଫିଲ୍ଡର ନିଶ୍ଚୟ ଅଧିକାରୀ, ଫରଓ୍ବାର୍ଡ ରିଷବ ଦୋବ୍ରିଆଲ ଓ ଅକ୍ଷୁନ୍ନ ତ୍ୟାଗୀ। ଇଣ୍ଡିଆନ ସୁପରଲିଗ୍‌(ଆଇଏସଏଲ)ର ୭ମ ସଂସ୍କରଣ ଏମାନଙ୍କ ପାଇଁ ସୁଯୋଗ ଆଣିବ। ୧୮ ବର୍ଷରୁ କମ୍‌ ଦଳର ଖେଳାଳିମାନେ ସେମାନଙ୍କ ପ୍ରଦର୍ଶନ ମାଧ୍ୟମରେ ସିନିୟର ଦଳକୁ ଆସିଥିବାରୁ ମୁଁ ବହୁତ ଖୁସି। ଏମାନଙ୍କୁ ଚିହ୍ନଟ କରିଥିବା ୧୮ ବର୍ଷରୁ କମ୍‌ କୋଚିଂ ଓ ସ୍କାଉଟିଂ ଟିମ୍‌ ଧନ୍ୟବାଦର ପାତ୍ର। ଖେଳାଳି ମାନଙ୍କୁ ମଧ୍ୟ ପ୍ରଶଂସା କରିବାକୁ ପଡ଼ିବ। କାରଣ ସେମାନେ କଠିନ ପରିଶ୍ରମ କରିଥିବାରୁ ଏଠାରେ ପହଞ୍ଚତ୍ ପାରିଛନ୍ତି। ସିନିୟର ଦଳରେ ସେମାନେ ସେହି ନିଷ୍ଠା ଜାରି ରଖିବା ଆଶା ରହିଛି ବୋଲି ଓଡ଼ିଶା ଏଫସି ସଭାପତି ରୋହନ ଶର୍ମା ପ୍ରକାଶ କରିଛନ୍ତି। ଯୁବ ଦଳର ୫ ଖେଳାଳି ପେସାଦାର ଫୁଟବଲ ଖେଳିବାକୁ ଯୋଗ୍ୟ ହୋଇଥିବାରୁ ମୋତେ ବହୁତ ଖୁସି ଲାଗୁଛି। ସେମାନେ ନିଜ ଦକ୍ଷତା ପ୍ରଦର୍ଶନ କରି ହିରୋ ଏଲିଟ୍‌ ଲିଗ୍‌ର ଫାଇନାଲରେ ଦଳକୁ ପ୍ରବେଶ କରାଇବାରେ ଗୁରୁତ୍ୱପୂର୍ଣ୍

ମାନେକା ଗାନ୍ଧୀ ଅନେକ ବର୍ଷ ପୂର୍ବେ ମୁଁ ଭାରତରେ ମର୍ସିଡିଜ୍‌ କାର୍‌ କମ୍ପାନୀ ଲୋକଙ୍କ ସହ କଥା ହୋଇ ସେମାନଙ୍କ କାର୍‌ ସିଟ୍‌ ପାଇଁ ଚମଡ଼ା ବ୍ୟବହାର ବନ୍ଦ କରିବାକୁ କହିଥିଲି। ସେମାନେ ଏହାକୁ ବନ୍ଦ କରିନାହାନ୍ତି ସତ, କିନ୍ତୁ ଏହାକୁ ଗ୍ରାହକମାନଙ୍କ ପାଇଁ ଐଚ୍ଛିକ କରିଦେଇଛନ୍ତି। ବର୍ତ୍ତମାନ ଏହା କ୍ରେତାମାନଙ୍କ ଉପରେ ନିର୍ଭର କରୁଛି- ସେମାନେ ଚାହିଁଲେ ତାଙ୍କ ପାଇଁ କାର୍‌ ସିଟ୍‌ ଚମଡ଼ାରେ ତିଆରି ହେବ, ନ ଚାହିଁଲେ ଚମଡ଼ା ଛଡ଼ା ଅନ୍ୟ ଉପାଦାନରେ ତିଆରି କରି ଦିଆଯିବ। ଦୁର୍ଭାଗ୍ୟବଶତଃ ଖୁବ୍‌ କମ୍‌ ଧନୀ ବ୍ୟକ୍ତି ସେମାନଙ୍କ ଟଙ୍କାକୁ ନ୍ୟାୟପୂର୍ଣ୍ଣ ଭାବରେ ଖର୍ଚ୍ଚ କରନ୍ତି। ସେମାନେ ଯେତେ ଅଧିକ ରୋଜଗାର କରନ୍ତି, ସେତେ ଅନ୍ୟ ଲୋକଙ୍କୁ ଦେଖାଇବାକୁ ଚାହାନ୍ତି ଯେ ସେମାନେ ତାଙ୍କ ଅପେକ୍ଷା ବଡ଼ ଓ ଧନୀ। ଆଉ ଏହି ବଡ଼ ବୋଲି ଦେଖାଇ ହେବାର ଭାବନା ଭିତରେ ଅଜବ ଜିନିଷ ସବୁ ଖାଇବାର ରୁଚି ସେମାନଙ୍କର ବଢ଼ିଯାଏ। ଯେମିତି, କର୍କଟ ରୋଗକାରୀ କୁହାଯାଉଥିବା ପେଟେ, କ୍ୟାଭିଆର ନାମକ ଗର୍ଭବତୀ ମାଛ ଅଣ୍ଡା, ଫୁଗୁ ପରି ବିରଳ ବିଷାକ୍ତ ମାଛ ଇତ୍ୟାଦି। କୁମ୍ଭୀର, ସାପ ଓ ଜେବ୍ରା ଚମଡ଼ା ପିନ୍ଧିବା ଧନୀମାନଙ୍କର ଏକ ସଉକ। ପ୍ରାଣୀମାନଙ୍କ ପୀଡ଼ାର ଏକ କାରଣ ହେଉଛି କାର୍‌ରେ ଚମଡ଼ା ସିଟ୍‌ର ବ୍ୟବହାର। ୭୫% ବିଳାସପୂର୍ଣ୍ଣ କାର୍‌ରେ ଚମଡା ସିଟ୍‌ ବ୍ୟବହାର କରାଯାଏ। ପେଟା (PETA) ହିସାବ କରିଛି ଯେ ଗୋଟିଏ ବର୍ଷରେ ୧.୫ ନିୟୁତ ଚମ

ଡା. ସୁରେନ୍ଦ୍ର ନାଥ ପତି ବନ୍ଧୁତା ବା ଇଂଲିଶରେ ‘ଫ୍ରେଣ୍ଡ୍‌ଶିପ୍‌’ ଶବ୍ଦଟି ଉଚ୍ଚାରଣ କଲାମାତ୍ରେ, ଚକ୍ଷୁ ସମକ୍ଷରେ ଭାସିଉଠେ ଏକ ହସହସ ମୁଖ ଓ ସେହି ବ୍ୟକ୍ତିର ସ୍ନେହ, ସଦିଚ୍ଛା, ଶୁଭକାମନାର ହସ୍ତ ପ୍ରସାରଣ କରିବାର ଦୃଶ୍ୟଟିଏ। ଇଂଲିଶ ଡିକ୍‌ସନାରି ଅର୍ଥରେ ‘ଏକ ବ୍ୟକ୍ତି ଯାହାକୁ ସେ ଜାଣେ, ଭଲପାଏ ଓ ବିଶ୍ୱାସ କରେ’ ସେ ହିଁ ବନ୍ଧୁ। ପ୍ରତ୍ୟେକଙ୍କ ପାଇଁ ଏହା ଗ୍ରହଣୀୟ ହୋଇ ନ ପାରେ। ବହୁ ଲୋକ ଖୋଜନ୍ତି ସମାନ ପ୍ରକୃତି ହୋଇଥିବ, ସମାନ ଗୁଣ, ଲାଇକିଂ ଥିବ ଇତ୍ୟାଦି। ଗ୍ରୀକ୍‌ ଦାର୍ଶନିକ ଆରିଷ୍ଟୋଟଲ କହିଥିଲେ, ”ବନ୍ଧୁ କିଏ ? ଯେଉଁଠି ଏକ ଆତ୍ମା, ଶରୀର ଦୁଇଟିରେ ବାସ କରୁଥାଏ।“ ଜଣେ ବ୍ୟକ୍ତି ତା’ର ବନ୍ଧୁ ସହ ମାନସିକ ଶାନ୍ତିରେ ରହିପାରେ, କିଛି କହିବା ପୂର୍ବରୁ ଚିନ୍ତା କରିବାର ଆବଶ୍ୟକତା ନ ଥାଏ, ଉପଯୁକ୍ତ ଶବ୍ଦ ଖୋଜିବାକୁ ପଡ଼େ ନାହିଁ, ସେ ବିନା ଦ୍ୱିଧାରେ ତା’ର ଅନ୍ତରର କଥା ବ୍ୟକ୍ତ କରିପାରେ। ତୁମ ନିଜଠାରୁ ସେ ତୁମକୁ ଭଲଭାବରେ ଚିହ୍ନେ, ତୁମର ମାନସିକ ଅବସ୍ଥା ସ୍ଥିର ନ ଥିଲାବେଳେ ସେ ପାଖରେ ଥାଇ ଆଶ୍ୱାସନା ଦିଏ, ମନୋବଳ ବଢ଼ାଏ। ଏ ବିଷୟରେ କୁହାଯାଇଛି, ”ତୁମେ ଦୁଇଜଣ ପରସ୍ପର ସଙ୍ଗେ କଳିକରି ଶୟନ କର, କିନ୍ତୁ ସକାଳେ ଭଲ ବୁଝାମଣା ନେଇ ଶଯ୍ୟା ତ୍ୟାଗ କର।“ ଏହା ପ୍ରକୃତ ବନ୍ଧୁତାର ଲକ୍ଷଣ। ପାରସ୍ପରିକ ସ୍ନେହମମତା, ବିଶ୍ୱସ୍ତତା, ସମ୍ମାନ, ଦୃଢ଼ ଆତ୍ମିକ ବନ୍ଧନ ହେଉଛି ବନ୍ଧୁତ୍ୱର ମୂଳଦୁଆ। ବନ୍ଧୁତ୍ୱ ଅ

ଇନ୍ଦୋର,୩୦।୭(ପି.ଟି.): ପୂର୍ବତନ ଭାରତୀୟ ଉଇକେଟ କିପର ଚନ୍ଦ୍ରକାନ୍ତ ପଣ୍ଡିତଙ୍କୁ ମଧ୍ୟ ପ୍ରଦେଶ ଦଳର କୋଚ୍‌ ନିଯୁକ୍ତି କରାଯିବା ଉପରେ ମଧ୍ୟ ପ୍ରଦେଶ କ୍ରିକେଟ ଆସୋସିଏଶନ (ଏମ୍‌ପିସିଏ) କ୍ରିକେଟ କମିଟି ପ୍ରଶ୍ନ ଉଠାଇଛି। ପଣ୍ଡିତଙ୍କୁ ଗତ ମାର୍ଚ୍ଚରେ ମଧ୍ୟପ୍ରଦେଶ ରଣଜୀ ଦଳର କୋଚ୍‌ ନିଯୁକ୍ତ କରାଯାଇଥିଲା। ତେବେ ୪ ମାସ ପରେ ଏମ୍‌ପିସିଏ କ୍ରିକେଟ କମିଟି ଏ ନେଇ ପ୍ରଶ୍ନ ଉଠାଇଛି। କ୍ରିକେଟ କମିଟି କୋଚ୍‌ ନିଯୁକ୍ତିକୁ ଅନ୍ତିମ ରୂପ ଦେଇଥାଏ। କିନ୍ତୁ ଏହି ନିଯୁକ୍ତିରେ ସମ୍ପୂର୍ଣ୍ଣ ରୂପେ ଅନ୍ଧାରରେ ରଖାଯାଇଛି ବୋଲି କମିଟି ତରଫରୁ କୁହାଯାଇଛି। କ୍ରିକେଟ କମିଟିର ଏପରି ଆଚରଣ ଦୁର୍ଭାଗ୍ୟଜନକ ବୋଲି ଏମ୍‌ପିସିଏ ସମ୍ପାଦକ ସଞ୍ଜୀବ ରାଓ କହିଛନ୍ତି। ପଣ୍ଡିତ ଏମ୍‌ପିସିଏ ସହିତ ୨ ବର୍ଷିଆ ଚୁକ୍ତି କରିଛନ୍ତି। ଘରୋଇ କ୍ରିକେଟରେ ପଣ୍ଡିତ କୋଚ୍‌ ହିସାବରେ ବେଶ୍‌ ସଫଳତା ପାଇଛନ୍ତି। The post ପଣ୍ଡିତଙ୍କ ନିଯୁକ୍ତି ନେଇ ପ୍ରଶ୍ନ ଉଠାଇଲା କ୍ରିକେଟ କମିଟି appeared first on Dharitri Odia News .

ଉପେନ୍ଦ୍ର ବିଶ୍ୱାଳ ଦ୍ୱାପରର ଦ୍ୱାର ଭିତରକୁ ଧସେଇ ପଶିବାକୁ ଯେତେବେଳେ କଳିର ପ୍ରବଳ ପ୍ରୟାସ, ସେତେବେଳେ ସେଇ ଯୁଗସନ୍ଧିକ୍ଷଣର ଏକ ଘଟଣାଟିଏ। ଜଣେ ବ୍ରାହ୍ମଣଙ୍କର ଖେତ ଖନନ ବେଳେ ମିଳେ କେତେକ ରତ୍ନ ଅଳଙ୍କାର। ମାଲିକଙ୍କର ଏହା ପ୍ରାପ୍ୟ ବୋଲି ବିଚାର କରି ଗୋସେଇଁଙ୍କୁ ହସ୍ତାନ୍ତର କରେ ଶ୍ରମଜୀବୀ। ଯେହେତୁ ପୋତାଧନ ତାଙ୍କର ନୁହେଁ କି ଖନନରେ ତାଙ୍କର କିଛି ଅବଦାନ ନାହିଁ, ତେଣୁ ତାକୁ ସ୍ପର୍ଶ କରିବାକୁ ନାରାଜ ହେଲେ ବ୍ରାହ୍ମଣ। ବରଂ ଖନନ ବେଳେ ମିଳିଥିବାରୁ, ଖନନକାରୀ ହିଁ ତାହାର ଯଥାର୍ଥ ଦାବିଦାର ବୋଲି ମତବ୍ୟକ୍ତ କଲେ। ପାରିଶ୍ରମିକ ବ୍ୟତୀତ ଆଉ ଅଧିକ କିଛି ଗ୍ରହଣ କରିବା ତା’ ପାଇଁ ପାପ ବୋଲି କହିଲା ଶ୍ରମଜୀବୀ। ଏହାର ମୀମାଂସା ପାଇଁ ଦୁହେଁ ଦିନେ ହାଜର ହେଲେ ବିଚାରପତିଙ୍କ ସାମ୍ନାରେ। ଇତ୍ୟବସରରେ କଳି କବ୍‌ଜା କରି ସାରିଥାଏ ସେ କାଳଖଣ୍ଡକୁ। ଅତି ଆଶ୍ଚର୍ଯ୍ୟଜନକ ଭାବେ ବିପରୀତ ବୁଦ୍ଧି ଦେଖାଦେଇଛି ଦୁହିଁଙ୍କ ମନୋଭାବରେ। “ମୋ ଜମିରୁ ମିଳିଛି, ଏଣୁ ମୋର ଏବଂ ମୁଁ ପାଇଛି, ଏଣୁ ମୋର”- ଏହିପରି ଉଭୟ ବସିଲେ ସୁବର୍ଣ୍ଣ କଙ୍କଣଗୁଡ଼ିକୁ ହାତେଇବାକୁ। ଅର୍ଥାତ୍‌ ଦ୍ୱାପରକୁ ଦମନ କରି କଳି ଯେବେଠୁ ରାଜୁତି ଆରମ୍ଭ କଲା, ସେବେଠୁ ଦୂରେଇଗଲା ଦିବ୍ୟ ଦୃଷ୍ଟିଭଙ୍ଗୀ। ଯୁଗ ଅବତରଣର ଏମିତି ଏକ ସନ୍ଦେଶକୁ ନେଇ ରଚିତ ଯୁଗାନ୍ତକାରୀ ନାଟକ ‘କାଳାନ୍ତର’। ସୁପ୍ରସିଦ୍ଧ ନାଟ୍ୟକାର କୁଞ୍ଜ ରାଓଙ୍କ ଦ୍ବାରା ରଚିତ ଏହି ନାଟକଟିର ସାମଞ୍