ମିଲାନ, ୩୧ା୮(ଏପି)-ସ୍ବିଡିଶ ପ୍ରଫେସନାଲ ଫୁଟ୍ବଲ ଖେଳାଳି ଜ୍ଳାଟାନ ଇବ୍ରାହିମୋଭିଚ୍ ଇଟାଲୀ ଫେରିଛନ୍ତି। ଏସି ମିଲାନ ସହ ନୂଆ ଚୁକ୍ତି କରିବା ଲାଗି ସେ ପ୍ରସ୍ତୁତ ଥିବା କହିଛନ୍ତି। ୩୮ ବର୍ଷୀୟ ଇବ୍ରାହିମୋଭିଚ୍ ୭ ନିୟୁତ ୟୁରୋ (୮.୩ ନିୟୁତ ଡଲାର) ବିନିମୟରେ ଗୋଟିଏ ସିଜନ ପାଇଁ ଚୁକ୍ତି କରିବେ ବୋଲି ଆଶା କରାଯାଉଛି। ସୂଚନାଯୋଗ୍ୟ, ୨୦୧୯-୨୦ ସିଜନରେ ମିଲାନ ଦଳ ତରଫରୁ ସିରି ଏ’ରେ ୧୮ଟି ମ୍ୟାଚ ଖେଳି ୧୦ଟି ଗୋଲ ସ୍କୋର କରିଥିଲେ। ପୁନଶ୍ଚ ୫ଟି ଗୋଲରେ ସେ ସହାୟତା ପ୍ରଦାନ କରିଛନ୍ତି। ୭ ଥର ୟୁରୋପିଆନ ଚାମ୍ପିୟନ ମିଲାନ ଦଳ ଇଟାଲିଆନ ଲିଗ୍ରେ ୬ଷ୍ଠ ସ୍ଥାନ ଅଧିକାର କରିବା ସହ ୟୁରୋପା ଲିଗ୍ ପାଇଁ ଯୋଗ୍ୟତା ଅର୍ଜନ କରିଛି।
The post ନୂଆ ଚୁକ୍ତି ପାଇଁ ଇବ୍ରାହିମୋଭିଚ୍ ପ୍ରସ୍ତୁତ appeared first on Dharitri Odia News.