ଝାରସୁଗୁଡା ଅଫିସ,୧।୭: ଏକ ବାଇକ୍ ଯୋଗେ ଗୁରୁବାର ସମ୍ବଲପୁରରୁ ଝାରସୁଗୁଡ଼ା ଚାଲାଣ ହେଉଥିଲା ଗଞ୍ଜେଇ। ଏକ ବିଶେଷ ସୂତ୍ରରୁ ଖବର ପାଇ ବଡମାଲ ଥାନା ପୋଲିସ ବିଜୁ ପଟ୍ଟନାୟକ ଛକରେ ଜଗି ରହିଥିଲା। ଏହି ସମୟରେ ଜଣେ ଯୁବକ ବାଇକ୍ରେ ଗଞ୍ଜେଇ ଧରି ପହଞ୍ଚି ଥିଲେ । ହେଲେ ପୋଲିସଙ୍କୁ ଦେଖି ଯୁବକ ଜଣଙ୍କ ବାଇକ୍ ଓ ଗଞ୍ଜେଇ ଛାଡି ଦୌଡି ଥିଲେ। ଯୁବକଙ୍କୁ ଧରିବା ପାଇଁ ପୋଲିସ ଗୋଡାଇ ଥିଲେ ମଧ୍ୟ ସଫଳ ହୋଇ ନ ଥିଲା । ପୋଲିସ ଘଟଣାସ୍ଥଳରୁ ଏକ ବାଇକ୍(ସିଜି ୧୪-ଏମ୍ଏଚ୍ ୧୭୯୦) ସହ ଏକ ବସ୍ତାରେ ଥିବା ୮କିଲୋ ୬୦୦ଗ୍ରାମ ଓଜନର ଗଞ୍ଜେଇ ଜବତ କରିଛି । ଏନେଇ ବଡ଼ମାଲ ପୋଲିସ ଏକ ମାମଲା (ନଂ ୧୨୬/୨୧) ରୁଜୁ କରି ତଦନ୍ତ ଚଳାଇଛି ।
The post ଅପରାଧୀଙ୍କୁ ଦୌଡ଼ାରେ ପାରିଲାନି ପୋଲିସ appeared first on Dharitri Odia News.