ମହାମାରୀ କରୋନା ସମୟରେ ସୁରକ୍ଷିତ ରହିବା ଲାଗି ଆମେ ଘରେ ରହୁଥିତ୍ବାବେଳେ ପୁଡୁଚେରୀର ମଣିକନ୍ଦନ କିନ୍ତୁ ଦିନରାତି କୋଭିଡ୍ ସଂକ୍ରମିତଙ୍କ ସେବାରେ ଲାଗିଛନ୍ତି। ସେ ରୁହନ୍ତି ରାମନାଥପୁରମ୍ରେ ଓ ପ୍ରତିଦିନ କୋଭିଡ୍ ପୀଡ଼ିତଙ୍କୁ ଆମ୍ବୁଲାନ୍ସ ଯୋଗେ ମାଗଣାରେ ହସ୍ପିଟାଲ ନେଉଛନ୍ତି। ଏଭଳି ମାଗଣା ସେବା ଯୋଗାଇ ଦେବା ପାଇଁ ତାଙ୍କୁ ଜଣେ କାର୍ ସେଲ୍ସମ୍ୟାନ୍ ଭାବେ କାମ କରିବାକୁ ପଡୁଛି। ଏଥିରୁ ସେ ଯାହା ରୋଜଗାର କରୁଛନ୍ତି, ତାହାକୁ ଆମ୍ବୁଲାନ୍ସ ସେବାରେ ଲଗାଉଛନ୍ତି। ସେ କାହାଠାରୁ କିଛି ଆର୍ଥିକ ସାହାଯ୍ୟ ନେଉନାହାନ୍ତି। ମହାମାରୀ ଦେଖାଦେବା ପରଠାରୁ ଘର ଲୋକେ ସଂକ୍ରମିତ ହେବାର ଆଶଙ୍କା ଥିତ୍ବାରୁ ସେ ଆଦୌ ଘରକୁ ଯାଉନାହାନ୍ତି। ଆମ୍ବୁଲାନ୍ସରେ ଶୋଉଛନ୍ତି ଓ ଖାଦ୍ୟ ପାଇଁ ସ୍ଥାନୀୟ ପୋଲିସ ଉପରେ ନିର୍ଭର କରୁଛନ୍ତି। ଏବେ ସୁଦ୍ଧା ସେ ୨୪ ଜଣ ଗର୍ଭବତୀ ମହିଳାଙ୍କ ସମେତ ୬୫ ଜଣ କୋଭିଡ୍ ପୀଡ଼ିତଙ୍କୁ ହସ୍ପିଟାଲକୁ ନେଇସାରିଲେଣି। ତାଙ୍କ ସାନଭାଇଙ୍କର ସଡ଼କ ଦୁର୍ଘଟଣାରେ ମୃତ୍ୟୁ ହେବା ପରେ ମଣିକନ୍ଦନ ଏହି ମାଗଣା ଆମ୍ବୁଲାନ୍ସ ସେବା ଆରମ୍ଭ କରିଥିଲେ। ଏହି ସେବା ପାଇଁ ତାଙ୍କୁ ଲୋକେ ଶ୍ରଦ୍ଧାରେ ଡାକନ୍ତି ଆମ୍ବୁଲାନ୍ସ ମଣି। କୋଭିଡ୍ ପୀଡ଼ିତଙ୍କ ମୃତଦେହକୁ ମଧ୍ୟ ମଣି ଶ୍ମଶାନକୁ ନେଉଛନ୍ତି।
The post ଏଇ ଭାରତରେ appeared first on Dharitri Odia News.