Odia Post

ପଟ୍ଟାଙ୍ଗ,୩୧ା୩(ଡି.ଏନ.ଏ.): କୋରାପୁଟ ଜିଲା ପଟ୍ଟାଙ୍ଗୀ ବ୍ଲକ କୋଟିଆ ପଞ୍ଚାୟତରେ ଆନ୍ଧ୍ରର ଅନୁପ୍ରବେଶ ଜାରି ରହିଛି। ଏ ଦିଗରେ ଓଡ଼ିଶା ଜିଲା ପ୍ରଶାସନ ରୋକୋ ଲଗାଇବାକୁ ବିଫଳ ହେଉଥିବାରୁ ଆନ୍ଧ୍ର ଫାଇଦା ଉଠାଉଛି। କୋଟିଆ ପଞ୍ଚାୟତର ତିନି ଗ୍ରାମ ଯଥା ତଳଗଞ୍ଜେଇପଦର, ଫଗୁଣ ସିନେରି ଓ ଫାଟୁସିନେରି ଗ୍ରାମକୁ ନିଜ ପଞ୍ଚାୟତ ଭାବେ ନାମିତ କରି ସରକାରୀ ଯୋଜନାକୁ ଲୋକଙ୍କ ନିକଟରେ ପହଞ୍ଚାଇ କିପରି କୋଟିଆ ପଞ୍ଚାୟତକୁ ସମ୍ପୂର୍ଣ୍ଣ ନିଜ ଅଧୀନରେ ଆନ୍ଧ୍ର ରଖିପାରିବ ସେନେଇ ସମୟରେ ଯୋଜନା ପ୍ରସ୍ତୁତ କରିଆସୁଛି। ସୋମବାର ବିଜୟନଗରମ ଜିଲାର ସାଲୁର ବ୍ଲକ କାର୍ଯ୍ୟାଳୟର ଭିଆର୍‌ଓ ଗୁମ୍ପେଶ୍ୱର ରାଓ ତଳ ଗଞ୍ଜେଇପଦର ପଞ୍ଚାୟତର ସେକ୍ରେଟାରି ସୁରି ନାରାୟଣ ଏବଂ ଏମ୍‌ଜିଏନ୍‌ଆର୍‌ଇଜିଏସ୍‌ର ଆସିଷ୍ଟାଣ୍ଟ ଶ୍ରୀନୁ ପ୍ରମୁଖ ତଳ ଗଞ୍ଜେଇପଦର ଗ୍ରାମରେ ପହଞ୍ଚତ୍ ଏକ ଗ୍ରାମସଭା କରି ଆନ୍ଧ୍ର ସରକାରଙ୍କ ସେମାନଙ୍କ ପ୍ରତି କାର୍ଯ୍ୟକାରୀ ହେଉଥିବା ସମସ୍ତ ଯୋଜନା ସମ୍ପର୍କରେ ଲୋକଙ୍କୁ ବୁଝାଇଥିଲେ। ଏହି ସମୟରେ ଆନ୍ଧ୍ର ପକ୍ଷରୁ ନିକଟରେ ଶେଷ ହୋଇଥିବା ତଳ ଗଞ୍ଜେଇପଦର ପଞ୍ଚାୟତ ନବ ନିର୍ବାଚିତ ସରପଞ୍ଚ ଗେମେଲ ଦିବାକର ମୁଖ୍ୟ ଅତିଥି ଭାବେ ରହି ୫୩ ଜଣଙ୍କୁ ଜଙ୍ଗଲ ଜମି ପଟ୍ଟା ପ୍ରଦାନ କରିଥିଲେ । ଏହାକୁ ଗେମେଲ ବିଶୁ ଏବଂ ଗେମେଲ ଦାସୁ ପରିଚାଳନା କରିଥିଲେ। The post ଆନ୍ଧ୍ରର ଅନୁପ୍ରବେଶ ରୋକିପାରୁନି ଓଡ଼ିଶା appeared first on Dharitri...

ବରୀ,୩୧ା୩(ଡି.ଏନ.ଏ.): ଯାଜପୁର ଜିଲାର ବରୀ ବ୍ଲକ ଏକ ବନ୍ୟା ବାତ୍ୟା ପ୍ରଭାବିତ ଅଞ୍ଚଳ। ବିଭିନ୍ନ ସମୟରେ ଏଠି ପ୍ରାକୃତିକ ବିପର୍ଯ୍ୟୟ ଆସି ଲୋକଙ୍କର କ୍ଷତି କରିଥାଏ। ସେହି ଅନୁସାରେ ସରକାରଙ୍କ ପକ୍ଷରୁ ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ ଚୁଡ଼ାଗୁଡ଼ ମହଜୁଦ ରଖାଯାଇଥାଏ। ବନ୍ୟାବାତ୍ୟା ସମୟରେ ଏସବୁ ଲୋକଙ୍କୁ ବଣ୍ଟନ କରାଯାଏ। ତେବେ ପ୍ରଶାସନିକ ଅଧିକାରୀଙ୍କ ଦୂରଦୃଷ୍ଟି ଅଭାବ ଯୋଗୁ ବିପନ୍ନଙ୍କ ପାଇଁ ବରୀ ବ୍ଲକ ଅଞ୍ଚଳକୁ ଆସିଥିବା ୨୦ କୁଇଣ୍ଟାଲ ଚୁଡ଼ାକୁ ଶେଷରେ ପୋଡ଼ି ଦିଆଯାଇଛି। ୨୯ ତାରିଖ (ସୋମବାର)ସରକାରୀ ଛୁଟିଦିନରେ ବରୀ ବ୍ଲକ ପ୍ରଶାସନ ପକ୍ଷରୁ ଏହି ଚୁଡ଼ାକୁ ଗୋଦାମରୁ କଢ଼ାଯାଇ ନିଅଁା ଲଗାଇ ଦିଆଯାଇଛି। ଫଳରେ ଏହାକୁ ନେଇ ସାଧାରଣରେ ନାନା ଅସନ୍ତୋଷ ପ୍ରକାଶ ପାଇଛି। ପ୍ରଶ୍ନ ଉଠେ ବନ୍ୟା ପ୍ରଭାବିତ ଲୋକେ ନିରାଶ୍ରୟ ହୋଇ ଛାତ ଉପରେ, ନଦୀ ବନ୍ଧରେ ଭୋକ ଉପାସରେ ଦିନ କାଟୁଥିବା ବେଳେ ଏତେ ଚୁଡା ଗଚ୍ଛିତ ରଖାଯାଇଥିଲା କାହିଁକି। ବ୍ଲକର ବିଭିନ୍ନ କାର୍ଯ୍ୟକ୍ରମ ଉପରେ ସ୍ବଚ୍ଛତା ବଜାଇ ରଖିବା କ୍ଷେତ୍ରରେ ଗୁରୁତ୍ୱ ଦେଉଥିବା ବିଡିଓ କିପରି କୌଣସି ଲୋକ ପ୍ରତିନିଧିଙ୍କୁ ସୂଚନା ନ ଦେଇ ଏଭଳି କାର୍ଯ୍ୟ କଲେ ବୋଲି ଲୋକେ ପ୍ରଶ୍ନ କରିଛନ୍ତି। ଏ ସମ୍ପର୍କରେ ବିଡିଓ ଶିବାନନ୍ଦ ସ୍ବାଇଁଙ୍କୁ ପଚାରିବାରୁ ସେ କହିଛନ୍ତି, ଉକ୍ତ ଚୁଡ଼ା ୨୦୧୧ରୁ ଗଚ୍ଛିତ ଥିଲା। ତେବେ ଏହା ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିବାରୁ ଜିଲାପାଳଙ୍କୁ...

ଭୁବନେଶ୍ୱର,୩୧ା୩(ବ୍ୟୁରୋ): ତେଲ ଭେଜାଲ, ଘିଅ ଭେଜାଲ, ମସଲା ଭେଜାଲ, କୋଲ୍ଡଡ୍ରିଙ୍କ୍ସ ଭେଜାଲ। ଅପମିଶ୍ରଣକାରୀ ଓ ରାଜ୍ୟ ସରକାରଙ୍କ ମଧ୍ୟରେ ଭିତିରିଆ ସମ୍ପର୍କ ରହିଛି। ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉନାହିଁ। ଜଗତପୁରଠାରୁ ଆରମ୍ଭ କରି ଚନ୍ଦକା, ଜଟଣୀ ଶିଳ୍ପାଞ୍ଚଳରେ ହଜାର କୁଇଣ୍ଟାଲ ତେଲ ଭେଜାଲ ହେଉଛି। କାହାରିକୁ ଦଣ୍ଡବିଧାନ ନାହିଁ। ରାଜ୍ୟରେ ଖାଉଟି ସୁରକ୍ଷା ଫୋରମ ସ୍ଥାଣୁ ପାଲଟିଯାଇଛି। ସରକାର କିଛି ପଦକ୍ଷେପ ନେଉନାହାନ୍ତି। ରାଜ୍ୟରେ କଳାବଜାରୀ, ଭେଜାଲ ବଢ଼ିଚାଲିଛି। ତେଲ ଦର ବୃଦ୍ଧି, ଭେଜାଲ ଓ କଳାବଜାରୀକୁ ନେଇ କଂଗ୍ରେସ ସଦସ୍ୟ ନରସିଂହ ମିଶ୍ର ଓ ତାରା ପ୍ରସାଦ ବାହିନୀପତିଙ୍କ ଦ୍ୱାରା ଆଗତ ଖାଇବା ତେଲ…. ଜନତା ହନ୍ତସନ୍ତ’ ଶୀର୍ଷକ ମୁଲତବୀ ପ୍ରସ୍ତାବ ଆଗତ କରି ବିରୋଧୀ ସରକାରଙ୍କ ଉପରେ ବର୍ଷିଥିଲେ। ମଙ୍ଗଳବାର ମୁଲତବୀ ପ୍ରସ୍ତାବ ଆଲୋଚନା ଆରମ୍ଭ କରି ତାରା କହିଲେ ଯେ ୨୨ ବର୍ଷ ଶାସନ କାଳରେ ସରକାର ଲୋକଙ୍କୁ ଟିକେ ଭଲ ଖାଇବା ତେଲ ଦେଇପାରିଲେ ନାହିଁ। ସୋରିଷ, ସୂଯର୍ର୍‌ୟମୁଖୀ, ରାଶି ତେଲ ଉପତ୍ାଦନ ୭୦ ପ୍ରତିଶତ କମିଗଲାଣି। ଚାରିଆଡ଼େ ଭେଜାଲ। ପ୍ରତ୍ୟେକ ଦିନ ଖବରକାଗଜରେ ବାହାରୁଛି ଘିଅ, ତେଲ ଭେଜାଲ। ତେଲ ଦର ବଢ଼ିବା ଯୋଗୁ ଗରିବ ଖଟିଖିଆ ଲୋକମାନେ ହନ୍ତସନ୍ତ ହେଉଛନ୍ତି। ଗାଁ ଗହଳିରେ ସୋରିଷ ପେଡ଼ା ହେଉଥିଲା। ଲୋକମାନେ ଭଲ ତେଲ ଟିକେ ପାଉଥିଲେ। ସରକାର ତେଲ ଦର ନିୟନ୍ତ୍ରଣ କରିବା ସହ ଭେଜାଲ ...

କେନ୍ଦ୍ରାପଡ଼ା ଅଫିସ, ୩୧ା୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ରବିବାର ‘ମନ୍‌ କି ବାତ୍‌’ରେ ଆପୱା (ଆକସନ ଫର ପ୍ରୋଟେକ୍ସନ ଅଫ୍‌ ୱାଇଲ୍ଡ ଆନିମଲସ୍‌) ସଂସ୍ଥାକୁ ପ୍ରଶଂସା କରିଥିଲେ। ଏହାର ନିର୍ଦ୍ଦେଶକ ବିଜୟ କବି କେନ୍ଦ୍ରାପଡ଼ା ଜିଲା ରାଜନଗର ବ୍ଲକ ବଡକୋଟଠାରେ ୨୫ ଏକର ଅଞ୍ଚଳରେ ହେନ୍ତାଳ ବଣ ସୃଷ୍ଟି କରିଥିବା ଉଦାହରଣ ଦେଇଥିଲେ। ସମୁଦ୍ର ତଟକ୍ଷୟକୁ ରୋକିବାରେ ହେନ୍ତାଳ ବଣ ସକ୍ଷମ ହେଉଥିବାରୁ ଏହି କାର୍ଯ୍ୟ ପାଇଁ ସାମାଜିକ କର୍ମୀମାନେ ଆଗେଇ ଆସିବା ଦରକାର ବୋଲି ପ୍ରଧାନମନ୍ତ୍ରୀ ମୋଦି ମତ ଦେଇଥିଲେ। ତେବେ ପ୍ରଧାନମନ୍ତ୍ରୀଙ୍କ ଏହି ପ୍ରଶଂସା କେନ୍ଦ୍ରାପଡ଼ା ଜିଲାରେ ମୁଖ୍ୟ ଆଲୋଚ୍ୟ ବିଷୟ ହୋଇଛି। ୧୦.୭୨ ଲକ୍ଷ ଟଙ୍କା ନେଇ ଏହି ସଂସ୍ଥା ଗଛ ଲଗାଇଥିବା କାଗଜପତ୍ରରେ ଦର୍ଶାଇଥିଲା। ୪ ଗଁାରେ ୯୯ ପ୍ରତିଶତରୁ ଅଧିକ ଗଛ ନ ଥିବା ସୂଚନା ଅଧିକାର ଆଇନରେ ମିଳିଥିବା ତଥ୍ୟରୁ ଜଣାପଡିଛି। ଏ ନେଇ ଗତ ୨୭ ତାରିଖରେ ଧରିତ୍ରୀରେ ‘ଲକ୍ଷେରୁ ନାହିଁ ୯୯ ପ୍ରତିଶତ ଗଛ’ ଶୀର୍ଷକ ଖବର ପ୍ରକାଶ ପାଇଥିଲା। ସ୍ଥିତି ଏଭଳି ଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ‘ମନ କି ବାତ୍‌’ରେ ସମ୍ପୃକ୍ତ ସଂସ୍ଥାକୁ ପ୍ରଶଂସା କରିବା ଅନେକଙ୍କୁ ଆଶ୍ଚର୍ଯ୍ୟ କରିଛି। ଏଥିସହ ବଡକୋଟରେ ୨୫ ଏକର ପରିବର୍ତ୍ତେ ୨ ଏକର ଜମିରେ ସ୍ଥାନୀୟ ଯୁବବର୍ଗଙ୍କ ଗଛ ଲଗା ଉଦ୍ୟମକୁ ଆପଓ୍ବାର ନିର୍ଦ୍ଦେଶକ ବିଜୟ କବି ନିଜେ ବାହାବା ନେବା ନେଇ ଆଲୋଚନା ମଧ୍ୟ ହ...

ଭୁବନେଶ୍ୱର,୩୧ା୩(ବ୍ୟୁରୋ): ଆସନ୍ତା ୨୦ ବର୍ଷ ଅର୍ଥାତ୍‌ ୨୦୪୧ ଯାଏ କଟକ ଓ ଭୁବନେଶ୍ୱର ସୁଦ୍ଧା ମେଟ୍ରୋ ଟ୍ରେନ୍‌ର ପରିକଳ୍ପନା ନାହିଁ। ଆବଶ୍ୟକ ଜନସଂଖ୍ୟା ନ ଥିବାରୁ ବର୍ତ୍ତମାନ ପରିସ୍ଥିତିରେ ମେଟ୍ରୋ ରେଳସେବା ଆରମ୍ଭ ହୋଇପାରିବ ନାହିଁ। ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ମଙ୍ଗଳବାର ବିଧାନସଭା ପ୍ରଶ୍ନକାଳରେ ଏହି ସୂଚନା ଦେଇଛନ୍ତି। କଂଗ୍ରେସ ସଭ୍ୟ ସୁରେଶ କୁମାର ରାଉତରାୟ ମୂଳ ପ୍ରଶ୍ନ ନଂ. ୫୮୪ରେ ପଚାରିଥିଲେ ଯେ, ଭୁବନେଶ୍ୱର ଓ କଟକ ମଧ୍ୟରେ ମେଟ୍ରୋ ଟ୍ରେନ୍‌ ଚାଲିବା ପ୍ରସ୍ତାବ ସରକାରଙ୍କ ଧୂଆଁବାଣ କି। ଏହି ପ୍ରକଳ୍ପ ପାଇଁ କେଉଁ କମ୍ପାନୀକୁ କେତେ ଅର୍ଥ ଦିଆଯାଇଛି। ମେଟ୍ରୋ ଟ୍ରେନ୍‌ ପ୍ରକଳ୍ପ ଶୀତଳଭଣ୍ଡାରରେ ପଡ଼ିବାର କାରଣ କ’ଣ। ମନ୍ତ୍ରୀ କହିଲେ, ମେଟ୍ରୋ ଟ୍ରେନ୍‌ କାର୍ଯ୍ୟକାରୀ କରାଯାଇ ନ ଥିବାରୁ କାୈଣସି କମ୍ପାନୀକୁ ଅର୍ଥ ପ୍ରଦାନ କରାଯାଇ ନାହିଁ। ପୁଣି ମୂଳ ପ୍ରଶ୍ନକର୍ତ୍ତା ପଚାରିଲେ, ମନ୍ତ୍ରୀ ମହାଶୟ ସତକଥା କହିବେ। ୨୦୧୩-୧୪ରେ ମେଟ୍ରୋ ଟ୍ରେନ୍‌ ଚଳାଇବାକୁ ହାଇଦ୍ରାବାଦର ଏକ କମ୍ପାନୀକୁ ୨ କୋଟି ୩୫ ଲକ୍ଷ ଟଙ୍କା ଦିଆଯାଇଥିଲା। ସେ କମ୍ପାନୀକୁ କାହିଁିକି ପଇସା ଦିଆଗଲା। କେବେ ସୁଦ୍ଧା ମେଟ୍ରୋ ଟ୍ରେନ୍‌ ସୁବିଧା ହେବ। କେନ୍ଦ୍ର ସରକାରଙ୍କୁ ଏନେଇ କାହିଁିକି ପ୍ରସ୍ତାବ ଦିଆଗଲା ନାହିଁ। ମନ୍ତ୍ରୀ କହିଲେ, ୨୦୧୩ରେ କଟକ ଓ ଭୁବନେଶ୍ୱର ମଧ୍ୟରେ ମେଟ୍ରୋ ରେଳ ସେବା ପ୍ରକଳ୍ପ କରିବାକୁ ସ...

ପୁରୀ ଅଫିସ/ପିପିଲି(ସ୍ବ.ପ୍ର.),୩୧ା୩: ପିପିଲି ଉପନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ ମଙ୍ଗଳବାର ଶେଷ ହୋଇଛି। ଶେଷ ଦିନରେ ବିଜେଡି ଓ କଂଗ୍ରେସ ପ୍ରାର୍ଥୀଙ୍କ ସମେତ ୧୨ଜଣ ନାମାଙ୍କନ ପତ୍ର ଦାଖଲ କରିଛନ୍ତି। ଏଥିସହିତ ସର୍ବମୋଟ ୧୫ଜଣ ନାମାଙ୍କନ ପତ୍ର ଦାଖଲ କରିଥିବା ନେଇ ଜିଲା ପ୍ରଶାସନ ପକ୍ଷରୁ ସୂଚନା ମିଳିଛି। ବିଜେଡିରୁ ରୁଦ୍ରପ୍ରସାଦ ମହାରଥୀ, କଂଗ୍ରେସରୁ ଅଜିତ ମଙ୍ଗରାଜ, ସିପିଏମ୍‌(ଏଲ୍‌)ରୁ ଅଶୋକ କୁମାର ପ୍ରଧାନ, ରିପବ୍ଲିକ ପାର୍ଟି ଅଫ୍‌ ଇଣ୍ଡିଆ(ଆର୍‌ପିଆଇ)ରୁ ମହମ୍ମଦ ଇମାମୁଦ୍ଦିନ୍‌, ଅଖିଳ ଭାରତ ହିନ୍ଦୁ ମହାସଭାରୁ ଜୟପ୍ରକାଶ ସେଠୀ ଓ କଳିଙ୍ଗ ସେନାରୁ ପିଙ୍କଲିନ୍‌ ମହାନ୍ତି ନାମାଙ୍କନ ପତ୍ର ଦାଖଲ କରିଛନ୍ତି। ସେହିଭଳି ସ୍ବାଧୀନ ପ୍ରାର୍ଥୀ ଭାବେ ସ୍ବପ୍ନେଶ୍ୱର ନାୟକ, ସୁଲୋଚନା ସାହୁ, ପ୍ରିୟରଞ୍ଜନ ମିଶ୍ର, ଦୀପକ କୁମାର ଦାସ, ନଗେନ୍ଦ୍ରନାଥ ମିଶ୍ର ଓ ସନ୍ତୋଷ କୁମାର ଦାସ ନାମାଙ୍କନ ଦାଖଲ କରିଛନ୍ତି। ପୂର୍ବରୁ ଶୁକ୍ରବାର ଭାଜପା ପ୍ରାର୍ଥୀ ଆଶ୍ରିତ ପଟ୍ଟନାୟକ, ସ୍ବାଧୀନ ପ୍ରାର୍ଥୀ ସମ୍ବିତ ପଟ୍ଟନାୟକ ଏବଂ ସନ୍ତୋଷ ମହାପାତ୍ର ନାମାଙ୍କନ ପତ୍ର ଦାଖଲ କରିଥିଲେ। ସର୍ବମୋଟ୍‌ ୨୯ ସେଟ୍‌ ନାମାଙ୍କନ ପତ୍ର ଦାଖଲ ହୋଇଛି। ଆସନ୍ତା ୩ତାରିଖରେ ଚୂଡ଼ାନ୍ତ ପ୍ରାର୍ଥୀ ତାଲିକା ଘୋଷଣା ହେବ। ଏପ୍ରିଲ୍‌ ୧ ଓ ୨ତାରିଖରେ ପ୍ରିଜାଇଡିଂ ଅଫିସର ଓ ନୋଡାଲ ଅଫିସରଙ୍କୁ ପ୍ରଥମ ପର୍ଯ୍ୟାୟ ଏବଂ ୧୦ ଓ ୧୧ରେ ୨ୟ ପର୍ଯ୍ୟାୟ ପ୍ରଶି...

ଭୁବନେଶ୍ୱର, ୩୧।୩(ବ୍ୟୁରୋ): ରାଜ୍ୟରେ ଏପ୍ରିଲ ୧ରୁ ୪୫ ବର୍ଷରୁ ଅଧିକ ବୟସର ଲୋକଙ୍କୁ କୋଭିଡ୍‌ ଟିକା ପ୍ରଦାନ କରାଯିବ। ଏହି ଟିକାକରଣରେ ହାଇରିସ୍କ ଗ୍ରୁପ୍‌ ଯଥା ରାସ୍ତାକଡ଼ ଦୋକାନୀ, ମାଛ ଓ ମାଂସ ବିକ୍ରେତା, ଅଟୋ ଓ ବସ୍‌ ଡ୍ରାଇଭର, ସ୍କୁଲ ଓ କଲେଜ ଶିକ୍ଷକ, ସେଲୁନ କାରିଗର, ସିକ୍ୟୁରିଟି ଗାର୍ଡ, ରେଷ୍ଟୁରାଣ୍ଟ କର୍ମଚାରୀ, ମନ୍ଦିର, ଚର୍ଚ୍ଚ ଓ ମସଜିଦ୍‌ କର୍ମଚାରୀଙ୍କୁ ପ୍ରାଥମିକତା ଦେବା ପାଇଁ ନିର୍ଦ୍ଦେଶ ଦିଆଯାଇଛି। ଏ ନେଇ ରାଜ୍ୟ ସ୍ବାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର ସମସ୍ତ ଜିଲାପାଳ, ମହାନଗର ନିଗମ କମିଶନର ଓ ଜିଲା ମୁଖ୍ୟ ଚିକିତ୍ସାଧିକାରୀଙ୍କୁ ଚିଠି ଲେଖିଛନ୍ତି। ସେ କହିଛନ୍ତି, ପୂର୍ବରୁ ଦୈନିକ ୧ଲକ୍ଷ ଲୋକଙ୍କୁ ଟିକା ଦେବା ପାଇଁ ବ୍ୟବସ୍ଥା ଥିବାବେଳେ ଏପ୍ରିଲ ପହିଲାରୁ ରାଜ୍ୟବ୍ୟାପୀ ଦୈନିକ ୨ଲକ୍ଷ ଲୋକଙ୍କୁ ଟିକା ପ୍ରଦାନ କରାଯିବ। ଏଥିପାଇଁ ଜିଲାୱାରି ଟାର୍ଗେଟ୍‌ ଦିଆଯାଇଛି। ଏଥିରେ ଗଞ୍ଜାମ ଜିଲାରେ ସର୍ବାଧିକ ଦୈନିକ ୧୬.୮୨୫ଜଣଙ୍କୁ ଟିକା ପ୍ରଦାନ ପାଇଁ କୁହାଯାଇଛି। ସେପଟେ ଏପ୍ରିଲ ୧ ଓ ୨ ତାରିଖ ସରକାରୀ ଛୁଟି ରହିଥିଲେ ମଧ୍ୟ ଉକ୍ତ ଦିନ ଟିକାକରଣ ଜାରି ରହିବ ବୋଲି ସେ କହିଛନ୍ତି। ଦୈନିକ ଟିକାକରଣ ଟାର୍ଗେଟ ପୂରଣ କରିବାକୁ ପଦକ୍ଷେପ ନେବାକୁ ସେ ଜିଲାପାଳମାନଙ୍କୁ ପରାମର୍ଶ ଦେଇଛନ୍ତି। ଯେଉଁମାନେ ସବୁବେଳେ ଅଧିକ ଲୋକଙ୍କ ସଂସ୍ପର୍ଶରେ ଆସୁଛନ୍ତି ସେମାନଙ୍କ...

ପୁରୁଣା ଆମ୍ବାସାଡର କାର୍‌ ଏବେ ଅଲୋଡ଼ା ହୋଇଗଲାଣି। କିନ୍ତୁ ତା’ଇଞ୍ଜିନକୁ ପୁନଃ ଉପଯୋଗ କରି ଏକ ଓ୍ବିଡ୍‌ ରିମୁଭର (ଘାସ ବା ଦଳ ସଫା କରୁଥିବା ଯନ୍ତ୍ର) ନିର୍ମାଣ କରିଛନ୍ତି ବେଙ୍ଗାଲୁରୁର ମତ୍ସ୍ୟଜୀବୀ ଅରକ୍ଷସ୍ବାମୀ ଶମାନ୍ନା। ଏହି ମେଶିନ୍‌ରେ ଅନ୍ୟ ପାର୍ଟ ସବୁ ବର୍ଜ୍ୟରୁ ତିଆରି କରାଯାଇଛି। ସେ ଏହା ସାହାଯ୍ୟରେ ହବ୍ବଲ ହ୍ରଦ ସଫା କରିବା ସହ ୧୦୦ ପରିବାରର ଜୀବିକା ପୁଣି ଫେରାଇବାରେ ସକ୍ଷମ ହୋଇଛନ୍ତି। ୧୫୦ ଏକର ବିଶିଷ୍ଟ ଏହି ହ୍ରଦ ବେଙ୍ଗାଲୁରୁର ସବୁଠୁ ପୁରୁଣା । କଲିକତି ଦଳ ବଢ଼ି ଏହାର ପାଣିର ମାନ ଖରାପ କରିଦେଉଥିଲା। କିନ୍ତୁ ଶମାନ୍ନାଙ୍କ ଓ୍ବିଡ୍‌ ରିମୁଭର ଏବେ ଏହି ଦଳ ଓ ଘାସ ସବୁ ସଫା କରିବା ଦ୍ୱାରା ମତ୍ସ୍ୟଜୀବୀମାନେ ହ୍ରଦର ଚାରିପାଖକୁ ଡଙ୍ଗାରେ ଯାଇ ମାଛ ଧରୁଛନ୍ତି। ସେ ଦୁଇ ମାସରେ ୨ ଲକ୍ଷ ଟଙ୍କା ଖର୍ଚ୍ଚ କରି ଏହାକୁ ନିର୍ମାଣ କରିଛନ୍ତି। ଏହି ମେଶିନ ଦିନକୁ ହ୍ରଦର ୩-୪ ଏକର ପର୍ଯ୍ୟନ୍ତ ଦଳ ସଫା କରିପାରୁଛି। ଶମାନ୍ନାଙ୍କ ଏହି ଉଦ୍ଭାବନକୁ ମତ୍ସ୍ୟ ବିଭାଗ ଦେଖିବା ପରେ ଏହାକୁ କୃଷକ ଓ ଛାତ୍ରମାନଙ୍କୁ ପ୍ରଦର୍ଶିିତ କରିବା ଲାଗି ଯୋଜନା କରିଛି । କମ୍‌ ଖର୍ଚ୍ଚ ଓ କମ୍‌ ସମୟରେ ଦଳ ସଫା କରୁଥିବା ଏଭଳି ମେଶିନ୍‌ ନିର୍ମାଣ କରିବା ଲାଗି ରେଭା ୟୁନିଭର୍ସିଟିର ଛାତ୍ରମାନେ ଶମାନ୍ନାଙ୍କଠାରୁ ଏହାର ନିର୍ମାଣ କୌଶଳ ଶିକ୍ଷା କରିଛନ୍ତି। The post ଏଇ ଭାରତରେ appeared first on Dharitri Odia News . ...

ଡ. କୁଳାଙ୍ଗାର   ଆଜିର ଖୋଲାମେଲା ଦୁନିଆରେ କେଉଁ ଋତୁ କେଉଁଦିନ ଆସି କେତେବେଳେ ଚାଲିଯାଏ ତାହାର ହିସାବ ରଖି ହୁଏନା। ତେବେ ଖରାଦିନ କେବେଠୁ ଆସିଲା ବୋଲି ଜାଣିବା ପାଇଁ ଆମେ ଆପଣଙ୍କୁ ଗୋଟିଏ ସରଳ ଉପାୟ ବିନାମୂଲ୍ୟରେ ବତାଉଛୁ! ଯେଉଁଦିନ ଖବରକାଗଜ ଓ ଟିଭିରେ ସିଏ ଆଦୌ ବିଜୁଳିକାଟ ହେବନାଇଁ ବୋଲି ବିଭାଗୀୟ ମନ୍ତ୍ରୀ ମହୋଦୟଙ୍କର ବିବୃତି ଦେଖିଲା ସେଇଦିନ ସିଏ ଜାଣିପାରିଲା କି ଭାଇ ଖରାଦିନ ଆସିଗଲା । ଏକଥାକୁ ବି ସିଏ ଗ୍ରହଣ କରିନେଲା କି ଆଜିଠାରୁ ହିଁ ବିଜୁଳିକାଟ ହେବ! ଜଳରୁ ବିଦ୍ୟୁତ୍‌ ତିଆରି ହୁଏ, ଖରା ଜଳ ପିଇ ଯାଉଥିବାରୁ ବିଜୁଳି ଉତ୍ପାଦନ କମ୍‌ ହୁଏ। ତେବେ ଅନ୍ୟଦିନରେ ମଧ୍ୟ ବିଜୁଳିକାଟ ହୋଇଥାଏ! ସେ ଦିନରେ ପାଣିସବୁ କିଏ ପିଇଯାଏ ତାହାର ଉତ୍ତର କାହା ପାଖରେ ନାହିଁ। ଖରାଦିନ ସହ ବିଜୁଳିର ନିବିଡ ସମ୍ପର୍କ। ଖରାଦିନ ଆସିଲେ ବିଜୁଳିକାଟ ହୁଏ ଏବଂ ବିଜୁଳିକାଟ ହେଲେ ହିଁ ଖରାଦିନକୁ ଅନୁଭବ କରିହୁଏ। ପାଣିବିନା ସିନା ବିଜୁଳିକାଟ ହୁଏ। ଶରୀରରୁ କିନ୍ତୁ ଝାଳ ଆକାରରେ ଗମ୍‌ଗମ୍‌ ପାଣି ବୋହିଯାଏ। ତେଣୁ ଶରୀରରେ ପାଣିକୁ ଭରଣା କରିବା ପାଇଁ ମଣିଷ ପିଆପିଇରେ ବ୍ୟସ୍ତ ରହେ। କିଏ ପଣା ପିଇ ସନ୍ତୁଷ୍ଟ ରହେ ଆଉ କିଏ ନାଲିପାଣିକୁ ପିଇ ମତୁଆଲା ହୁଏ। ତା’ କଥା ତ ଆପଣ ଜାଣନ୍ତି। ଖରାଦିନ ଆସିଗଲେ ତା’ର ଦୁଃଖ ଯେତିକି ସୁଖ ସେତିକି। ଏଇ ଖରାଦିନରେ ହିଁ ତା’ର ବାହାଘର ହୋଇଥିଲା। ବାହାଘର ବର୍ଷଟି ତେଣୁ ତାକୁ ଖରାଦିନଟି...

ଡ. ସନ୍ତୋଷ କୁମାର ମହାପାତ୍ର   ବହୁ ସମୟରେ ଶାସକ ଶ୍ରେଣୀ ଯେତେବେଳେ ପୁଞ୍ଜିପତିଙ୍କୁ ସନ୍ତୁଷ୍ଟ କରିବା ପାଇଁ କିଛି ଜନବିରୋଧୀ ପଦକ୍ଷେପ ନିଅନ୍ତି, ସେତେବେଳେ ସିଧାସଳଖ ନ କହି ମନଭୁଲାଣିଆ ସ୍ଲୋଗାନର ଖୋଳପା ମାଧ୍ୟମରେ କହିଥାନ୍ତି। ବର୍ତ୍ତମାନ ସବୁଠାରୁ ଚର୍ଚ୍ଚିତ ସ୍ଲୋଗାନ ହେଉଛି ‘ଆତ୍ମନିର୍ଭର ଭାରତ’। ପ୍ରଥମ କଥା ଯେତେବେଳେ କରୋନା ମହାମାରୀ ପୂର୍ବରୁ ଏହି ସରକାର ୫ବର୍ଷରୁ ଊର୍ଦ୍ଧ୍ୱ ସମୟ ଶାସନ କରିଥିଲେ, ସେତେବେଳେ ‘ଆତ୍ମନିର୍ଭର ଭାରତ’ ପାଇଁ କାହିଁକି ପ୍ରୟାସ କଲେ ନାହିଁ। କିନ୍ତୁ କରୋନା ମହାମାରୀ ଦ୍ୱାରା ଯେତେବେଳେ ଅର୍ଥନୀତି ଧ୍ୱସ୍ତବିଧ୍ୱସ୍ତ, ଦେଢ଼ଲକ୍ଷରୁ ଊର୍ଦ୍ଧ୍ୱ ଜନତା ପ୍ରାଣ ହରାଇଛନ୍ତି, କୋଟି କୋଟି ଜୀବିକାର ଉତ୍ସ ହରାଇଛନ୍ତି, ସେତେବେଳେ ନିଯୁକ୍ତି ସୃଷ୍ଟିକରିବା ପରିବର୍ତ୍ତେ, ଲୋକଙ୍କ କ୍ରୟଶକ୍ତି ବୃଦ୍ଧି ପାଇଁ ଚେଷ୍ଟାକରିବା ପରିବର୍ତ୍ତେ ‘ପାଞ୍ଚ ଟ୍ରିଲିୟନ ଅର୍ଥନୀତି ’ର ସ୍ବପ୍ନ ଦୋହରାଇବା ଏବଂ ‘ଆତ୍ମନିର୍ଭର ଭାରତ’ କଥା କହିବା କେତେ ଯଥାର୍ଥ। ଏହାଦ୍ୱାରା ସାଧାରଣ ଜନତା କେତେ ଉପକୃତ ହେବେ ସେ ବିଷୟରେ ସରକାର ନୀରବ। ସରକାର ଯେତେବେଳେ ‘ଆତ୍ମନିର୍ଭର ଭାରତ’ କଥା କହୁଛନ୍ତି, ସେତେବେଳେ ଏହାର ସ୍ବରୂପ କିପରି ହେବ, କେଉଁ କେଉଁ କ୍ଷେତ୍ରରେ ଆମେ ସ୍ବାବଲମ୍ବନ ନୁହଁ ଏବଂ ତାହା କିପରି ହାସଲ କରିବା ସେ ସମ୍ପର୍କରେ ସରକାର ସମ୍ପୂଣ୍ଣର୍ର୍ ନୀରବ। କିନ୍ତୁ ସରକାର ରାଷ୍ଟ୍ରାୟତ୍ତ ଶିଳ୍ପର ଘ...

ପଶ୍ଚିମବଙ୍ଗର ନନ୍ଦିଗ୍ରାମ କହିଲେ ଅନେକ ଇତିହାସ ମନେପଡ଼େ। ଟାଟାର ନାନୋ ଗାଡ଼ି ସଙ୍ଗୁରରେ ହେବ ବୋଲି ବାମପନ୍ଥୀ ସରକାର ନିଷ୍ପତ୍ତି ନେବାବେଳକୁ ଠିକ୍‌ ସେହି ସମୟରେ ସ୍ବତନ୍ତ୍ର ଅର୍ଥନୈତିକ ଜୋନ୍‌ ସୃଷ୍ଟି କରାଯିବ ବୋଲି ତତ୍‌କାଳୀନ ମୁଖ୍ୟମନ୍ତ୍ରୀ ବୁଦ୍ଧଦେବ ଭଟ୍ଟାଚାର୍ଯ୍ୟ ନିଷ୍ପତ୍ତି ନେଇଥିଲେ। ନନ୍ଦିଗ୍ରାମରେ ପୋଲିସ ଗୁଳିରେ ୧୪ ଜଣଙ୍କ ମୃତ୍ୟୁ ଘଟିଥିବା ବେଳେ ଓଡ଼ିଶାରେ ମଧ୍ୟ ପାଖାପାଖି ସେହି ସମୟରେ କଳିଙ୍ଗନଗରରେ ଟାଟା କମ୍ପାନୀ ସପକ୍ଷରେ ଯାଇ ପୋଲିସ ୧୩ ଆଦିବାସୀଙ୍କୁ ହତ୍ୟା କରିଥିଲା। ଭାରତର କର୍ପୋରେଟ୍‌ ଜଗତର ସମ୍ଭବତଃ ଏହା ଥିଲା ପ୍ରଥମ ଆଖିଦୃଶିଆ ଆକ୍ରମଣ। ସେହି ଆକ୍ରମଣକୁ ବିରୋଧ କରିବାକୁ ଓଡ଼ିଶାରେ କେହି ବାହାରି ନ ଥିବାବେଳ ପଶ୍ଚିମବଙ୍ଗରେ ମମତା ବାନାର୍ଜୀ ତତ୍‌କାଳୀନ ବାମପନ୍ଥୀ ସରକାର ବିରୋଧରେ ଆନ୍ଦୋଳନ ବଢ଼ାଇଥିଲେ। ଏହି ଆନ୍ଦୋଳନ ଶୀର୍ଷରେ ପହଞ୍ଚିବାବେଳକୁ ପଶ୍ଚିମବଙ୍ଗରେ ନିର୍ବାଚନ ହେଲା। ୩୪ ବର୍ଷରୁ ଅଧିକ ସମୟ ଧରି ଶାସନ କରୁଥିବା ବାମପନ୍ଥୀଙ୍କ ପତନ ଘଟି ତୃଣମୂଳ କଂଗ୍ରେସ ୨୦୧୧ରେ ମମତା ବାନାର୍ଜୀଙ୍କ ନେତୃତ୍ୱରେ ସରକାର ଗଠନ କଲା। ଏବେ ମମତାଙ୍କ ଶାସନର ୧୦ ବର୍ଷ ପୂର୍ତ୍ତି ହେବାକୁ ଯାଉଛି ଓ ପୁନର୍ବାର ନନ୍ଦିଗ୍ରାମ ଆଲୋଚନାକୁ ଆସିଛି। ଦେଶର ୪ ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ଚାଲିଥିବା ନିର୍ବାଚନରେ ପଶ୍ଚିମବଙ୍ଗ ଅନ୍ୟତମ। କେବଳ ଏହି ରାଜ୍ୟରେ ୮ଟି ପର୍ଯ୍ୟାୟରେ ଭୋଟ ଗ୍ରହଣ ...

ଅନୁଗୋଳ ଅଫିସ, ୩୧। ୩ – ଅନୁଗୋଳ ସହରର ଦୀର୍ଘଦିନର ଅଳିଆ ସମସ୍ୟା ଦୂର ହେବ। ପ୍ରଶାସନ ଓ ଲୋକଙ୍କ ମଧ୍ୟରେ ଉତ୍ତମ ସମନ୍ବୟ ଦ୍ୱାରା ପୌରାଞ୍ଚଳର ପ୍ରତିଟି ଓ୍ବାର୍ଡକୁ ସ୍ବଚ୍ଛ କରାଯିବ। ଏଥିପାଇଁ ୨୩ଟି ଓ୍ବାର୍ଡରେ ନୂଆ କରି ‘ମୋ ଓ୍ବାର୍ଡ’ ବ୍ୟବସ୍ଥା ଆରମ୍ଭ ହେବ। ନିଜ ଓ୍ବାର୍ଡର ସଫେଇ କାର୍ଯ୍ୟ ତଦାରଖ ସହ ଏ ନେଇ ପରାମର୍ଶ ଦେବାକୁ ବୁଦ୍ଧିଜୀବୀ ଓ ସାମାଜିକ କର୍ମୀଙ୍କୁ ନେଇ ଗୋଟିଏ ଲେଖାଏ କମିଟି ଗଠନ କରାଯିବ। ଏହି କମିଟି ମାଧ୍ୟମରେ ସହରକୁ ସ୍ବଚ୍ଛ, ସୁନ୍ଦର କରାଯିବା ସହ ଶ୍ରେଷ୍ଠ ଓ୍ବାର୍ଡକୁ ୩୦ ଲକ୍ଷ ଟଙ୍କାର ପୁରସ୍କାର ପ୍ରଦାନ କରାଯିବ। ଅନୁଗୋଳ ସହରକୁ ଆବର୍ଜନାମୁକ୍ତ ସହ ସ୍ବଚ୍ଛତା କ୍ଷେତ୍ରରେ ନମ୍ବର ଓ୍ବାନ କରିବାକୁ ପୌର ପ୍ରଶାସନ ପକ୍ଷରୁ ଖୁବ୍‌ଶୀଘ୍ର ମୋ ଓ୍ବାର୍ଡ ବ୍ୟବସ୍ଥା କାର୍ଯ୍ୟକାରୀ କରାଯିବ। ଏ ନେଇ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇସାରିଛି। ପ୍ରତି ୱାର୍ଡର ୱାର୍ଡ ଅଫିସରଙ୍କ ସହିତ ସ୍ବଚ୍ଛସାଥୀ, ସ୍ବୟଂ ସହାୟକ ଗୋଷ୍ଠୀ, ବରିଷ୍ଠ ନାଗରିକ, ଅବସରପ୍ରାପ୍ତ ସରକାରୀ ଅଧିକାରୀ/କର୍ମଚାରୀ, ଶିକ୍ଷିତ ମହିଳା, ସାମାଜିକ କର୍ମୀଙ୍କୁ ନେଇ ୧୦ ସଦସ୍ୟ ବିଶିଷ୍ଟ ଗୋଟିଏ ଲେଖାଏ ୱାର୍ଡ କମିଟି ଗଠନ କରାଯିବ। ନିଜ ଓ୍ବାର୍ଡରୁ ଅଳିଆ ଠିକ୍‌ ଭାବେ ଉଠୁଛି କି ନାହିଁ, କେଉଁ ଅଞ୍ଚଳରେ କିଭଳି ସମସ୍ୟା ରହୁଛି ଓ ତାହାର ସମାଧାନ କ’ଣ ସେ ନେଇ କମିଟି ପକ୍ଷରୁ ପୌର ପାଳିକାକୁ ଅବଗତ କରାଯିବ। କେଉଁ ୱାର୍ଡରେ କେତେ ଜଣ ସଫେଇ କର...

ପଟିଆଲା, ୩୧ା୩ (ପି.ଟି.)-ଭାରତୀୟ ମହିଳା ଟି୨୦ କ୍ରିକେଟ ଦଳ ଅଧିନାୟିକା ହରମନପ୍ରୀତ କୌର କରୋନା ସଂକ୍ରମିତ ହୋଇଛନ୍ତି। ଲକ୍ଷ୍ନୌଠାରେ ମାର୍ଚ୍ଚ ୧୭ରେ ଦକ୍ଷିଣ ଆଫ୍ରିକା ବିପକ୍ଷ ୫ମ ଅନ୍ତର୍ଜାତୀୟ ଦିନିକିଆରେ ଆଘାତପ୍ରାପ୍ତ ହେବାରୁ ତାଙ୍କୁ ଏହି ଦେଶ ବିପକ୍ଷ ଟି୨୦ ସିରିଜରେ ଖେଳାଯାଇ ନ ଥିଲା। ୪ ଦିନ ହେଲା ସାମାନ୍ୟ ଜ୍ୱର ଅନୁଭବ କରିବାରୁ ସୋମବାର ସେ ତାଙ୍କର କୋଭିଡ୍‌ ଟେଷ୍ଟ କରାଇଥିଲେ। ମଙ୍ଗଳବାର ଫଳାଫଳ ପଜିଟିଭ ଆସିବାପରେ ସେ ନିଜ ଘରେ ଆଇସୋଲେଶନରେ ଅଛନ୍ତି। ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜ ଖେଳୁଥିବାବେଳେ ହରମନପ୍ରୀତ୍‌ଙ୍କର ନିୟମିତ ଟେଷ୍ଟ କରାଯାଉଥିଲା। ତେଣୁ ସିରିଜ ପରେ ସେ କରୋନା ସଂକ୍ରମିତ ହୋଇଛନ୍ତି। ଦିନିକିଆ ସିରିଜ ଖେଳୁଥିବାବେଳେ ସେ ଭଲ ଫର୍ମରେ ଥିଲେ। ଏହି ସମୟରେ ସେ ଗୋଟିଏ ଅର୍ଦ୍ଧଶତକ ଓ ୪୦ ରନ ସଂଗ୍ରହ କରିଥିଲେ। ୧୨ ମାସ ପରେ ଅନ୍ତର୍ଜାତୀୟ କ୍ରିକେଟକୁ ଫେରିଥିବା ଭାରତ ଉଭୟ ଅନ୍ତର୍ଜାତୀୟ ଦିନିକିଆ ଓ ଟି୨୦ ସିରିଜରେ ପରାଜି ହୋଇଥିଲା। The post ହରମନପ୍ରୀତ୍‌ଙ୍କୁ କରୋନା appeared first on Dharitri Odia News .

ଦୁବାଇ, ୩୧ା୩ (ପି.ଟି.)- ଦକ୍ଷିଣ ଆଫ୍ରିକା ବିପକ୍ଷ ଫାଇନାଲ ମ୍ୟାଚରେ ୩୦ ବଲରୁ ୬୦ ରନ ସଂଗ୍ରହ କରିବା ଦ୍ୱାରା ମଙ୍ଗଳବାର ପ୍ରକାଶ ପାଇଥିବା ଅନ୍ତର୍ଜାତୀୟ ମହିଳା ଟି୨୦ ର଼୍ୟାଙ୍କିଙ୍ଗ ବ୍ୟାଟ୍ସଓମ୍ୟାନ ତାଲିକାରେ ଭାରତ ଓପନର ଶେଫାଳି ବର୍ମା ତାଙ୍କ ପ୍ରଥମ ସ୍ଥାନ ବଜାୟ ରଖିଛନ୍ତି। ଗତ ସପ୍ତାହରେ ପ୍ରଥମ ସ୍ଥାନ ଫେରି ପାଇଥିବା ବର୍ମା ଫାଇନାଲ ମ୍ୟାଚରେ ଚମତ୍କାର ବ୍ୟାଟିଂ ପାଇଁ ୨୬ ରେଟିଂ ପଏଣ୍ଟ ଅର୍ଜନ କରିଛନ୍ତି। ଫଳରେ ତାଙ୍କ ମୋଟ ରେଟିଂ ପଏଣ୍ଟ ୭୭୬ରେ ପହଞ୍ଚତ୍ଛି। ଭାରତର ଏହି ବ୍ୟାଟ୍ସଓମ୍ୟାନ ବର୍ତ୍ତମାନ ଅଷ୍ଟ୍ରେଲିଆର ବେଥ୍‌ ମୁନିଙ୍କଠାରୁ ୩୫ ପଏଣ୍ଟ ଆଗରେ ରହିଛନ୍ତି। ବର୍ମା ତାଙ୍କ ଓପନିଂ ପାର୍ଟନର ସ୍ମୃତି ମନ୍ଧାନାଙ୍କ ସହ ଏହି ମ୍ୟାଚରେ ୯୬ରନର ନିର୍ଣ୍ଣାୟକ ପାର୍ଟନରଶିପ୍‌ କରିଥିଲେ। ମନ୍ଧାନା ୨୮ ବଲ୍‌ରୁ ୪୮ ରନ କରିଥିଲେ। ର଼୍ୟାଙ୍କିଙ୍ଗ ତାଲିକାରେ ତାଙ୍କର ଗୋଟି ସ୍ଥାନ ପଦୋନ୍ନତି ଘଟିଛି। ବର୍ତ୍ତମାନ ସେ ୬ଷ୍ଠ ସ୍ଥାନରେ ଅଛନ୍ତି। ମ୍ୟାଚ ବିଜୟୀ ଉଇକେଟ ସଫଳତା ପାଇଁ ବାମହାତୀ ଲେଗ୍‌ସ୍ପିନର ରଜେଶ୍ୱରୀଙ୍କର ୧୨ସ୍ଥାନ ଉପରକୁ ଉଠିଛନ୍ତି। ସେ ତାଙ୍କ କ୍ୟାରିୟର ଶ୍ରେଷ୍ଠ ୧୩ ତମ ସ୍ଥାନରେ ପହଞ୍ଚତ୍ଛନ୍ତି। ମ୍ୟାଚରେ ସେ ମାତ୍ର ୯ ରନ ଦେଇ ୩ ଉଇକେଟ ଅକ୍ତିଆର କରିଥିଲେ। ଅନ୍ୟପକ୍ଷରେ ସିମ ବୋଲର ଅରୁନ୍ଧତି ରେଡ୍ଡୀ ୧୫ ସ୍ଥାନ ପଦୋନ୍ନତି ପାଇ ୫୬ତମ ପୋଜିଶନରେ ରହିଛନ୍ତି। ଦକ୍ଷିଣ ଆଫ୍ରିକା ଏହି ସିରିଜ ୨-୧ରେ ବ...

ନୂଆଦିଲ୍ଲୀ,୩୧।୩: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ଆଗାମୀ ୧୪ତମ ସଂସ୍କରଣ ପାଇଁ ପଞ୍ଜାବ କିଙ୍ଗ୍ସ ନୂଆ ଜର୍ସି ଉନ୍ମୋଚନ କରିଛି। ନୂଆ କଳେବର ସହ ଉନ୍ମୋଚିତ ହୋଇଥିବା ଏହି ଜର୍ସିରେ ୩ଟି ପରିବର୍ତ୍ତନ କରାଯାଇଛି। ଏହି ଲାଲ ରଙ୍ଗର ଜର୍ସିରେ ସୁନା ରଙ୍ଗର ଷ୍ଟ୍ରିପ୍‌ ବା ପଟି ପଡ଼ିଛି। ସମ୍ପୂର୍ଣ୍ଣ ଭାବେ ଭିନ୍ନ ରୂପରେ ଏହି ଜର୍ସିର ଡିଜାଇନ କରିବାକୁ ପ୍ରୟାସ କରାଯାଇଛି। ମୋହାଲି ସହର ପର୍ଯ୍ୟବସିତ କିଙ୍ଗ୍ସ ଏକାଦଶ ପଞ୍ଜାବର ନାମ ପରିବର୍ତ୍ତନ କରାଯାଇ ଏଥର ପଞ୍ଜାବ କିଙ୍ଗ୍ସ ରଖାଯାଇଛି। ଏପ୍ରିଲ ୧୨ ତାରିଖରେ ମୁମ୍ବାଇର ଓ୍ବାଙ୍ଖଡେ ଷ୍ଟାଡିୟମରେ ରାଜସ୍ଥାନ ରୟାଲ୍ସ ବିପକ୍ଷରୁ ଲୋକେଶ ରାହୁଲଙ୍କ ନେତୃତ୍ୱରେ ପଞ୍ଜାବ ଅଭିଯାନ ଆରମ୍ଭ କରିବ। ତେବେ ଦଳର ପ୍ରାଥମିକ ରଙ୍ଗ ଲାଲକୁ ବଜାୟ ରଖାଯାଇଛି। ଜର୍ସିର ସାମ୍‌ନା ପଟରେ ମୁଖ୍ୟ ସ୍ପୋନ୍ସରର ଲୋଗୋ ତଳକୁ ସିଂହର ଏକ ପ୍ରତୀକ ଚିହ୍ନ ରହିଛି। କୋଲକାତା ନାଇଟ ରାଇଡର୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ପରେ ପଞ୍ଜାବ ଖେଳାଳିମାନେ ଏଥର ସୁନା ରଙ୍ଗର ହେଲମେଟ୍‌ ପିନ୍ଧିବେ। ଏବିକ୍ସ କ୍ୟାଶ ଦଳର ମୁଖ୍ୟ ପ୍ରାୟୋଜକ ରହିଛନ୍ତି। ସେହିପରି ବିକେଟି, ଅଲ ସିଜନ୍ସ, ଲୋଟୋସ ହର୍ବାଲ୍ସ, ଡ୍ରିମ୍‌ ୧୧ ଓ ଜିଓ ଅନ୍ୟ ପ୍ରାୟୋଜକ ଭାବେ ପଞ୍ଜାବ ଫ୍ରାଞ୍ଚାଇଜ ସହ ଅନୁବନ୍ଧିତ ରହିଛନ୍ତି। ଗତ ସଂସ୍କରଣରେ ପଞ୍ଜାବ ପ୍ଲେ- ଅଫ୍‌ ପାଇଁ କ୍ୱାଲିଫାଏ କରିପାରି ନ ଥିଲା। ୨୦୧୪ ସଂସ୍କରଣରେ ଦଳ ଅବ...

ନୂଆଦିଲ୍ଲୀ, ୩୧।୩(ପି.ଟି.): ଆସନ୍ତା ମାସରେ ଖେଳାଯିବାକୁ ଥିବା ଆର୍ଜେଣ୍ଟିନା ବିପକ୍ଷ ଅନ୍ତର୍ଜାତୀୟ ହକି ଏଫ୍‌ଆଇଏଚ୍‌ ପ୍ରୋ ଲିଗ୍‌ ମ୍ୟାଚ୍‌ଗୁଡିକ ପାଇଁ ଏକ ୨୨ ଜଣିଆ ଭାରତୀୟ ଦଳ ଘୋଷଣା କରାଯାଇଛି। ହକି ଇଣ୍ଡିଆ ମଙ୍ଗଳବାର ଭାରତୀୟ ଦଳ ଘୋଷଣା କରିଛି। ବ୍ୟକ୍ତିଗତ କାରଣରୁ ଗତ କେତୋଟି ସିରିଜରୁ ଓହରିଯାଇଥିବା ଅଧିନାୟକ ମନପ୍ରୀତ ସିଂ ଏହି ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ଭାରତ ଏପ୍ରିଲ ୧୧ ଓ ୧୨ ତାରିଖରେ ବୁଏନସ ଆରିଜ୍‌ରେ ଘରୋଇ ଆର୍ଜୋଣ୍ଟିନା ବିପକ୍ଷରେ ମ୍ୟାଚ୍‌ ଖେଳିବ। ଏକ ୧୬ ଦିନିକିଆ ଗସ୍ତ ପାଇଁ ବୁଧବାର ବୁଏନସ ଆରିଜ୍‌ ଅଭିମୁଖେ ଭାରତୀୟ ଦଳ ବେଙ୍ଗାଲୁରୁ ଯାତ୍ରା କରିବ। ଦେଶ ଛାଡିବାର ୭୨ ଘଣ୍ଟା ପୂର୍ବରୁ ଖେଳାଳିମାନେ ବାଧ୍ୟତାମୂଳକ ଭାବେ ଆରଟିପିସିଆର ଟେଷ୍ଟର ସମ୍ମୁଖୀନ ହେବେ। ଦଳରେ ୩ ଜଣ ଓଡ଼ିଶା ଖେଳାଳି ଅମିତ ରୋହିଦାସ, ବୀରେନ୍ଦ୍ର ଲାକ୍ରା ଓ ଶିଳାନନ୍ଦ ଲାକ୍ରା ସାମିଲ ହୋଇଛନ୍ତି। ଏପ୍ରିଲ ୬ ଓ ୭ ତାରିଖରେ ଭାରତ ଆର୍ଜେଣ୍ଟିନା ବିପକ୍ଷରେ ଦୁଇ ଅଭ୍ୟାସ ମ୍ୟାଚ୍‌ ଖେଳିବ। ଏହାପରେ ଟୋକିଓ ଅଲିମ୍ପିକ୍ସ ପ୍ରସ୍ତୁତି ପାଇଁ ଭାରତ ୧୩ ଓ ୧୪ ତାରିଖରେ ମଧ୍ୟ ଆଉ ଦୁଇଟି ଅଭ୍ୟାସ ମ୍ୟାଚ୍‌ ଖେଳିବ। ଜୁଲାଇରେ ଟୋକିଓ ଅଲିମ୍ପିକ୍ସ ଆୟୋଜନ ହେବାର କାର୍ଯ୍ୟକ୍ରମ ରହିଛି। ଭାରତୀୟ ଦଳରେ ପି.ଆର. ଶ୍ରୀଜେସ, କ୍ରିଷନ ବାହାଦୁର ପାଠକ, ଅମିତ ରୋହିଦାସ, ଗୁରିନ୍ଦର ସିଂ, ସୁରେନ୍ଦର କୁମାର, ବୀରେନ୍ଦ୍ର ଲାକ୍ରା, ହାର୍...

ନୂଆଦିଲ୍ଲୀ,୩୧।୩(ପି.ଟି.): ଆସନ୍ତା ୯ ତାରିଖରୁ ଆରମ୍ଭ ହେବାକୁ ଯାଉଥିବା ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ୧୪ତମ ସଂସ୍କରଣ ପାଇଁ ଦିଲ୍ଲୀ କ୍ୟାପିଟାଲ୍ସର ନେତୃତ୍ୱରେ ପରିବର୍ତ୍ତନ କରାଯାଇଛି। ନିୟମିତ ଅଧିନାୟକ ଶ୍ରେୟାସ ଆୟାର ଇଞ୍ଜୁରି କାରଣରୁ ଦଳରୁ ବାଦ୍‌ ପଡିବା ପରେ ମଙ୍ଗଳବାର ଉଇକେଟକିପର ବ୍ୟାଟ୍ସମ୍ୟାନ ରିଷଭ ପନ୍ତଙ୍କୁ ଅଧିନାୟକ ନିଯୁକ୍ତ କରାଯାଇଛି। ଗତ ଇଂଲଣ୍ଡ ବିପକ୍ଷ ଦିନିକିଆ ସିରିଜରେ ଆୟାର ଫିଲ୍ଡିଂ କରୁଥିବା ବେଳେ କାନ୍ଧରେ ଆଘାତ ପାଇଥିଲେ। ଫଳରେ ସିରିଜ ସମେତ ସେ ଆଇପିଏଲ୍‌ରୁ ମଧ୍ୟ ବାଦ୍‌ ପଡିଥିଲେ। ଆୟାରଙ୍କ ନେତୃତ୍ୱରେ ଦିଲ୍ଲୀ ଗତ ସଂସ୍କରଣରେ ଫାଇନାଲରେ ପ୍ରବେଶ କରିଥିଲା ଓ ଫାଇନାଲରେ ମୁମ୍ବାଇ ଇଣ୍ଡିଆନ୍ସଠାରୁ ପରାସ୍ତ ହୋଇ ରନର୍ସଅପ ହୋଇଥିଲା। ଏବେ ତାଙ୍କ ଅନୁପସ୍ଥିତିରେ ପନ୍ତଙ୍କୁ ନେତୃତ୍ୱ ପ୍ରଦାନ କରାଯାଇଛି ବୋଲି ଦିଲ୍ଲୀ କ୍ୟାପିଟାଲ୍ସ ଅଧ୍ୟକ୍ଷ ତଥା ଅନ୍ୟତମ ମାଲିକ କିରଣ କୁମାର ଗାନ୍ଧୀ କହିଛନ୍ତି। ଆଇପିଏଲରେ ୨୩ ବର୍ଷୀୟ ପନ୍ତ ପ୍ରଥମଥର ପାଇଁ ନେତୃତ୍ୱ ନେବାର ସୁଯୋଗ ପାଇବେ। ତେବେ ପୂର୍ବରୁ ସେ ଦିଲ୍ଲୀ ରାଜ୍ୟ ଦଳର ନେତୃତ୍ୱ ନେଇଛନ୍ତି। ଦିଲ୍ଲୀରେ ମୋ ପିଲା ବେଳ କଟିଛି ଓ ଗତ ୬ ବର୍ଷ ହେବ ଦିଲ୍ଲୀ ପାଇଁ ଆଇପିଏଲ୍‌ ଖେଳି ଆସୁଛି। ତେଣୁ ଏହି ଦଳରେ ନେତୃତ୍ୱ ନେବାର ସୁଯୋଗ ପାଇ ନିଜକୁ ଧନ୍ୟ ମନେକରୁଛି ବୋଲି ପନ୍ତ କହିଛନ୍ତି। ଦିଲ୍ଲୀର ନେତୃତ୍ୱ ନେବାକୁ ପନ୍ତ ଉପଯୁକ୍ତ ଖେଳାଳ...

ଋତୁ ବଦଳିବା ସହିତ ଖାଦ୍ୟପେୟ, ପୋଷାକପତ୍ର ସବୁଥିରେ ପରିବର୍ତ୍ତନ ଦେଖାଯାଇଥାଏ। ଯେପରି ଆମକୁ ଶୀତଦିନେ ଗରମ ଜିନିଷ ଭଲ ଲାଗିଥାଏ। ସେହିପରି ଗରମ ଦିନରେ ମଧ୍ୟ ଥଣ୍ଡା ଭଲ ଲାଗିଥାଏ। ତେବେ ଗ୍ରୀଷ୍ମଋତୁରେ ଆପଣଙ୍କ ସ୍ବାସ୍ଥ୍ୟର ଯତ୍ନ ନେବା ପାଇଁ କେଉଁ କେଉଁ ଖାଦ୍ୟ ଉପରେ ଦୃଷ୍ଟି ଦେବାକୁ ହୋଇଥାଏ ଜାଣନ୍ତୁ ସେ ସମ୍ପର୍କରେ… ଟମାଟୋ: ଟମାଟୋରେ ଜଳୀୟଅଂଶ ଅଧିକ ଥାଏ। ଏହା ସହିତ ଭିଟାମିନ୍‌ ସି ଭରି ରହିଥାଏ, ଯାହା ସ୍ବାସ୍ଥ୍ୟ ପାଇଁ ଅଧିକ ଫଳପ୍ରଦ। ତରଭୁଜ : ଏଥିରେ ଅଧିକ ମାତ୍ରାରେ ଜଳୀୟଅଂଶ ସହିତ ଜରୁରୀ ପୋଷକତତ୍ତ୍ୱ ରହିଥାଏ। ଏହା ତ୍ୱଚା ସୁନ୍ଦର କରିବାରେ ମଧ୍ୟ ସାହାଯ୍ୟ କରେ। ଅନେକ ସମୟରେ ଖରାଦିନେ ରାସ୍ଥାକଡରେ ଲୋକେ ଏହାର ମଜା ନେବାକୁ ବେଶି ପସନ୍ଦ କରିଥାନ୍ତି। କାକୁଡି: ଖରାଦିନେ କାକୁଡି ଅଧିକ ମାତ୍ରାରେ ଖାଇବା ଉଚିତ। ଏହାକୁ ସାଲାଡ୍‌, ଜୁସ କିମ୍ବା କଞ୍ଚା ମଧ୍ୟ ଖାଇପାରିବେ। ଏହା ଶରୀରକୁ ଆବଶ୍ୟକତା ଅନୁସାରେ ପୋଟାସିୟମ ଯୋଗାଇଥାଏ।   ଲାଉ: ଲାଉରେ ଭରପୂର ପୋଷକତତ୍ତ୍ୱ ରହିଥାଏ। ଏହାକୁ ଖରାଦିନେ ସିଝେଇ ଫୁଟେଇ ଖିଆଯାଏ, ଯାହା ଅଧିକ ସ୍ବାସ୍ଥ୍ୟ ଉପଯୋଗୀ ହୋଇଥାଏ। ଏଥିରେ ଭରପୂର ପାଣିର ମାତ୍ରା ରହିଥିବାରୁ ପାଚନ କ୍ରିୟାକୁ ଗରମରୁ ମୁକ୍ତି ଦେଇଥାଏ। ଲେମ୍ବୁପାଣି: ଗରମ ଦିନେ ଲେମ୍ବୁପାଣିର ଚାହିଦା ଅଧିକ। ଏହାକୁ ପିଇବା ଦ୍ୱାରା ଗରମରୁ ଉପଶମ ମିଳିଥାଏ। The post ଖରାଦିନେ ଖାଆନ୍ତୁ ଏହିସବୁ ...

ନାପିଏର,୩୧।୩: ବର୍ଷା ବାଧାପ୍ରାପ୍ତ ବାଂଲାଦେଶ ବିପକ୍ଷ ଦ୍ୱିତୀୟ ଟି୨୦ ମ୍ୟାଚ୍‌ରେ ନ୍ୟୁଜିଲାଣ୍ଡ ଡକ୍‌ଓ୍ବର୍ଥ/ଲୁଇସ୍‌ ନିୟମରେ ୨୮ ରନରେ ବିଜୟ ହାସଲ କରିଛି। ଫଳରେ ୩ ମ୍ୟାଚ୍‌ ବିଶିଷ୍ଟ ଏହି ସିରିଜରେ ନ୍ୟୁଜିଲାଣ୍ଡ ୨-୦ରେ ଅଗ୍ରଣୀ ହେବା ସହ ଆଗୁଆ ସିରିଜ ହାତେଇ ନେଇଛି। ସ୍ଥାନୀୟ ମ୍ୟାକଲିନ୍‌ ପାର୍କରେ ମଙ୍ଗଳବାର ଅନୁଷ୍ଠିତ ଏହି ମ୍ୟାଚ୍‌ରେ ଟସ୍‌ ଜିତି ବାଂଲାଦେଶ ଫିଲ୍ଡିଂ ନିଷ୍ପତ୍ତି ନେଇଥିଲା। ବର୍ଷା ଯୋଗୁ ମ୍ୟାଚ୍‌ର ଓଭର ସଂଖ୍ୟାକୁ କମାଇ ଦିଆଯାଇଥିଲା। ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ ୧୭.୫ ଓଭରରେ ୫ ଉଇକେଟ ହରାଇ ୧୭୩ ରନ ସଂଗ୍ରହ କରିଥିଲା। ତେବେ ଏହା ପରେ ବର୍ଷା ହୋଇଥିଲା ଓ ଏହି ସ୍କୋରରେ ନ୍ୟୁଜିଲାଣ୍ଡ ଇନିଂସ ସୀମିତ ରହିଥିଲା। ଫଳରେ ବାଂଲାଦେଶ ସମ୍ମୁଖରେ ଡକ୍‌ଓ୍ବର୍ଥ/ଲୁଇସ୍‌ ନିୟମରେ ୧୬ ଓଭରରେ ୧୭୧ ରନର ବିଜୟ ଲକ୍ଷ୍ୟ ଧାଯର୍‌ୟ କରାଯାଇଥିଲା। ଜବାବରେ ବାଂଲାଦେଶ ୭ ଉଇକେଟରେ ୧୪୨ ରନରେ ସୀମିତ ରହି ପରାସ୍ତ ହୋଇଥିଲେ। ଏଥିସହିତ ଘରୋଇ ମାଟିରେ ଚଳିତ ସେସନରେ ନ୍ୟୁଜିଲାଣ୍ଡ ସପ୍ତମ ସିରିଜ ବିଜୟ ହାସଲ କରିଛି। ନ୍ୟୁଜିଲାଣ୍ଡ ଟି୨୦ରେ ୪, ଟେଷ୍ଟରେ ୨ ଓ ଦିନିକିଆ ଫର୍ମାଟରେ ଗୋଟିଏ ସିରିଜରେ ବିଜୟୀ ହୋଇଛି। ଗ୍ଲେନ ଫିଲିପ୍ସ ପ୍ଲେୟର ଅଫ୍‌ ଦି ମ୍ୟାଚ୍‌ ବିବେଚିତ ହୋଇଛନ୍ତି। ୧୭୧ ରନ ଟାର୍ଗେଟର ପିଛା କରି ବାଂଲାଦେଶ ଏକଦା ୨ ଉଇକେଟ ହରାଇ ୧୧୦ ରନ କରି ସୁବିଧାଜନକ ସ୍ଥିତିରେ ଥିଲା। ତେବେ ନିୟମିତ ବ୍ୟବ...

ନୂଆଦିଲ୍ଲୀ,୩୧।୩(ପି.ଟି.): ଭାରତୀୟ କ୍ରିକେଟ ଏବେ ଭଲ ସ୍ଥିତି ଦେଇ ଗତିକରୁଛି। ଅଷ୍ଟ୍ରେଲିଆ ଓ ଇଂଲଣ୍ଡ ଭଳି କ୍ୱାଲିଟି ଦଳ ବିପକ୍ଷରେ ଭାରତ ଗତ କେତେମାସ ମଧ୍ୟରେ ଦୃଷ୍ଟାନ୍ତମୂଳକ ପ୍ରଦର୍ଶନ କରିଛି। ବିଶ୍ୱ ଚାମ୍ପିୟନ ଇଂଲଣ୍ଡକୁ ଭାରତ ଘରୋଇ ପରିବେଶରେ ଟେଷ୍ଟ, ଟି୨୦ ଓ ଦିନିକିଆ ସିରିଜରେ ପରାସ୍ତ କରି ଏକ ବିରଳ ସଫଳତା ହାସଲ କରିଛି। ଅବଶ୍ୟ ପୂର୍ବରୁ ମଧ୍ୟ ଭାରତ ଇଂଲଣ୍ଡକୁ ହରାଇବାର ଏକାଧିକ ଉଦାହରଣ ରହିଛି। କିନ୍ତୁ ଅଧିନାୟକ ବିରାଟ କୋହଲିଙ୍କ ନେତୃତ୍ୱରେ ଭାରତୀୟ ଦଳରେ ଏକାଧିକ ଆକ୍ରମଣାତ୍ମକ ଖେଳାଳିଙ୍କ ଆବିର୍ଭାବ ହୋଇଛି। ଏହା ଭାରତୀୟ କ୍ରିକେଟର ଉଜ୍ଜ୍ୱଳ ଭବିଷ୍ୟତକୁ ସୂଚାଉଛି। ଏମାନଙ୍କ ମଧ୍ୟରେ ସବୁଠାରୁ ଆଗରେ ରହିଛନ୍ତି ମୁମ୍ବାଇର ଶାର୍ଦ୍ଦୁଳ ଠାକୁର। ଆଗାମୀ ଦିନରେ ସେ ଜଣେ କ୍ୱାଲିଟି ଅଲରାଉଣ୍ଡର ଭାବେ ଭାରତର ଆବଶ୍ୟକତା ପୂରଣ କରିବେ। ବିଦେଶରେ ତାଙ୍କ ଭଳି ଜଣେ ଅଲରାଉଣ୍ଡର ଭାରତ ପାଇଁ ବେଶ୍‌ ଉପଯୋଗୀ ସାବ୍ୟସ୍ତ ହେବେ ବୋଲି ଆଶା କରାଯାଉଛି। ଜଣେ କ୍ୱାଲିଟି ପେସ୍‌ ବୋଲର ଭାବେ ସେ ନିଜର ପ୍ରତିଭା ପ୍ରମାଣ କରିଛନ୍ତି। ତାଙ୍କ ପାଖରେ ବ୍ୟାଟିଂର ଉତ୍କୃଷ୍ଟ ଟେକ୍‌ନିକ ମଧ୍ୟ ରହିଛି। ସିମ୍‌ ବୋଲିଂ ଅଲରାଉଣ୍ଡର ଭାବେ ଶାର୍ଦ୍ଦୁଳ ଇଶାନ୍ତ ଶର୍ମା, ଯଶପ୍ରୀତ ବୁମ୍‌ରା ଓ ମହମ୍ମଦ ସାମି ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ସହିତ ଭାରତ ପାଇଁ ବିକଳ୍ପ ସୃଷ୍ଟି କରିଛନ୍ତି। ସବୁ ଫର୍ମାଟ୍‌ରେ ଶାର୍ଦ୍ଦୁଳ ସିମ୍‌ ବୋଲିଂ ...

ଧରିତ୍ରୀ କାର୍ଟୁନ୍‍ The post ଧରିତ୍ରୀ କାର୍ଟୁନ୍‍ – Dharitri Cartoon appeared first on Dharitri Odia News .

ବଡବିଲ,୩୧।୩(ସ୍ବ.ପ୍ର)- କେନ୍ଦୁଝର ଜିଲା ବଡ଼ବିଲ ଡାକବଙ୍ଗଳା ଛକ ନିକଟରେ ମଙ୍ଗଳବାର ଏକ ଚଳନ୍ତା କାରରେ ନିଆଁ ଲାଗି ଜଳି ଯାଇଥିବାବେଳେ ଚାଳକ ଓ ଅନ୍ୟ ଜଣେ ଅଳ୍ପକେ ବର୍ତ୍ତିଯାଇଛନ୍ତି। ସୂଚନା ଅନୁଯାୟୀ, ରାତି ପ୍ରାୟ ସାଢ଼େ ୯ଟା ବେଳେ ସ୍ଥାନୀୟ ଏକ ଘରୋଇ ଫାଇନାନ୍ସ କମ୍ପାନୀର ବ୍ରାଞ୍ଚ ମ୍ୟାନେଜର ସୁରେନ୍ଦ୍ର କୁମାର ଦାସ ଅନ୍ୟ ଜଣଙ୍କ ସହ ଏକ କାରରେ ବଜାର ଅଭିମୁଖେ ଯାଉଥିଲେ। ହଠାତ କାର୍‌ ଭିତର ଧୂଆଁରେ ଭର୍ତ୍ତି ହୋଇଯିବାରୁ ଦୁହେଁ ସେଥିରୁ ଓହ୍ଲାଇ ପଡ଼ିଥିଲେ। ପରେ ଇଞ୍ଜିିନ ନିକଟରୁ ନିଆଁ ବାହାରୁଥିବା ଦେଖି ପାଣି ପକାଇ ଲିଭାଇବାକୁ ଚେଷ୍ଟା କରି ବିଫଳ ହୋଇଥିଲେ। ଖବରପାଇ ଦମକଳବାହିନୀ ପହଞ୍ଚି ନିଆଁ ଲିଭାଇବା ବେଳକୁ କାର୍‌ଟି ସମ୍ପୂର୍ଣ୍ଣ ଜଳିଯାଇଥିଲା। ମଝି ରାସ୍ତାରେ ଏପରି ଘଟଣା ଘଟିଥିବାରୁ ପ୍ରାୟ ଅଧଘଣ୍ଟା ପର୍ଯ୍ୟନ୍ତ ରାଜ୍ୟ ରାଜପଥ ଜାମ ହୋଇଯାଇଥିଲା। The post ଚଳନ୍ତା କାର୍‌ରେ ନିଆଁ appeared first on Dharitri Odia News .

ନୂଆଦିଲ୍ଲୀ,୩୧।୩: ପୁଣି ଦେଶରେ କରୋନା ମାମଲା ବୃଦ୍ଧି ପାଉଥିବାବେଳେ ବିସିସିଆଇ ୧୪ତମ ଆଇପିଏଲ ଆୟୋଜନ କରୁଛି । ଏହି ଟୁର୍ନାମେଣ୍ଟ ଏପ୍ରିଲ ୯ରୁ ମେ ୩୦ ପର୍ଯ୍ୟନ୍ତ ଖେଳାଯିବ। ସମସ୍ତ ମ୍ୟାଚ ଅହମଦାବାଦ, ବେଙ୍ଗାଲୁରୁ, ଚେନ୍ନାଇ, ଦିଲ୍ଲୀ, ମୁମ୍ବାଇ ଏବଂ କୋଲକାତାରେ ଖେଳାଯିବ। ଏଥର ଏହି ଲିଗ ଅଲଗା ହେବ, କାରଣ ମ୍ୟାଚ ନିରପେକ୍ଷ ସ୍ଥାନରେ ଖେଳାଯିବ। ଏଥର ଦଳଗୁଡିକ ଘରୋଇ ପଡ଼ିଆରେ ଖେଳିବାର ସୁବିଧା ପାଇବେ ନାହିଁ । ସମସ୍ତ ଦଳ ଏହି ଟୁର୍ନାମେଣ୍ଟ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଏହି ସମୟରେ, ମୁଖ୍ୟ ଖେଳାଳିଙ୍କ ହଠାତ୍‌ ବାଦ୍‌ ପଡିବା ହେତୁ କିଛି ଦଳ ଏକ ବଡ଼ ଅସୁବିଧାର ସମ୍ମୁଖୀନ ହୋଇଛନ୍ତି। ଜୋଶ ଫିଲିପ: ବିଗ୍‌ ବାଶ୍‌ ଲିଗ୍‌ରେ ଆରସିବିର ପ୍ରଭାବଶାଳୀ ଖେଳାଳି ଜୋଶ ଦିଲ୍ଲୀପ (ଅଷ୍ଟ୍ରେଲିଆ) ଜବରଦସ୍ତ ଫର୍ମରେ ଥିଲେ। ଏହି ଲିଗ୍‌ରେ ୨୩ ବର୍ଷୀୟ ଜୋସ ଦ୍ୱିତୀୟ ସର୍ବାଧିକ ରନ ସ୍କୋରର ଥିଲେ। ଉଇକେଟ ପଛରେ ତାଙ୍କର ପ୍ରଦର୍ଶନ ମଧ୍ୟ ଭଲ ଥିଲା। ଏହି ମାସ ଆରମ୍ଭରେ, ଜୋଶ ବ୍ୟକ୍ତିଗତ କାରଣରୁ ଆଇପିଏଲରୁ ଓହରି ଯାଇଥିଲେ। ଜୋସ ୨୦୨୦ରେ ଆଇପିଏଲ ଡେବ୍ୟୁ କରିଥିଲେ ଏବଂ ପାଞ୍ଚ ଇନିଂସରେ ମାତ୍ର ୭୮ ରନ ସଂଗ୍ରହ କରିଥିଲେ। ତେବେ ଜୋଶଙ୍କ ବଦଳରେ ଆରସିବି ନ୍ୟୁଜିଲାଣ୍ଡ ଖେଲାଳି ଫିନ ଆଲେନଙ୍କୁ ଦଳରେ ଅନ୍ତର୍ଭୁକ୍ତ କରିଛି। ଶ୍ରେୟସ ଆୟର: ଆଇପିଏଲ୍‌ ୨୦୨୧ ପୂର୍ବରୁ ଦିଲ୍ଲୀ କ୍ୟାପିଟାଲ୍ସକୁ ଜୋରଦାର ଝଟ୍‌କା ଲାଗିଛି। ଦଳର ଅ...

ପୁରୁଷୋତ୍ତମପୁର, ୩୦।୩(ଡି.ଏନ୍‌.ଏ.): ଗଞ୍ଜାମ ଜିଲାର ପ୍ରସିଦ୍ଧ ଇଷ୍ଟଦେବୀ ମା’ ତାରାତାରିଣିଙ୍କ ଚୈତ୍ର ମଙ୍ଗଳବାର ଯାତ୍ରା କରୋନା କଟକଣା ମଧ୍ୟରେ ଆରମ୍ଭ ହୋଇଛି। ସୋମବାର ରାତ୍ର ସାଢ଼େ ୨ଟାରୁ ମନ୍ଦିର ଦ୍ୱାର ଫିଟାଯାଇ ପରମ୍ପରା ଅନୁସାରେ ଅବକାଶ ନୀତି, ମାଜଣା, ଅଭିଶେକ, ସୃଙ୍ଗାର ଆଦି ପୂଜାର୍ଚ୍ଚନା କରାଯାଇଥିଲା। ପରେ ମା’ ତାରାତାରିଣୀ ଦୁଇ ଭଉଣୀଙ୍କୁ ମହାକାଳୀ ବେଶରେ ସଜ୍ଜିତ କରାଯାଇ ସକଳ ୬ ଟାରେ ଭକ୍ତଙ୍କୁ ଦର୍ଶନ ଦେଇଥିଲେ। ପରେ ସକାଳ ୪ଟାରୁ ମୁଣ୍ଡନ କାର୍ଯ୍ୟ ଆରମ୍ଭ ହୋଇଥିଲା। ଭକ୍ତମାନେ ନିଜ ନିଜର ଶିଶୁଙ୍କୁ ପ୍ରଚଣ୍ଡ ଖରାରେ ଘଣ୍ଟା ଘଣ୍ଟା ଧରି ଧାଡିବାନ୍ଧି ଛିଡ଼ାହୋଇ ରହିଥିବାର ଦେଖିବାକୁ ମିଳିଛି। ଏଥିସହ ପାହାଡ଼ ଉପରକୁ ଥିବା ରାସ୍ତାକୁ ପ୍ରଶାସନ ପକ୍ଷରୁ ବନ୍ଦ କରିଦିଆଯାଇଛି। ଏହାକୁ ନେଇ ଭକ୍ତଙ୍କ ମଧ୍ୟରେ ତିବ୍ର ଅସନ୍ତୋଷ ଦେଖାଦେଇଛି । କେବଳ ସ୍ବତନ୍ତ୍ର ବସ୍‌ ମାଧ୍ୟମରେ ପାହାଡ ତଳୁ ଉପରକୁ ଯିବାର ବ୍ୟବସ୍ଥା କରାଯାଇଛି। ଜିଲାପାଳ ବିଜୟ ଅମୃତା କୁଲାଙ୍ଗେ ଓ ଗଞ୍ଜାମ ଏସ୍‌ପି ବ୍ରିଜେସ କୁମାର ରାୟ ତଦାରଖ କରିଥିବା ବେଳେ ମନ୍ଦିର ନିର୍ବାହୀ ଅଧିକାରୀ ଟିକେ ରେଡିଙ୍କ ତତ୍ତ୍ୱାବଧାନରେ ସେବାୟତ ବାପୁଜୀ ରଣା, ତପନ ରଣାଙ୍କ ସମେତ ସମସ୍ତ ସେବାୟତ ପୂଜାର୍ଚ୍ଚନା କରିବାରେ ଲାଗିଛନ୍ତି। ପୁରୁଷୋତ୍ତମପୁର ଏସ୍‌ଡିପିଓ ସୀମା ସ୍ବାଇଁଙ୍କ ନେତୃତ୍ୱରେ ଥାନା ଅଧିକାରୀ ଜଗନ୍ନାଥ ମଲ୍ଲୀକଙ୍କ ସମେତ ପୋଲିସ ଫୋର୍ସ ମ...

ଭୁବନେଶ୍ୱର, ୩୦।୩(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଚିନ୍ତା ବଢ଼ାଉଛି। ସୋମବାର ରାଜ୍ୟରେ ୨୧୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରୁ ୧୨୯ କ୍ୱାରାଣ୍ଟାଇନ୍‌ରୁ ଚିହ୍ନଟ ହୋଇଥିବାବେଳେ ୮୯ ଜଣ ଲୋକାଲ କେସ୍‌ ଥିବା ରାଜ୍ୟ ସୂଚନା ଏବଂ ଲୋକସମ୍ପର୍କ ବିଭାଗ ପକ୍ଷରୁ ଟୁଇଟ୍‌ ଯୋଗେ ସୂଚନା ଦିଆଯାଇଛି। ଏହାକୁ ମିଶାଇ ରାଜ୍ୟରେ ମୋଟ ୩ ଲକ୍ଷ ୪୦ ହଜାର ୬୨୦ରେ ପହଞ୍ଚିଛି। ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ବରଗଡ଼ ଜିଲାରୁ ସର୍ବାଧିକ ୩୪ ଆକ୍ରାନ୍ତ ଥିବା ବେଳେ ଅନୁଗୋଳରୁ ୧୨, ବାଲେଶ୍ୱରରୁ ୬, ବଲାଙ୍ଗୀରରୁ ୯, କଟକରୁ ୧୬, ଢେଙ୍କାନାଳରୁ ୩, ଗଞ୍ଜାମରୁ ୬, ଜଗତ୍‌ସିଂହପୁରରୁ ୩, ଯାଜପୁରରୁ ୪, ଝାରସୁଗୁଡ଼ାରୁ ୧, କଳାହାଣ୍ଡିରୁ ୧୩, କନ୍ଧମାଳରୁ ୧, କେନ୍ଦୁଝରରୁ ୨, ଖୋର୍ଦ୍ଧା ରୁ ୨୫ ଆକ୍ରାନ୍ତ ଅଛନ୍ତି। ସେହିପରି ମୟୂରଭଞ୍ଜରୁ ୫, ନବରଙ୍ଗପୁରରୁ ୬, ନୟାଗଡ଼ରୁ ୩, ନୂଆପଡ଼ାରୁ ୨୯ , ପୁରୀରୁ ୨, ରାୟଗଡ଼ାରୁ ୩ ,ସମ୍ବଲପୁରରୁ ୧ ଓ ସୁନ୍ଦରଗଡ଼ରୁ ୨୬ ଅଛନ୍ତି। The post ରାଜ୍ୟରେ ୨୧୮ କରୋନା ଆକ୍ରାନ୍ତ ଚିହ୍ନଟ: ବରଗଡ଼ରୁ ସର୍ବାଧିକ appeared first on Dharitri Odia News .

ଠାକୁରମୁଣ୍ଡା, ୩୦।୩ (ଡି.ଏନ୍‌.ଏ.): ମୟୂରଭଞ୍ଜ ଜିଲା କରଞ୍ଜିଆ ପୋଲିସର ଏକ ଅମାନୁଷିକତା ଘଟଣା ପଦାକୁ ଆସିଛି। ହେଲମେଣ୍ଟ ଓ ମାକ୍ସ ଚେକିଂ ସମୟରେ ପୋଲିସର ଲାଠି ମାଡରେ ଜଣେ ବାଇକ ଚାଳକଙ୍କ ମୁଣ୍ଡ ଫାଟି ଲହୁଲୁହାଣ ହୋଇଛନ୍ତି। ଘଟଣା ପରେ ସ୍ଥାନୀୟ ଲୋକେ ଉତ୍ତ୍ୟକ୍ତ ହୋଈ କରଞ୍ଜିଆ ଥାନାକୁ ଘେରାଉ କରିବା ପରେ ଏସ୍‌ପି ଏହି ଘଟଣାରେ ସମ୍ପୃକ୍ତ ୨ ଜଣ ପୋଲିସ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। କରଞ୍ଜିଆରେ ଥିବା ସାହାରପଡା ବାଇପାସ ଛକ ନିକଟରେ କରଞ୍ଜିଆ ଥାନା ପୋଲିସ ପକ୍ଷରୁ ସୋମବାର ସନ୍ଧ୍ୟାରେ ହେଲମେଣ୍ଟ ଓ ମାକ୍ସ ଚେକିଂ ଚାଲିଥିଲା। ଏହି ସମୟରେ କରଞ୍ଜିଆର ଏସ୍‌.କେ. ଆଲତମାସ ନାମକ ବାଇକ ଚାଳକଙ୍କୁ ପୋଲିସ ଲାଠିରେ ପିଟିବାରୁ ତାଙ୍କର ମୁଣ୍ଡ ଫାଟି ଯାଇଥିଲା। ଏହା ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ସ୍ଥାନୀୟ ଲୋକେ ଘଟଣାରେ ସଂପୃକ୍ତ ପୋଲିସ କର୍ମଚାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବିକରି କରଞ୍ଜିଆ ଥାନାକୁ ଘେରାଉ କରିଥିଲେ। ସଙ୍ଗେ ସଙ୍ଗେ ଏହି ଘଟଣାରେ ମୟୂରଭଞ୍ଜ ଏସ୍‌ପି କନେଷ୍ଟବଳ ଆର.କେ ସିଂଙ୍କୁ କାର୍ଯ୍ୟରୁ ନିଲମ୍ବିତ କରିଥିବା ବେଳେ ଡ୍ରାଇଭର ମାନସ ସ୍ବାଇଁଙ୍କୁ ପ୍ରତ୍ୟାହାର କରିଥିଲେ। ଏନେଇ ଉପଖଣ୍ଡ ପୋଲିସ ଅଧିକାରୀ ସତ୍ୟବିକାଶ ଭୂୟାଁ ସୂଚନା ଦେବା ପରେ ଥାନା ଘେରାଉ କରିଥିବା ଲୋକେ ଶାନ୍ତ ପଡ଼ିଥିଲେ। The post ହେଲମେଣ୍ଟ, ମାସ୍କ ଚ...

ଥିରୁଭାନନ୍ତପୁରମ୍‌,୩୦।୩: କେରଳ ବିଧାନସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳ ପକ୍ଷରୁ ପ୍ରଚାର ଜୋରସୋରରେ ଚାଲିଛି। ପୂର୍ବତନ ଇଡୁକି ଏମ୍‌ପି ଜୋଏସ ଜର୍ଜ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଉପରେ ଅପମାନଜନକ ମନ୍ତବ୍ୟ ଦେଇଛନ୍ତି। ଉଡୁମ୍ବାଚୋଲାରେ ଏଲଡିଏଫ୍‌ ପ୍ରାର୍ଥୀ ତଥା ମନ୍ତ୍ରୀ ଏମ ମାନିଙ୍କ ପାଇଁ ନିର୍ବାଚନ ପ୍ରଚାର ସମୟରେ ଜର୍ଜ କହିଛନ୍ତି ଯେ ‘ମହିଳାମାନେ ରାହୁଲ ଗାନ୍ଧୀଙ୍କ ପ୍ରତି ସତର୍କ ରହିବା ଉଚିତ୍‌। ରାହୁଲ କେବଳ ମହିଳା କଲେଜ ପରିଦର୍ଶନ କରିବେ। ସେ ଝିଅମାନଙ୍କୁ ନଇଁବା ଶିଖାଇବେ। ରାହୁଲ ଗାନ୍ଧୀ ଅବିବାହିତ ସଙ୍କଟ ଦେଇ ଗତି କରୁଥିବା ସେ କହିଛନ୍ତି। ଜର୍ଜ ଆହୁରି ମଧ୍ୟ କହିଛନ୍ତି, ମୋର ପ୍ରିୟ ପିଲାମାନେ ଦୟାକରି ଆଦୌ ନଇଁ ପଡନ୍ତୁ ନାହିଁ ଏବଂ ତାଙ୍କ ସାମ୍ନାରେ ଠିଆ ହୁଅନ୍ତୁ, ସେ ବିବାହ କରିନାହାଁନ୍ତି। କେରଳ ବିରୋଧୀ ଦଳର ନେତା ରମେଶ ଚେନ୍ନିଥାଲା ଜର୍ଜଙ୍କ ମନ୍ତବ୍ୟକୁ ନିନନ୍ଦା କରି କହିଛନ୍ତି ଯେ, ଜର୍ଜଙ୍କ ବିରୋଧରେ ଏକ ମାମଲା ରୁଜୁ ହେବା ଉଚିତ୍‌। ସେ ମହିଳା ଏବଂ ରାହୁଲ ଗାନ୍ଧୀଙ୍କୁ ଅପମାନିତ କରିଛନ୍ତି। ସୂଚନାଯୋଗ୍ୟ, ରାହୁଲ ଗାନ୍ଧୀ ଗତ ସୋମବାର କୋଚିର ସେଣ୍ଟ ଟେରେସା କଲେଜରେ ଛାତ୍ରୀମାନେ ମାର୍ଶଲ ଆର୍ଟ ଟ୍ରେନିଂ ସମୟରେ ଉପସ୍ଥିତ ଥିଲେ। ଛାତ୍ରୀମାନେ ମାର୍ଶଲ ଆର୍ଟ କରୁଥିବାବେଳେ ରାହୁଏ ସେମାନଙ୍କ ଉତ୍ସାହ ବଢାଇଥିଲେ। The post ପୂର୍ବତନ ଏମ୍‌ପିଙ୍କ ବିବାଦୀୟ ମନ୍ତବ୍ୟ: ରାହୁଲ ...

ଦାରିଙ୍ଗବାଡ଼ି,୩୦।୩(ଡି.ଏନ୍‌.ଏ): ରାଇପୁର-ଗୋପାଳପୁରକୁ ସଂଯୋଗ କରୁଥିବା ୫୯ନଂ ଜାତୀୟ ରାଜପଥ ବାଲିଗୁଡ଼ାଠାରୁ ଦାରିଙ୍ଗବାଡ଼ି ପଞ୍ଚୁପଲ୍ଲୀ ପର୍ଯ୍ୟନ୍ତ ରାସ୍ତା ସଂପ୍ରସାରଣ କାର୍ଯ୍ୟ ଚାଲିଛି । ରାଜପଥ ସଂପ୍ରସାରଣ ବିଳମ୍ବକୁ ନେଇ ମଙ୍ଗଳବାର ସିମନବାଡ଼ିଠାରେ ଠିକାସଂସ୍ଥାର ସମସ୍ତଗାଡ଼ିକୁ ଉଠାଦୋକାନୀ ସମେତ ଅଞ୍ଚଳବାସୀ ଅଟକାଇଛନ୍ତି। ଶୀଘ୍ର ସଂପ୍ରସାରଣ କାର୍ଯ୍ୟ ଶେଷ କଲେ ଅବରୋଧ ହଟିବ ବୋଲି ବିକ୍ଷୋଭକାରୀମାନେ କହିଥିଲେ। ପରେ ଠିକାସଂସ୍ଥାର କର୍ତ୍ତୃପକ୍ଷ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିବା ସହ ବୁଧବାର ଏକ ମିଳିତ ବୈଠକ କରି ସମାଧାନ କରିବେ ବୋଲି ପ୍ରତିଶ୍ରୁତି ଦେବା ପରେ ଅନ୍ଦୋଳନ ହଟିଛି। The post ଜାତୀୟ ରାଜପଥ ସଂପ୍ରସାରଣ ବିଳମ୍ବକୁ ନେଇ ଉତ୍ତେଜନା: ଠିକାସଂସ୍ଥାର ଗାଡ଼ି ଅଟକାଇଲେ ଉଠାଦୋକାନୀ appeared first on Dharitri Odia News .

ମହାମାରୀ କରୋନା ଦିନକୁ ଦିନ ହଇଚଇ ସୃଷ୍ଟି କରିବାରେ ଲାଗିଛି। ଏଇ କିଛି ଦିନ ମଧ୍ୟରେ ଦେଶରେ କରୋନାର ନୂଆ ମାମଲା ସାମ୍ନାକୁ ଆସିଛି। କରୋନାକୁ ନେଇ ବଲିଉଡ୍‌ କଳାକାରମାନେ ମଧ୍ୟ ଲୋକଙ୍କୁ ନିରନ୍ତର ପରାମର୍ଶ ଦେଉଛନ୍ତି। ଏହି କ୍ରମରେ ନିକଟରେ ଅଭିନେତା ବବି ଦେଓଲଙ୍କର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ଦେଖିବା ପରେ କୁହାଯାଉଛି ଯେ, ୧୯୯୭ରେ ବବି କରୋନା ଭାଇରସ ବିଷୟରେ ଜାଣିପାରିଥିଲେ। ଖାଲି ସେତିକି ନୁହେଁ, ସେ ଭିଡିଓରେ ସାମାଜିକ ଦୂରତା ପାଳନ କରୁଥିବା ସହ ଐଶ୍ୱର୍ଯ୍ୟା ରାୟଙ୍କ ସ୍ବାବ ପରୀକ୍ଷା ମଧ୍ୟ କରୁଥିବାର ଦେଖିବାକୁ ମିଳୁଛି। ତେବେ ବବିଙ୍କ ଏହି ଦୃଶ୍ୟ ଏକ ଫିଲ୍ମର। ବବି ଏହି ଭିଡିଓକୁ ନିଜ ଇନ୍‌ଷ୍ଟାଗ୍ରାମ୍‌ରେ ଶେୟାର କରିବା ସହ ପ୍ରଶଂସକଙ୍କୁ କରୋନା ନିର୍ଦ୍ଦେଶାବଳୀ ଅନୁସରଣ କରିବାକୁ ପରାମର୍ଶ ଦେଇଛନ୍ତି। ଏହି ଭିଡିଓ ଶେୟାର କରି ସେ ଲେଖିଛନ୍ତି, ବର୍ତ୍ତମାନ ନିର୍ଦ୍ଦେଶାବଳୀ ଅନୁସରଣ କରନ୍ତୁ। ଏହା ପରେ ଏକ ଦୃଶ୍ୟରେ ସେ ଫେସ୍‌ ମାସ୍କ ଲଗାଉଥିବାବେଳେ ଅନ୍ୟ ଏକ କ୍ଲିପ୍‌ରେ ହାତ ଧୋଉଥିବାର ନଜର ଆସିଛନ୍ତି। ଅଭିନେତାଙ୍କ ଏହି ଭିଡିଓରେ ପ୍ରଶଂସକମାନେ ଖୁବ୍‌ କମେଣ୍ଟ ମଧ୍ୟ କରୁଛନ୍ତି। The post ୧୯୯୭ରେ କରୋନା ବିଷୟରେ ଜାଣିପାରିଥିଲେ ବବି ଦେଓଲ! ଐଶ୍ୱର୍ଯ୍ୟାଙ୍କର କରିଥିଲେ ସ୍ବାବ୍‌ ପରୀକ୍ଷା appeared first on Dharitri Odia News .

ଉମରକୋଟ,୩୦।୩(ସ୍ବ.ପ୍ର.): ପୁଣି ଅଲୋଡା ହେଲା ନବଜାତ ଶିଶୁପୁତ୍ର। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲା ଉମରକୋଟ ପୌରାଞ୍ଚଳରେ ବିଦ୍ୟୁତ ବିଭାଗ କାର୍ଯ୍ୟାଳୟ ପଛପଟେ ଥିବା ଶିକ୍ଷକ କଲୋନୀ ନିକଟରେ। ଶିଶୁପୁତ୍ରର କାନ୍ଦ ଶୁଣି ଜଣେ ମହିଳା ପହଞ୍ଚି ଅଳିଆଗଦାରେ ପଡ଼ିଥିବା ଦେଖିଲେ। ପରେ ଲୋକଙ୍କ ସହାୟତାରେ ଶିଶୁପୁତ୍ରକୁ ଉଦ୍ଧାର କରି ଉମରକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ । ଚିକିତ୍ସାଳୟକୁ ଆସିବା ପୂର୍ବରୁ ସ୍ବାସ୍ଥ୍ୟାବସ୍ଥା ଖରାପ ଥିଲା। ବର୍ତ୍ତମାନ ଏଥିରେ ସୁଧାର ଆସିଛି। ସମ୍ପୂର୍ଣ୍ଣ ସୁସ୍ଥ ହେବା ପରେ ତାଙ୍କୁ ସିଡବ୍ଲ୍ୟୁସିକୁ ହସ୍ତାନ୍ତର କରାଯିବ ବୋଲି ଶିଶୁ ବିଶେଷଜ୍ଞ ଡ. ସନ୍ତୋଷ କୁମାର ପଣ୍ଡା କହିଛନ୍ତି। The post ପୁଣି ଅଲୋଡା ଶିଶୁପୁତ୍ର appeared first on Dharitri Odia News .

ଚଣ୍ଡିଗଡ,୩୦।୩: ସଡ଼କ ଦୁର୍ଘଟଣାରେ ପଞ୍ଜାବର ଜଣାଶୁଣା ଗାୟକ ଦିଲଜାନଙ୍କ ମୃତ୍ୟୁ ଘଟିଛି। ଅମୃତସରର ଜାଣ୍ଡିଆଲା ଗୁରୁ ନିକଟରେ ଏହି ଦୁର୍ଘଟଣା ଘଟିଛି। ସୂଚନାନୁସାରେ, ୩୧ ବର୍ଷୀୟ ଦିଲଜାନ ମଙ୍ଗଳବାର ସକାଳେ ନିଜ କାରରେ ଅମୃତସରରୁ କରତାରପୁର ଯାଉଥିଲେ। ତାଙ୍କ କାର ଜାଣ୍ଡିଆଲା ଗୁରୁ ନିକଟରେ ଦୁର୍ଘଟଣା ହୋଇଥିଲା। ଫଳରେ ଦିଲଜାନଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା। ତାଙ୍କର ଦେହାନ୍ତ ପଞ୍ଜାବ ସଙ୍ଗୀତ ଜଗତରେ ଶୋକର ଲହରୀ ଖେଳିଯାଇଛି। ଦିଲଜାନ ଏକ ରିଆଲିଟି ଶୋ’ରୁ ଷ୍ଟାର୍‌ ପାଲଟିଥିଲେ। ସେ କରତାରପୁରର ବାସିନ୍ଦା ଥିଲେ। ତାଙ୍କର ନୂଆ ଗୀତ ତେରେ ଭର୍ଗେ ଖୁବ ଶୀଘ୍ର ରିଲିଜ ହେବାର ଥିଲା। The post ସଡ଼କ ଦୁର୍ଘଟଣାରେ ଚାଲିଗଲା ପ୍ରସିଦ୍ଧ ଗାୟକଙ୍କ ଜୀବନ appeared first on Dharitri Odia News .

ପାଟଣା,୩୦।୩(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ପୋଇପାଣି ବିଟ୍‌ ଦାରିକାପଶି ଗାଁ ନିକଟ କେନାଲରୁ ସୋମବାର ସାରେ ଏକ ଗାଡ଼ଭାଲୁର ମୃତଦେହ ଉଦ୍ଧାର ହୋଇଛି। କେନାଲରେ ଗାଡଭାଲୁର ମୃତଦେହ ଭାସି ଭାସି ଆସୁଥିବା ଦେଖି ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ। ଖବରପାଇ ଘଟଣାସ୍ଥଳରେ ଫରେଷ୍ଟ ଗାର୍ଡ ତପସ୍ବୀନୀ ନାୟକ ପହଞ୍ଚି ମୃତ ଭାଲୁକୁ ରେଞ୍ଜ କାର୍ଯ୍ୟାଳୟକୁ ନେଇଛନ୍ତିି। ଭାଲୁର ମୁହଁରେ କ୍ଷତ ଥିବା ବେଳେ କୁକୁର ଆକ୍ରମଣରେ ମୃତ୍ୟୁ ହୋଇଥିବା ଅନୁମାନ କରାଯାଉଛି। The post ଗାଡ଼ଭାଲୁର ମୃତଦେହ ଉଦ୍ଧାର appeared first on Dharitri Odia News .

ଆଣ୍ଟିଗୁଆ,୩୦।୩: ମହାମାରୀ କରୋନା ସମୟରେ ୱେଷ୍ଟଇଣ୍ଡିଜ କ୍ରିକେଟ ବୋର୍ଡ ଆର୍ଥିକ ଅବସ୍ଥାକୁ ଖରାପ କରିନେଇଛି। ଅବସ୍ଥା ଏପରି ହୋଇଛି ଯେ ଖେଳାଳିଙ୍କୁ ଦରମା ଦେବା ପାଇଁ ବୋର୍ଡକୁ ଋଣ କରିବାକୁ ପଡିଛି। ୱେଷ୍ଟଇଣ୍ଡିଜ କ୍ରିକେଟ୍‌ ବୋର୍ଡର ସଭାପତି ରିକି ସ୍କେରିଟ ଏହା ପ୍ରକାଶ କରିଛନ୍ତି। ତେବେ ସେ ଦାବି କରିଛନ୍ତି ଯେ ତାଙ୍କ କାର୍ଯ୍ୟକାଳ ମଧ୍ୟରେ ବୋର୍ଡର ଋଣ ଏକ ତୃତୀୟାଂଶକୁ ହ୍ରାସ ପାଇଛି। ରିକି ସ୍କେରିଟ ୨୦୧୯ରେ ୱେଷ୍ଟଇଣ୍ଡିଜ କ୍ରିକେଟ ବୋର୍ଡର ଦାୟିତ୍ୱ ଗ୍ରହଣ କରିଥିଲେ। ତାଙ୍କର ଦୁଇ ବର୍ଷର କାର୍ଯ୍ୟକାଳ ସମାପ୍ତ ହୋଇଛି ଏବଂ ସେ ବର୍ତ୍ତମାନ ପୁନର୍ବାର ପ୍ରତିଦ୍ୱନ୍ଦ୍ୱିତା କରିପାରିବେ। ବୋର୍ଡର ଅର୍ଥନୈତିକ ଅବସ୍ଥା ବିଷୟରେ ସ୍କେରିଟ କହିଛନ୍ତି ଯେ, ସେ ଦାୟିତ୍ୱ ଗ୍ରହଣ କରିବା ଦିନଠାରୁ ପରିସ୍ଥିତି ଠିକ ରହିଛି। ଆମର ସବୁଠାରୁ ବଡ ସମସ୍ୟା ହେଉଛି ଯେ ଆମେ ଟଙ୍କା ପାଇବା ପୂର୍ବରୁ ଭବିଷ୍ୟତର ଖର୍ଚ୍ଚ ବିଷୟରେ ଆଲୋଚନା କରିସାରିଛୁ । ଆମର ପ୍ରାୟ ୨୦ ନିୟୁତ ଡଲାର ଋଣ ଥିଲା ଏବଂ ଏହାକୁ ପରିଶୋଧ କରିବାକୁ ଆମକୁ ବାରମ୍ବାର ଋଣ କରିବାକୁ ପଡିଲା। ପାଣ୍ଠି ନାମରେ ଆମର କିଛି ନ ଥିଲା। କରୋନା ସମୟରେ ବୋର୍ଡ ଆହୁରି ଦେବାଳିୟା ହୋଇଯାଇଛି। କର୍ମଚାରୀଙ୍କୁ ଦରମା ଦେବାକୁ ବୋର୍ଡ ପାଖରେ ଟଙ୍କା ନାହିଁ। ମହାମାରୀ ସମୟରେ ମଧ୍ୟ ସମସ୍ତ କର୍ମଚାରୀ ଅଧା ବେତନରେ କାମ କରୁଥିଲେ। ତେଣୁ ଏବେ ବାଧ୍ୟ ହୋଇ ଋଷ କରି ଖେଳାଳିଙ୍କ ଦରମା ଦି...

ବଲାଙ୍ଗୀର ଅଫିସ,୩୦।୩: କାଳ ହେଲା ହୋଲି। ନବ ବିବାହିତା ସ୍ତ୍ରୀଙ୍କୁ ସବୁଦିନ ପାଇଁ ଏକାକରି ଆରପାରି ଚାଲିଗଲେ ସ୍ବାମୀ। ଏଭଳି ଏକ ଅଭବାନୀୟ ଘଟଣା ଘଟିଛି ବଲାଙ୍ଗୀର ଜିଲାରେ। ବଲାଙ୍ଗୀର ସିଭିଲ କୋର୍ଟରେ କିରାଣି ଭାବେ କାର୍ଯ୍ୟରତ ଥିବା ବଲାଙ୍ଗୀର ରୁଗୁଡ଼ିପଡାର ସମୀର ପ୍ରଧାନ (୨୫)ଙ୍କ ମୃତଦେହକୁ ଶିବତଲା ନିକଟ ହରଗୌରୀ ମନ୍ଦିର ବନ୍ଧରୁ ଉଦ୍ଧାର କରାଯାଇଛି । ସୋମବାର ହୋଲି ଖେଳିବା ପରେ ସାଙ୍ଗମାନଙ୍କ ସହ ସେଠାକୁ ଯାଇ ସେ ଭୋଜି କରିଥିଲେ। ଗାଧୋଇବା ବେଳେ ସମୀର ପାଣିରେ ବୁଡି ମୃତ୍ୟୁବରଣ କରିଥିବା କୁହାଯାଉଛି । ପରେ ତାଙ୍କ ମୃତଦେହକୁ ଉଦ୍ଧାର କରି ଭୀମଭୋଇ ମେଡିକାଲ କଲେଜ ହସ୍ପିିଟାଲକୁ ନିଆଯାଇଛି । ବ୍ୟବଚ୍ଛେଦ ପରେ ମୃତ୍ୟୁର କାରଣ ଜଣାପଡିବ ବୋଲି ପୋଲିସ କହିଛି । ପ୍ରାୟ ଦେଢ଼ ମାସ ତଳେ ସମୀର ବିବାହ କରିଥିଲେ। ତାଙ୍କ ମୃତ୍ୟୁରେ ପରିବାରବର୍ଗ ଭାଙ୍ଗି ପଡ଼ିଛନ୍ତି। The post ସ୍ତ୍ରୀଙ୍କୁ ସବୁଦିନ ପାଇଁ ଛାଡ଼ିି ଆରପାରିକୁ ଚାଲିଗଲେ ନବବିବାହିତ ସ୍ବାମୀ appeared first on Dharitri Odia News .

ବିବାହ ପରେ ବିଦାୟ ସମୟର ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ୍‌ ଭାଇରାଲ ହେବାରେ ଲାଗିଛି। ବିଦାୟ ସମୟରେ କନ୍ୟା କାରର ଡ୍ରାଇଭିଂ ସିଟରେ ବସିଥିବାର ଦେଖିବାକୁ ମିଳୁଛି। ବାରଙ୍କୁ ପାଖରେ ବସାଇ କନ୍ୟା ଶାଶୁଘରେ ପହଞ୍ଚୁଛନ୍ତି। ବିବାହ ପରେ ବିଦାୟ ସମୟ ଆସୁଛି। ବର ଏବଂ କନ୍ୟା ବାହାରକୁ ଆସି କାରରେ ବସୁଛନ୍ତି। ଏହି ସମୟରେ କନ୍ୟା ଡ୍ରାଇଭିଂ ସିଟ୍‌ରେ ବସିପଡ଼ୁଛନ୍ତି। ସେ ନିଜେ କାର ଚଲାଇ ଶାଶୁଘରକୁ ଯିବାକୁ ସ୍ଥିର କରୁଛନ୍ତି। ଏହି ସମୟରେ ଲୋକମାନେ କନ୍ୟାକୁ ଡ୍ରାଇଭିଂ ସିଟ୍‌ରେ ବସାଇବାକୁ ସାହାଯ୍ୟ କରୁଛନ୍ତି। କାରଣ ସେ ବହୁତ ଓଜନର ଲେହେଙ୍ଗା ପିନ୍ଧିଥିଲେ। ଏହି ସମୟରେ ପଛରୁ ଶୁଣିବାକୁ ମିଳୁଛି, ସିଟ୍‌ ଉପରକୁ କରିଦିଅ। ଏହାଶୁଣି ବର କହୁଛନ୍ତି, ବାପା ସେ ଭଲରେ କାର ଚଲାଇପାରିବ। ଏହି ଭିଡିଓକୁ ସ୍ନେହା ସିଂହ ଶେୟାର କରି ଲେଖିଛନ୍ତି, ଏହା ପ୍ରକୃତରେ ମଜାଳିଆ ଥିଲା। ସେ ଏହି ଭିଡିଓକୁ ନିର୍ଭୀକ, ଶକ୍ତିଶାଳୀ ଏବଂ ପ୍ରେରଣାଦାୟକ ମହିଳାଙ୍କ ପାଇଁ ଉତ୍ସର୍ଗ କରିଛନ୍ତି। The post ବିବାହ ପରେ ନିଜେ କାର ଚଲାଇ ଶାଶୁ ଘରେ ପହଞ୍ଚିଲେ କନ୍ୟା: କାରଣ ଜାଣିଲେ… appeared first on Dharitri Odia News .

କୋଲକାତା,୩୦।୩: ପଶ୍ଚିମବଙ୍ଗ ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟ ଭୋଟଗ୍ରହଣ ଏପ୍ରିଲ ୧ରେ ଅନୁଷ୍ଠିତ ହେବ। ଆଜି ପ୍ରଚାରର ଶେଷ ଦିନ ହୋଇଥିବାରୁ ନନ୍ଦିଗ୍ରାମରେ ଏକ ନିର୍ବାଚନ ମହାସଂଗ୍ରାମ ଦେଖିବାକୁ ମିଳିଛି। ଆଜି ନନ୍ଦିଗ୍ରାମରେ ମମତା ବାନାର୍ଜୀ ଏବଂ ଅମିତ ଶାହାଙ୍କ ଏକ ରୋଡ ସୋ’ ଚାଲିଛି। ମମତାଙ୍କ ରୋଡ ସୋ’ ପାଇଁ ରାଲି ବାହାରିଛି। ଅମିତ ଶାହାଙ୍କ ରୋଡ ଶୋ’ ସ୍ଥାନ ଦେଇ ଏହି ରାଲି ଯାଇଥିଲା, ସେତେବେଳେ ଭାଜପା କର୍ମୀମାନେ ଜୟ ଶ୍ରୀ ରାମ ସ୍ଲୋଗାନ ଦେଇଥିଲେ। ଅମିତ ଶାହାଙ୍କ ରୋଡ ସୋରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ଗୃହମନ୍ତ୍ରୀ ସୁରକ୍ଷା ବାର୍ତ୍ତା ଦେବାକୁ ଏଠାକୁ ଆସୁଛନ୍ତି ଏବଂ ଆମେ ଲୋକଙ୍କ ଆଶୀର୍ବାଦ ପାଇବୁ। ଡବଲ ଇଞ୍ଜିନ ସରକାର ପାଇଁ ବଙ୍ଗଳାବାସୀ ନିଷ୍ପତ୍ତି ନେଇଛନ୍ତି ବୋଲି ସେ କହିଛନ୍ତି। ସୂଚନାଯୋଗ୍ୟ, ଏଥର ଟିଏମ୍‌ସି ନେତ୍ରୀ ମମତା ବାନାର୍ଜୀ ଏବଂ ଭାଜପା ନେତା ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ନନ୍ଦିଗ୍ରାମରୁ ଟକ୍କର ହେବ। ଶୁଭେନ୍ଦୁ ନିର୍ବାଚନ ପୂର୍ବରୁ ଟିଏମ୍‌ସି ଛାଡି ଭାଜପାରେ ଯୋଗ ଦେଇଥିଲେ। The post ଆଜି ପ୍ରଚାରର ଶେଷ ଦିନ: ନନ୍ଦିଗ୍ରାମରେ ଶାହା-ମମତା ମୁହାଁମୁହିଁ appeared first on Dharitri Odia News .

ଥାଇଲାଣ୍ଡରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ଚୋରି କରିବା ଉଦ୍ଦେଶ୍ୟରେ ଏକ ଘରେ ପ୍ରବେଶ କରିଥିଲେ। କିନ୍ତୁ ଘରର ସୁଖ ସୁବିଧା ଦେଖି ତାଙ୍କର ମନ ବଦଳିଗଲା। ଚୋର ଯେତେବେଳେ ଆରାମଦାୟକ ଶଯ୍ୟା ଏବଂ ଏସି ଦେଖିଥିଲା ସେ ଚୋରି ଛାଡି ବିଛଣାରେ ଶୋଇପଡ଼ିଲା। ତେବେ ଉକ୍ତ ଘରଟି ଜଣେ ପୋଲିସ ଅଧିକାରୀଙ୍କର ଥିଲା । ଘଟଣା ବିଷୟରେ ଜାଣିବା ପରେ ଘରେ ଶୋଇଥିବା ଚୋରକୁ ପୋଲିସ ଗିରଫ କରିଥିଲା। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏକ ରିପୋର୍ଟ ଅନୁଯାୟୀ, ଫେଟାଚୁଆନ ପ୍ରଦେଶ ଭିଚିଆନ ବୁରି ଜିଲାର ପୋଲିସ ଅଧିକାରୀ ଜିଆମ ପର୍ଟଙ୍କ ଘରେ ବିଳମ୍ବିତ ରାତିରେ ଏକ ଚୋର ପଶିଥିଲା। ସେ ଘରେ ପ୍ରବେଶ କରିବା ଚୋରି ଉଦ୍ଦେଶ୍ୟରେ ଦାମୀ ଜିନିଷକୁ ବାନ୍ଧି ରଖିଥିଲେ। ଏହି ସମୟ ମଧ୍ୟରେ ତାକୁ ନିଦ ଲାଗିବାରୁ ସେ କୋଠରୀରେ ଏସି ଲଗାଇ ବିଛଣାରେ ଶୋଇପଡ଼ିଥିଲେ। ଘଟଣା ସମୟରେ ଘରର ଅନ୍ୟ ସଦସ୍ୟମାନେ ଅନ୍ୟ ଏକ କୋଠରୀରେ ଶୋଇଥିଲେ। ଏହି କୋଠରୀଟି ପୋଲିସ ଅଧିକାରୀଙ୍କ ଝିଅଙ୍କର ଥିଲା। ତେବେ ଉକ୍ତ ସମୟରେ ଝିଅ ଘରେ ନ ଥିଲେ। ପୋଲିସ ଅଧିକାରୀ ସକାଳୁ ଦେଖିବା ବେଳେକୁ ତାଙ୍କ ଝିଅ ରୁମ୍‌ରେ କେହି ଜଣେ ଅଜଣା ବ୍ୟକ୍ତି ଶୋଇଥିଲେ। ତେଣୁ ତୁରନ୍ତ ସେ ଅନ୍ୟ ପୋଲିସ ଅଧିକାରୀଙ୍କ ଫୋନ୍‌ କରି ଡାକିବା ପରେ ଉକ୍ତ ଚୋରକୁ ନିଦରୁ ଉଠାଇ ଗିରଫ କରିଥିଲେ। The post ଚୋରି କରିବାକୁ ଆସିଥିବା ବ୍ୟକ୍ତି ଏସି, ବ...

ଅହମଦାବାଦ,୩୦।୩: ଦେଶରେ ପୁଣି କରୋନା ବୃଦ୍ଧି ପାଇବାରେ ଲାଗିଛି। ଗତ କିଛିଦିନ ହେବ କରୋନା ସଂକ୍ରମିତଙ୍କ ସଂଖ୍ୟା ୫୦ ହଜାରରୁ ଊର୍ଦ୍ଧ୍ୱ ରହୁଛି। ଏସବୁ ଭିତରେ ଆଇଆଇଏମ୍‌ ଅହମଦାବାଦରେ ୭୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଗୁଜୁରାଟର ଅହମ୍ମଦାବାଦ ପୌରପାଳିକାର ଡେପୁଟି ହେଲଥ ଅଫିସର ଡକ୍ଟର ମେହୁଲ ଆଚାର୍ଯ୍ୟ କହିଛନ୍ତି ଯେ, ସହରରେ ଥିବା ଇଣ୍ଡିଆନ ଇନଷ୍ଟିଚ୍ୟୁଟ ଅଫ ମ୍ୟାନେଜମେଣ୍ଟ (ଆଇଆଇଏମ) ରେ କରୋନା ରୋଗୀଙ୍କ ସଂଖ୍ୟା ବର୍ତ୍ତମାନ ୭୦କୁ ବୃଦ୍ଧି ପାଇଛି। ସୂଚନାଯୋଗ୍ୟ, ସ୍ବାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ମହାରାଷ୍ଟ୍ର, ପଞ୍ଜାବ, କେରଳ, କର୍ନଟକ, ଛତିଶଗଡ ଏବଂ ଗୁଜରାଟର ୬ଟି ରାଜ୍ୟରୁ ୮୦ ପ୍ରତିଶତ ନୂତନ କରୋନା ମାମଲା ଆସିଛି। ଗତ ୨୪ ଘଣ୍ଟା ମଧ୍ୟରେ ସାରା ଦେଶରେ କରୋନା ସଂକ୍ରମଣର ୫୬,୨୦୦ଟି ମାମଲା ସାମ୍ନାକୁ ଆସିଥିବାବେଳେ ୨୭୧ଜଣଙ୍କର ମୃତ୍ୟୁ ହୋଇଛି। ନୂତନ ମାମଲା ଆସିବା ପରେ ଦେଶରେ ସଂକ୍ରମିତ ରୋଗୀଙ୍କ ସଂଖ୍ୟା ଏକ କୋଟି ୨୦ ଲକ୍ଷ ୯୫ ହଜାର ୮୫୫କୁ ପହଞ୍ଚିଛି। The post ଆଇଆଇଏମ୍‌ ଅହମଦାବାଦରେ ୭୦ କରୋନା ସଂକ୍ରମିତ ଚିହ୍ନଟ appeared first on Dharitri Odia News .

ନୂଆଦିଲ୍ଲୀ,୩୦।୩: ଭାରତ ଏବଂ ଇଂଲଣ୍ଡ ମଧ୍ୟରେ ଗତ ୫୨ ଦିନ ମଧ୍ୟରେ ୪ଟି ଟେଷ୍ଟ, ପାଞ୍ଚଟି ଟି-୨୦ ଏବଂ ତିନୋଟି ଏକଦିବସୀୟ ମ୍ୟାଚ୍‌ ଖେଳାଯାଇଥିଲା। ଟିମ ଇଣ୍ଡିଆ ସମସ୍ତ ତିନୋଟି ସିରିଜ ଜିତିବାରେ ସଫଳ ହୋଇଥିଲା। ଏହି ସିରିଜର ଫଳାଫଳକୁ ନେଇ କେବଳ ଭାରତୀୟ ଦଳ ଖୁସି ନାହିଁ, ବରଂ ଆଇପିଏଲର ଚାରିଟି ଦଳର ଖୁସି ହୋଇଛନ୍ତି। ରୟାଲ୍ସ ଚ୍ୟାଲେଞ୍ଜର୍ସ ବେଙ୍ଗାଲୁରୁ କୋହଲି ଫର୍ମକୁ ନେଇ ଖୁସି ଥିବାବେଳେ ରିଷଭ ପନ୍ତଙ୍କୁ ନେଇ ଦିଲ୍ଲୀ କ୍ୟାପିଟାଲ୍ସ, କେ.ଏଲ ରାହୁଲଙ୍କୁ ନେଇ କିଙ୍ଗ୍ସ ଏକାଦଶ ପଞ୍ଜାବ, ରୋହି ଶର୍ମ, ହାର୍ଦ୍ଦିକ ପାଣ୍ଡ୍ୟା ଏବଂ କ୍ରୁନାଲ ପାଣ୍ଡ୍ୟାଙ୍କ ଫର୍ମକୁ ନେଇ ମୁମ୍ବାଇ ଇଣ୍ଡିଆନ୍ସ ବେଶ୍‌ ଖୁସି ଅଛନ୍ତି। କାରଣ ଏହିସବୁ ଖେଳାଳି ଭାରତ ଏବଂ ଇଂଲଣ୍ଡ ସିରିଜ୍‌ରେ ଜବରଦସ୍ତ ପ୍ରର୍ଶନ କରିଥିଲେ। ସ୬ୂଚନାଯୋଗ୍ୟ, ଏପ୍ରିଲ ୯ରୁ ଆଇପିଏଲର ୧୪ତମ ସିଜନ ଆରମ୍ଭ ହେବ। The post ଭାରତ- ଇଂଲଣ୍ଡ ସିରିଜ୍‌ ଫଳାଫଳରେ ଖୁସି ଅଛନ୍ତି ଏହି ୪ ଆଇପିଏଲ ଟିମ୍‌ appeared first on Dharitri Odia News .

କ୍ରିକେଟ ପ୍ରେମୀଙ୍କ ପାଇଁ ଆଜି ଏକ ବିଶେଷ ଦିନ। ୧୪ ବର୍ଷ ପୂର୍ବେ ଆଜି, ଭାରତର ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍‌ ବୀରେନ୍ଦ୍ର ସେହ୍ବାଗ ଟେଷ୍ଟ କ୍ରିକେଟର୍‌ରେ ଇତିହାସ ରଚିଥିଲେ। ସେହ୍ବାଗ ମାର୍ଚ୍ଚ ୨୮, ୨୦୦୪ରେ ମୁଲତାନ ଟେଷ୍ଟରେ ପାକିସ୍ତାନୀ ବୋଲରଙ୍କୁ ପ୍ରହାର କରି ତ୍ରିଶତକ ମାରିଥିଲେ। ଟିମ ଇଣ୍ଡିଆ ତରଫରୁ ଟେଷ୍ଟ କ୍ରିକେଟରେ ଟ୍ରିପଲ ଶତକ ହାସଲ କରିଥିବା ବୀରେନ୍ଦ୍ର ସେହ୍ବାଗ ହେଉଛନ୍ତି ଭାରତର ପ୍ରଥମ ଟେଷ୍ଟ କ୍ରିକେଟର। ଦୀର୍ଘ ବର୍ଷର ବ୍ୟବହଧାନ ପରେ ଭାରତୀୟ ଦଳ ୨୦୦୪ରେ ପାକିସ୍ତାନ ଗସ୍ତରେ ଯାଇଥିଲା। ଭାରତ ଏବଂ ପାକିସ୍ତାନ ମଧ୍ୟରେ ପ୍ରସ୍ତାବିତ ତିନି ଟେଷ୍ଟ ସିରିଜର ପ୍ରଥମ ମ୍ୟାଚ ମୁଲତାନରେ ଖେଳାଯାଇଥିଲା। ଏହି ମ୍ୟାଚ୍‌ରେ ଟିମ ଇଣ୍ଡିଆ ଟସ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଇନିଂସ କରୁଥିବା ବୀରେନ୍ଦ୍ର ସେହ୍ବାଗ ଏବଂ ଆକାଶ ଚୋପ୍ରା ଜୋରଦାର ବ୍ୟାଟିଂ କରିଥିଲେ। ଏହି ଦୁଇ ଖେଳାଳି ପ୍ରଥମ ଉଇକେଟ ପାଇଁ ୧୬୦ ରନ ଭାଗିଦାରୀ କରିଥିଲେ। ଆକାଶ ଚୋପ୍ରା ୪୨ ରନ ସ୍କୋର କରି ସାକଲେନ ମୁସ୍ତାକଙ୍କ ଶିକାର ହୋଇଥିଲେ। କିନ୍ତୁ ସେହ୍ବାଗ ତାଙ୍କ ଆକ୍ରମଣ ଜାରି ତ୍ରିଶତକ ପୂରଣ କରିଥିଲେ। ସେ ୩୦୯ ରନ କରି ଆଉଟ୍‌ ହୋଇଥିଲେ। ଏଥି ସହିତ ସେ ମ୍ୟାଚ୍‌ରେ ମାଷ୍ଟବ୍ଲାଷ୍ଟର ସଚିନ ତେନ୍ଦୁଲକର ୧୯୪ ରନରେ ଅପରାଜିତ ରହିଥିଲେ, ସେତେବେଳେ ଭାରତ ଇନିଂସ ଘୋଷଣା କରିଥିଲା। ଏହାପରଠାରୁ ସେହ୍ବାଗଙ୍କୁ...

ନୂଆଦିଲ୍ଲୀ,୨୦।୩: ସଡକ ସୁରକ୍ଷା ବିଶ୍ୱ ସିରିଜ ଭାରତୀୟ ଖେଳାଳିଙ୍କ ପାଇଁ ଏକ ସମସ୍ୟା ପାଲଟିଛି। ଏପର୍ଯ୍ୟନ୍ତ ଏହି ସିରିଜ୍‌ ଖେଳିଥିବା ୪ ଜଣ ଭାରତୀୟ ଖେଳାଳି କରୋନା ପଜିଟିଭ ଚିହ୍ନଟ ହୋଇଛନ୍ତି। ସଚିନ ତେନ୍ଦୁଲକର, ୟୁସୁଫ ପଠାନ ଏବଂ ଏସ ବଦ୍ରିନାଥ ପରେ ଏବେ ଅଲରାଉଣ୍ଡର ଇରଫାନ ପଠାନ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସମ୍ପ୍ରତି ରାୟପୁରରେ ଶେଷ ହୋଇଥିବା ସଡକ ସୁରକ୍ଷା ବିଶ୍ୱ ସିରିଜରେ ଏହି ୪ ଖେଳାଳିଙ୍କ ଭାଗ ନେଇଥିଲେ। ଇରଫାନ ପଠାନ ସୋସିଆଲ ମିଡିଆରେ ଲେଖିଛନ୍ତି, ମୁଁ କରୋନା ପଜିଟିଭ୍‌ ଚିହ୍ନଟ ହୋଇଛି। ମୋର କରୋନା ଲକ୍ଷଣ ମଧ୍ୟ ଅଛି। ମୁଁ ନିଜକୁ ଅଲଗା କରି ଘରେ କ୍ୱାରାଣ୍ଟାଇନରେ ଅଛି। ଅତୀତରେ ମୋ ସହିତ ଯୋଗାଯୋଗ କରିଥିବା ସମସ୍ତଙ୍କୁ ମୁଁ ଅନୁରୋଧ କରୁଛ। ସେମାନେ କରୋନା ଟେଷ୍ଟ କରାଇ ନିଅନ୍ତୁ। ସମସ୍ତ ମାସ୍କ ପିନ୍ଧନ୍ତୁ ଏବଂ ସାମାଜିକ ଦୂରତା ଅନୁସରଣ କରନ୍ତୁ ବୋଲି ସେ କହିଛନ୍ତି। ସୂଚନାଯୋଗ୍ୟ, ଛତିଶଗଡର ରାୟପୁରରେ ଆୟୋଜିତ ସଡକ ସୁରକ୍ଷା ବିଶ୍ୱ ସିରିଜରେ ଟାଇଟଲ ଜିତିଥିଲା ସଚିନ ତେନ୍ଦୁଲକରଙ୍କ ନେତୃତ୍ୱଧୀନ ଇଣ୍ଡିଆ ଲିଜେଣ୍ଡସ। ଏହି ଟୁର୍ନାମେଣ୍ଟରେ ୬ଟି ଦେଶର ଖେଳାଳି ଅଂଶଗ୍ରହଣ କରିଥିଲେ। ଭାରତ ବ୍ୟତୀତ ୱେଷ୍ଟଇଣ୍ଡିଜ, ଶ୍ରୀଲଙ୍କା, ଦକ୍ଷିଣ ଆଫ୍ରିକା, ବାଂଲାଦେଶ ଏବଂ ଇଂଲଣ୍ଡ ଦଳ ମଧ୍ୟ ସାମିଲ ହୋଇଥିଲେ। ଫାଇନାଲରେ ଭାରତ ଶ୍ରୀଲଙ୍କାକୁ ପରାସ୍ତ କରିଥିଲା। pic.twitter.com/4E7agmuQl1 — Ir...

କୋଲକାତା,୩୦।୩: ପଶ୍ଚିମବଙ୍ଗର ଟୋଲିଗଞ୍ଜ ଆସନରୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା କେନ୍ଦ୍ର ମନ୍ତ୍ରୀ ବାବୁଲ ସୁପ୍ରିୟୋ ଏବେ ଚର୍ଚ୍ଚାରେ ଅଚନ୍ତି। କୋଲକାତାରେ ଥିବା ପାର୍ଟି କାର୍ଯ୍ୟାଳୟରେ ଜଣେ ବ୍ୟକ୍ତିଙ୍କୁ ଚାପୁଡ଼ା ମାରିବା ବିବାଦ ଘେରକୁ ଆସିଛନ୍ତି। ଏହାର ଭିଡିଓ ଏବେ ଭାଇରାଲ ହେବାରେ ଲାଗିଛି। ଏହି ଏକ ଭିଡିଓରେ ଗାୟକ ତଥା ଭାଜପା ନେତା ବାବୁଲ ସୁପ୍ରିୟୋ ଜଣେ ବ୍ୟକ୍ତିଙ୍କୁ ଚାପୁଡ଼ା ମାରିଥିବାର ନଜର ଆସିଛନ୍ତି, ଯିଏ ବାରମ୍ବାର ଟିଭି କ୍ୟାମେରା ଆଗରେ ଆସିବା ଏବଂ ସାକ୍ଷାତକାର ଦେବା ପରିବର୍ତ୍ତେ ଏହି ଅଞ୍ଚଳରେ ପ୍ରଚାର ଅଭିଯାନ ଆରମ୍ଭ କରିବାକୁ କହୁଛନ୍ତି। ପରେ ସୁପ୍ରିୟୋ ସଫେଇ ଦେଇ କହିଛନ୍ତି ଯେ, ସେ ତାଙ୍କୁ ଚାପୁଡ଼ା ମାରି ନାହାଁନ୍ତି ବରଂ କେବଳ ଏପରି କରିବା ପାଇଁ ଛଳନା କରିଛନ୍ତି। ଏହି ଘଟଣା ଗତ ରବିବାର ଟୋଲିଗଞ୍ଜ ନିର୍ବାଚନ ମଣ୍ଡଳୀ ଅନ୍ତର୍ଗତ ରାଣିକୁଥୀ ଅଞ୍ଚଳରେ ଥିବା ଭାଜପା କାର୍ଯ୍ୟାଳୟରେ ଘଟିଛି । ତୃଣମୂଳ କଂଗ୍ରେସ ମୁଖପାତ୍ର କୁନାଲ ଘୋଷ କହିଛନ୍ତି ଯେ, ସୁପ୍ରିୟୋଙ୍କ ଦ୍ୱାରା ଚାପୁଡ଼ା ମାରିଥିବା ବ୍ୟକ୍ତି ତୃଣମୂଳ କଂଗ୍ରେସର ନା ଜଣେ ଭାଜପା ସଦସ୍ୟ ତାହା ଦଳ ଜାଣିବାକୁ ଚାହୁଁଛି। ସୂଚନାଯୋଗ୍ୟ, ଏଥର ପଶ୍ଚିମବଙ୍ଗରେ ୮ଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେଉଛି। ପ୍ରଥମ ପର୍ଯ୍ୟାୟ ସରିଥିବାବେଳେ ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ଏପ୍ରିଲ ୧ ରେ ହେବ। The post ଜଣେ ବ...

ଅନେକ ସମୟରେ ରାତିରେ କୁକୁର ଉପରକୁ ମୁହଁ କରି ଭୁକିଥାଏ। ତେବେ ଏହାକୁ କେତେକ ଲୋକେ କୁକୁର କାନ୍ଦୁଥିବା ମଧ୍ୟ କହିଥାନ୍ତି। ଏହାକୁ ଲୋକେ ଅଶୁଭ କହିବା ସହିତ କୁକୁର ଯାହା ଘର ପାଖରେ ଭୁକିଥାଏ ତାହା ଘରୁ କାହାର ମୃତ୍ୟୁ ହେବା ନେଇ ଅନେକ ଅନ୍ଧ ବିଶ୍ୱାସ ରହିଛି। ତେବେ ଜାଣନ୍ତୁ ଏହା କୌଣସି ଅଶୁଭ ସଙ୍କେତ ନା ଆଉକିଛି… ତେବେ ବୈଜ୍ଞାନିକ ମତ ଅନୁସାରେ ରାତିରେ କୁକୁର କାନ୍ଦି ନ ଥାଏ ବରଂ ଭୁକିଥାଏ। ପ୍ରାୟତଃ କୁକୁର ଏକୁଟିଆ ରହିବାକୁ ପସନ୍ଦ କରି ନଥାନ୍ତି ତେଣୁ କୋଉଁଠି ଏକୁଟିଆ ରହି ଯାଇଥିଲେ ତାର ସାଥୀ କୁକୁରକୁ ଏହି ଖବର ଦେବାପାଇଁ ସେ ଉପରକୁ ଚାହିଁ ଭୁକିଥାନ୍ତି। ସାଥୀ କୁକୁର ପାଖରେ ଯଦି ଏହି ଶବ୍ଦ ପହଞ୍ଚି ଯାଏ ସେ ମଧ୍ୟ ତାର ଉପସ୍ଥିତ ଖବର ଉପରକୁ ଚାହିଁ ଦେଇ ଦିଏ। The post ରାତିରେ କୁକୁର ଭୁକିବା ଶୁଭ ନା ଅଶୁଭ appeared first on Dharitri Odia News .

ନୂଆଦିଲ୍ଲୀ,୩୦।୩: ଦେଶରେ କରୋନା ସଂକ୍ରମିତଙ୍କ ସଂଖ୍ୟ ପୁଣି ବୃଦ୍ଧି ପାଇବାରେ ଲାଗିଛି। ଗତ କିଛିଦିନ ହେବ ପ୍ରତିଦିନ ୫୦ ହଜାରରୁ ଅଧିକ ନୂତନ କରୋନା ମାମଲା ଆସୁଛି। ସ୍ବାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ମହାରାଷ୍ଟ୍ର, ପଞ୍ଜାବ, କେରଳ, କର୍ନଟକ, ଛତିଶଗଡ ଏବଂ ଗୁଜରାଟର ୬ଟି ରାଜ୍ୟରୁ ୮୦ ପ୍ରତିଶତ ନୂତନ କରୋନା ମାମଲା ଆସିଛି। ଗତ ୨୪ ଘଣ୍ଟା ମଧ୍ୟରେ ସାରା ଦେଶରେ କରୋନା ସଂକ୍ରମଣର ୫୬,୨୦୦ଟି ମାମଲା ସାମ୍ନାକୁ ଆସିଥିବାବେଳେ ୨୭୧ଜଣଙ୍କର ମୃତ୍ୟୁ ହୋଇଛି। ନୂତନ ମାମଲା ଆସିବା ପରେ ଦେଶରେ ସଂକ୍ରମିତ ରୋଗୀଙ୍କ ସଂଖ୍ୟା ଏକ କୋଟି ୨୦ ଲକ୍ଷ ୯୫ ହଜାର ୮୫୫କୁ ପହଞ୍ଚିଛି। ସ୍ବାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଏବେ ସୁଦ୍ଧା ଦେଶରେ ୧ କୋଟି ୧୩ ଲକ୍ଷ ୯୩ ହଜାର ୨୧ ଜଣ ଲୋକ ସୁସ୍ଥ ହୋଇଥିବାବେଳେ ୫ ଲକ୍ଷ ୪୦ ହଜାର ୭୨୦ ସକ୍ରିୟ ମାମଲା ରହିଛି। ଦେଶରେ କରୋନା ମୃତ୍ୟୁ ସଂଖ୍ୟା ୧ ଲକ୍ଷ ୬୨ ହଜାର ୧୧୪କୁ ବୃଦ୍ଧି ପାଇଛି। The post ପୁଣି ଡରାଇଲାଣି କରୋନା: ଦିନକରେ ୫୬ରୁ ଅଧିକ ସଂକ୍ରମିତ,୨୭୧ ମୃତ appeared first on Dharitri Odia News .

ନୂଆଦିଲ୍ଲୀ,୩୦।୩: ନ୍ୟାଶ୍‌ନାଲ କନଫରେନ୍ସ ଅଧ୍ୟକ୍ଷ ଫାରୁକ ଅବଦୁଲ୍ଲା କରୋନା ସଂକ୍ରମିତ ହୋଇଥିବା ଜଣାପଡିଛି। ପୁଅ ଓମାର ଅବଦୁଲ୍ଲା ଟୁଇଟ କରି ଏ ବିଷୟରେ ସୂଚନା ଦେଇଛନ୍ତି। ସେ କହିଥିଲେ ଯେ, ମୋ ବାପାଙ୍କ କରୋନା ରିପୋର୍ଟ ପଜିଟିଭ୍‌ ହୋଇଛି ଏବଂ ତାଙ୍କ ଶରୀରରେ କରୋନା ସଂକ୍ରମଣର କିଛି ଲକ୍ଷଣ ମଧ୍ୟ ପ୍ରକାଶ ପାଇଛି। ଓମାର ଆହୁରି କହିଛନ୍ତି ଯେ, କରୋନା ଟେଷ୍ଟ ଶେଷ ନ ହେବା ପର୍ଯ୍ୟନ୍ତ ମୁଁ ଏବଂ ଆମର ପୁରା ପରିବାର କ୍ୱାରାଣ୍ଟାଇନରେ ରହିବୁ। ଏହା ସହିତ ଗତ କିଛି ଦିନ ମଧ୍ୟରେ ସେମାନଙ୍କ ସହ ସଂସ୍ପର୍ଶରେ ଆସିଥିବା ଲୋକଙ୍କୁ ସତର୍କତା ଅବଲମ୍ବନ କରିବାକୁ ସେ ନିବେଦନ କରିଥିଲେ। My father has tested positive for COVID-19 & is showing some symptoms. I will be self-isolating along with other family members until we get ourselves tested. I request anyone who has come in to contact with us over the last few days to take all the mandated precautions. — Omar Abdullah (@OmarAbdullah) March 30, 2021 The post ଫାରୁଖ ଅବଦୁଲ୍ଲା କରୋନା ସଂକ୍ରମିତ: ପୂରା ପରିବାର ଏବେ କ୍ୱାରାଣ୍ଟାଇନରେ appeared first on Dharitri Odia News .

ହିନ୍ଦୁ ଧର୍ମରେ ହୋଲି ପର୍ବକୁ ବଡ଼ ଧୁମ୍‌ଧାମ୍‌ରେ ପାଳନ କରାଯାଇଥାଏ। ରଙ୍ଗର ଏହି ପର୍ବକୁ ପାଳନ କରିବାକୁ ସମସ୍ତେ ଅପେକ୍ଷା କରି ରହିଥାନ୍ତି। ହେଲେ ଆଜିକାଲିର ସମୟରେ ନାନାଦି କେମିକାଲରେ ନିର୍ମିତ ରଙ୍ଗକୁ ବ୍ୟବହାର କରିବା ଦ୍ୱାରା ଅନେକ ସ୍ବାସ୍ଥ୍ୟ ସମସ୍ୟା ଦେଖାଯାଇଥାଏ। ଜାଣନ୍ତୁ ସେ ସବୁ ସମ୍ପର୍କରେ.. ହୋଲିରେ ବ୍ୟବହାର କରାଯାଉଥିବା ଅପମିଶ୍ରିତ ରଙ୍ଗ ଯୋଗୁ ଅନେକ ସ୍ବାସ୍ଥ୍ୟ ସମସ୍ୟା ଦେଖାଯାଇଥାଏ। ଏହାଦ୍ୱାରା ତ୍ୱଚା ସଙ୍କ୍ରମିତ ହୋଇଥାଏ। ଫଳରେ ଆଖି, ନାକ, ମୁହଁ ପୋଡାଜଳା ସହ ନିଃଶ୍ୱାସ ପ୍ରଶ୍ୱାସରେ ବାଧା ସୃଷ୍ଟି ହୋଇଥାଏ। – ଅସାବଧାନତାରେ ରଙ୍ଗ ଖେଳିବା ସମୟରେ ତାହା ଆଖିରେ ପଡିଯିବାର ଆଶଙ୍କା ଅଧିକ ଥାଏ। ଏହା ଆଖି ପାଇଁ ବହୁତ କ୍ଷତିକାରକ। – ଅନେକ ଲୋକ ରଙ୍ଗ ହାତରେ ଖାଇବା ଖାଇଥାନ୍ତି। ଫଳରେ ରଙ୍ଗ ପେଟକୁ ଯାଇଥାଏ। ଏହା ଅନେକ ପ୍ରକାର ପେଟ ସମସ୍ୟା ସୃଷ୍ଟି କରେ। The post ହୋଲି ପରେ ଉପୁଜେ ଏହି ସମସ୍ୟା appeared first on Dharitri Odia News .

ଜୁନାଗଡ଼,୨୯।୩(ଡିଏନଏ): କଳାହାଣ୍ଡି ଜିଲା ଜୁନାଗଡ଼ ବ୍ଲକ ନୂଆଗୁଡା ଗ୍ରାମରେ ଗତ କିଛି ଦିନ ହେଲା ଚାଲିଥିବା ଫଗୁମହୋତ୍ସବ ସୋମବାର ହୋଲି ଉତ୍ସବ ସହ ଶେଷ ହୋଇଯାଇଛି। କରୋନା ପ୍ରଭାବ ଯୋଗୁ ଏଥର ଏହା ଫିକା ପଡ଼ିଥିବା ଦେଖିବାକୁ ମିଳିଛି। ଲୋକଙ୍କ ସୁରକ୍ଷାକୁ ଦଷ୍ଟିରେ ରଖି ଏଥର ପୂଜା କମିଟି ପକ୍ଷରୁ କୌଣସି ସାଂସ୍କୃତିକ କାର୍ଯ୍ୟକମ କରାଯାଇ ନ ଥିଲା।ସେହିପରି ବିମାନ ପରିକ୍ରମା ସମୟରେ ପୂଜା କମିଟିର ନିିର୍ଦ୍ଧିଷ୍ଟ କିଛି ସଦସ୍ୟ ସହ ପୂଜକ ମାସ୍କ ଲଗାଇ ସାମାଜିକ ଦୂରତା ରଖି ବୁଲୁଥିବା ଦେଖିବାକୁ ମିଳିଥିଲା। The post କୋଭିଡ୍‌ ଗାଇଡ୍‌ଲାଇନ୍‌ ସହ ଶେଷ ହେଲା ନୂଆଗୁଡ଼ା ଫଗୁ ମହୋତ୍ସବ appeared first on Dharitri Odia News .

ଛତ୍ରପୁର,୨୯।୩(ଡିଏନଏ ): ଗଞ୍ଜାମ ଜିଲାରେ ଜନସାଧାରଣଙ୍କ ମଧ୍ୟରେ ସଚେତନତାର ଅଭାବ ଦେଖାଯାଉଛି। କୋଭିଡ ସଂକ୍ରମଣରୁ ବର୍ତ୍ତିବା ପାଇଁ ଜାରି କରିଥିବା ନିତୀ ନିୟମ ପାଳନ ହେଉନାହିଁ। ଏ ନେଇ ସଂକ୍ରମଣ ବଢ଼ୁଥିବା ଅନୁମାନ କରାଯାଉଛି। ସଂକ୍ରମଣରୁ ରୋକିବା ନେଇ ଜିଲା ପ୍ରଶାସନ ପକ୍ଷରୁ ଏକ ଗୁରୁତ୍ୱପୁର୍ଣ୍ଣ ବୈଠକ ସୋମବାର ଅନୁଷ୍ଠିତ ହୋଇଯାଇଛି। ଜିଲାପାଳ ବିଜୟ ଅମୃତା କୁଲାଙ୍ଗେଙ୍କ ଅଧ୍ୟକ୍ଷତାରେ ଭିଡିଓ କନଫେରନ୍ସିରେ ଜିଲାର ସମସ୍ତ ସରପଞ୍ଚ, ଜିଲାପରିଷଦ ସଭ୍ୟ ଓ ଅଧିକାରୀ ମାନଙ୍କ ସହ ଜିଲାପାଳ ଆଲେଚନା କରିଛନ୍ତି। ଜିଲା ବାହାରେ ଏବଂ ଅନ୍ୟ ରାଜ୍ୟରେ ରହୁଥିବା ଜିଲାର ପ୍ରବାସୀ ମାନଙ୍କୁ ଅନୁରୋଧ କରି ଜଣାନ୍ତୁ ସେମାନେ ଯେଉଁଠାରେ ଅଛନ୍ତି ସେହିଠାରେ ହିଁ ରୁହନ୍ତୁ ବୋଲି ଜିଲାପାଳ କହିଛନ୍ତି । ଦଣ୍ଡନାଚ, ଯାନିଯାତ୍ରା କି ମା’ ତାରା ତାରିଣୀ ଯାତ୍ରା ସକାଶେ ଜିଲାକୁ ଆସନ୍ତୁ ନାହିଁ । ଜିଲାକୁ ଆସିବା ଫଳରେ ନିଜ ପରିବାର ସମେତ ଜିଲାବାସୀଙ୍କୁ ମଧ୍ୟ ବିପଦରେ ପକାଇବାର ଯଥେଷ୍ଟ ସମ୍ଭାବନା ରହୁଛି । ଅତି ଜରୁରୀ କାର୍ଯ୍ୟ କିମ୍ବା ସ୍ବାସ୍ଥ୍ୟଗତ ସମସ୍ୟା ନେଇ ଯେଉଁମାନେ ଆସୁଛନ୍ତି ସେମାନେ ନିଜ ସାଥିରେ କୋଭିଡ ଟେଷ୍ଟର ରିପୋର୍ଟ ଆଣିବାକୁ ବାଧ୍ୟ ବୋଲି ଜିଲାପାଳ କହିଛନ୍ତି। The post ବହାର ଲୋକଙ୍କୁ ଗଞ୍ଜାମ ମନା appeared first on Dharitri Odia News .

ଭୁବନେଶ୍ୱର,୨୯।୩(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଚିନ୍ତା ବଢ଼ାଉଛି। ସୋମବାର ରାଜ୍ୟରେ ୨୦୮ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆକ୍ରାନ୍ତଙ୍କ ମଧ୍ୟରୁ ୧୨୨ କ୍ୱାରାଣ୍ଟାଇନ୍‌ରୁ ଚିହ୍ନଟ ହୋଇଥିବାବେଳେ ୮୬ ଜଣ ଲୋକାଲ କେସ୍‌ ଥିବା ରାଜ୍ୟ ସୂଚନା ଏବଂ ଲୋକସମ୍ପର୍କ ବିଭାଗ ପକ୍ଷରୁ ଟୁଇଟ୍‌ ଯୋଗେ ସୂଚନା ଦିଆଯାଇଛି। ଏହାକୁ ମିଶାଇ ରାଜ୍ୟରେ ମୋଟ ୩ ଲକ୍ଷ ୪୦ ହଜାର ୪୦୨ରେ ପହଞ୍ଚିଛି। ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ନୂଆପଡ଼ା ଜିଲାରୁ ସର୍ବାଧିକ ୩୬ ଆକ୍ରାନ୍ତ ଥିବା ବେଳେ ଅନୁଗୋଳରୁ ୩, ବାଲେଶ୍ୱରରୁ ୮, ବରଗଡ଼ରୁ ୨୨, ବଲାଙ୍ଗୀରରୁ ୪, ବୌଦ୍ଧରୁ ୧, କଟକରୁ ୧୫, ଗଞ୍ଜାମରୁ ୩, ଯାଜପୁରରୁ ୮, ଝାରସୁଗୁଡ଼ାରୁ ୧୧, କଲାହାଣ୍ଡିରୁ ୨୨ ଆକ୍ରାନ୍ତ ଅଛନ୍ତି। ସେହିପରି କେନ୍ଦ୍ରାପଡ଼ାରୁ ୩, ଖୋର୍ଦ୍ଧାରୁ ୩୩ ମୟୂରଭଞ୍ଜରୁ ୯, ନବରଙ୍ଗପୁରରୁ ୧, ନୂଆପଡ଼ାରୁ ୩୬, ପୁରୀରୁ ୯, ରାୟଗଡ଼ାରୁ ୧ ,ସମ୍ବଲପୁରରୁ ୫ ଓ ସୁନ୍ଦରଗଡ଼ରୁ ୭ ଅଛନ୍ତି। ସେହିପରି କରୋନାରେ ଆକ୍ରାନ୍ତ ହୋଇ ଜଣେ ପ୍ରାଣ ହରାଇଛନ୍ତି। ମୃତକ ଜଣକ କଳାହାଣ୍ଡିର ବୋଲି ଜଣାପଡିଛି। The post ରାଜ୍ୟରେ ୨୦୮ କରୋନା ଆକ୍ରାନ୍ତ ଚିହ୍ନଟ: ନୂଆପଡ଼ାରୁ ସର୍ବାଧିକ appeared first on Dharitri Odia News .

ଭୁବନେଶ୍ୱର, ୨୯।୩(ବ୍ୟୁରୋ): ଓଡ଼ିଶା ଫିଲ୍ମ ଇଣ୍ଡଷ୍ଟ୍ରିର ବିଶିଷ୍ଟ ସଂଗୀତ ନିର୍ଦ୍ଦେଶକ ଜଲାଲ ଆଦେନିଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୮୫ ବର୍ଷ ହୋଇଥିଲା। ଦୀର୍ଘ ଦିନ ଧରି ଅସୁସ୍ଥ ଥିବା ଆଦେନିଙ୍କର କଟକ ବାସଭବନରେ ହୃଦ୍‌ଘାତରେ ପରଲୋକ ଘଟିଥିବା ତାଙ୍କ ପରିବାର ପକ୍ଷରୁ ସୂଚନା ଦିଆଯାଇଛି। ଆଦେନି ଏକାଧାରରେ ଜଣେ ପ୍ରୟୋଜକ, ସଙ୍ଗୀତ ନିର୍ଦ୍ଦେଶକ, ଗାୟକ, ଗୀତିକାର, ଅଭିନେତା ଓ ଚଳଚ୍ଚିତ୍ର ନିର୍ଦ୍ଦେଶକ ଥିଲେ। ‘ଅନୁତାପ’ ସହ ଅନେକ ଓଡ଼ିଆ ହିଟ ଫିଲ୍ମର ସଙ୍ଗୀତ ନିର୍ଦ୍ଦେଶକ ଦେଇଥିଲେ। ନିଦ ଭରା ରାତି ମଧୁଝରା ପ୍ରୀତି, ନୁପୁର କାହିଁକି ଆଜି ବାନ୍ଧିଲି, ମୁଁ ତୁମକୁ ଭଲ ପାଏ, ରୁଷିଛି ଅଭିମାନିତୀ ଭଳି ଅନେକ ଲୋକପ୍ରିୟ ଗୀତର ସେ ସଂଗୀତ ନିର୍ଦ୍ଦେଶକ ଥିଲେ। ୧୯୭୬ ମସିହାର ‘ହୀରା ମୋତି ମାଣିକ’ ଫିଲ୍ମର ନିର୍ଦ୍ଦେଶନା ସେ ଦେଇଥିଲେ। The post ଆଖିବୁଜିଲେ ବିଶିଷ୍ଟ ସଂଗୀତ ନିର୍ଦ୍ଦେଶକ ଜଲାଲ ଆଦେନି appeared first on Dharitri Odia News .

ସାଗର,୨୯।୩: କରୋନା ସଂକ୍ରମଣ ଯୋଗୁ ଦେଶର ବହୁ ଅଞ୍ଚଳରେ ସ୍କୁଲ କଲେଜ ବନ୍ଦ ରହିଛି। ଏପରିସ୍ଥଳେ ଅନ୍‌ଲାଇନ୍‌ରେ ପାଠପଢ଼ା ଜାରି ରହିଛି। ଛାତ୍ରୀଛାତ୍ରଙ୍କୁ ପାଠ ପଢ଼ାଇବା ପାଇଁ ମଧ୍ୟପ୍ରଦେଶ ସାଗର ଜିଲାରେ ସ୍କୁଲ ଶିକ୍ଷୟତ୍ରୀ ଚନ୍ଦ୍ରା ଶ୍ରୀବାସ୍ତବ ନିଜ ସ୍କୁଟିକୁ ମୋବାଇଲ୍‌ ଲାଇବ୍ରେରୀ ସହିତ ମିନି ସ୍କୁଲରେ ପରିଣତ କରିଛନ୍ତି। ଜିଲାର ଗ୍ରାମୀଣ ଅଞ୍ଚଳରେ ଗାଁ ଗାଁ ବୁଲି ସେ ଛାତ୍ରୀଛାତ୍ରଙ୍କୁ ପାଠ ପଢ଼ାଇବା ସହିତ ଆବଶ୍ୟକ ବହି ମଧ୍ୟ ଯୋଗାଇ ଦେଉଛନ୍ତି। ଗ୍ରାମୀଣ ଅଞ୍ଚଳରେ ଗରିବ ପିଲାଙ୍କ ପାଖରେ ଅନ୍‌ଲାଇନ୍‌ରେ ପାଠ ପଢ଼ିବା ପାଇଁ ମୋବାଇଲ ନାହିଁ। ତେଣୁ ଚନ୍ଦ୍ରା ଏଭଳି ଅଭିଯାନ ଆରମ୍ଭ କରିଛନ୍ତି। ଚନ୍ଦ୍ରାଙ୍କ ଏହି ପ୍ରୟାସ ଏବେ ସୋସିଆଲ୍‌ ମିଡ଼ିଆରେ ଭାଇରାଲ ହେବାରେ ଲାଗିଛି। The post ସ୍କୁଟିରେ ମିନି ସ୍କୁଲ appeared first on Dharitri Odia News .

ଭୁବନେଶ୍ୱର, ୨୯।୩(ବ୍ୟୁରୋ): ସରକାରୀ ସ୍କୁଲ ଛାତ୍ରଛାତ୍ରୀଙ୍କୁ କରୋନା ହୋଇନି। ଯାହା ହୋଇଛି ଘରୋଇ ଶିକ୍ଷାନୁଷ୍ଠାନରେ। ତେଣୁ ନବମ ଏବଂ ଏକାଦଶ କ୍ଲାସ ବନ୍ଦ ହେବ ନାହିଁ ବୋଲି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତ। ଏନେଇ ମନ୍ତ୍ରୀ କହିଛନ୍ତି, ଆସନ୍ତା ୩୦ ତାରିଖରେ ସେମାନଙ୍କର ଅଭ୍ୟାସ ପରୀକ୍ଷା ଅଛି। ରାଜ୍ୟ ସରକାର ସମସ୍ତ ଏସ୍‌ଓପି ମାନି କ୍ଲାସ ଚଳାଇଛନ୍ତି। ତେଣୁ ସ୍କୁଲ ବନ୍ଦ ହେବ ନାହିଁ । ସୂଚନାଯୋଗ୍ୟ, ରବିବାର ରାଜ୍ୟର ୩ଟି ଶିକ୍ଷାନୁଷ୍ଠାନରୁ ୩୦ରୁ ଅଧିକ ଆକ୍ରାନ୍ତ ବାହାରିବାରୁ ଭୟଭୀତ ହୋଇପଡ଼ିଛନ୍ତି ଛାତ୍ରଛାତ୍ରୀ ଓ ଅଭିଭାବକ। ଭୁବନେଶ୍ୱର ମୈତ୍ରୀବିହାରସ୍ଥିତ ଆଲେନ ଇନଷ୍ଟିଚ୍ୟୁଟ୍‌ରୁ ୨୦ ଆକ୍ରାନ୍ତ ବାହାରିଥିବା ବେଳେ ଜଟଣିସ୍ଥିତ ଆଇଆଇଟି ଇନଷ୍ଟିଚ୍ୟୁଟରୁ ୧୦ ଓ ରାଉରକେଲା ଏନ୍‌ଆଇଟିରୁ ୪ ଆକ୍ରାନ୍ତ ଚିହ୍ନଟ ହୋଇଛନ୍ତି। ହେଲେ ସରକାରୀ ଶିକ୍ଷାନୁଷ୍ଠାନରୁ କେହି ପଜିଟିଭ ଚିହ୍ନଟ ହୋଇ ନ ଥିବାରୁ ଏହାକୁ ବନ୍ଦ କରିବା ଆବଶ୍ୟକ ନାହିଁ ବୋଲି ମନ୍ତ୍ରୀ କହିଛନ୍ତି। The post ବନ୍ଦ ହେବନି ସରକାରୀ ସ୍କୁଲ: ମନ୍ତ୍ରୀ appeared first on Dharitri Odia News .

ରଙ୍ଗର ପର୍ବ ହୋଲିକୁ ସମସ୍ତେ ଉତ୍ସାହର ସହ ଅପେକ୍ଷା କରିଥାନ୍ତି। ହୋଲି ଦିନ ପରସ୍ପରକୁ ରଙ୍ଗ ଲଗାଇ ଅଭିନନ୍ଦନ ଜଣାଇଥାନ୍ତି। ତେବେ ଭାରତରେ ହୋଲିକୁ ଅବିର ଲଗାଇ ପାଳନ କରୁଥିବାବେଳେ ଅନ୍ୟଦେଶରେ ଭିନ୍ନ ନାମ ଓ ଭିନ୍ନ ରୂପେ ପାଳନ କରାଯାଏ। ସ୍ପେନରେ ହୋଲି ଭଳି ଏକ ପର୍ବ ପାଳନ କରାଯାଏ। ଯେଉଁଥିରେ ଲୋକେ ରଙ୍ଗ ନୁହେଁ ବରଂ ପଚା ଅଣ୍ଡା ଫୋପାଡ଼ି ଜଣେ ଅନ୍ୟ ଜଣଙ୍କୁୁ ଅଭିନନ୍ଦନ ଜଣାଇଥାନ୍ତି। ଏହିପର୍ବ ବର୍ଷକୁ ଥରେ ପାଳନ କରାଯାଇଥାଏ। ତେବେ ଏହା ଖାଲି ପଚା ଅଣ୍ଡା ନୁହେଁ ବରଂ ବାଣ ପୁଟାଇ ମଧ୍ୟ ପାଳିତ ହୋଇଥାଏ। The post ଏଠାରେ ରଙ୍ଗ ନୁହେଁ, ପଚା ଅଣ୍ଡାରେ ଖେଳାଯାଏ ହୋଲି appeared first on Dharitri Odia News .

ପାରାଦୀପ,୨୯।୩(ସ୍ବ:ପ୍ର.): ପାରାଦୀପ ବନ୍ଦରକୁ ଆସିଥିବା ଏମ୍‌ଭି ଏପିଜେ କାୟର୍ସ ନାମକ ପଣ୍ୟବାହୀ ଜାହାଜରେ ଥିବା ୨୮ଜଣ ନାବିକଙ୍କ ମଧ୍ୟରୁ ୧୫ ଜଣଙ୍କ ଠାରେ କରୋନା ଭୂତାଣୁ ଥିବା ଜଣାପଡିଛି। ପରେ ସମସ୍ତ ଆକ୍ରାନ୍ତଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରେ ୨ ଜଣଙ୍କ ସ୍ବାସ୍ଥ୍ୟବସ୍ଥା ଗୁରୁତର ଥିବା ସୂଚନା ମିଳିଛି। ଏହି ଜାହାଜ ଟୁଟିକୋରିନ ପୋର୍ଟରୁ ଆସିଥିଲା। ରବିବାର ସନ୍ଧ୍ୟାରେ ଜାହାଜ ଆଙ୍କରେଜ ଏରିଆରେ ଥିଲା ଏବଂ ନିୟମିତ ସ୍ବାସ୍ଥ୍ୟ ଯାଞ୍ଚ ବେଳେ ଏହି ଖବର ଜଣାପଡିଥିଲା। ଅନ୍ୟ ୧୩ ଜଣଙ୍କୁ ଏବେ କ୍ବାରାଣ୍ଟାଇନରେ ରଖାଯାଇଛି। ଏହି ଜାହାଜ କୋଷ୍ଟାଲ ପରିବହନରେ ନିୟୋଜିତ। ଟୁଟିକୋରିନ ପୋର୍ଟ ଛାଡିବା ପୂର୍ବରୁ ସମସ୍ତଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା ବୋଲି ଇମିଗ୍ରେସନ ବିଭାଗ ପକ୍ଷରୁ ସୂଚନା ମିଳିଛି। ଏବେ ଉକ୍ତ ଜାହାଜକୁ ସାନିଟାଇଜ କରାଯିବ ବୋଲି ବନ୍ଦର ପ୍ରଶାସନ ପକ୍ଷରୁ ସୂଚନା ମିଳିଛି। ଜାହାଜ ସେହି ଆଙ୍କରେଜ ଏରିଆରେ ରହିବ। ବନ୍ଦର ଭିତରେ ଅନ୍ୟ କୌଣସି ଜାହାଜର ନାବିକ ଓ ଅନ୍ୟ କର୍ମଚାରୀ ଶ୍ରମିକଙ୍କ ଠାରେ କୌଣସି ବିପଦ ନାହିଁ ବୋଲି ବନ୍ଦର ଚିକିତ୍ସାଳୟର ସିଏମ୍‌ଓ ଡା. ପ୍ରହଲ୍ଲାଦ ପଣ୍ଡା କହିଛନ୍ତି। The post ପାରାଦୀପ ବନ୍ଦରରେ ଲାଗିଲା ଜାହାଜ: ୧୫ କରୋନା ପଜିଟିଭ, ୨ ଗୁରୁତର appeared first on Dharitri Odia News .

କୋଲକାତା,୨୯।୩: ପଶ୍ଚିମବଙ୍ଗରେ ଦ୍ୱିତୀୟ ପର୍ଯ୍ୟାୟ ବିଧାନସଭା ନିର୍ବାଚନ ପାଇଁ ମତଦାନ ଏପ୍ରିଲ୍‌ ୧ରେ କରାଯିବ। ଭାଜପା ରାଜ୍ୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ସରକାରଙ୍କ ହଟାଇବା ଲାଗି ପ୍ରୟାସ ଜାରି ରଖିଛି। ଅପରପକ୍ଷରେ ମମତା ରାଜ୍ୟରେ ପୁଣି ତୃଣମୂଳ କଂଗ୍ରେସର ସଫଳତା ଦୋହରାଇ କ୍ଷମତା ଦଖଲ ପାଇଁ ଉଦ୍ୟମ କରୁଛନ୍ତି। ଭାଜପା ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କ ବିରୋଧରେ ମମତା ଟାଣ ଖରାରେ ସୋମବାର ହ୍ବିଲ୍‌ଚେୟାରରେ ବସି ନନ୍ଦିଗ୍ରାମ୍‌ରେ ରୋଡ୍‌ ଶୋ କରିଛନ୍ତି। The post କ୍ଷମତା ଦଖଲ ଲକ୍ଷ୍ୟ: ହ୍ବିଲ୍‌ଚେୟାରରେ ବସି ପ୍ରଚାର କଲେ ମମତା appeared first on Dharitri Odia News .

ମୁମ୍ବାଇ,୨୯।୩: ଏନ୍‌ସିପି ଅଧ୍ୟକ୍ଷ ଶରଦ ପଓ୍ବାର ହସ୍ପିଟାଲରେ ଭର୍ତ୍ତି ହୋଇଛନ୍ତି। ତାଙ୍କ ପେଟରେ ଯନ୍ତ୍ରଣା ହେବାରୁ ଚିକିତ୍ସା ଲାଗି ତାଙ୍କୁ ବ୍ରିଚ୍‌ କ୍ୟାଣ୍ଡି ହସ୍ପିଟାଲ ନିଆଯାଇଛି। ସେଠାର ତାଙ୍କର ଏଣ୍ଡୋସ୍କୋପି କରାଯାଇଛି। ତାଙ୍କ ଗଲ୍‌ ବ୍ଲାଡରରେ ସମସ୍ୟା ଥିବା ଡାକ୍ତର କହିଛନ୍ତି। ମାର୍ଚ୍ଚ ୩୧ରେ ଶରଦଙ୍କର ସର୍ଜରୀ ହେବ ବୋଲି ଏନସିପି ନେତା ନବାବ ମଲିକ୍‌ ନିଜ ଟୁଇଟର ହ୍ୟାଣ୍ଡେଲରେ ଟୁଇଟ୍‌ କରି ସୂଚନା ଦେଇଛନ୍ତି। The post ଶରଦ ପଓ୍ବାର ହସ୍ପିଟାଲରେ ଭର୍ତ୍ତି appeared first on Dharitri Odia News .