Odia Post

ନୂଆଦିଲ୍ଲୀ, ୩୧।୮(ପି.ଟି.): ବିଶ୍ୱରେ ୭ ଲକ୍ଷ କୋଟି ଟଙ୍କାରୁ ଊର୍ଦ୍ଧ୍ୱ ଖେଳନା ବଜାର ରହିଥିବାବେଳେ ଏଥିରେ ଭାରତର ଅଂଶ ନଗଣ୍ୟ। ଭାରତକୁ ବିଶ୍ୱର ଖେଳନା କେନ୍ଦ୍ରରେ ପରିଣତ କରିବା ପାଇଁ ପ୍ରତିଭା ଓ ସାମର୍ଥ୍ୟ ରହିଛି। ଷ୍ଟାର୍ଟଅପ୍‌ ଏବଂ ଉଦ୍ୟୋଗୀମାନେ ଏଥିପାଇଁ ଆଗେଇ ଆସିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ମନ୍‌ କୀ ବାତ୍‌ ରେଡିଓ କାର୍ଯ୍ୟକ୍ରମରେ ଆହ୍ବାନ ଦେଇଛନ୍ତି। ଷ୍ଟାର୍ଟଅପ୍‌ଗୁଡ଼ିକ ସ୍ଥାନୀୟ ଖେଳନା ସହ କମ୍ପ୍ୟୁଟର ଗେମ୍‌ର ବିକାଶ କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଛନ୍ତି। ଦେଶର ଉନ୍ନତ ଐତିହ୍ୟ ଓ ପରମ୍ପରା ଖେଳନା ଓ କ୍ରୀଡ଼ା ଶିଳ୍ପକୁ ନବୋନ୍ମେଷ ଦେଇପାରିବ। ସରକାରଙ୍କ ଆତ୍ମନିର୍ଭର ଭାରତ ଅଭିଯାନ ଉପରେ ପ୍ରଧାନମନ୍ତ୍ରୀ କହିଥିଲେ, ଦେଶକୁ ସବୁ କ୍ଷେତ୍ରରେ ଆତ୍ମନିର୍ଭରଶୀଳ ହେବାକୁ ପଡ଼ିବ। ଏଥିପାଇଁ ଖେଳନା ଶିଳ୍ପରେ ବଡ଼ ସୁଯୋଗ ରହିଛି। ଏବେ ଉତ୍ସବର ସମୟ ହୋଇଥିଲେ ହେଁ କରୋନା ମହାମାରୀ ଯୋଗୁ ସେଗୁଡ଼ିକ ଫିକା ପଡ଼ିଯାଇଛି। ଭାରତୀୟ ଉତ୍ସବ ସହିତ ପରିବେଶର ଗଭୀର ସମ୍ପର୍କ ରହିଛି। ନିକଟରେ ବିଭିନ୍ନ ସ୍ଥାନରେ ପରିବେଶ ଅନୁକୂଳ ଗଣେଶ ମୂର୍ତ୍ତି ସ୍ଥାପନ କରାଯାଇଥିଲା। କୃଷକମାନଙ୍କ ଅବଦାନକୁ ପ୍ରଧାନମନ୍ତ୍ରୀ ଉଚ୍ଚ ପ୍ରଶଂସା କରିଥିଲେ। କରୋନା ମହାମାରୀ ସମୟରେ ସେମାନେ ଦୁଃସାହସର ପରିଚୟ ଦେଇଛନ୍ତି। ଗତବର୍ଷ ତୁଳନାରେ ଚଳିତ ଖରିଫ ଋତୁରେ ୭ ପ୍ରତିଶତ ଅଧିକ ଜମିରେ ଚାଷ କରାଯାଇଛି। ଧାନ ଚାଷ

ଭୁବନେଶ୍ୱର,୩୧।୮: ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ପକ୍ଷରୁ ଜାତୀୟ କ୍ଷୁଦ୍ରଶିଳ୍ପ ଦିବସ ବ୍ୟାଙ୍କ ପରିସରରେ ପାଳିତ ହୋଇଯାଇଛି। ଏହି ଅବସରରେ ବ୍ୟାଙ୍କ ପକ୍ଷରୁ ‘ପିଏନ୍‌ବି ସେବା ସ୍କିମ’ ନାମରେ ଏକ ଆକର୍ଷଣୀୟ ଅଫର ଆରମ୍ଭ କରାଯାଇଛି। କରୋନା ମହାମାରୀ ଯୋଗୁ ବିଭିନ୍ନ କ୍ଷୁଦ୍ରଶିଳ୍ପ ସଂସ୍ଥାଗୁଡିକର ଆର୍ଥିକ ଅବସ୍ଥା ଖରାପ ହେବା ସହ କାରବାରରେ ମାନ୍ଦାବସ୍ଥା ଜାରି ରହିଛି। ବ୍ୟାଙ୍କର ଏହି ସହାୟତା ଜରିଆରେ ଉକ୍ତ ସଂସ୍ଥାଗୁଡିକର ସ୍ଥିତିରେ ସୁଧାର ଆସିପାରିବ ବୋଲି ବ୍ୟାଙ୍କ ପକ୍ଷରୁ ସୂଚନା ଦିଆଯାଇଛି। ପିଏନ୍‌ବି ଏହି ମହାମରୀ ସମୟରେ ବିଭିନ୍ନ କ୍ଷୁଦ୍ରଶିଳ୍ପ ସଂସ୍ଥା ଓ ଋଣଗ୍ରହୀତାଙ୍କ ସହ ଛିଡା ହୋଇରହିଛି। ବ୍ୟାଙ୍କ ପକ୍ଷରୁ ବିଭିନ୍ନ ଏସ୍‌ଏମ୍‌ଇ ଏବଂ ଏମ୍‌ଏସ୍‌ଏମ୍‌ଇଗୁଡିକର ମାନ୍ଦାବସ୍ଥା ଦୂରୀକରଣ ପାଇଁ ସରକାରଙ୍କ ବିଭିନ୍ନ ସ୍କିମ ଜରିଆରେ ଋଣ ଯୋଗାଇ ଦେଉଛି। ଫଳରେ ଶିଳ୍ପ ସଂସ୍ଥାଗୁଡିକର ସ୍ଥିତିର ବ୍ୟାପକ ପରିବର୍ତ୍ତନ ସହ ନିଯୁକ୍ତି ଓ ଆର୍ଥିକବସ୍ଥାର ସୁଧାର ଆସିପାରିବ। ଏହି ସ୍କିମ୍‌ ଜରିଆରେ ବିଭିନ୍ନ ପ୍ରକାରର ସହଯୋଗ ସଂସ୍ଥାଗୁଡିକ ସଠିକ ସମୟରେ ପାଇପାରିବେ। ଏହି ସ୍କିମରେ ଋଣ ଉଠାଉଥିବା ସଂସ୍ଥାମାନଙ୍କୁ ଅତିକମ୍‌ରେ ୬ମାସର ରିହାତି ପ୍ରଦାନ ସହ ପ୍ରାୟ ୭ବର୍ଷ ସମୟସୀମା ମଧ୍ୟରେ ଋଣ ପରିଶୋଧ ପାଇଁ ସମୟସୀମା ଧାର୍ଯ୍ୟ କରାଯାଇଛି। ଏହି ସ୍କିମ୍‌କୁ ବିଭିନ୍ନ ବର୍ଗର ସଂସ୍ଥା ଓ ଗ୍ରାହକମାନେ ନେଇ ପାରିବେ ବ

ବିନିକା, ୩୧ା୮(ଡି.ଏନ୍‌.ଏ.) ଜୀରାନଦୀରେ ବନ୍ୟା ଆସି ସୁବର୍ଣ୍ଣପୁର ଜିଲା ବିନିକା ବ୍ଲକ ବାଙ୍କିଘିର୍ଡିର ସାରଙ୍ଗପାଲି ଓ ହୁତୁମା ଗ୍ରାମରେ ବ୍ୟାପକ କ୍ଷତି କରିଛି। ଉଭୟ ଗ୍ରାମରେ ପ୍ରାୟ ୩ ଶହ ହେକ୍ଟର ଜମିର ଧାନ ଫସଲ ପାଣିରେ ବୁଡି ନଷ୍ଟ ହୋଇଛି। ଏହାଛଡା ନଦୀକୂଳିଆ ଜମିରେ ଚାଷ ହୋଇଥିବା ବାଇଗଣ, ଭେଣ୍ଡି, ପୋଟଳ ସମେତ ଅନ୍ୟାନ୍ୟ ପରିବା ଫସଲ ନଷ୍ଟ ହୋଇଛି। ଜୀରା ନଦୀରେ ଆସିଥିବା ବନ୍ୟା ହୁତୁମା ଗ୍ରାମର ସମଲେଇ ଗୋଠପଡ଼ା ପର୍ଯ୍ୟନ୍ତ ପ୍ରାୟ ୩ କିମି ମାଡିଆସିଥିଲା। ସେହିପରି ସାରଙ୍ଗପାଲି କେଉଟ ଘାଟରୁ ବନ୍ୟା ଜଳ କୂଳ ଲଂଘି ୪କିମି ଦୂର ଗ୍ରାମଦେବୀଙ୍କ ମନ୍ଦିର ଯାଏ ଆସିଥିଲା। ହୁତୁମାର କୁଡାପାଲି ଦେଇ ଭେଡେନକୁ ସଂଯୋଗ କରୁଥିବା ରାସ୍ତାରେ ପାଣି ପ୍ରବାହିତ ହେବାରେ ଯୋଗାଯୋଗ ବିଚ୍ଛିନ୍ନ ହୋଇଥିଲା। ଶନିବାର ଅପରାହ୍ନରେ ପାଣି କମିବା ପରେ ସ୍ଥିତି ସ୍ବଭାବିକ ହୋଇଥିଲା। ସେହିପରି ବିନିକା ବ୍ଲକର ବିଭିନ୍ନ ସ୍ଥାନରେ ହୋଇଥିବା ପରିବା ଚାଷ ମଧ୍ୟ ଲଗାଣ ବର୍ଷାରେ କ୍ଷତିଗ୍ରସ୍ତ ହୋଇଛି। ବାଗଡିଆ ଗ୍ରାମର ପରିବା ଚାଷୀ ରୁଷଭ ଭୁଏ(୩୭)କହିଛନ୍ତି, ସେ ଗୋଟିଏ ଏକର ଜମିରେ ବାଇଗଣ, ଲଙ୍କା, ପୋଟଳ ଓ ଭେଣ୍ଡି ଚାଷ କରିଥିଲେ। ବର୍ଷାରେ ତାହା ନଷ୍ଟ ହୋଇଯାଇଛି। ଜୀରାନଦୀ କୂଳବର୍ତ୍ତୀ ହୁତୁମା ଓ ସାରଙ୍ଗପାଲି ଗ୍ରାମରେ ବନ୍ୟା ଯୋଗୁ ହୋଇଥିବା କ୍ଷୟକ୍ଷତିର ଆକଳନ ତୁରନ୍ତ କରି କ୍ଷତିପୂରଣ ଦେବାକୁ ବାଙ୍କିଘିର୍ଡି ସରପଞ୍ଚ ମାନସ କୁମାର ବ

ନୂଆଦିଲ୍ଲୀ,୩୧।୮: ଭୀମ୍‌ ୟୁପିଆଇ ଏବଂ ରୁପେ ଭଳି ପ୍ଲାଟ୍‌ଫର୍ମରେ ହୋଇଥିବା ପେମେଣ୍ଟ ଉପରେ ବ୍ୟାଙ୍କଗୁଡିକ ନେଇଥିବା ଚାର୍ଜ ରିଫଣ୍ଡ କରିବେ। ଜାନୁୟାରୀ ପହିଲାଠାରୁ ହୋଇଥିବା ନେଣଦେଣ ଉପରେ ଉକ୍ତ ରିଫଣ୍ଡ ମିଳିବ ବୋଲି ଜଣାପଡିଛି। ଏଥିଲାଗି ଆୟକର ବିଭାଗ ପକ୍ଷରୁ ରବିବାର ବ୍ୟାଙ୍କଗୁଡିକୁ ନିର୍ଦ୍ଦେଶ ଦିଆଯାଇଛି। ଡିଜିଟାଲ ନେଣଦେଣକୁ ଉତ୍ସାହିତ କରିବା ଏବଂ କ୍ୟାଶ୍‌ଲେସ୍‌ ଅର୍ଥ ବ୍ୟବସ୍ଥା ଆଡ଼କୁ ଦେଶକୁ ବଢାଇବା ଦିଗରେ ସରକାର ଫାଇନାନ୍ସ ଆଇନ ୨୦୧୯ର ଧାରା ୨୬୯ଏସ୍‌ୟୁରେ ଏଭଳି ଏକ ବ୍ୟବସ୍ଥା କରିଛନ୍ତି। କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ପକ୍ଷରୁ ଏ ସଂକ୍ରାନ୍ତରେ ଏକ ସର୍କୁଲାର ଜାରି କରାଯାଇଛି। ଏହି ପ୍ଲାଟ୍‌ଫର୍ମଗୁଡିକରେ ଆଗାମୀ ଦିନରେ ହେଉଥିବା ନେଣଦେଣ ଉପରେ କୌଣସି ଚାର୍ଜ ନ ଲାଗୁ କରିବା ଲାଗି ବ୍ୟାଙ୍କଗୁଡିକୁ ଏଥିରେ ପରାମର୍ଶ ଦିଆଯାଇଛି। କୌଣସି ବାଣିଜି୍ୟକ ସଂସ୍ଥା ବା ବ୍ୟକ୍ତିବିଶେଷ ବାର୍ଷିକ ୫୦ କୋଟି ଟଙ୍କାର କାରବାର, ବିକ୍ରି କିମ୍ବା ଅର୍ଥ ଗ୍ରହଣ କରୁଥିଲେ ତାଙ୍କୁ ତୁରନ୍ତ ଭିତ୍ତିରେ ଏହି ପ୍ଲାଟ୍‌ଫର୍ମଗୁଡିକରେ ନେଣଦେଣ ସୁବିଧା ପ୍ରଦାନ କରିବାକୁ କୁହାଯାଇଛି। ଏହା ମଧ୍ୟରେ ଭୀମ୍‌ ୟୁପିଆଇ, ରୁପେ ଏବଂ ୟୁପିଆଇ କ୍ୟୁଆର୍‌ କୋଡ୍‌ ସାମିଲ ରହିଛି। ଚଳିତ ବର୍ଷ ଜାନୁୟାରୀ ପହିଲାଠାରୁ ଉକ୍ତ ବର୍ଗରେ ହୋଇଥିବା ନେଣଦେଣ ଉପରେ ଲାଗୁ ଚାର୍ଜର ରିଫଣ୍ଡ ତୁରନ୍ତ ଭିତ୍ତିରେ କରିବାକୁ କୁହାଯାଇଛି। କ

ଚେନ୍ନାଇ, ୩୧ା୮ (ପି.ଟି.)-ଦୁଇଥର ଆଇଏସ୍‌ଏଲ ଚାମ୍ପିୟନ ଚେନ୍ନାଇନ୍‌ ଏଫ୍‌ସି ୨୦୨୦-୨୧ ସିଜନ ପାଇଁ ଅଭିଜ୍ଞ ସିସାବା ଲାସ୍‌ଜ୍ଲୋଙ୍କୁ ରବିବାର ଏହାର ମୁଖ୍ୟ କୋଚ୍‌ ଭାବେ ନିଯୁକ୍ତି ଦେଇଛି। ଏସିଆର କୌଣସି ଫୁଟ୍‌ବଲ କ୍ଲବର କୋଚ୍‌ ଭାବେ ନିଯୁକ୍ତି ପାଇବା ୫୬ ବର୍ଷୀୟ ଲାସ୍‌ଜ୍ଲୋଙ୍କ ପାଇଁ ଏହା ପ୍ରଥମ। କ୍ଲବ ଓ ଅନ୍ତର୍ଜାତୀୟ ସ୍ତରରେ ହଙ୍ଗେରିଆନ ଲାସ୍‌ଜ୍ଲୋଙ୍କର ଦୁଇ ଦଶନ୍ଧିରୁ ଅଧିକ ଦିନ ଧରି ଅଭିଜ୍ଞତା ରହିଛି। ରୋମାନିଆରେ ଜନ୍ମିତ ଲାସ୍‌ଜ୍ଲୋଙ୍କର ୮ଟି ଦେଶରେ କୋଚିଂ ଅଭିଜ୍ଞତା ରହିଛି। ଉଗାଣ୍ଡା ଓ ଲିଥୁଆନିଆ ଜାତୀୟ ଦଳର କୋଚ୍‌ ଭାବେ ମଧ୍ୟ ସେ କାର୍ଯ୍ୟ କରିଛନ୍ତି। ଚେନ୍ନାଇନ ଏଫ୍‌ସିରେ ତାଙ୍କୁ ଓଏନ କଏଲ୍‌ଙ୍କ ସ୍ଥାନରେ ନଯୁକ୍ତି ମିଳିଛି। କଏଲ ୨୦୧୯-୨୦ ଆଇଏସ୍‌ଏଲ ସିଜନରେ ଦଳକୁ ଫାଇନାଲରେ ପ୍ରବେଶ କରାଇ ପାରିଥିଲେ। ନିକଟରେ ସେ ଜାମସେଦପୁର ଏଫ୍‌ସି ଦଳରେ ମୁଖ୍ୟ କୋଚ ଭାବେ ଯୋଗ ଦେଇଛନ୍ତି। ଲାସ୍‌ଜ୍ଲୋଙ୍କ ତତ୍ତ୍ୱାବଧାନରେ ଆମ ଦଳ ଅନେକ ସଫଳତା ହାସଲ କରିବ ବୋଲି ଚେନ୍ନାଇନ ଏଫ୍‌ସିର ସହ ମାଲିକ ଭିଟା ଡାନି ଆଶା ପ୍ରକାଶ କରିଛନ୍ତି। ଗତ ଆଇଏସଏଲ ସିଜନର ୧୧ଜଣ ଭାରତୀୟ ଖେଳାଳି ଚେନ୍ନାଇନ ଏଫ୍‌ସିରେ ସେମାନଙ୍କ ସ୍ଥାନୀୟ ବଜାୟ ରଖିଛନ୍ତି। ବ୍ରାଜିଲର ଦୁଇ ଖେଳାଳି ଡିଫେଣ୍ଡର ଏଲି ସାବିଏ ଏବଂ ମିଡ୍‌ଫିଲ୍ଡର ରାଫାଲ କ୍ରିଭେଲାରୋଙ୍କୁ ମଧ୍ୟ ଦଳରେ ରଖାଯାଇଛି। The post ସିସାବା ଚେନ୍ନାଇନ୍‌ ଏଫ୍‌ସି ମୁଖ୍ୟ କୋଚ୍‌

ପୁରୀ ଅଫିସ, ୩୧।୮: ଦୀର୍ଘଦିନ ପରେ ଶ୍ରୀମନ୍ଦିରରେ ଭୋଗ ମାରା ହୋଇଛି। ଜଣେ ସେବାୟତଙ୍କ ପାଇଁ ଶନିବାର ରାତିରେ ପ୍ରାୟ ୨ଘଣ୍ଟାରୁ ଊର୍ଦ୍ଧ୍ୱ ସମୟ ମହାପ୍ରଭୁଙ୍କ ନୀତିକାନ୍ତି ବିଳମ୍ବ ହୋଇଥିଲା। ଫଳରେ ଠାକୁରଙ୍କ ରାତ୍ରପହୁଡ଼ ହୋଇପାରି ନ ଥିଲା। ସେହିପରି ଭୋଗ ମାରା ହେବାରୁ ଅମୁଣିଆ ମହାପ୍ରସାଦକୁ ପୋତି ଦିଆଯାଇଛି। ମହାସ୍ନାନ ପୂଜା ପରେ ପୁଣି ଥରେ ସନ୍ଧ୍ୟାଧୂପ ପୂଜା ବସିବା ସହ ଅନ୍ୟ ନୀତିକାନ୍ତି ସମ୍ପନ୍ନ ହୋଇଛି। ତେବେ କେଉଁ ପରିସ୍ଥିତିରେ ଏବଂ କାହିିଁକି ଏପରି ହେଲା ସେ ନେଇ କମାଣ୍ଡରଙ୍କୁ ନୀତି ପ୍ରଶାସକ ରିପୋର୍ଟ ମାଗିଛନ୍ତି। ଶନିବାର ଶ୍ରୀମନ୍ଦିରରେ ଏକାଧିକ ସ୍ବତନ୍ତ୍ର ନୀତି ଅର୍ଥାତ୍‌ ସୁନିଆ, ବାମନ ଜନ୍ମ, ପାର୍ଶ୍ୱ ପରିବର୍ତ୍ତନ ଏକାଦଶୀ, ପବିତ୍ରା ଲାଗି ଓ ଇନ୍ଦ୍ରଧ୍ୱଜା ପୂଜା ରହିଥିଲା। ତେଣୁ ସକାଳୁ କିପରି ଠାକୁରଙ୍କ ନୀତିକାନ୍ତି ନିର୍ଘଣ୍ଟ ସମୟରେ ଚାଲିବ ତାହା ଉପରେ ଗୁରୁତ୍ୱ ଦିଆଯାଇଥିଲା। ବର୍ତ୍ତମାନ ମଧ୍ୟ ମନ୍ଦିରକୁ ଭକ୍ତଙ୍କୁ ଛଡ଼ାଯାଉ ନ ଥିବାରୁ କେବଳ ଠାକୁରଙ୍କ ନୀତିକାନ୍ତି ଚାଲିଛି। ରାତି ପ୍ରାୟ ୧୦ଟା ୫୦ରେ ସନ୍ଧ୍ୟାଧୂପ ପୂଜା ବସିଥିବାବେଳେ ବ୍ୟତିକ୍ରମ ଘଟିଲା। ଭିତର ପୋଖରିଆରେ ସନ୍ଧ୍ୟାଧୂପ ପୂଜା ପାଇଁ ଟେରା ପଡ଼ିବା ସହ କଳାହାଟ ଦ୍ୱାର ବନ୍ଦ କରାଯାଇଥିଲା। ଏହା ପରେ କୌଣସି ଅମୁଣିଆ ମହାପ୍ରସାଦ ଆଉ ଭିତରକୁ ଯିବା କଥା ନୁହେଁ। ମାତ୍ର ଜଣେ ସୁଆର ସେବକ ଦ୍ୱାର ଖୋଲି ଛେକ (ତାଙ୍କ ଅମୁଣିଆ ପ୍

ଭୁବନେଶ୍ୱର,୩୧।୮: ଚଳିତ ମାସ ପେଟ୍ରୋଲ ଦର ବୃଦ୍ଧିରେ ବିରତି ଲାଗି ପାରୁନାହିଁ। ଭୁବନେଶ୍ୱରରେ ରବିବାର ପେଟ୍ରୋଲ ଲିଟର ପିଛା ୧୦ ପଇସା ବଢି ୮୨.୫୯ ଟଙ୍କା ଛୁଇଁଛି। ଏଠାରେ ଡିଜେଲ ଦର ଅପରିବର୍ତ୍ତିତ ୮୦.୦୩ ଟଙ୍କା ରହିଛି। ଗତ ୧୫ ଦିନ ମଧ୍ୟରେ ପେଟ୍ରୋଲ ୧୩ ଥର ବଢିଛି। ଏହି ସମୟ ମଧ୍ୟରେ ପେଟ୍ରୋଲ ମୋଟ ୧.୫୬ ଟଙ୍କା ବଢିଲାଣି। ବର୍ତ୍ତମାନ କରୋନା ମହାମାରୀ ଯୋଗୁ ଖାଉଟି ବିଭିନ୍ନ ସମସ୍ୟା ଦେଇ ଗତି କରୁଛନ୍ତି। ଏଭଳି ସ୍ଥିତିରେ ତେଲ ଦର ବୃଦ୍ଧି ଲୋକଙ୍କ ଲାଗି ସମସ୍ୟା ସୃଷ୍ଟି କରିଛି। ଭୁବନେଶ୍ୱରର ପେଟ୍ରୋଲ ଓ ଡିଜେଲ ଦର ଦିଲ୍ଲୀଠାରୁ ଉଚ୍ଚରେ ରହିଛି। ସେହିଭଳି ନୂଆଦିଲ୍ଲୀରେ ପେଟ୍ରୋଲ ୯ ପଇସା ଉଚ୍ଚରେ ରହି ରେକର୍ଡ ୮୨.୦୩ ଟଙ୍କାକୁ ବୃଦ୍ଧି ଘଟିଛି। ମେଟ୍ରୋ ସହରଗୁଡିକରେ ପେଟ୍ରୋଲ ଦର ୯ରୁ ୧୦ ପଇସା ବଢିଥିବା ତୈଳ ବିପଣନ କମ୍ପାନୀଗୁଡିକ ସୂଚନା ଦେଇଛନ୍ତି। ଅପରପକ୍ଷରେ ଚେନ୍ନାଇରେ ପେଟ୍ରୋଲ ୯ ପଇସା ବଢି ୮୫ ଟଙ୍କା, କୋଲ୍‌କାତାରେ ୯ ପଇସା ଉଚ୍ଚରେ ରହି ୮୩.୫୨ ଟଙ୍କା ଏବଂ ମୁମ୍ବାଇରେ୧୦ ପଇସା ବୃଦ୍ଧି ପାଇ ୮୮.୬୮ ଟଙ୍କା ଛୁଇଁଛି। ଏହି ସହରଗୁଡିକରେ ଡିଜେଲ ଦର ଯଥାକ୍ରମେ ୭୩.୫୬ ଟଙ୍କା, ୭୮.୮୬ ଟଙ୍କା, ୭୭.୦୬ ଟଙ୍କା ଏବଂ ୮୦.୧୧ ଟଙ୍କା ରହିଥିବା ଇଣ୍ଡିଆନ ଅଏଲ୍‌ ପକ୍ଷରୁ ସୂଚନା ରହିଛି। The post ପୁଣି ୧୦ ପଇସା ବଢ଼ିଲା ପେଟ୍ରୋଲ appeared first on Dharitri Odia News .

ଭୁବନେଶ୍ୱର,୩୧।୮(ବ୍ୟୁରୋ): ରାଜ୍ୟରେ ବନ୍ୟା ଦାଉ ସାଜିଥିବାବେଳେ ସୋମବାରଠାରୁ ବର୍ଷା ହେବାର ସମ୍ଭାବନା ରହିଛି। ଫଳରେ ବିପନ୍ନଙ୍କ ଦୁର୍ଦ୍ଦଶା ଆହୁରି ବଢ଼ିବ। ପାଣିପାଗ ବିଭାଗ ପକ୍ଷରୁ କରାଯାଇଥିବା ପୂର୍ବାନୁମାନ ଅନୁଯାୟୀ ରାଜ୍ୟରେ ଦକ୍ଷିଣପଶ୍ଚିମ ମାୈସୁମୀ ବାୟୁ ସକ୍ରିୟ ରହିଛି। ଏଥିସହିତ ମଧ୍ୟ ପ୍ରଦେଶ ଉପରେ ଏକ ଲଘୁଚାପ ବଳୟ ସୃଷ୍ଟି ହୋଇଛି। ଏଥିସହିତ ରାଜସ୍ଥାନର ଜୟଶାଲମାର ଉପରେ ଏକ ଟ୍ରପଲାଇନ ରହିଛି। ଏହାର ପ୍ରଭାବରେ ସୋମବାର ରାତିରୁ କେନ୍ଦୁଝର, ବାଲେଶ୍ୱର, ମୟୂରଭଞ୍ଜ, ଭଦ୍ରକ, କେନ୍ଦ୍ରାପଡ଼ା, ଜଗତ୍‌ସିଂହପୁର, ଗଜପତି, କନ୍ଧମାଳ ଏବଂ ରାୟଗଡ଼ା ଜିଲାର କେତେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି। ସେପ୍ଟେମ୍ବର ୨ତାରିଖ ଯାଏ ରାଜ୍ୟର ବିଭନ୍ନ ଜିଲାରେ ପ୍ରବଳ ବର୍ଷା ହେବ ବୋଲି ଅନୁମାନ କରାଯାଇଛି। ପାଣିପାଗ ବିଭାଗ ପକ୍ଷରୁ ଏଲୋ ୱାର୍ଣ୍ଣିଂ ଜାରି କରାଯାଇଛି। The post ଆଜିଠାରୁ ସେପ୍ଟେମ୍ବର ୨ ଯାଏ ବର୍ଷା appeared first on Dharitri Odia News .

ମିଲାନ, ୩୧ା୮(ଏପି)-ସ୍ବିଡିଶ ପ୍ରଫେସନାଲ ଫୁଟ୍‌ବଲ ଖେଳାଳି ଜ୍ଳାଟାନ ଇବ୍ରାହିମୋଭିଚ୍‌ ଇଟାଲୀ ଫେରିଛନ୍ତି। ଏସି ମିଲାନ ସହ ନୂଆ ଚୁକ୍ତି କରିବା ଲାଗି ସେ ପ୍ରସ୍ତୁତ ଥିବା କହିଛନ୍ତି। ୩୮ ବର୍ଷୀୟ ଇବ୍ରାହିମୋଭିଚ୍‌ ୭ ନିୟୁତ ୟୁରୋ (୮.୩ ନିୟୁତ ଡଲାର) ବିନିମୟରେ ଗୋଟିଏ ସିଜନ ପାଇଁ ଚୁକ୍ତି କରିବେ ବୋଲି ଆଶା କରାଯାଉଛି। ସୂଚନାଯୋଗ୍ୟ, ୨୦୧୯-୨୦ ସିଜନରେ ମିଲାନ ଦଳ ତରଫରୁ ସିରି ଏ’ରେ ୧୮ଟି ମ୍ୟାଚ ଖେଳି ୧୦ଟି ଗୋଲ ସ୍କୋର କରିଥିଲେ। ପୁନଶ୍ଚ ୫ଟି ଗୋଲରେ ସେ ସହାୟତା ପ୍ରଦାନ କରିଛନ୍ତି। ୭ ଥର ୟୁରୋପିଆନ ଚାମ୍ପିୟନ ମିଲାନ ଦଳ ଇଟାଲିଆନ ଲିଗ୍‌ରେ ୬ଷ୍ଠ ସ୍ଥାନ ଅଧିକାର କରିବା ସହ ୟୁରୋପା ଲିଗ୍‌ ପାଇଁ ଯୋଗ୍ୟତା ଅର୍ଜନ କରିଛି। The post ନୂଆ ଚୁକ୍ତି ପାଇଁ ଇବ୍ରାହିମୋଭିଚ୍‌ ପ୍ରସ୍ତୁତ appeared first on Dharitri Odia News .

ବିନିକା, ୩୧ା୮(ଡି.ଏନ୍‌.ଏ.) ସୁବର୍ଣ୍ଣପୁର ଜିଲା ବିନିକା ବ୍ଲକ ଓ ଏନଏସି ଅଞ୍ଚଳର ବ୍ୟାପକ ଅଞ୍ଚଳକୁ ଜଳମଗ୍ନ କରିଛି ମହାନଦୀର ବନ୍ୟାଜଳ। ଏନ୍‌ଏସି ଅଧୀନ ଗୁଲାପଡାର ଟିକ୍ରପଡା ଓ କୋହ୍ଲପଡା, ବେତ୍ରପଡାର ଲୋକେ ଶନିବାରଠାରୁ ଜଳଘେରରେ ରହିଛନ୍ତି। ସେହିଭଳି ବ୍ଲକ ଅନ୍ତର୍ଗତ ସିନ୍ଦୁରପୁର ପଞ୍ଚାୟତର ମଣିଗାଁର ଝରାପଡା ଓ ସେଲେଡି ଝରାପଡାବାସୀ ମଧ୍ୟ ଜଳବନ୍ଦୀ ହୋଇ ରହିଛନ୍ତି। ଶନିବାର ଜିଲାପାଳ ମୋନୀଷା ବାନାର୍ଜୀ ବନ୍ୟା ପ୍ରଭାବିତ ଅଞ୍ଚଳ ଡଙ୍ଗାରେ ପରିଦର୍ଶନ କରିଥିଲେ। ମଣିଗାଁ ଝରାପଡାକୁ ଯାଇ ଝରା ସମ୍ପ୍ରଦାୟର ଲୋକଙ୍କ ଭଳମନ୍ଦ ବୁଝିବା ସହ ଖାଦ୍ୟପେୟର ବ୍ୟବସ୍ଥା କରିଥିଲେ। ତାଙ୍କ ସହ ବିନିକା ତହସିଲଦାର ଅଲେଖ ଘୁଟା, ବ୍ଲକ ସାମାଜିକ ଅଧିକାରୀ ଅଶ୍ୱିନୀ କୁମାର ପାଣ୍ଡେ ଉପସ୍ଥିତ ଥିଲେ ା ରବିବାର ବୀରମହାରାଜପୁର ଉପଜିଲାପାଳ ଅଶୋକ ଭୋଇ ଓ ବିନିକା ଏନ୍‌ଏସି ନିର୍ବାହୀ ଅଧିକାରୀ ଦୁଃଖୀରାମ ନାଏକ, ତହସିଲଦାର ଅଲେଖ ଘୁଟା ଏନ୍‌ଏସି ଓ ବ୍ଲ୍‌କ ଅଞ୍ଚଳର ବନ୍ୟା ପ୍ରଭାବିତ ଅଞ୍ଚଳ ବୁଲି ଦେଖିିଥିଲେ। ଏଥିସହ ବିନିକା ସିଦ୍ଧାର୍ଥ କଲେଜ ବନ୍ୟା ଆଶ୍ରୟସ୍ଥଳୀ, ବିନିକା ହାଇସ୍କୁଲକୁ ଯାଇ ଆଶ୍ରୟ ନେଇଥିବା ବିପନ୍ନଙ୍କ ସୁବିଧା ଅସୁବିଧା ପଚାରି ବୁଝିଥିଲେ। ପରେ ଅଧିକାରୀମାନଙ୍କ ସହ ବିନିକା ବ୍ଲକ ଭାରପ୍ରାପ୍ତ ବିଡିଓ ନିରଞ୍ଜନ ନାଏକ ବନ୍ୟା ପ୍ରଭାବିତ ମହାଦେବପାଲି ପଞ୍ଚାୟତର ଗରିଆପାଲି, ତୁଲୁଣ୍ଡୁପାଲି, ପଣ୍ଡକିଟାଲ ଓ ଝରାପଡା ପରିଦ

ଯାଜପୁର ଅଫିସ/ବରୀ,୩୧।୮ (ଡି.ଏନ.ଏ.): ଯାଜପୁର ଜିଲା ଦେଇ ପ୍ରବାହିତ ବ୍ରାହ୍ମଣୀ ଓ ବୈତରଣୀ ନଦୀର ଜଳପତ୍ତନ ହ୍ରାସ ହେବା ପରେ ବନ୍ୟା ପରିସ୍ଥିତି ନିୟନ୍ତ୍ରଣାଧୀନ ହୋଇଛି। ତେବେ ପ୍ରଳୟଙ୍କରୀ ବନ୍ୟା ଯୋଗୁ ଜିଲାରେ ସୃଷ୍ଟି ହୋଇଥିବା ୩୦ ଘାଇ ଦ୍ୱାରା ନିର୍ଗତ ବନ୍ୟାପାଣି ଲୋକଙ୍କ ଜୀବନଜୀବିକାକୁ ଦୁର୍ବିଷହ କରିଛି। ଜିଲାର ୧୦ ବ୍ଲକର ୧୪୩ ପଞ୍ଚାୟତର ୬୧୨ ଗ୍ରାମର ୭ ଲକ୍ଷ ୮୮ ହଜାର ୫୨୦ ଲୋକ ପ୍ରଭାବିତ ହୋଇଛନ୍ତି। ଏଥିରୁ ଅଧିକାଂଶ ବାସହରା ହୋଇ ପଡୋଶୀ, ବନ୍ଧୁବାନ୍ଧବଙ୍କ ଘରେ ଆଶ୍ରୟ ନେଇଛନ୍ତି। ଆହୁରି ଅନେକ ଲୋକ ମୁଣ୍ଡ ଗୁଞ୍ଜିବାକୁ ଠିକଣା ଖୋଜିବାରେ ଲାଗିଛନ୍ତି। ଏହାସହିତ ଆସବାବପତ୍ର ଓ ଅନ୍ୟାନ୍ୟ ସାମଗ୍ରୀକୁ ମାଟିକାଦୁଅରୁ ଉଦ୍ଧାର କରିବାରେ ଲାଗିଛନ୍ତି। ବିଶେଷକରି ମାଟିଘରକୁ ସଜାଡ଼ିବାକୁ ଚେଷ୍ଟିତ ଲୋକଙ୍କ ଦୁର୍ଦ୍ଦଶା ବଢ଼ିଯାଇଛି। ଯେଉଁ ଘର ବନ୍ୟା ପାଣିରେ ଭିଜି ରହିଛି ତାହା ଯେକୌଣସି ମୁହୂର୍ତ୍ତରେ ଭୁଶୁଡ଼ିପଡ଼ିବା ଆଶଙ୍କା ରହିଛି। ଏଭଳିସ୍ଥିତିରେ ଘର ସାମଗ୍ରୀ ସହିତ ପିଲାଛୁଆଙ୍କୁ ନେଇ କେଉଁଠି ରହିବେ ସେହି ଚିନ୍ତା ସେମାନଙ୍କୁ ଘାରୁଛି। ସେହିପରି ନିଜ କଷ୍ଟ ଉପାର୍ଜିତ ଖାଦ୍ୟ ସାମଗ୍ରୀ ବନ୍ୟାଜଳରେ ନଷ୍ଟ ହୋଇଯାଇଛି। ସ୍ବଳ୍ପବୃଷ୍ଟିପାତରେ ଯାହା କିଛି ଚାଷ କାମ ଆଗେଇ ଥିଲା ତାହା ଜଳମଗ୍ନ ହୋଇଛି। ତେଣୁ ଆଶ୍ରୟ ସାଙ୍ଗକୁ ଖାଦ୍ୟ ଓ ଜୀବିକା କଥା ଭାବି ବିପନ୍ନମାନେ ଭାଙ୍ଗି ପଡିଛନ୍ତି। ଦୁର୍ବଳ ନଦୀବନ୍ଧ ନିର୍

ନ୍ୟୁୟର୍କ,୩୧।୮(ଏପି): ଅଭିଜ୍ଞ ସର୍ବୀୟ ଟେନିସ ତାରକା ନୋଭାକ ଜୋକୋଭିଚ ଶନିବାର ଆଉ ଏକ ଐତିହାସିକ ସଫଳତା ହାସଲ କରିଛନ୍ତି। ଏଠାରେ ଖେଳାଯାଇଥିବା ଏଟିପି ଓ୍ବେଷ୍ଟର୍ନ ଓ ସଦର୍ନ ଓପନ୍‌ରେ ସେ ଟାଇଟଲ ହାସଲ କରିଛନ୍ତି। ଫାଇାନାଲ ମୁକାବିଲାରେ ସେ କାନାଡ଼ାର ମିଲୋସ ରାଓନିକଙ୍କୁ ୧-୬, ୬-୩, ୬-୪ ସେଟ୍‌ରେ ପରାସ୍ତ କରି ଚାମ୍ପିୟନ ହୋଇଛନ୍ତି। ୩୩ ବର୍ଷୀୟ ଜୋକୋଭିଚ୍‌ କ୍ୟାରିୟରର ୮୦ତମ ଟାଇଟଲ ହାସଲ କରିଛନ୍ତି। ଏଥିସହିତ ସେ ୩୫ତମ ଏଟିପି ମାଷ୍ଟର୍ସ ଟାଇଟଲ ଜିତି ସ୍ପେନ୍‌ର ରାଫାଲ ନାଡ଼ାଲଙ୍କ ସର୍ବକାଳୀନ ରେକର୍ଡର ସମକକ୍ଷ ହୋଇଛନ୍ତି। ଆଉ ମାତ୍ର ୨ ଦିନ ପରେ ସେ ୟୁଏସ୍‌ ଓପନ୍‌ ମ୍ୟାଚ୍‌ ଖେଳିବାକୁ ଯାଉଥିବା ବେଳେ ସେ ତାଙ୍କ ପ୍ରସ୍ତୁତି ଜୋରଦାର କରିଛନ୍ତି। ଏହି ଟାଇଟଲ ମୋ ପାଇଁ ବେଶ୍‌ ଗୁରୁତ୍ୱ ବହନ କରୁଛି। ଏହି ଟୁର୍ନାମେଣ୍ଟ ଖେଳିବା ମଧ୍ୟ ମୋ ପାଇଁ ଏକ ବଡ଼ ଚ୍ୟାଲେଞ୍ଜ୍‌ ଥିଲା ବୋଲି ସେ କହିଛନ୍ତି। ଚଳିତ ବର୍ଷ ସେ ଅପରଜେୟ ରହିଛନ୍ତି। ଏହା ମଧ୍ୟ ଏକ ବଡ଼ କଥା। ଜୋକୋଭିଚ୍‌ ପୂର୍ବରୁ ୨୦୧୮ରେ ଓ୍ବେଷ୍ଟର୍ନ ଓ ସଦର୍ନ ଓପନ୍‌ ଟାଇଟଲ ଜିତିଥିଲେ। ୨୦୨୦ରେ ସେ କ୍ରମାଗତ ୨୩ତମ ବିଜୟ ହାସଲ କରିଛନ୍ତି। ମହିଳା ବିଭାଗରେ ଆଜାରେଙ୍କା ଚାମ୍ପିୟନ ଓ୍ବେଷ୍ଟର୍ନ ଆଣ୍ଡ ସଦର୍ନ ଓପନ୍‌ର ମହିଳା ବିଭାଗ ଟୁର୍ନାମେଣ୍ଟରେ ବେଲାରୁଷର ଭିକ୍ଟୋରିଆ ଆଜାରେଙ୍କା ଟାଇଟଲ ଜିତିଛନ୍ତି। ହାମ୍‌ଷ୍ଟ୍ରିଙ୍ଗ୍‌ ଇଞ୍ଜୁରି କାରଣରୁ ଫାଇନାଲରୁ ଜାପାନ

କୋକସରା, ୩୧।୮ (ଡି.ଏନ.ଏ.) କଳାହାଣ୍ଡି ଜିଲା ଧର୍ମଗଡ ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ଥିବା କୋକସରା ବ୍ଲକ କାଉଡୋଲା-ଲଡୁଗାଁ ରାସ୍ତା ଶୋଚନୀୟ ହୋଇପଡିଛି। ଏ ନେଇ ଅଞ୍ଚଳବାସୀ ବିଭାଗୀୟ ଅଧିକାରୀ, ସ୍ଥାନୀୟ ଜନପ୍ରତିନିଧିଙ୍କୁ ବାରମ୍ବାର ଜଣାଇଥିଲେ ହେଁ କିଛି ସୁଫଳ ମିଳିନାହିଁ । ଫଳରେ ସୁନାମାଲ ଗ୍ରାମବାସୀ ନିଜ ଉଦ୍ୟମରେ ରାସ୍ତା ମରାମତି କରି ଉଦାହରଣ ସୃଷ୍ଟି କରିଛନ୍ତି । ୫୦ରୁ ଅଧକ ଯୁବକ ଓ କିଛି ବଦାନ୍ୟ ବ୍ୟକ୍ତିଙ୍କ ସହଯୋଗରେ ରି ରାସ୍ତା ମରାମତି କରାଯାଇଛି। ୨୦୧୨ରେ ଧର୍ମଗଡ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ କାଉଡୋଲା ଛକ ୨୬ ନମ୍ବର ଜାତୀୟ ରାଜପଥରୁ ଲଡୁଗାଁ ପର୍ଯ୍ୟନ୍ତ ୪.୧୫୦ କି.ମି. ରାସ୍ତାକୁ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ସାମିଲ କରି କାମ କରାଯାଇଥିଲା । ଠିକା ସଂସ୍ଥା ପକ୍ଷରୁ ୨୦୧୭-୧୮ ବର୍ଷରେ ରାସ୍ତାର ରକ୍ଷଣାବେକ୍ଷଣ କରାଯାଇ ଥିଲା। ହେଲେ ଅତି ନିମ୍ନମାନର କାମ ଯୋଗୁ ଅଳ୍ପ ଦିନରେ ରାସ୍ତା ଶୋଚନୀୟ ହୋଇପଡିଥିଲା। ଖାଲ ଖମାରେ ପରିଣତ ହୋଇଥିଲା । ସେହି ସମୟରେ ରାସ୍ତାର ଅବସ୍ତା ଦେଖି ପୁଣି ୫୩ ଲକ୍ଷ ଟଙ୍କା ବ୍ୟୟ କରି ଗ୍ରାମ୍ୟ ଉନ୍ନୟନ ବିଭାଗ ମରାମତି କରିଥିଲା। ହେଲେ କମ୍‌ ଦିନରେ ରାସ୍ତାରୁ ପିଚୁ ଉଠି ଯାଇଛି। ଫଳରେ ଦୁର୍ଘଟଣା ଘଟି ଲୋକଙ୍କ ଧନଜୀବନ ହାନି ହେଉଛି। ଏହି ରାସ୍ତା ଉପରେ ବିଭାଗୀୟ ଅଧିକାରୀମାନଙ୍କର ନଜର ପଡୁ ନ ନାହିଁ। ରାସ୍ତା ମରାମତି କରିବାକୁ ବିଭାଗୀୟ ଅଧିକାରୀମାନଙ୍କ

ମାଞ୍ଚେଷ୍ଟର,୩୧।୮(ପି.ଟି.): ସ୍ଥାନୀୟ ଓଲ୍ଡ ଟ୍ରାଫୋର୍ଡ ଗ୍ରାଉଣ୍ଡରେ ରବିବାର ଅନୁଷ୍ଠିତ ପାକିସ୍ତାନ ବିପକ୍ଷ ଦ୍ୱିତୀୟ ଟି୨୦ ମ୍ୟାଚ୍‌ରେ ଘରୋଇ ଇଂଲଣ୍ଡ ୫ ଉଇକେଟରେ ବିଜୟ ହାସଲ କରିଛି। ଫଳରେ ୩ ମ୍ୟାଚ୍‌ ବିଶିଷ୍ଟ ଏହି ସିରିଜରେ ଦଳ ୧-୦ରେ ଅଗ୍ରଣୀ ହାସଲ କରିଛି। ଟସ୍‌ ହାରି ବ୍ୟାଟିଂ ପାଇଁ ଆମନ୍ତ୍ରଣ ପାଇଥିବା ପାକିସ୍ତାନ ୪ ଉଇକେଟ ହରାଇ ୧୯୫ ରନ ସଂଗ୍ରହ କରିଥିଲା। ଜବାବରେ ଇଂଲଣ୍ଡ ୧୯.୧ ଓଭରରେ ୫ ଉଇକେଟ ବିନିମୟରେ ୧୯୯ ରନ କରି ବିଜୟ ହାସଲ କରିଛି। ଇଂଲଣ୍ଡ ତରଫରୁ ଅଧିନାୟକ ଇଅନ ମୋର୍ଗାନ ସର୍ବାଧିକ ୬୬ (୩୩ବଲ, ୬ ଚୌକା, ୪ ଛକା), ଜନୀ ବେୟାରଷ୍ଟୋ ୪୪, ଟମ୍‌ ବାଣ୍ଟନ ୨୦, ସାମ ବିଲିଙ୍ଗ୍ସ ୧୦ ରନ କରି ଆଉଟ ହୋଇଥିବା ବେଳେ ଡଓ୍ବେିଡ୍‌ ମଲାନ ୫୪ ରନ (୩୬ ବଲ, ୬ ଚୌକା, ୧ ଛକା) ରନ କରି ଅପରାଜିତ ରହିଥିଲେ। ବୋଲିଂରେ ପାକିସ୍ତାନ ତରଫରୁ ସଦାବ ଖାନ ୩ ଓ ହାରିସ ରୌଫ ୨ ଉଇକେଟ ଅକ୍ତିଆର କରିଥିଲେ। ପୂର୍ବରୁ ପାକିସ୍ତାନ ତରଫରୁ ବାବର ଓ ଅନ୍ୟତମ ଓପନର ଫଖର ଜମାନ ଧୂଆଁଧାର ଆରମ୍ଭ କରିଥିଲେ। ଜମାନ ୨୨ ବଲରୁ ୫ ଚୌକା ଓ ୧ ଛକା ସହ ୩୬ ରନ କରି ପ୍ରଥମେ ଆଉଟ ହୋଇଥିଲେ। ପ୍ରଥମ ଉଇକେଟରେ ଏହି ଦୁଇ ବ୍ୟାଟ୍ସମ୍ୟାନ ୫୨ ବଲରୁ ୭୨ ରନ ସଂଗ୍ରହ କରିଥିଲେ। ଏହାପରେ ବାବର ୪୪ ବଲରରୁ ୭ ଚୌକା ସହ ୫୬ ରନର ଅର୍ଦ୍ଧଶତକୀୟ ପାଳି ଖେଳି ପ୍ୟାଭିଲିୟନ ଫେରିଥିଲେ। ଅଭିଜ୍ଞ ସୋଏବ ମଲିକ ୧୪ ରନ କରି ଆଉଟ ହୋଇଥିଲେ। ଇଫ୍‌ତିକାର ଅହମ୍ମଦ ୮ ରନ

ପୋର୍ଟ ଅଫ୍‌ ସ୍ପେନ୍‌,୩୧।୮(ପି.ଟି.): କିରନ ପୋଲାର୍ଡଙ୍କ ଦମ୍‌ଦାର ବ୍ୟାଟିଂ ବଳରେ ଚଳିତ କାରିବିୟାନ ପ୍ରିମିୟର ଲିଗ୍‌ (ସିପିଏଲ୍‌)ରେ ତ୍ରିନ୍‌ବାଗୋ ନାଇଟ୍‌ ରାଇଡର୍ସ କ୍ରମାଗତ ଷଷ୍ଠ ବିଜୟ ହାସଲ କରିଛି। ୨୮ ବଲରୁ ୭୨ ରନର ଧୂଆଁଧାର ପାଳି ଖେଳି ପୋଲାର୍ଡ ବିଜୟରେ ମୁଖ୍ୟ ଭୂମିକା ଗ୍ରହଣ କରିବା ସହ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ବିବେଚିତ ହୋଇଛନ୍ତି। ଶନିବାର ଅନୁଷ୍ଠିତ ଲିଗ୍‌ର ୧୭ତମ ମ୍ୟାଚ୍‌ରେ ତ୍ରିନ୍‌ବାଗୋ ୨ ଉଇକେଟରେ ବାର୍ବାଡୋସ ଟ୍ରାଇଡେଣ୍ଟକୁ ପରାସ୍ତ କରିଛି। ସେହିପରି ଅନ୍ୟଏକ ମ୍ୟାଚ୍‌ରେ ଜାମାଇକା ତଲ୍ଲାଓ୍ବାହାସ୍‌ ୩୭ ରନରେ ସେଣ୍ଟ କିଟ୍ସ ଆଣ୍ଡ ନେଭିସ୍‌ ପାଟ୍ରିଅଟ୍ସକୁ ପରାସ୍ତ କରିଛି। ଟସ୍‌ ଜିତି ତ୍ରିନ୍‌ବାଗୋ ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରି ବାର୍ବାଡୋସ୍‌ ୨୦ ଓଭରରେ ୭ ଉଇକେଟ ହରାଇ ୧୪୮ ରନ ସଂଗ୍ରହ କରିଥିଲା। ଜବାବରେ ତ୍ରନ୍‌ବାଗୋ ଗୋଟିଏ ବଲ୍‌ ବାକି ରଖି ୧୯.୫ ଓଭରରେ ୮ ଉଇକେଟ ହରାଇ ୧୪୯ ରନ କରି ବିଜୟ ହାସଲ କରିଥିଲା। ୧୪୯ ରନ ବିଜୟ ଲକ୍ଷ୍ୟର ପିଛା କରି ତ୍ରିନ୍‌ବାଗୋ ନିୟମିତ ବ୍ୟବଧାନରେ ଉଇକେଟ ହରାଇଥିଲା। ତେବେ ପୋଲାର୍ଡ ବାର୍ବାଡୋସଠାରୁ ମ୍ୟାଚ୍‌ ଛଡାଇ ନେଇଥିଲେ। ଦଳ ତରଫରୁ ଅନ୍ୟମାନଙ୍କ ମଧ୍ୟରେ ଓପନର ଲେଣ୍ଡଲ ସିମନ୍ସ ୩୨, ଅକିଲ ହୁସେନ ୧୨, ଖାରି ପିଏଣ ଅପରାଜିତ ୧୦ ରନ ସଂଗ୍ରହ କରିଥିବା ବେଳେ ଅନ୍ୟମୋନ ଦୁଇ ଅଙ୍କ ଛୁଇଁ ପାରି ନ ଥିଲେ। ବୋଲିଂରେ ବାର୍ବା

ଭୁବନେଶ୍ୱର,୩୧।୮(ବ୍ୟୁରୋ): ରାଜ୍ୟରେ ଦୁଇ ତିନି ଦିନ ହେବ ବର୍ଷା ନାହିଁ। ତେବେ ଗତ ଲଘୁଚାପଜନିତ ବର୍ଷା ଉତ୍ତର ଓ ଉପକୂଳ ଓଡିଶା ପାଇଁ ଭୟଙ୍କର ଜଳ ପ୍ରଳୟ ସୃଷ୍ଟି କରିଛି। ବ୍ରାହ୍ମଣୀ, ବୈତରଣୀ, ବୁଢାବଳଙ୍ଗ, ଖରସ୍ରୋତା, ଜଳକା ନଦୀରେ ବନ୍ୟା ସୁଧାର ଆସୁଥିବା ବେଳେ ମହାନଦୀ ଉଗ୍ରରୂପ ଧାରଣ କରିବାରେ ଲାଗିଛି। ଆସନ୍ତା ଦୁଇଦିନ କେନ୍ଦ୍ରାପଡ଼ା, ଜଗତ୍‌ସିଂହପୁର, ପୁରୀ, କଟକ ଜିଲା ପାଇଁ ଭୟଙ୍କର ବିପଦ ରହିଛି। ଏହି ଜିଲାଗୁଡ଼ିକୁ ହାଇ ଆଲର୍ଟ ଜାରି କରାଯାଇଛି। ଏହି ସମୟରେ ମହାନଦୀରେ ୧୦ଲକ୍ଷ କ୍ୟୁସେକ ଜଳ ପ୍ରବାହିତ ହେବ। ଆସନ୍ତା ବୁଧବାର ପୂର୍ଣ୍ଣିମା ଥିବାରୁ ମହାନଦୀ ଓ ଏହାର ଶାଖା ନଦୀରୁ ଜଳ ନିଷ୍କାସନ ବିଳମ୍ବ ହେବା ସମ୍ଭାବନା ରହିଛି। ମହାନଦୀରେ ପ୍ରବାହିତ ୧୦ଲକ୍ଷ କ୍ୟୁସେକରୁ ଊର୍ଦ୍ଧ୍ୱ ଜଳ ବନ୍ୟା ବିପନ୍ନଙ୍କ ପାଇଁ ବିପତ୍ାତ ସୃଷ୍ଟି କରିବ ବୋଲି ଆଶଙ୍କା କରାଯାଉଛି। ଏନେଇ ଉପକୂଳବାସୀ ଆତଙ୍କିତ ଅବସ୍ଥାରେ ରହିଛନ୍ତି। ବନ୍ୟା ପରିସ୍ଥିତି ମୁକାବିଲା କରିବାକୁ ରାଜ୍ୟ ଓ ଜିଲା ପ୍ରଶାସନ ସଜାଗ ରହିଛନ୍ତି। ନଦୀ ବନ୍ଧଗୁଡିକ ଉପରେ ଜଳ ସମ୍ପଦ ବିଭାଗ ବରିଷ୍ଠ ଯନ୍ତ୍ରୀମାନେ ତୀକ୍ଷ୍ମଣ ନଜର ରଖିଛନ୍ତି। ୨୪ ଘଣ୍ଟିଆ ପାଟ୍ରୋଲିଂ କରାଯାଉଛି। ଅତି ସମ୍ବେଦନଶୀଳ ସ୍ଥାନରେ ଏନ୍‌ଡିଆର୍‌ଏଫ୍‌, ଓଡ୍ରାଫ ଓ ଅଗ୍ନିଶମ ବାହିନୀକୁ ମୁତୟନ କରାଯାଇଛି। ରାଜ୍ୟର ବନ୍ୟା ପରିସ୍ଥିତି ସମ୍ପର୍କରେ ସୂଚନା ନେଇ ସ୍ବତନ୍ତ୍ର ରିଲିଫ କମିଶନର(ଏ

ଚେନ୍ନାଇ, ୩୧ା୮ (ପି.ଟି.)- ଇଣ୍ଟରନେଟ୍‌ରେ ବିଭ୍ରାଟ ଓ ସର୍ଭର ସହିତ ଯୋଗାଯୋଗ ବ୍ୟାହତ ହେବାରୁ ଭାରତ ଓ ରୁଷିଆକୁ ୨୦୨୦ ଅନ୍‌ଲାଇନ୍‌ ଚେସ୍‌ ଅଲିମ୍ପିଆଡର ଯୁଗ୍ମ ଚାମ୍ପିୟନ ଘୋଷଣା କରାଯାଇଛି। ଫାଇନାଲ ଖେଳ ଚାଲିଥିବା ବେଳେ ସର୍ଭର ସହିତ ଯୋଗାଯୋଗ ବିଚ୍ଛିନ୍ନ ହୋଇଥିଲା। ସେତେବେଳେ ଭାରତର ୨ ଖେଳାଳି ନିହାଲ ସରିନ ଓ ଦିବ୍ୟା ଦେଶମୁଖ ପରାଜିତ ହୋଇ ସାରିଥିଲେ। ଫଳରେ ପ୍ରଥମେ ରୁଷିଆକୁ ବିଜେତା ଘୋଷଣା କରାଯାଇଥିଲା॥ ମାତ୍ର ଏକ ବିବାଦୀୟ ନିଷ୍ପତ୍ତିକୁ ନେଇ ଭାରତ ପ୍ରତିବାଦ କରିବାରୁ ନିଷ୍ପତ୍ତିର ସମୀକ୍ଷା ହୋଇଥିଲା। ସୂଚନାଯୋଗ୍ୟ, କୋଭିଡ୍‌-୧୯ ମହାମାରୀ ଯୋଗୁ ଇଣ୍ଟରନ୍ୟାଶନାଲ ଚେସ୍‌ ଫେଡେରେଶନ ଫିଡେ ପ୍ରଥମ ଥର ଏକ ଅନ୍‌ଲାଇନ୍‌ ଫର୍ମାଟରେ ଅଲିମ୍ପିଆଡ୍‌ ଆୟୋଜନ କରିଥିଲା। The post ଅନ୍‌ଲାଇନ୍‌ ଚେସ୍‌ ଅଲିମ୍ପିଆଡ୍‌: ଭାରତ-ରୁଷିଆ ଯୁଗ୍ମ ବିଜେତା appeared first on Dharitri Odia News .

ବ୍ରହ୍ମପୁର ଅଫିସ,୩୧ା୮ କରୋନା ସମଗ୍ର ବିଶ୍ୱବାସୀଙ୍କୁ ଦୋହଲାଇ ଦେଇଛି।  ଦେଶ ଓ ରାଜ୍ୟ ମଧ୍ୟ ଏଥିରୁ ବାଦ ଯାଇନି। ବିଶେଷକରି ଗଞ୍ଜାମ ଜିଲାରେ କରୋନା  କାୟା ବିସ୍ତାର କରିଛି।  ମେ ୨ତାରିଖରେ କରୋନା ସଂକ୍ରମଣ ଜିଲାରେ ଆରମ୍ଭ ହୋଇଥିଲା। ବର୍ତ୍ତମାନ ତାହା କମିଥିଲେ ମଧ୍ୟ ସମ୍ପୂର୍ଣ୍ଣ ବନ୍ଦ ହୋଇନାହିଁ। ପ୍ରତିଦିନ ସଂକ୍ରମଣ ଓ ମୃତ୍ୟୁ ଜାରି ରହିଛି। ଏଯାବତ ଜିଲାରେ ୧୭,୬୭୨ ସଂକ୍ରମିତ ହୋଇସାରିଥିବା ବେଳେ ୧୮୯ ଜଣଙ୍କ ମୃତ୍ୟୁ ଘଟିଛି। ସଂକ୍ରମଣରେ ଗଞ୍ଜାମ ଜିଲା ସର୍ବାଗ୍ରେ ଥିବା ବେଳେ କୁକୁଡାଖଣ୍ଡି ବ୍ଲକର କଙ୍କିଆ ପଞ୍ଚାୟତର ୧୭ ଗାଁକୁ ଏହା ଛୁଇଁ ପାରିନାହିଁ। ଆଦିବାସୀ ଅଧ୍ୟୁଷିତ ଏହି ୧୭ ଗାଁରୁ ଜଣେ ମଧ୍ୟ ପଜିଟିଭି ଚିହ୍ନଟ ହୋଇନାହାନ୍ତି। ୨୨ ପଞ୍ଚାୟତ ମଧ୍ୟରୁ ୨୧ ପଞ୍ଚାୟତର ଅଧିକାଂଶ ଗାଁରେ କରୋନା ବ୍ୟାପିଥିବା  ବେଳେ ୧୭ ଗାଁକୁ କରୋନା ଛୁଇଁ ପାରିନାହିଁ। କୁକୁଡାଖଣ୍ଡି ବ୍ଲକ ଶେଷ ଭାଗ ଓ ଚିକିଟି ବ୍ଲକ ସୀମାନ୍ତରେ କଙ୍କିଆ ପଞ୍ଚାୟତ ରହିଛି। ଏହାର ଚତୁର୍ଦ୍ଦିଗରେ ବଣ ପାହାଡ଼ ସହିତ ଘଞ୍ଚ ଜଙ୍ଗଲ ରହିଛି। ଏହି ପଞ୍ଚାୟତର ମୋଟ ୨୨ଗାଁରୁ  ଅଧିକାଂଶ  ଜଙ୍ଗଲ ଭିତରେ ରହିଛି। ପଞ୍ଚାୟତର ମୋଟ ଜନସଂଖ୍ୟା ୪୪୭୬। ଏଠାରେ ପୁରୁଷଙ୍କ ସଂଖ୍ୟା ୨୪୪୯ ଓ ମହିଳା ୨୦୨୭। ଅଧିକାଂଶ ଗାଁକୁ ଲାଗିରହିଛି ପାହାଡ଼ ଓ ବାଣିଆମାରି ସଂରକ୍ଷିତ ଜଙ୍ଗଲ। କୁକୁଡଡାଖଣ୍ଡି ବ୍ଲକରୁ ପ୍ରାୟ ୨୦କି.ମି. ଦୂରରେ ଗାଁଗୁଡିକ ଅବସ୍ଥିତ।  ଏଯାବତ ଏହ

ଡ. ନିଖିଳାନନ୍ଦ ପାଣିଗ୍ରାହୀ ରିଷି କପୁର (୧୯୫୨-୨୦୨୦) ଜଣେ ପ୍ରସିଦ୍ଧ ଅଭିନେତା ଥିଲେ। ଅତି କମ୍‌ ବୟସରେ ସେ ଫିଲ୍ମ ‘ବବି’ରେ ଅଭିନୟ କରି ଦର୍ଶକମାନଙ୍କ, ବିଶେଷତଃ ଯୁବ ସମାଜ ପାଇଁ ଆକର୍ଷଣର କେନ୍ଦ୍ରବିନ୍ଦୁ ପାଲଟିଯାଇଥିଲେ। ସେ ବଲିଉଡ୍‌ର ଶୋ-ମ୍ୟାନ୍‌ ଭାବେ ପରିଚିତ ରାଜ କପୁରଙ୍କ ପୁତ୍ର। କରୋନା କାଳରେ ସେ ୩୦ ଏପ୍ରିଲ୍‌ ୨୦୨୦ରେ ମୁମ୍ବାଇ ନଗରରେ ଇହଲୀଳା ସାଙ୍ଗ କରିଥିଲେ। ତାଙ୍କ ଶବ ଶୋଭାଯାତ୍ରାରେ କୋଭିଡ୍‌ ସଂକ୍ରମଣ ବିପକ୍ଷେ ସରକାର ଯେଉଁ ନିର୍ଦ୍ଦେଶ ଦେଇଥିଲେ, ତଦନୁସାରେ ଖୁବ୍‌ ସୀମିତ ଲୋକ ଉପସ୍ଥିତ ଥିଲେ। ତନ୍ମଧ୍ୟରେ ଥିଲେ ତାଙ୍କ ପରିବାରର ପୁତ୍ର ରଣବୀର କପୁର, ପତ୍ନୀ ନିତୁ କପୁର, ରଣଧୀର କପୁର, ଅଭିନେତା ଅଭିଷେକ ବଚ୍ଚନ, କରୀନା କପୁର, ସୈଫ ଅଲ୍ଲୀ ଖାନ୍‌। କିନ୍ତୁ ତାଙ୍କ ଅତି ଆଦରର କନ୍ୟା ରିଧିମା କପୁର ତାଲାବନ୍ଦ କଟକଣା ଯୋଗୁ ଦିଲ୍ଲୀରୁ ପହଞ୍ଚତ୍ପାରି ନ ଥିଲେ। ରିଷି ତାଙ୍କ ସହକର୍ମୀ ବିନୋଦ ଖାନାଙ୍କ ଶବ ଶୋଭାଯାତ୍ରାରେ କମ୍‌ ସଂଖ୍ୟକ ଲୋକଙ୍କ ସମାଗମ ସକାଶେ ଗଭୀର ଭାବେ କ୍ଷୁବ୍ଧ ହୋଇଥିଲେ। ବିନୋଦ ଖାନା(୧୯୪୬-୨୦୧୭) ୨୭ ଏପ୍ରିଲ୍‌ ୨୦୧୭ରେ ମୃତ୍ୟୁବରଣ କରିଥିଲେ। ସେତେବେଳେ ଶ୍ମଶାନକୁ ଶବ ଅନୁସରଣକାରୀଙ୍କ ସଂଖ୍ୟା ବିଷୟରେ କୌଣସି ନିଷେଧାଦେଶ ନ ଥିଲା। ତଥାପି ତାହା ଥିଲା ନୈରାଶ୍ୟଜନକ। ବିନୋଦ ଅଭିନୟ ପାଇଁ ଏକାଧିକ ଥର ଶ୍ରେଷ୍ଠ ଅଭିନେତା ଭାବେ ମନୋନୀତ ହୋଇଥିଲେ। ପୁଣି ଚାରି ଥର ସଂସଦ ସଦସ୍ୟ

ଡା. ବିରଞ୍ଚି ନାରାୟଣ ମଲ୍ଲିକ ଭାରତ କେଉଁ ଖେଳରେ ବିଶ୍ୱ ଚାମ୍ପିୟନ ବୋଲି ପଚାରିଲେ ଚଟ୍‌ କିନା ଉତ୍ତର ଆସିବ କ୍ରିକେଟରେ। କିନ୍ତୁ ଭାରତ ମଧ୍ୟ କବାଡ଼ି ଖେଳରେ ଅପ୍ରତିଦ୍ୱନ୍ଦ୍ୱୀ ବିଶ୍ୱ ଚାମ୍ପିୟନ। କବାଡ଼ି କଥା ଏଇଥିପାଇଁ ଆମ ମନକୁ ଆସେନା ଯେ ଏହା ଏକ ଗ୍ରାମୀଣ ଖେଳ । କ୍ରିକେଟ ତ ଏବେ କି ଗ୍ରାମ କି ସହର ସବୁଠାରେ ଲୋକଙ୍କ ମନକୁ ଆଚ୍ଛନ୍ନ କରି ରଖିଛି। କିନ୍ତୁ କ୍ରିକେଟ ପରେ ହକି, ଫୁଟବଲ୍‌, ଭଲିବଲ୍‌ ବା ବାସ୍କେଟବଲ ଭଳି ଖେଳ କଥା ଆମେ କହିବା କିନ୍ତୁ କବାଡ଼ିକୁ ଭୁଲିଯିବା। ଗ୍ରାମୀଣ କ୍ରୀଡ଼ା ଭଳି ଗ୍ରାମସ୍ତରର ଖେଳାଳିମାନେ ମଧ୍ୟ ଉଦାସୀନତାର ଶିକାର ହୁଅନ୍ତି। ସତ କହିଲେ ସହର ଅପେକ୍ଷା ଗ୍ରାମରେ କ୍ରୀଡ଼ା ପ୍ରତିଭାଙ୍କ ସଂଖ୍ୟା ଅଧିକ। ଗାଁ ପିଲାମାନେ ସ୍ବାଭାବିକ ଭାବେ ଖେଳାଳି। କିନ୍ତୁ ସେମାନେ କ୍ୱଚିତ ଜିଲା, ରାଜ୍ୟ ବା ଜାତୀୟ ସ୍ତରକୁ ଉଠନ୍ତି ବା ଲୋକଲୋଚନକୁ ଆସନ୍ତି। ସେଇଭଳି କ୍ରୀଡ଼ା ପ୍ରତିଭାମାନଙ୍କୁ ଚିହ୍ନଟ କରିବାକୁ ପ୍ରୋତ୍ସାହନ ଦେବାକୁ ତଥା ଗ୍ରାମ ସ୍ତରରେ କ୍ରୀଡ଼ାର ଭିତ୍ତିଭୂମିର ବିକାଶ କରିବା ସକାଶେ ୨୦୦୮ ମସିହାରେ କେନ୍ଦ୍ର ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ଆରମ୍ଭ ହୋଇଛି ପଞ୍ଚାୟତ ଯୁବ କ୍ରୀଡ଼ା ଓ ଖେଳ ଅଭିଯାନ। ପିୱାଇକେକେଏ ବା ପିକା ଏହି ଅଭିଯାନରେ ୨୦୨୧ ସୁଦ୍ଧା ଭାରତର ଅଢ଼େଇ ଲକ୍ଷ ଗ୍ରାମପଞ୍ଚାୟତ ଏବଂ ୬୪୦୦ ବ୍ଲକ ପଞ୍ଚାୟତକୁ ଅନ୍ତର୍ଭୁକ୍ତ କରାଯିବ। ୨୦୧୮ ସୁଦ୍ଧା ଏ

ନିଯୁକ୍ତି ସୃଷ୍ଟି କରିବା ସହ କୃଷକଙ୍କୁ ସଶକ୍ତ କରିବାରେ ଲାଗିଛନ୍ତି ମୁମ୍ବାଇର ଶ୍ରୀୟା ନହେଟା। ସେ ମୁମ୍ବାଇର ଲୋକମାନଙ୍କୁ ଅର୍ଗାନିକ ଫୁଡ୍‌ ଡେଲିଭରି କରୁଛନ୍ତି। ଶ୍ରୀୟା ଏହିସବୁ ଫୁଡ୍‌ କୃଷକମାନଙ୍କଠାରୁ ଆଣୁଛନ୍ତି ଓ ଏଥିରେ ୫୦,୦୦୦ କୃଷକ ଲାଭ ପାଉଛନ୍ତି। ଦେଶର ବିଭିନ୍ନ ସ୍ଥାନରୁ ଏତେ ସଂଖ୍ୟକ କୃଷକଙ୍କଠାରୁ ସେମାନଙ୍କ ଉତ୍ପାଦ ସଂଗ୍ରହ କରି ଲୋକଙ୍କ ଘରେ ପହଞ୍ଚାଇବା ପ୍ରକ୍ରିୟାରେ ବହୁ ନିଯୁକ୍ତି ମଧ୍ୟ ସୃଷ୍ଟି କରିଛନ୍ତି। ‘ଜାମା ଅର୍ଗାନିକ’ ସଂସ୍ଥା ମାଧ୍ୟମରେ ସେ ଏହା କରୁଛନ୍ତି। ଶ୍ରୀୟା ଏହି ସଂସ୍ଥାକୁ ୨୦୧୭ରେ ପ୍ରତିଷ୍ଠା କରିଥିଲେ। ସଂସ୍ଥା ମିଡିଲ୍‌ମ୍ୟାନ୍‌ ଭାବେ କାର୍ଯ୍ୟ କଲେ ମଧ୍ୟ କୃଷକମାନେ ଏହା ମାଧ୍ୟମରେ ଖାଉଟିଙ୍କ ସହ ସିଧା ସମ୍ପର୍କ ପ୍ରତିଷ୍ଠା କରିବାକୁ ସକ୍ଷମ ହେଉଛନ୍ତି। କୃଷକମାନେ ବଜାର ଦରଠାରୁ ୧୦ରୁ ୧୫ ପ୍ରତିଶତ ଅଧିକ ଲାଭ ପାଉଛନ୍ତି। ସେମାନେ ସମସ୍ତେ ଜୈବିକ କୃଷି କରୁଛନ୍ତି। ଖାଉଟିମାନଙ୍କଠାରୁ ଅର୍ଡର ଗ୍ରହଣ କରିବା ପରେ ‘ଜାମା ଅର୍ଗାନିକ୍‌’ ଓ୍ବେବ୍‌ସାଇଟ୍‌ରେ କେଉଁ ଉତ୍ପାଦ କେତେ ପରିମାଣରେ ଦରକାର ତାହା କୃଷକମାନଙ୍କୁ ଜଣାଇ ଦିଆଯାଏ ଓ ସେମାନଙ୍କଠାରୁ ନିର୍ଦ୍ଧାରିତ ସମୟ ପୂର୍ବରୁ ଉତ୍ପାଦଗୁଡ଼ିକୁ ସଂଗ୍ରହ କରାଯାଏ। ସବୁ ଉତ୍ପାଦ ରାତି ଭିତରେ ମୁମ୍ବାଇରେ ପହଞ୍ଚିବା ପରେ ତା’ର ଯାଞ୍ଚ କରାଯାଇ ସକାଳ ହେବା କ୍ଷଣି ଲୋକଙ୍କ ଘରେ ପହଞ୍ଚାଇ ଦିଆଯାଏ। ପରିବା, ଶସ୍ୟ ହେଉ କି ମସଲା ତାହା

ତୁରିନ୍‌, ୩୧ା୮ (ଏପି)-ଜୁଭେଣ୍ଟସ ଫୁଟ୍‌ବଲ ଦଳରେ ଯୋଗଦାନ କରିବାରେ ପ୍ରଥମ ଆମେରିକୀୟ ଖେଳାଳି ହେଉଛନ୍ତି ମିଡ୍‌ଫିଲ୍ଡର ଓ୍ବେଷ୍ଟର୍ନ ମ୍ୟାକେନି। ଗୁରୁବାର ତୁରିନ୍‌ରେ ପହଞ୍ଚତ୍ବା ପରେ ୯ଥର ସିରିଜ ଏ’ ଚାମ୍ପିୟନ ଦଳ ତରଫରୁ ତାଙ୍କର କିଛି ଫଟୋ ପୋଷ୍ଟ କରିଥିଲା। ମ୍ୟାକେନି ଶୁକ୍ରବାର ତାଙ୍କୁ ୨୨ତମ ଜନ୍ମ ଦିବସ ପାଳିଛନ୍ତି। ଜର୍ମାନୀ କ୍ଲବ ଏଫ୍‌ସି ଜେଲସେଙ୍କିରଚେନ୍‌ ସ୍କାଲକେରୁ ଉଧାର ସୂତ୍ରରେ ସାମୟିକ ଭାବେ ଏହି ମିଡ୍‌ଫିଲ୍ଡରଙ୍କୁ ଅଣାଯାଇଛି। ଅର୍ଥାତ ମ୍ୟାକେନି ଜୁଭେଣ୍ଟସ ସହିତ ୨୦୨୧ ଜୁନ ୩୦ ପର୍ଯ୍ୟନ୍ତ ରହିବେ। ଖେଳାଳି ରେଜିଷ୍ଟ୍ରସନ ବାଦବରେ ୪.୫ ନିୟୁତ ୟୁରୋ (୫.୩୫ ନିୟୁତ ଡଲାର) ବ୍ୟୟ କରାଯାଇଛି। ସିଜନ ଶେଷରେ ୧୮.୫ ନିୟୁତ ଡଲାର ବିନିମୟରେ ଜୁଭେଣ୍ଟସ ମ୍ୟାକେନିଙ୍କ ଉପରେ ସମ୍ପୂର୍ଣ୍ଣ ଅଧିକାର ହାସଲ କରିବ। ବୋନସ ସହିତ ଫି’ ପରିମାଣ ୨୫.୫ ନିୟୁତ ୟୁରୋ (୩୦ ନିୟୁତ ଡଲାର)କୁ ବୃଦ୍ଧି ପାଇପାରେ। ମ୍ୟାକେନି ମିଡ୍‌ଫିଲ୍ଡର ଯେ କୌଣସି ପୋଜିଶନରେ ଖେଳି ପାରିବେ। ଫଳରେ ଜୁଭେଣ୍ଟସର ନୂଆ କୋଚ୍‌ ଆଣ୍ଡ୍ରିଆ ପିର୍ଲୋଙ୍କ ହାତରେ ବିକଳ୍ପ ରହିବ। The post ଜୁଭେଣ୍ଟସ୍‌ରେ ପ୍ରଥମ ଆମେରିକୀୟ ଖେଳାଳି appeared first on Dharitri Odia News .

ଜାତୀୟ ଅପରାଧ ରେକର୍ଡ ବ୍ୟୁରୋ (ଏନ୍‌ସିଆର୍‌ବି) ପକ୍ଷରୁ ସଦ୍ୟ ପ୍ରକାଶିତ ତଥ୍ୟରେ ଭାରତରେ ଦଳିତ, ଆଦିବାସୀ ଓ ମୁସଲମାନଙ୍କ ପ୍ରତି ଅଧିକ ଅନ୍ୟାୟ ହେଉଥିବାର ପରିଲକ୍ଷିତ ହୋଇଛି। ଉଚ୍ଚଜାତି ଓ ଧନୀ ବର୍ଗଠାରୁ ଏହି ତିନି ଗୋଷ୍ଠୀର ନାଗରିକ ସବୁବେଳେ ବିଭିନ୍ନ ଅପରାଧରେ ଟଣା ହୋଇ ଜେଲ ପଠାଯାଉଛନ୍ତି। ଏଠାରେ ଉଲ୍ଲେଖ କରିବା ଉଚିତ ହେବ ଯେ ଆମେ କୌଣସି ଭାବେ ତଥାକଥିତ ଗରିବ କିମ୍ବା କୌଣସି ଗୋଟେ ବର୍ଗର ଲୋକଙ୍କୁ ନିରୀହର ଆଖ୍ୟା ଦେବାକୁ ଚେଷ୍ଟା କରୁନାହୁଁ। ଅନେକ ଧନୀ ଓ ଉଚ୍ଚଜାତିର ଲୋକ ଯେଉଁଭଳି ଭାବେ ଅପରାଧ ଘଟାନ୍ତି, ସେଭଳି ଭାବେ ବିଭିନ୍ନ ବର୍ଗର ଗରିବଙ୍କ ଦ୍ୱାରା ଅପରାଧ ଘଟାଯାଉଥିବାର ଦୃଷ୍ଟାନ୍ତ ଭାରତରେ ଦେଖିବାକୁ ମିଳୁଛି। ସହରରେ ଥିବା ବସ୍ତିବାସିନ୍ଦା କିମ୍ବା ଉପକଣ୍ଠରେ ଥିବା ଗ୍ରାମବାସୀ ସମସ୍ତେ ନିରୀହ ଏବଂ ଅସହାୟ ବୋଲି କହିବା ସମ୍ପୂର୍ଣ୍ଣ ମିଥ୍ୟା ହେବ। ଅପରପକ୍ଷରେ ଏନ୍‌ସିଆର୍‌ବିର ତଥ୍ୟ ଏକ ସମ୍ପୂର୍ଣ୍ଣ ଭିନ୍ନ ଦିଗକୁ ଦର୍ଶାଉଛି। ୨୦୧୯ ତଥ୍ୟ କହେ ଯେ, ଅବହେଳିତ ବର୍ଗ ମଧ୍ୟରେ ମୁସଲମାନ ବିଚାରାଧୀନ କଏଦୀଙ୍କ ସଂଖ୍ୟା ଦୋଷୀଙ୍କଠାରୁ ଅଧିକ ରହିଛି। ଦେଶର ସମୁୁଦାୟ ଦୋଷୀଙ୍କ ସଂଖ୍ୟାର ୧୬.୬ ପ୍ରତିଶତ ମୁସଲମାନ ଥିବା ବେଳେ ମୋଟ ବିଚାରାଧୀନ କଏଦୀଙ୍କ ମଧ୍ୟରୁ ୧୮.୭ ପ୍ରତିଶତ ମୁସଲମାନ ବିଚାରାଧୀନ କଏଦୀ ଅଛନ୍ତି। ସେହିପରି ଦେଶର ଜେଲରେ ଥିବା ସମୁଦାୟ ଦୋଷୀଙ୍କ ମଧ୍ୟରୁ ଦଳିତଙ୍କ ପ୍ରତିଶତ ରହିଛି ୨୧.୭ ଓ ଜେ

ଭୁବନ, ୩୦।୮(ଡି.ଏନ.ଏ.) କରୋନା ମହାମାରୀ ଦୋହଲାଇ ଦେଇଥିଲା ଆର୍ଥିକ ମେରୁଦଣ୍ଡ। କିଛି ନ ହେଲେ ବର୍ଷକର ଦାନା ଯୋଗାଡ଼ କରିବାକୁ ଜମି ମୁହାଁ ହୋଇଥିଲେ ଚାଷୀ। ବର୍ଷା ନ ଥିବାରୁ ବିଳମ୍ବ ହୋଇଥିଲା ରୁଆ। ତଥାପି ଅଧିକ ଖର୍ଚ୍ଚାନ୍ତ ହୋଇ ଧାନ ତଳି ରୋଇଥିଲେ। ହେଲେ ବେଉଷଣ ଆରମ୍ଭ ବେଳକୁ ବନ୍ୟା ସବୁକିଛି ଧୋଇନେଇଛି। ମହାମାରୀ ମଧ୍ୟରେ ବନ୍ୟା ବିପତ୍ତି ବୋଝ ଉପରେ ନଳିତାବିଡ଼ା ହୋଇଥିବାବେଳେ ସର୍ବସ୍ବ ହରାଇ ଚିନ୍ତାରେ ପଡ଼ିଛନ୍ତି ଢେଙ୍କାନାଳ ଜିଲା ଭୁବନ ବ୍ଲକର ଚାଷୀ। ବ୍ରାହ୍ମଣୀ, ରାମିଆଳ ଏବଂ ଡମଶାଳ ନଦୀରେ ଆସିଥିବା ବନ୍ୟାରେ ଭୁବନ ବ୍ଲକରେ ବ୍ୟାପକ କ୍ଷୟକ୍ଷତି ହୋଇଛି। ଏକତାଳି, ବାଲିବୋ, ସୁରପ୍ରତାପପୁର, ମାର୍ଥାପୁର ଏବଂ ଭୂଷଳ ପଞ୍ଚାୟତ ସର୍ବାଧିକ ପ୍ରଭାବିତ ହୋଇଛି। ବ୍ଲକ ପ୍ରଶାସନ ପକ୍ଷରୁ ପ୍ରାଥମିକ ପର୍ଯ୍ୟାୟରେ କ୍ଷୟକ୍ଷତି ଆକଳନ କରାଯାଇଛି। ବନ୍ୟାପାଣିରେ ସମ୍ପୃକ୍ତ ୫ ପଞ୍ଚାୟତ ୧୯୪୩ ଜଣ ପ୍ରଭାବିତ ହୋଇଛନ୍ତି। ଏକତାଳି ପଞ୍ଚାୟତ ରୋଡଙ୍ଗ ଗ୍ରାମର ୧୭୧, ବାଲିବୋ ପଞ୍ଚାୟତ ଅରିଲୋ ଦଧିସିଙ୍ଗା ଗ୍ରାମର ୫୩, ସୁରପ୍ରତାପପୁର ପଞ୍ଚାୟତ କାଶୀପୁର ଗ୍ରାମର ୫୦, ମାର୍ଥାପୁର ପଞ୍ଚାୟତ ମାଳପୁରା ଗ୍ରାମର ୧୫୦, ଭୂଷଳ ପଞ୍ଚାୟତ ଜୟପୁର ଗ୍ରାମର ୧୫୧୯ ଜଣ ପାଣି ଘେରରେ ରହିଥିଲେ। ସମସ୍ତଙ୍କୁ ଉଦ୍ଧାର କରାଯାଇଛି। ବନ୍ୟା ବିପନ୍ନଙ୍କୁ ରିଲିଫ୍‌ ପ୍ରଦାନ କରାଯାଇଛି। ବ୍ଲକର ୧୪୦୦ ହେକ୍ଟର ଜମିରେ ଫସଲ କ୍ଷତି ହୋଇଛି। କେତେକ ସ୍ଥା

ନୂଆଦିଲ୍ଲୀ,୩୦।୮: ବୋର୍ଡ ରିପୋର୍ଟରେ ଅସଙ୍ଗତି କିମ୍ବା ବାର୍ଷିକ ସାଧାରଣ ବୈଠକ(ଏଜିଏମ୍‌)ରେ ବିଳମ୍ବ ହେଲେ ଜେଲ୍‌ ଦଣ୍ଡ ଭୋଗିବାକୁ ପଡିବ ନ ପାରେ। ଜିଏସ୍‌ଟିର ବିଭିନ୍ନ ଆଇନକୁ ଅଣଆପରାଧିକ କରିବା ଦିଗରେ ସରକାର ପଦକ୍ଷେପ ନେବେ। ଦେଶ ମଧ୍ୟରେ ଇଜ୍‌ ଅଫ୍‌ ଡୁଇଁ ବିଜନେସ ବା ବାଣିଜ୍ୟ ସୁବିଧାକୁ ତ୍ୱରାନ୍ବିତ କରିବା ଲାଗି ସରକାର କେତେକ ନୂଆ ପଦକ୍ଷେପ ନେବେ ବୋଲି ଜଣାପଡିଛି। କମ୍ପାନୀ ଆଇନ ପରେ ସରକାର ଜିଏସ୍‌ଟି ଆଇନରେ ରହିଥିବା ବିଭିନ୍ନ ଅସୁବିଧା ଦୂରୀକରଣ ଦିଗରେ କାର୍ଯ୍ୟପନ୍ଥା ଗ୍ରହଣ କରିବେ ବୋଲି ଏକ ରିପୋର୍ଟରେ ପ୍ରକାଶ ପାଇଛି। ଜିଏସ୍‌ଟି ଆଇନରେ ରହିଥିବା ବିଭିନ୍ନ ଆପରାଧିକ ଦିଗକୁ ବିଚାର କରିବାକୁ ସରକାର ଯୋଜନା ରଖିଛନ୍ତି। ଏ ନେଇ କେନ୍ଦ୍ରୀୟ ପରୋକ୍ଷ ଟିକସ ଏବଂ ସୀମା ଶୁଳ୍କ ବୋର୍ଡ(ସିବିଆଇସି) ଅଧିକାରୀଙ୍କର ଏକ କମିଟି ଗଠନ କରାଯାଇଛି। ଏହି କମିଟି ଅଂଶୀଦାରଙ୍କ ସହ ବିଭିନ୍ନ ଆଲୋଚନା କରିବ। ଶିଳ୍ପ କ୍ଷେତ୍ରର ମଧ୍ୟ ପ୍ରସ୍ତାବ ଗ୍ରହଣ କରାଯିବ। ଏହାବାଦ ଚୂଡାନ୍ତ ରିପୋର୍ଟକୁ କ୍ୟାବିନେଟ ନିକଟକୁ ପଠାଯିବ ବୋଲି ଜଣାପଡିଛି। ଏ ସମ୍ପର୍କରେ ଜିଏସ୍‌ଟି ମହାନିର୍ଦ୍ଦେଶାଳୟ ପକ୍ଷରୁ ଦେଶର ଶିଳ୍ପ ସଂଘଗୁଡିକୁ ଚିଠି ଲେଖାଯାଇଛି। ଇଜ ଅଫ୍‌ ଡୁଇଁ ବିଜନେସକୁ ଉତ୍ସାହିତ କରିବା ଦିଗରେ ବିଭିନ୍ନ ଦିଗ ଉପରେ ଆଲୋଚନା କରାଯିବ ବୋଲି ଚିଠିରେ ଉଲ୍ଲେଖ ରହିଛି। ଜିଏସ୍‌ଟି ନିୟମକୁ ବ୍ୟାପକ କରିବା ଏବଂ ଆପରାଧିକ ନିୟମଗୁଡିକ

ବ୍ରହ୍ମପୁର ଅଫିସ,୩୦ା୮- ବ୍ରହ୍ମପୁର ବିଶ୍ୱବିଦ୍ୟାଳୟ ପକ୍ଷରୁ ଯୁକ୍ତ ୩ କଳା, ବାଣିଜ୍ୟ, ବିଜ୍ଞାନ ୬ଷ୍ଠ ସେମିଷ୍ଟର ପରୀକ୍ଷା ଫଳ ଶନିବାର ପ୍ରକାଶ ପାଇଛି। କୁଳପତି ପ୍ରଫେସର ଗୋବିନ୍ଦ ଜେ. ଚକ୍ରପାଣି ଫଳ ଘୋଷଣା କରିଛନ୍ତି ା ଚଳିତ ବର୍ଷ ପାସ୍‌ ହାର ୯୧.୭୩ ପ୍ରତିଶତ ଥିବା ବିଶ୍ୱବିଦ୍ୟାଳୟ ପକ୍ଷରୁ ସୂଚନା ମିଳିଛି। କଳା, ବାଣିଜ୍ୟ, ବିଜ୍ଞାନରେ ମୋଟ ୨୦୭୦୪ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ସେଥିମଧ୍ୟରୁ ୧୮୯୯୧ ପାସ୍‌ କରିଛନ୍ତି। ସେଥିରୁ କଳାରେ ୧୪୦୭୪ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ୧୩୨୦୭ ଜଣ ପାସ୍‌ କରିଛନ୍ତି। ସେହିପରି ବିଜ୍ଞାନରେ ୫୫୪୧ପରୀକ୍ଷା ଦେଇଥିବା ବେଳେ ୪୮୦୨ ପାସ୍‌ କରିଛନ୍ତି। ବାଣିଜ୍ୟରେ ୧୦୮୯ ପରୀକ୍ଷା ଦେଇଥିବା ବେଳେ ସେଥିରୁ ୯୮୨ ପାସ କରିଥିବା ବିଶ୍ୱବିଦ୍ୟାଳୟ ପକ୍ଷରୁ ସୂଚନା ଦିଆଯାଇଛି। ଫଳ ଘୋଷଣା ବେଳେ ଅନ୍ୟମାନଙ୍କ ମଧ୍ୟରେ କୁଳସଚିବ ରଞ୍ଜନ କୁମାର ବିଶ୍ୱାଳ, ପରୀକ୍ଷା ନିୟନ୍ତ୍ରକ ଡ. ସୁରେନ୍ଦ୍ର ସେଠୀ, ସହକାରୀ ନିୟନ୍ତ୍ରକ ଡ. ଆର୍‌ଏନ୍‌ ପାତ୍ରଙ୍କ ସମେତ ସମସ୍ତ କର୍ମଚାରୀ ଉପସ୍ଥିତ ଥିଲେ। The post ଯୁକ୍ତ ୩ କଳା, ବାଣିଜ୍ୟ, ବିଜ୍ଞାନ ଫଳ ପ୍ରକାଶିତ appeared first on Dharitri Odia News .

ଗଞ୍ଜାମ,୩୦ା୮(ଡି.ଏନ୍‌.ଏ.)- ରମ୍ଭା ଥାନା ଗଞ୍ଜାମ ବ୍ଲକ ଗଡ଼ହୁମ୍ମାରେ ଶନିବାର ଏକ ଅଭାବନୀୟ ଘଟଣା ଘଟିଛି। ବାର୍‌ହା ପାଇଁ ବସା ଯାଇଥିବା ଫାଶରେ ଲାଗି ସାନର ମୃତ୍ୟୁ ହୋଇଥିବାବେଳେ ବଡ ଗୁରୁତର ହୋଇଛି। ମୃତକ ହେଲେ ଲକ୍ଷ୍ମଣ ଜେନା(୨୮)। ବଡ଼ ପୁଅ ରାଜୁ (୩୦) ଆହତ ହୋଇଛନ୍ତି। ଏକ ଆକ୍ରମଣ ମାମଲାକୁ ନେଇ ଲକ୍ଷ୍ମଣ ଓ ରାଜୁଙ୍କ ନାମରେ ହୁମ୍ମା ଫାଣ୍ଡିରେ ଏତଲା ହୋଇଥିଲା। ଶନିବାର ଅପରାହ୍ନରେ ପୋଲିସ ଭୟରେ ୨ ଭାଇ ନିକଟସ୍ଥ ପାହାଡ଼ରେ ଲୁଚିବାକୁ ଯାଇଥିବାବେଳେ ବାର୍‌ହା ଶୀକାର ପାଇଁ ବସାଯାଇଥିବା ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଯାଇଥିଲେ। ଲକ୍ଷ୍ମଣଙ୍କ ମୃତ୍ୟୁ ହୋଇଥିବାବେଳେ ରାଜୁଙ୍କୁ ଉଦ୍ଧାର କରି ଛତ୍ରପୁର ଗୋଷ୍ଟୀ ସ୍ବାସ୍ଥ୍ୟକେନ୍ଦ୍ର ଓ ପରେ ବ୍ରହ୍ମପୁର ବଡ଼ମେଡିକାଲକୁ ସ୍ଥାନାନ୍ତର କରାଯାଇଛି। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଚଳାଇଛି। The post ପୋଲିସକୁ ଡରି ଲୁଚିଥିଲେ,ବାର୍‌ହା ଫାଶରେ ଜୀବନ ଗଲା: ସାନ ମୃତ, ବଡଭାଇ ଗୁରୁତର appeared first on Dharitri Odia News .

ନୂଆଦିଲ୍ଲୀ,୩୦।୮: ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ୍‌ (ଆର୍‌ଆଇଏଲ୍‌)ର ଅଂଶ ବିଶେଷ ରିଲାଏନ୍ସ ରିଟେଲ୍‌ ଭେଞ୍ଚର ଲିମିଟେଡ୍‌ ଫ୍ୟୁଚର ଗ୍ରୁପର ରିଟେଲ, ହୋଲ୍‌ସେଲ ବାଣିଜ୍ୟ ସମେତ ଲଜିଷ୍ଟିକ ଏବଂ ଓ୍ବେରହାଉସିଂ ବିଜନେସ୍‌କୁ ଅଧିଗ୍ରହଣ କରିବ। ଏ ନେଇ କମ୍ପାନୀ ପକ୍ଷରୁ ଶନିବାର ଘୋଷଣା କରାଯାଇଛି। ଏହି ଡିଲ୍‌ ୨୪,୭୧୩ କୋଟି ଟଙ୍କା ବିନିୟମରେ ହେଉଥିବା ଜଣାପଡିଛି। ଫ୍ୟୁଚର ଗ୍ରୁପର ରିଟେଲ କାରବାର ‘ବିଗ୍‌ ବଜାର’ ଲୋକଙ୍କ ମଧ୍ୟରେ ବେଶ ଲୋକପ୍ରିୟ ଥିବା ବେଳେ ଋଣ ଭାର ଯୋଗୁ କମ୍ପାନୀ ଚିନ୍ତାରେ ରହିଥିଲା। ଅପରପକ୍ଷରେ ରିଲାଏନ୍ସ ରିଟେଲ ମଧ୍ୟ ଏହି ବର୍ଗରେ ନିଜର ଏକ ଦୃଢ ସ୍ଥିତି ବଜାୟ ରଖିବାକୁ ଯୋଜନା କରୁଛି। ଏହି ଅଧିଗ୍ରହଣ ଦ୍ୱାରା ରିଲାଏନ୍ସ ଭାରତରେ ଏହାର ରିଟେଲ କାରବାରକୁ ଅଧିକ ଦୃଢ କରିବାରେ ସହାୟକ ହେବ ବୋଲି ବଜାର ବିଶେଷଜ୍ଞ ସୂଚନା ଦେଇଛନ୍ତି। The post ଫ୍ୟୁଚର ଗ୍ରୁପ କାରବାର ଅଧିଗ୍ରହଣ କରିବ ରିଲାଏନ୍ସ ରିଟେଲ୍‌ appeared first on Dharitri Odia News .

ନୂଆଦିଲ୍ଲୀ,୩୦।୮: ସାମଗ୍ରୀ ଓ ସେବା ଟିକସ (ଜିଏସ୍‌ଟି) କ୍ଷତିପୂରଣ ଆବଶ୍ୟକତା ପୂରଣ ଲାଗି କେନ୍ଦ୍ର ସରକାର ରାଜ୍ୟଗୁଡିକୁ ୨ ବିକଳ୍ପ ପ୍ରଦାନ କରିଛନ୍ତି। ୪୧ତମ ଜିଏସ୍‌ଟି ପରିଷଦ ବୈଠକରେ ଏ ସମ୍ପର୍କରେ ଆଲୋଚନା କରାଯାଇଥିଲା। ଏ ସମ୍ପର୍କରେ ଶନିବାର ରାଜ୍ୟଗୁଡିକ କେନ୍ଦ୍ର ପକ୍ଷରୁ ଅବଗତ କରାଯାଇଛି। ରାଜ୍ୟଗୁଡିକ କେଉଁ ବିକଳ୍ପ ଗ୍ରହଣ କରିବାକୁ ଚାହୁଁଛନ୍ତି ସେ ସମ୍ପର୍କରେ ୭ ଦିନ ମଧ୍ୟରେ ଜଣାଇବାକୁ ସମୟ ଦିଆଯାଇଛି। ଏ ସଂକ୍ରାନ୍ତରେ ରାଜ୍ୟ ଅର୍ଥ ସଚିବ ଏବଂ କେନ୍ଦ୍ର ଅର୍ଥ ସଚିବ, କେନ୍ଦ୍ର ବ୍ୟୟ ସଚିବଙ୍କ ମଧ୍ୟରେ ସେପ୍ଟେମ୍ବର ପହିଲାରେ ଏକ ବୈଠକ ଅନୁଷ୍ଠିତ ହେବ। ବିଭିନ୍ନ ପ୍ରସଙ୍ଗ ଉପରେ ସ୍ପଷ୍ଟତା ଲାଗି ଏହା ଆୟୋଜନ କରାଯିବ ବୋଲି ଜଣାପଡିଛି। ସୂଚନାଯୋଗ୍ୟ,କୋଭିଡ୍‌ ଯୋଗୁ ଜିଏସ୍‌ଟି ରାଜସ୍ବ ପ୍ରଭାବିତ ହୋଇଛି। ରାଜ୍ୟଗୁଡିକୁ କ୍ଷତିପୂରଣ ଦେବା ଲାଗି କେନ୍ଦ୍ର ନିକଟରେ ଅର୍ଥ ନାହିଁ। ରାଜ୍ୟ ଏବଂ କେନ୍ଦ୍ର ମଧ୍ୟରେ ଏ ନେଇ ଟଣାଓଟରା ଲାଗି ରହିଛି। ଜିଏସ୍‌ଟି ପରିଷଦ ବୈଠକରେ ଏହି ଦୁଇ ବିକଳ୍ପ ନେଇ ଆଲୋଚନା ହୋଇଛି। କେଉଁ ଉପାୟ ଆଗାମୀ ଦିନରେ ଗ୍ରହଣ କରାଯାଉଛି ତାହା ଦେଖିବାକୁ ବାକି ରହିଲା। The post କ୍ଷତିପୂରଣ ବିକଳ୍ପ ନେଇ ରାଜ୍ୟଗୁଡିକୁ ଅବଗତ କରାଗଲା appeared first on Dharitri Odia News .

ନୂଆଦିଲ୍ଲୀ,୩୦।୮(ପି.ଟି.): ଜାତୀୟ କ୍ରୀଡ଼ା ପୁରସ୍କାର ଅର୍ଥ ରାଶିରେ ଆଶାତୀତ ବୃଦ୍ଧି କରାଯାଇଛି। ଏ ନେଇ କେନ୍ଦ୍ର କ୍ରୀଡ଼ାମନ୍ତ୍ରୀ କିରେନ୍‌ ରିଜିଜୁ ଶନିବାର ଆନୁଷ୍ଠାନିକ ଭାବେ ଘୋଷଣା କରିଛନ୍ତି। ତେବେ ୭ଟିରୁ ୪ଟି ବର୍ଗରେ ପୁରସ୍କାର ଅର୍ଥରାଶି ବୃଦ୍ଧି କରାଯାଇଛି। ଦେଶର ସର୍ବୋଚ୍ଚ କ୍ରୀଡ଼ା ସମ୍ମାନ ବିବେଚିତ ହେଉଥିବା ରାଜୀବ ଗାନ୍ଧୀ ଖେଳ ରତ୍ନ ପୁରସ୍କାର ରାଶି ପୂର୍ବରୁ ୭.୫ ଲକ୍ଷ ଟଙ୍କା ଥିଲା। ତେବେ ଏହାକୁ ଏଥର ବୃଦ୍ଧି କରାଯାଇ ୨୫ ଲକ୍ଷ ଟଙ୍କା ରଖାଯାଇଛି। ସେହିପରି ଅଜୁର୍ନ ପୁରସ୍କାର ୫ରୁ ୧୫ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି। ଦ୍ରୋଣାଚାର୍ଯ୍ୟ (ଲାଇଫ୍‌ଟାଇମ୍‌) ପୁରସ୍କାର ରାଶି ୫ରୁ ୧୫ ଲକ୍ଷକୁ ବୃଦ୍ଧି କରାଯାଇଛି। ତେବେ ଦ୍ରୋଣାଚାର୍ଯ୍ୟ (ରେଗୁଲାର) ବିଜେତାମାନେ ଏଥର ୫ ବଦଳରେ ୧୦ ଲକ୍ଷ ଟଙ୍କା ପୁରସ୍କାର ହାସଲ କରିବେ। ଅନ୍ୟପଟେ ଧ୍ୟାନଚାନ୍ଦ ପୁରସ୍କାର ରାଶିକୁ ୫ରୁ ୧୦ ଲକ୍ଷକୁ ବୃଦ୍ଧି କରାଯାଇଛି। ଚଳିତ ବର୍ଷଠାରୁ ଏହି ବର୍ଦ୍ଧିତ ଅର୍ଥରାଶି ପୁରସ୍କାର ବିଜେତାଙ୍କୁ ପ୍ରଦାନ କରାଯିବ। ପୂର୍ବରୁ ୨୦୦୮ରେ ପୁରସ୍କାର ଅର୍ଥରାଶି ନେଇ ଶେଷଥର ପାଇଁ ସମୀକ୍ଷା ହୋଇଥିଲା। ପ୍ରତ୍ୟେକ ୧୦ ବର୍ଷରେ ପୁରସ୍କାର ଅର୍ଥରାଶି ନେଇ ସମୀକ୍ଷା ହେବାର ନିୟମ ରହିଛି। ଅନ୍ୟ କ୍ଷେତ୍ରରେ ପେସାଦାର କାର୍ଯ୍ୟକର୍ତ୍ତାଙ୍କ ରୋଜଗାରରେ ବୃଦ୍ଧି ହେଉଛି। ତେଣୁ କ୍ରୀଡ଼ାବିତଙ୍କର କାହିଁକି ହେବ ନାହିଁ ବୋଲି ରିଜିଜୁ କହିଛନ୍ତ

ବାଙ୍ଗାଲୋର,୩୦।୮: କୋଭିଡ୍‌-୧୯ ସଂକ୍ରମଣ କାରଣରୁ ସାରା ବିଶ୍ୱରେ ଆର୍ଥିକ ମାନ୍ଦାବସ୍ଥା ସହ ବଜାରରେ ସମସ୍ୟା ସୃଷ୍ଟି ହୋଇଛି। ବିଶ୍ୱର ପ୍ରମୁଖ କମ୍ପାନୀ କୋକାକୋଲା ବର୍ତ୍ତମାନ ବିଭିନ୍ନ ସମସ୍ୟା ସାମ୍ନା କରୁଛି। ଏଥିଲାଗି କମ୍ପାନୀ ଆମେରିକା ସମେତ ଅନ୍ୟ ୟୁନିଟରୁ ମଧ୍ୟ ପ୍ରାୟ ୪ହଜାର କର୍ମଚାରୀଙ୍କୁ ଛଟେଇ କରିଥିବା ସୂଚନା ମିଳିଛି। ମହାମାରୀ ଯୋଗୁ ବିଭିନ୍ନ ସ୍ଥାନରେ ଲକ୍‌ଡାଉନ କଟକଣା ଜାରି ରହିଛି। ଫଳରେ କମ୍ପାନୀର ବାଣିଜି୍ୟକ କାରବାର ହ୍ରାସ ହେବା ସହ ଏହା ସମସ୍ୟା ଦେଇ ଗତି କରୁଛି। ଏ ସମ୍ପର୍କରେ କମ୍ପାନୀ ପକ୍ଷରୁ କୁହାଯାଇଛି ଯେ, ଗତ କିଛିଦିନ ମଧ୍ୟରେ ୪ଟି ଭୌଗୋଳିକ ପରିସୀମା ମଧ୍ୟରେ ୯ଟି ଅପରେଟିଂ ୟୁନିଟ ସହ ୧୭ଟି ବାଣିଜି୍ୟକ କେନ୍ଦ୍ରରୁ ଏହି ଛଟେଇ କରାଯାଇଛି। ମହାମାରୀ କାରଣରୁ କମ୍ପାନୀ ବିଭିନ୍ନ ସମସ୍ୟାରେ ସମ୍ମୁଖୀନ ହେବା ସହ ପ୍ରାୟ ୩୫୦ରୁ ୫୫୦ ମିଲିୟନ ଡଲାର କ୍ଷତି ସହିଥିବା ଅନୁମାନ କରାଯାଉଛି। The post କୋକାକୋଲାରୁ ୪ହଜାର ଛଟେଇ appeared first on Dharitri Odia News .

ନୂଆଦିଲ୍ଲୀ ୩୦। ୮ (ପି.ଟି.): କୋଭିଡ୍‌-୧୯ ମହାମାରୀ କାରଣରୁ ପ୍ରଥମଥର ଭର୍ଚୁଆଲ ଉତ୍ସବରେ ଜାତୀୟ କ୍ରୀଡ଼ା ପୁରସ୍କାର ପ୍ରଦାନ କରାଯାଇଛି। ଶନିବାର ରାଷ୍ଟ୍ରପତି ରାମନାଥ କୋବିନ୍ଦ ବିଭିନ୍ନ ସହରରେ ଥିବା ଆଥଲେଟ୍‌ମାନଙ୍କୁ ପୁରସ୍କୃତ କରିଛନ୍ତି। ୭୪ଜଣ ବିଜେତାଙ୍କ ମଧ୍ୟରୁ ୬୦ଜଣ କ୍ରୀଡ଼ାବିତ୍‌ ଭର୍ଚୁଆଲ ଉତ୍ସବରେ ଯୋଗ ଦେଇଥିଲେ। ଏହି କ୍ରୀଡ଼ାବିତ୍‌ମାନେ ବିଭିନ୍ନ ସାଇ ସେଣ୍ଟରରେ ଉପସ୍ଥିତ ରହି ପୁରସ୍କାର ଗ୍ରହଣ କରିଥିଲେ। କ୍ରିକେଟର ରୋହିତ ଶର୍ମା ଖେଳରତ୍ନ ଓ ଈଶାନ୍ତ ଶର୍ମା ଅର୍ଜୁନ ପୁରସ୍କାର ଗ୍ରହଣ କରିବାକୁ ଅନୁପସ୍ଥିତ ଥିଲେ। ୟୁନାଇଟେଡ ଆରବ ଏମିରେଟ୍ସ (ୟୁଏଇ)ରେ ଆୟୋଜନ ହେବାକୁ ଥିବା ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ପ୍ରତିବଦ୍ଧତା ପାଇଁ ଏହି ଦୁଇ କ୍ରିକେଟର ଅନୁପସ୍ଥିତ ଥିଲେ। ସେହିପରି ମହିଳା ତାରକା ରେସଲର ଭିନେଶ ଫୋଗତ୍‌ ଖେଳରତ୍ନ ଓ ବ୍ୟାଡମିଣ୍ଟନ ଖେଳାଳି ସାତ୍ତ୍ୱିକସାଇରାଜ ରାଙ୍କିରେଡ୍ଡୀ ଅର୍ଜୁନ ପୁରସ୍କାର ଗ୍ରହଣ କରିବାକୁ ଅନୁପସ୍ଥିତ ଥିଲେ। କୋଭିଡ୍‌-୧୯ ପଜିଟିଭ୍‌ ହେବା କାରଣରୁ ଏହି ଦୁଇ ଖେଳାଳି ଉତ୍ସବରେ ଅନୁପସ୍ଥିତ ଥିଲେ। ତେବେ ଅନ୍ୟ ୩ ଖେଳରତ୍ନ ବିଜେତା ଟିଟି ଖେଳାଳି ମନିକା ବାତ୍ରା, ପାରାଅଲିମ୍ପିକ୍‌ ଗୋଲ୍ଡ ମେଡାଲିଷ୍ଟ ମାରିୟାପ୍ପାନ ଥଙ୍ଗାଭେଲୁ ଓ ମହିଳା ହକି ଅଧିନାୟିକା ରାନୀ ରାମପଲ ଏହି ଭର୍ଚୁଆଲ ଉତ୍ସବରେ ଯୋଗ ଦେଇଥିଲେ। ବାତ୍ରା ପୁଣେରୁ, ଥଙ୍ଗାଭେଲୁ ଓ ରାମପାଲ ବେଙ୍ଗାଲ

ବଲାଙ୍ଗୀର ଅଫିସ, ୩୦ା୮:  ଲୋୟର ସୁକ୍‌ତେଲ ପ୍ରକଳ୍ପକୁ ନେଇ ପ୍ରକଳ୍ବ ପ୍ରଭାବିତ ବୁଡି ଅଞ୍ଚଳବାସୀଙ୍କ ସହ ପୂର୍ବତନ ଏମ୍‌ପି କଲିକେଶ ନାରାୟଣ ସିଂଦେଓ ଶନିବାର ଶୈଳଶ୍ରୀ ପ୍ୟାଲେସରେ ଆଲୋଚନା କରିଛନ୍ତି। ବୁଡିଅଞ୍ଚଳ ଅଗ୍ରଗାମୀ ସଂଘ ସଭାପତି ଉପେନ୍ଦ୍ର ସାହୁ, ଦିଲୀପ ନାଏକ ଓ ପ୍ରେମାନନ୍ଦ ସାହୁଙ୍କ ନେତୃତ୍ୱରେ ପ୍ରକଳ୍ପ ପ୍ରଭାବିତ ଗଁାରୁ ଆସିଥିବା ଲୋକମାନେ କଲିକେଶଙ୍କୁ ସେମାନଙ୍କ ସମସ୍ୟା ଜଣାଇଥିଲେ। ୧ ଜାନୁୟାରୀ ୨୦୨୦ ପର୍ଯ୍ୟନ୍ତ ସର୍ଭେ କରାଯାଇ ବିସ୍ଥାପିତ ହେବାକୁ ଥିବା ଲୋକଙ୍କୁ ଉଚିତ୍‌ କ୍ଷତିପୂରଣ ଓ ଥଇଥାନ, ପ୍ରକଳ୍ପ କାର୍ଯ୍ୟାଳୟ ପାଇଁ ଉର୍ଦ୍ଦିଷ୍ଟ ବିଭିନ୍ନ ପଦବୀ ପୂରଣ କରିବାକୁ ବୁଡି ଅଞ୍ଚଳବାସୀ ଦାବି କରିଥିଲେ । ବୁଡିଅଞ୍ଚଳବାସୀଙ୍କ ସମସ୍ୟାଙ୍କୁ ମୁଖ୍ୟମନ୍ତ୍ରୀଙ୍କୁ ଅବଗତ କରି ସମାଧାନ ସହ ପ୍ରକଳ୍ପ କାମ କରାଯିବ ବୋଲି ସେ ପ୍ରତିଶ୍ରୁତି ଦେଇଛନ୍ତି। ଏହି ଆଲୋଚନା ବୈଠକରେ ଯୁବନେତା ଅର୍କେଶ ନାରାୟଣ ସିଂଦେଓ, ପ୍ରଦୀପ ଗୁରୁ, କୁଳମଣି ମେହେର, କୈଲାସ ମହାନ୍ତି, ଅରୁଣ ମିଶ୍ର, ରାଜେନ୍ଦ୍ର ହୋତା ଉପସ୍ଥିତ ଥିଲେ। The post ଲୋୟର ସୁକ୍‌ତେଲ ପ୍ରକଳ୍ପ: ବୁଡି ଅଞ୍ଚଳବାସୀଙ୍କ ସହ ପୂର୍ବତନ ଏମ୍‌ପିଙ୍କ ଆଲୋଚନା appeared first on Dharitri Odia News .

ଭୁବନେଶ୍ୱର, ୩୦।୮(କ୍ରୀଡ଼ା ପ୍ରତିନିଧି)- ଜାତୀୟ କ୍ରୀଡ଼ା ଦିବସ ଅବସରରେ ଶନିବାର ଚେସ୍‌ ଗୁରୁ ତଥା ଏସଆର ଚେସ୍‌ ସେଣ୍ଟର ନିର୍ଦ୍ଦେଶକ ସତ୍ୟରଞ୍ଜନ ପଟ୍ଟନାୟକ ଶ୍ରେଷ୍ଠ କୋଚ୍‌ ଭାବେ ବିଜୁପଟ୍ଟନାୟକ କ୍ରୀଡ଼ା ପୁରସ୍କାର ପାଇଛନ୍ତି। ଏହି ସମ୍ମାନଜନକ ପୁରସ୍କାର ପାଇବାରେ ସେ ପ୍ରଥମ ଚେସ୍‌ କୋଚ୍‌। ଏହି ଅବସରରେ ତାଙ୍କର ସହ ଏକ ସ୍ବତନ୍ତ୍ର ସାକ୍ଷାତକାର.. ରାଜ୍ୟର ଶ୍ରେଷ୍ଠ କୋଚ୍‌ ପୁରସ୍କାର ପାଇବାପରେ କିପରି ଅନୁଭବ ରହିଛି ? ଉ: ମୋ ସାଧନାକୁ ସ୍ବୀକୃତି ମିଳିଥିବାରୁ ରାଜ୍ୟ ସରକାରଙ୍କୁ ଗଭୀର କୃତଜ୍ଞତା ଜ୍ଞାପନ କରୁଛି। ବିଶେଷ କରି ଏହି ପୁରସ୍କାର ରାଜ୍ୟରେ ଚେସ୍‌ର ମାନ, ସମ୍ମାନ ଓ ମର୍ଯ୍ୟାଦା ବଢ଼ାଇବାରେ ବହୁତ ସହାୟକ ହେବ। ଚେସ୍‌କୁ ଓଡ଼ିଶା ସରକାର ପୁଣିଥରେ ବିଶ୍ୱାସକୁ ନେଇଛନ୍ତି, ରେକୋଗନାଇଜ୍‌ କରିଛନ୍ତି। ଏବେ ପୂରା ଚେସ୍‌ ମହଲରେ ଖୁସିର ଲହରି ଖେଳିଯାଇଛି ଏବଂ ମୁଁ ମଧ୍ୟ ଖୁବ୍‌ ଆନନ୍ଦିତ। ଆପଣଙ୍କର ନିଷ୍ଠାପର କାର୍ଯ୍ୟକୁ ଏହା ଏକ ସ୍ବୀକୃତି ବୋଲି ଭାବୁଛନ୍ତି କି ? ଉ: ମୁଁ ୧୯୯୭ରୁ ଦୀର୍ଘ ୨୦ରୁ ୨୫ ବର୍ଷଧରି ମୁଁ ପେସାଦାର ଭାବରେ କୋଚିଂ ଲାଇନ୍‌ରେ ରହିଛି। ସେ ଦିନରୁ ଆରମ୍ଭ ହୋଇଥିବା ସିଦ୍ଧି ଓ ସଧନା ଏବଂ ନିଷ୍ଠାପରଭାବେରେ ପିଲାମାନଙ୍କୁ ଦେଇଥିବା ପ୍ରଶିକ୍ଷଣର ଏହା ହୋଇପାରେ ଏକ ବଡ଼ ସ୍ବୀକୃତି। ମୁଁ ପ୍ରାରମ୍ଭିକ ପର୍ଯ୍ୟାୟରେ ପ୍ରଶିକ୍ଷଣ ଦେଇଥିବା ଗ୍ରାଣ୍ଡମାଷ୍ଟର ଦେବାଶିଷ ଦାସ, ସ୍ବୟମ୍ସ ମିଶ୍

ମାଞ୍ଚେଷ୍ଟର,୩୦।୮(ଏପି): ସ୍ଥାନୀୟ ଓଲ୍ଡ ଟ୍ରାଫୋର୍ଡ ଗ୍ରାଉଣ୍ଡରେ ଶୁକ୍ରବାର ଇଂଲଣ୍ଡ ଓ ଭ୍ରମଣକାରୀ ପାକିସ୍ତାନ ମଧ୍ୟରେ ଖେଳାଯାଇଥିବା ପ୍ରଥମ ଟି୨୦ ମ୍ୟାଚ୍‌ ବର୍ଷା କାରଣରୁ ପୂରା ଖେଳାଯାଇପାରି ନାହିଁ। ଫଳରେ ବିନା ଫଳାଫଳରେ ମ୍ୟାଚ୍‌ ଶେଷ ହୋଇଛି। ଟସ୍‌ ଜିତି ପାକିସ୍ତାନ ଇଂଲଣ୍ଡକୁ ବ୍ୟାଟିଂ ପାଇଁ ଆମନ୍ତ୍ରଣ କରିଥିଲା। ପ୍ରଥମେ ବ୍ୟାଟିଂ କରି ଇଂଲଣ୍ଡ ୧୬.୧ ଓଭରରେ ୬ ଉଇକେଟ ହରାଇ ୧୩୧ ରନ କରି ସ୍କୋରକୁ ଆଗେଇ ନେଉଥିବା ବେଳେ ବର୍ଷା ଆରମ୍ଭ ହୋଇଥିଲା। ଏହା ପରେ ଆଉ ଖେଳ ସମ୍ଭବ ହୋଇପାରି ନ ଥିଲା। ଦ୍ୱିତୀୟ ଓ ତୃତୀୟ ଟି୨୦ ଯଥାକ୍ରମେ ରବିବାର ଓ ମଙ୍ଗଳବାର ଏହି ଗ୍ରାଉଣ୍ଡରେ ଖେଳାଯିବ। ଖେଳ ବନ୍ଦ ହେବାବେଳକୁ ସାମ ବିଲିଙ୍ଗ୍ସ ୩ ଓ କ୍ରିସ୍‌ ଜୋର୍ଡାନ ୨ ରନକରି ଅପରାଜିତ ରହିଥିଲେ। ଓପନର ଟମ୍‌ ବାଣ୍ଟନ୍‌ ଧୂଆଁଧାର ବ୍ୟାଟିଂ କରି ୪୨ ବଲ୍‌ର ସମ୍ମୁଖୀନ ହୋଇ ୪ ଚୌକା ଓ ୫ ଛକା ସହ ସର୍ବାଧିକ ୭୧ ରନ ସଂଗ୍ରହ କରିଥିଲେ। ଅନ୍ୟତମ ଓପନର ତଥା ଉଇକେଟକିପର ବ୍ୟାଟ୍ସମ୍ୟାନ ଜନି ବେୟାରଷ୍ଟୋ ମାତ୍ର ୨ ରନକରି ପ୍ୟାଭିଲିୟନ ଫେରିଥିଲେ। ଡଓ୍ବେିଡ୍‌ ମଲାନ ୨୩, ଅଧିନାୟକ ଇଅନ ମୋର୍ଗାନ ୧୪ ରନ କରି ଆଉଟ ହୋଇଥିଲେ ଓ ଅନ୍ୟମାନେ ଦୁଇଅଙ୍କ ଛୁଇଁ ପାରି ନ ଥିଲେ। ମୋଇନ୍‌ ଅଲୀ ୮ ଓ ଲୁଇସ୍‌ ଗ୍ରେଗୋରୀ ୨ ରନ କରି ପ୍ୟାଭିଲିୟନ ଫେରିଥିଲେ। ପ୍ରାରମ୍ଭିକ ଝଟ୍‌କା ସତ୍ତ୍ୱେ ଇଂଲଣ୍ଡ ଏକଦା ଗୋଟିଏ ଉଇକେଟ ହରାଇ ୭୪ ରନ କରି ଭଲ ଆରମ୍ଭ କରିଥିଲା

ଭୁବନେଶ୍ୱର, ୩୦।୮(କ୍ରୀଡ଼ା ପ୍ରତିନିଧି)- ଜାତୀୟ କ୍ରୀଡ଼ା ଦିବସ ଅବସରରେ ରାଜ୍ୟର ନବମ କ୍ରୀଡ଼ାବିତ୍‌ଭାବେ ଶନିବାର ସମ୍ମାନଜନକ ଅର୍ଜୁନ ପୁରସ୍କାରରେ ସମ୍ମାନିତ ହୋଇଛନ୍ତି ସ୍ପ୍ରିଣ୍ଟ କୁଇନ୍‌ ଦୂତୀ ଚାନ୍ଦ। କରୋନା ଭାଇରସ ସଂକ୍ରମଣ କାରଣରୁ ଏଥର ରାଷ୍ଟ୍ରପତି ଭବନରେ ଜାତୀୟ କ୍ରୀଡ଼ା ପୁରସ୍କାର ପ୍ରଦାନ ସମାରୋହ ଅନୁଷ୍ଠିତ ହୋଇପାରି ନ ଥିଲା। ଭର୍ଚୁଆଲ କାର୍ଯ୍ୟକ୍ରମ ମାଧ୍ୟମରେ ଦେଶର ବିଭିନ୍ନ ସ୍ଥାନରେ ରହି କ୍ରୀଡ଼ାବିତ୍‌ମାନେ ରାଜୀବ ଗାନ୍ଧୀ ଖେଳରନତ୍, ଅର୍ଜୁନ, ଦ୍ରୋଣାଚାର୍ଯ୍ୟ ଏବଂ ଧ୍ୟାନଚାନ୍ଦ ପୁରସ୍କାର ଗ୍ରହଣ କରିଥିଲେ। କୋଲକାତାରେ ଏକାଧିକ କ୍ରୀଡ଼ାବିତ୍‌ ପୁରସ୍କାର ପାଇଥିବାରୁ ଜାତୀୟ ରେକର୍ଡଧାରିଣୀ ଓଡ଼ିଶାର ଦୂତୀ ଚାନ୍ଦ ସେଠାରେ ଉପସ୍ଥିତ ରହି ପୁରସ୍କାର ଗ୍ରହଣ କରିଥିଲେ। ରାଷ୍ଟ୍ରପତି ଭବନରେ ରାଷ୍ଟ୍ରପତି ରାମନାଥ କୋବିନ୍ଦ ଏବଂ ନୂଆଦିଲ୍ଲୀସ୍ଥିତ ବିଜ୍ଞାନ ଭବନରେ କ୍ରୀଡ଼ାମନ୍ତ୍ରୀ କିରେନ ରିଜିଜୁ ଓ ଅନ୍ୟ ପଦାଧିକାରୀଙ୍କ ଉପସ୍ଥିତିରେ ଦୂତୀ କୋଲକାତାରେ ଉପସ୍ଥିତ ରହି ଏହି ପୁରସ୍କାର ଗ୍ରହଣ କରିଥିଲେ। ”ଅର୍ଜୁନ ପୁରସ୍କାର ପାଇବାପରେ ଆଗକୁ ଥିବା ପ୍ରତିଯୋଗିତାଗୁଡ଼ିକରେ ଅଧିକ ଭଲ ପ୍ରଦର୍ଶନ କରିବା ପାଇଁ ଚାପ ବଢ଼ିଛି। ଅନେକ ଉତ୍ସାହ ମଧ୍ୟ ମିଳିଛି। ଏହା ହେଉଛି ଏକ ବଡ଼ ସ୍ବୀକୃତି। ଆଗାମୀ ଦିନରେ ବଡ଼ ପ୍ରତିଯୋଗିତାଗୁଡ଼ିକରେ ପଦକ ଜିତି ଦେଶକୁ ଗର୍ବିତ କରିବାର ଦାୟିତ୍ୱ ବଢ଼ିଲା। ମୁଁ ଭାରତର ସମ୍ପତ

ବଇଣ୍ଡା, (ପରିକ୍ଷିତ ସାହୁ) ୩୦ା୮: କୃଷି ଅର୍ଥନୀତିର ପ୍ରମୁଖ ଅଙ୍ଗ ପ୍ରାଣୀ ସମ୍ପଦ। ଗୃହପାଳିତ ପ୍ରାଣୀଙ୍କ ଉପରେ ନିର୍ଭର କରେ ଚାଷୀଙ୍କ ସମୃଦ୍ଧି। ସେଥିପାଇଁ ଚାଷ ସହିତ ପଶୁପାଳନକୁ ଦିଆଯାଉଛି ଗୁରୁତ୍ୱ। ଏହାକୁ ଠିକଣା ଢଙ୍ଗରେ କାର୍ଯ୍ୟକାରୀ କରିବାକୁ ଅନେକ ଯୋଜନା ବି ଅଛି। ହେଲେ ବିଭାଗୀୟ ଅବହେଳା ପାଇଁ ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡରେ ପୀଡ଼ା ଭୋଗୁଛନ୍ତି ଗୃହପାଳିତ ଜୀବଜନ୍ତୁ। ପ୍ରାଣୀ ଚିକିତ୍ସାଳୟରେ ଆବଶ୍ୟକ କର୍ମଚାରୀ ନ ଥିବାରୁ ଠିକ୍‌ ସମୟରେ ରୋଗଣା ଜୀବଙ୍କୁ ମିଳୁନି ସେବା। ତେଣୁ ଗୋ-ମହିଷାଦି ପାଳନରୁ ଚାଷୀ ମୁହଁ ଫେରାଉଥିବା ଅଭିଯୋଗ ହୋଇଛି। ଉପଖଣ୍ଡର ବହୁ ଚାଷୀ ଜୀବିକା ପାଇଁ ଗୃହପାଳିତ ପ୍ରାଣୀ ଉପରେ ନିର୍ଭରଶୀଳ। ହେଲେ ଗୋରୁଙ୍କଠାରେ କୌଣସି ରୋଗ ବ୍ୟାପିଲେ ସେମାନଙ୍କ ଚିନ୍ତା ବଢିଯାଉଛି। ଉପଖଣ୍ଡରେ ଥିବା ପ୍ରାଣୀଧନ ଚିକିତ୍ସାଳୟରେ ଆବଶ୍ୟକ ପ୍ରାଣୀ ଚିକିତ୍ସା ଅଧିକାରୀ, ପ୍ରାଣୀଧନ ନିରୀକ୍ଷକ (ଏଲ୍‌ଆଇ), ଭେଟେରିନାରି ସର୍ଜନ ପ୍ରମୁଖ ପଦବୀ ଫାଙ୍କା ପଡିଥିବାରୁ ରୋଗରେ ପଡୁଥିବା ପ୍ରାଣୀକୁ ଚିକିତ୍ସା ମିଳିପାରୁ ନ ଥିବା ଚାଷୀ ଅଭିଯୋଗ ଆଣିଛନ୍ତି। ସେବା ଯୋଗାଇବାକୁ ଥିବା ଅଧିକାଂଶ ପ୍ରାଣୀଧନ ଚିକିତ୍ସାଳୟରେ ତାଲା ଝୁଲୁଛି। ଅନେକ ଖାଲି ପଦବୀକୁ ଦୀର୍ଘ ଦିନ ହେଲା ପୂରଣ କରାଯାଉ ନ ଥିବାରୁ ଚାଷୀ ଘରୋଇ ପ୍ରାଣୀ ଡାକ୍ତରଙ୍କ ନିକଟକୁ ଯାଇ ଖର୍ଚ୍ଚାନ୍ତ ହେଉଛନ୍ତି। ସୂଚନା ଅନୁଯାୟୀ, ଉପଖଣ୍ଡର ୬ ପ୍ରାଣୀ

ମୁମ୍ବାଇ,୩୦।୮: ରିଜର୍ଭ ବ୍ୟାଙ୍କ ଅଫ୍‌ ଇଣ୍ଡିଆ(ଆର୍‌ବିଆଇ) ଅଗଷ୍ଟ ୩୧ ପରେ ମୋରାଟୋରିୟମ ଅବଧିକୁ ବୃଦ୍ଧି କରି ନ ପାରେ। ଏହା ବଢ଼ାଇବା ଦ୍ୱାରା ବ୍ୟାଙ୍କଗୁଡିକ ଉପରେ ପ୍ରଭାବ ପଡୁଥିବାରୁ ଏପରି ହୋଇ ନ ପାରେ ବୋଲି ଶୁଣାଯାଉଛି। କୋଭିଡ୍‌-୧୯ ଯୋଗୁ ଘରୋଇ ବଜାର ବର୍ତ୍ତମାନ ବିଭିନ୍ନ ସମସ୍ୟା ଦେଇ ଗତି କରୁଛି। ଋଣ ନେଇଥିବା ବ୍ୟକ୍ତିବିଶେଷ ଋଣ କିସ୍ତି ଶୁଝିବାରେ ସମସ୍ୟା ସାମ୍ନା କରୁଥିବାରୁ ସରକାର ମୋରାଟୋରିୟମ ସୁବିଧା ପ୍ରଦାନ କରିଥିଲେ। ମାତ୍ର ଗତ କିଛି ମାସ ହେବ ଲୋକମାନେ ଋଣ କିସ୍ତି ପ୍ରଦାନ କରୁ ନ ଥିବାରୁ ଏହା ବ୍ୟାଙ୍କଗୁଡିକର କ୍ରେଡିଟ୍‌ ବିହେବିଅର ବା ଋଣ ପ୍ରଦାନ ଧାରାକୁ ମଧ୍ୟ ପ୍ରଭାବିତ କରୁଥିବା ଜଣାପଡିଛି। ପ୍ରଦାନ କରାଯାଇଥିବା ଋଣକୁ ବ୍ୟବସ୍ଥିତ କରିବା ମଧ୍ୟ ବ୍ୟାଙ୍କଗୁଡିକ ଲାଗି ସମସ୍ୟା ଉପୁଜୁଛି। ଏଭଳି ସ୍ଥିତିରେ ଅବଧି ଆଉ ଅଧିକ ସମୟ ବଢିଲେ ସ୍ଥିତି ଭିନ୍ନ ହେବ ବୋଲି ପ୍ରକ୍ରିୟା ସହ ଜଡିତ ଜଣେ ଅଧିକାରୀ ନିଜ ନାମ ଗୋପନ ରଖି ଏହା କହିଛନ୍ତି। ମାର୍ଚ୍ଚରେ ରିଜର୍ଭ ବ୍ୟାଙ୍କ ମୋରାଟୋରିୟମ ଘୋଷଣା କରିଥିଲା। ଏହା ୬ ମାସ ଲାଗି ପ୍ରଦାନ କରାଯାଇଛି। କରୋନା ଯୋଗୁ କାରବାର କ୍ଷତି ସହିଥିବା ବ୍ୟକ୍ତି ବିଶେଷ ଏବଂ ବ୍ୟବସାୟୀଙ୍କୁ ଏହା କିଛି ହାରରେ ଆଶ୍ୱସ୍ତି ପ୍ରଦାନ କରିଥିଲା। ଅଗଷ୍ଟ ୩୧ ଯାଏ ଏହି ଅବଧି ରହିଛି। ସୂଚନାଯୋଗ୍ୟ, ଏଚ୍‌ଡିଏଫ୍‌ସି ଲିମିଟେଡ୍‌ ଅଧ୍ୟକ୍ଷ ଦୀପକ ପାରେଖ ଏବଂ କୋଟାକ ମହିନ୍ଦ୍ରା ବ୍ୟ

ଭୁବନେଶ୍ୱର, ୩୦ା୮ (ସ୍ପୋଟର୍‌ସ ବ୍ୟୁରୋ)-ଜାତୀୟ କ୍ରୀଡ଼ା ଦିବସ ଅବସରରେ ଶନିବାର ଜାତୀୟ କ୍ରୀଡ଼ା ପୁରସ୍କାର ପ୍ରଦାନ ଉତ୍ସବ ଭିଡିଓ କନଫରେନ୍ସିଂ ମାଧ୍ୟମରେ ଅନୁଷ୍ଠିତ ହୋଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ କ୍ରୀଡ଼ାମନ୍ତ୍ରୀ ତୁଷାରକାନ୍ତି ବେହେରା ଉଲ୍ଲେଖନୀୟ ସଫଳତା ହାସଲ କରିଥିବା କ୍ରୀଡ଼ା ବ୍ୟକ୍ତିତ୍ୱ ଏବଂ କୋଚ୍‌ମାନଙ୍କୁ ବିଜୁ ପଟ୍ଟନାୟକ ପୁରସ୍କାର ପ୍ରଦାନ କରିଛନ୍ତି। ଜୟନ୍ତୀ ବେହେରା ଓ ଦୀପ୍‌ ଗ୍ରେସ୍‌ ଏକ୍କା ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର ପାଇଛନ୍ତି। ଉଭୟଙ୍କୁ ୨ ଲକ୍ଷ ଟଙ୍କା ଲେଖାଏ ଆର୍ଥିକ ପୁରସ୍କାର ପ୍ରଦାନ କରାଯାଇଛି। ସେହିପରି ବିଜୁ ପଟ୍ଟନାୟକ ସାହସିକ ପୁରସ୍କାର ପାଇଥିବା ପୂର୍ଣ୍ଣିମା ଗିରି ଓ ସବିତା ଗିରି ଏକ ଲକ୍ଷ ଟଙ୍କା ଲେଖାଏ ଆର୍ଥତ୍କ ପୁରସ୍କାର ପାଇଛନ୍ତି। କୋଚିଂରେ ପାରଦର୍ଶିତା ପାଇଁ ବିଜୁପଟ୍ଟନାୟକ ପୁରସ୍କାର ପାଇଛନ୍ତି ସତ୍ୟ ରଞ୍ଜନ ପଟ୍ଟନାୟକ। ସେ ୧ ଲକ୍ଷ ଟଙ୍କା ଆର୍ଥିକ ପୁରସ୍କାର ଗ୍ରହଣ କରିଛନ୍ତି। ଏତଦ୍‌ବ୍ୟତୀତ ଭିନ୍ନକ୍ଷମ କ୍ରୀଡ଼ାବିତ୍‌ଙ୍କୁ କୋଚିଂ ପାଇଁ ଶିବ ପ୍ରସାଦ ଦାସ ୩୨,୫୦,୦୦୦ ଟଙ୍କାର ଆର୍ଥିକ ପୁରସ୍କାର ଲାଭ କରିଛନ୍ତି। ଅନ୍ୟମାନଙ୍କ ମଧ୍ୟରେ ପଦ୍ମିନୀ ରାଉତ, ହୁପି ମାଝି, ରାଜଶ୍ରୀ ମହାପାତ୍ର, ମନୀଷା ମେରେଲ, ପ୍ରତ୍ୟଶା ରାୟ ପ୍ରମୁଖଙ୍କୁ ମଧ୍ୟ ଆର୍ଥିକ ପୁରସ୍କାର ସହ ସମ୍ମାନିତ କରାଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ନୂଆଦିଲ୍ଲୀ/ଦୁବାଇ, ୩୦ା୮ (ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ପୂର୍ବରୁ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ଫ୍ରାଞ୍ଚାଇଜ୍‌ରେ ବିଭ୍ରାଟ ଦେଖା ଦେଇଛି। ଦୁଇଜଣ କ୍ରିକେଟରଙ୍କ ସମେତ ଦଳର ୧୩ଜଣ କୋଭିଡ୍‌-୧୯ ସଂକ୍ରମିତ ହୋଇଥିବା ବେଳେ ଅଲରାଉଣ୍ଡର ସୁରେଶ ରାଇନା ବ୍ୟକ୍ତିଗତ କାରଣ ଦର୍ଶାଇ ଏହି ଟି୨୦ ଲିଗ୍‌ରୁ ଓହରି ଘରବାହୁଡ଼ା କରିଛନ୍ତି। ରାଇନା କିଛିଦିନ ପୂର୍ବେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ। କୋଭିଡ୍‌ -୧୯ ଯୋଗୁ ଏଥର ଆଇପିଏଲ୍‌ ଭାରତରେ ନହୋଇ ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ଆୟୋଜନ ହୋଇଛି। ଟୁର୍ନାମେଣ୍ଟର ମ୍ୟାଚଗୁଡ଼ିକ ଦେଶର ତିନୋଟି ସହରରେ ଖେଳାଯିବ। କୋଭିଡ୍‌ ସଂକ୍ରମିତ ଏବଂ ସେମାନଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନଙ୍କୁ ଦଳର ଅନ୍ୟ ସଦସ୍ୟମାନଙ୍କଠାରୁ ଦୂରେଇ ରଖାଯାଇଛି। କାହା ନିକଟରେ କିନ୍ତୁ କରୋନା ଲକ୍ଷଣ ଦେଖିବାକୁ ମିଳି ନ ଥିଲା। ସମସ୍ତେ ଆଇପିଏଲD ମେଡିକାଲ ଟିମ୍‌ ନଜରରେ ଅଛନ୍ତି। ଟେଷ୍ଟରେ ପଜିଟିଭ୍‌ ଆସିଥିବା ଦୁଇ ଖେଳାଳିଙ୍କ ମଧ୍ୟରୁ ଜଣେ ହ୍ବାଇଟ୍‌ ବଲ୍‌ ଟି୨୦ ସ୍ପେଶାଲିଷ୍ଟ ସିମର ଏବଂ ଅନ୍ୟ ଜଣେ ଭାରତ ଏ’ ଟପ୍‌ ଅର୍ଡର ବ୍ୟାଟ୍ସମ୍ୟାନ। ବୋର୍ଡ କିନ୍ତୁ କୌଣସି ବ୍ୟକ୍ତିଙ୍କ ନାମ ପ୍ରକାଶ କରି ନାହିଁ। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) କହିଛି ୟୁଏଇରେ ଅଂଶଗ୍ରହଣ କରିବାକୁ ଥିବା ସମସ୍ତ ଗ୍ରୁପ୍‌ର ଅଗଷ୍ଟ ୨୦ରୁ ୨୮ ମଧ୍ୟରେ ମୋଟ ୧,୯୮୮ ଆ

ଧରିତ୍ରୀ କାର୍ଟୁନ The post ଧରିତ୍ରୀ କାର୍ଟୁନ – Dharitri Cartoon appeared first on Dharitri Odia News .

ଆକାର ପଟେଲ ସେପ୍ଟେମ୍ବର ପହିଲାରୁ ଆମେ ଅନଲକ୍‌ ୪.୦ ଦେଖିବା। ଏହା କ’ଣ ପାଇଁ ହେଉଛି ମୁଁ ଜାଣିପାରୁନି ଏବଂ ଭାବୁଛି କେହି ବି ବାସ୍ତବରେ ଏହାକୁ ବୁଝିପାରୁ ନ ଥିବେ। ଦେଖିବାକୁ ଗଲେ ଲକ୍‌ଡାଉନ ଓ ଶଟ୍‌ଡାଉନରେ ସବୁକିଛି ବନ୍ଦ କରି କୋଭିଡ୍‌ ସଂକ୍ରମଣ ସମ୍ଭାଳିବା ପାଇଁ ଭାରତ ସରକାର ଚେଷ୍ଟା କରିଆସିଛନ୍ତି। ଲୋକମାନଙ୍କୁ କାର୍ଯ୍ୟକ୍ଷେତ୍ରକୁ ଯିବାକୁ ମନା କରିବା ସହ ଯଦି ସେମାନଙ୍କୁ ପରସ୍ପରଠାରୁ ଦୂରେଇ ରହିିବାକୁ ସରକାର ବାଧ୍ୟ କରନ୍ତି ତେବେ ସଂକ୍ରମଣକୁ ବନ୍ଦ କିମ୍ବା ଧିମା କରାଯାଇପାରିବ। କିନ୍ତୁ କ’ଣ ସବୁ ନିୟମ ଅଣାଯାଉଛି ତାହା ପ୍ରକୃତରେ ମୁଁ ବୁଝିପାରୁନାହିଁ । ଉଦାହରଣ ସ୍ବରୂପ,ଏୟାରଲାଇନ୍‌ ମେ’ଠାରୁ ତା’ କାମ ଆରମ୍ଭ କରିଛି। ୩ ମାସରୁ ଊଦ୍ଧ୍ୱର୍ର୍ ହେବ ଏହା ସେବା ଯୋଗାଇ ଆସିଲାଣି। ଅଧାଯାତ୍ରୀଙ୍କୁ ନେଇ ସବୁ ଫ୍ଲାଇଟ୍‌ ଚାଲିବାକୁ ଅନୁମତି ଦିଆଯାଇଛି। କିନ୍ତୁ ଲକ୍‌ଡାଉନ ଆରମ୍ଭ ହେବା ପରଠାରୁ ଇଣ୍ଡିଆନ୍‌ ରେଲ୍‌ଓ୍ବେ ବନ୍ଦ ରହିଛି। ପ୍ରତିଦିନ ୧୭,୦୦୦ ଟ୍ରେନ୍‌ ଭାରତରେ ଚାଲେ, କିନ୍ତୁ ଏବେ ମାତ୍ର ୨୩୦ଟି ସ୍ବତନ୍ତ୍ର ଟ୍ରେନ୍‌ ଚାଲୁଛି। ସବୁ ଫ୍ଲାଇଟ୍‌ ଚାଲିବାକୁ ସରକାର ଅନୁମତି ଦେଇଥିବା ବେଳେ ସବୁ ଟ୍ରେନ୍‌ ଗଡିବାକୁ ଅନୁମତି ନ ଦେବା କେତେ ଯୁକ୍ତିଯୁକ୍ତ। ବିମାନ ଯାତ୍ରୀମାନେ ବସିବାରେ ୬ ଫୁଟ ଦୂରତା ରଖିପାରିବେ ନାହଁ ବୋଲି ସରକାର ସେମାନଙ୍କୁ ଟ୍ରେନ୍‌ରେ ନ ଯାଇ ବିମାନରେ ଯିବାକୁ ଦେବା ଅପ୍ରାସଙ୍ଗିକ ମନ

ନଟବର ଖୁଣ୍ଟିଆ ପାକୁ କୁହାଯାଏ ‘ଧଳା ସୁନା’। ସୁନା ହେଉଛି ବିଶ୍ୱର ସବୁଠାରୁ ମୂଲ୍ୟବାନ ଧାତୁ। କପା ସେହିପରି ମୂଲ୍ୟବାନ ନ ହେଲେ ବି କପାରୁ ବସ୍ତ୍ର ପ୍ରସ୍ତୁତ କରି ବ୍ୟବହାର ଉପଯୋଗୀ କରିବା ପର୍ଯ୍ୟନ୍ତ ଯେଉଁ ସବୁ ପ୍ରକ୍ରିୟା ଦେଇ ଗତି କରେ ଆଉ ସେହି ପ୍ରକ୍ରିୟାରେ ଯେତେ ସବୁ ଲୋକ କର୍ମ ସଂସ୍ଥାନ ପାଆନ୍ତି ତାକୁ ବିଚାରକୁ ନେଲେ କପା ଏକ ଅତି ମୂଲ୍ୟବାନ ବସ୍ତୁ କହିଲେ ଅତ୍ୟୁକ୍ତି ହେବ ନାହିଁ। ମଣିଷ ଏକ ସାମାଜିକ ପ୍ରାଣୀ। ମଣିଷର ଦୁଇଟି ଅତି ଅତ୍ୟାବଶ୍ୟକ ଆବଶ୍ୟକତା ହେଲା ଖାଦ୍ୟ ଓ ବସ୍ତ୍ର। କପାର ଉପତ୍ାଦନଠାରୁ ଆରମ୍ଭ କରି ବସ୍ତ୍ର ପ୍ରସ୍ତୁତ ହୋଇ ବିକ୍ରୟ ଯୋଗ୍ୟ କରିବା ପରେ ବ୍ୟବହାରକାରୀଙ୍କ ନିକଟରେ ପହଞ୍ଚିବା ପର୍ଯ୍ୟନ୍ତ ଯେଉଁ ସବୁ ପ୍ରକ୍ରିୟା ମଧ୍ୟରେ ଗତି କରେ ସେଗୁଡ଼ିକ ହେଲା – କପାଚାଷ, କପାର ଅମଳ, କପାରୁ ମଞ୍ଜି ବାହାର କରିବା, ତୁଳାକୁ ଚାପ ଦେଇ ଛୋଟଛୋଟ ବ୍ଲକ ପ୍ରସ୍ତୁତ କରି ବିକ୍ରୟ ଯୋଗ୍ୟ କରିବା, ମଞ୍ଜିରୁ ଖାଇବା ତେଲ ବାହାର କରିବା, ମଞ୍ଜି ପେଡ଼ା ହୋଇ ତେଲ ବାହାରିବା ପରେ ଯେଉଁ ପିଡ଼ିଆ ବାହାରେ ତାକୁ ଗୋଖାଦ୍ୟ ପ୍ରସ୍ତୁତିରେ ଉପଯୋଗ କରିବା, ତୁଳା ବ୍ଲକକୁ ଗୋଦାମ ଘରେ ସାଇତି ରଖି ଆବଶ୍ୟକ ବେଳେ ସୂତାକଳକୁ ବିକ୍ରି କରିବା, ସୂତାକଳରେ ସୂତା ପ୍ରସ୍ତୁତ ହେବାପରେ ସେହି ସୂତାକୁ ବୁଣାକାରମାନେ ଓ ମିଲ୍‌ଗୁଡ଼ିକ ନେଇ ଲୁଗା ବୁଣିବା, ବସ୍ତ୍ର ଉପତ୍ାଦନ ହେବା ପରେ ସେହି ବସ୍ତ୍ର ସବୁକୁ ଖାଉଟିମାନଙ୍କ ପା

କୋଭିଡ୍‌-୧୯ ମୁକାବିଲା ଦିଗରେ ଡାକ୍ତରମାନେ ସର୍ବାଧିକ ସେବା କରି ଅନନ୍ୟ ଉଦାହରଣ ସୃଷ୍ଟି କରିପାରିଛନ୍ତି। ଭାରତୀୟ ବଂଶୋଦ୍ଭବ ଡାକ୍ତର ରବି ସୋଲାଙ୍କି ବ୍ରିଟେନ୍‌ରେ କରୋନା ପ୍ରତିହତ କରିବାକୁ ଯାଇ ନେଇଥିବା ପଦକ୍ଷେପ ତାଙ୍କୁ ବ୍ରିଟେନ୍‌ ରୟାଲ ଏକାଡେମୀ ଅଫ୍‌ ଇଞ୍ଜିନିୟରିଂ ପ୍ରେସିଡେଣ୍ଟ୍‌ସ ଆଓ୍ବାର୍ଡ ପାଇବାକୁ ଯୋଗ୍ୟ ବିବେଚିତ କରାଇଛି। ମହାମାରୀ ସମୟରେ ଉଲ୍ଲେଖନୀୟ ଅବଦାନ ନିମନ୍ତେ ବଛାଯାଇଥିବା ୧୯ ଜଣଙ୍କ ମଧ୍ୟରୁ ରବି ସ୍ଥାନ ପାଇଥିବାରୁ ତାଙ୍କ ବ୍ୟକ୍ତିତ୍ୱ ଓ କାର୍ଯ୍ୟଶୈଳୀ ଚର୍ଚ୍ଚାକୁ ଆସିଛି। ଡାକ୍ତର ସୋଲାଙ୍କି ଓ ଇଞ୍ଜିନିୟର ରେମଣ୍ଡ୍‌ ସିମ୍ସ ମିଶି କରି ନ୍ୟାଶନାଲ ହେଲ୍‌ଥ ସର୍ଭିସ (ଏନ୍‌ଏଚ୍‌ଏସ୍‌)ରେ ସ୍ବାସ୍ଥ୍ୟ ବିଶେଷଜ୍ଞଙ୍କୁ ଗୋଟିଏ ମଞ୍ଚରେ ରଖି ସେବା ଯୋଗାଇବା ଲାଗି ଏକ ଓ୍ବେବ୍‌ସାଇଟ୍‌ ବିକଶିତ କରିଛନ୍ତି। ଦାତବ୍ୟ ସଂସ୍ଥା ‘ହେଲ୍‌ଥ କେୟାର ଏକ୍ସଟ୍ରାଅଡିନାରୀ ରେସ୍‌ପନ୍ସ ଅର୍ଗାନାଇଜେଶନ ଏକୁକେଶନ ଆଣ୍ଡ୍‌ ସପୋର୍ଟ’ ଲାଗି ଏହି ମଞ୍ଚ ସୃଷ୍ଟି କରାଯାଇଛି। ଏହାରି ମାଧ୍ୟମରେ ବ୍ରିଟେନ୍‌ରେ ସ୍ବାସ୍ଥ୍ୟକର୍ମୀଙ୍କୁ ସହାୟତା ଦେବା ପାଇଁ କୋଭିଡ୍‌-୧୯ ମୁକାବିଲା ନିମନ୍ତେ ପାଣ୍ଠି ସଂଗ୍ରହ, ପରାମର୍ଶ ଯୋଗାଇ ଦେବା, ଶିଶୁଯତ୍ନ ସହାୟତା ଓ ଅନ୍ୟାନ୍ୟ ସେବା ଯୋଗାଇବା ସମ୍ଭବ ହୋଇପାରିଛି। ଏବର ଜଟିଳ ସ୍ଥିତିରେ ବ୍ରିଟେନ୍‌ର ଏନ୍‌ଏଚ୍‌ଏସ୍‌ ସ୍ବାସ୍ଥ୍ୟ କର୍ମୀଙ୍କୁ ସହାୟତା ଦେବା ଲାଗି ଦାତବ୍ୟ ସଙ୍ଗଠନ ଜରିଆର