ମୁମ୍ବାଇ: ବଲିଉଡ୍ ସୁପରଷ୍ଟାର ବିଗ୍-ବି ଅମିତାଭ ବଚ୍ଚନ ମୁମ୍ବାଇ ବ୍ୟତୀତ ବିଦେଶରେ ଅନେକ ସମ୍ପତ୍ତିର ମାଲିକ ଅଟନ୍ତି। ଅମିତାଭ ମୁମ୍ବାଇରେ ୩୧ କୋଟି ଟଙ୍କାରେ ୫୭୦୪ ବର୍ଗଫୁଟ ଡୁପ୍ଲେକ୍ସ ଆପାର୍ଟମେଣ୍ଟ କିଣିଛନ୍ତି। ଏହି ସମ୍ପତ୍ତି ହେଉଛି ୩୪ ମହଲା ବିିଲ୍ଡିଂର ୨୭ ଓ ୨୮ତମ ଫ୍ଲୋରରେ ଏହା ରହିଛି। ଏହି ସମ୍ପତ୍ତି ୩୧ ଡିସେମ୍ବର ୨୦୨୦ରେ କ୍ରୟ କରାଯାଇଥିଲା, ଯାହା ୧୨ ଏପ୍ରିଲ ୨୦୨୧ରେ ପଞ୍ଜୀକୃତ ହୋଇଛି।
ଅମିତାଭଙ୍କର ମଧ୍ୟ ଅନେକ ବଙ୍ଗଳା ଅଛି। ସେ ଜଲ୍ସା ବଙ୍ଗଳାରେ ରୁହନ୍ତି। ଏହି ବଙ୍ଗଳାକୁ ଅମିତାଭ ଏନ୍ସିସିପିରୁ କିଣିଥିଲେ। ଏହି ବଙ୍ଗଳାଟି ୧୦୧୨୫ ବର୍ଗଫୁଟ। ଜଲସା ପଛରେ ୮୦୦୦ ବର୍ଗଫୁଟର ଅନ୍ୟ ଏକ ସମ୍ପତ୍ତି କିଣିଛନ୍ତି ୨୦୧୩ରେ। ଏହାର ମୂଲ୍ୟ ୫୦ କୋଟି ଥିଲା।
ଅମିତାଭଙ୍କ କାର୍ଯ୍ୟାଳୟ ହେଉଛି ଜନକ ବଙ୍ଗଳା। ଯାହା ସେ ୨୦୦୪ରେ ୫୦ କୋଟି ଟଙ୍କାରେ କିଣିଥିଲେ। ସେ ପ୍ରାୟତଃ ତାଙ୍କ ଜ୍ୱାଇଁ ଅଗସ୍ତ୍ୟ ନନ୍ଦାଙ୍କ ସହ ଏଠାରେ ନଜର ଆସିଥାନ୍ତି। ଜୁହୁରେ ଥିବା ତାଙ୍କ ପ୍ରଥମ ବଙ୍ଗଳା ନାମ ପ୍ରତୀକ୍ଷା । ବଚ୍ଚନ ପରିବାର ୧୯୭୬ ମସିହାରେ ଏହି ଘର କିଣିଥିଲେ। ଏହି ବଙ୍ଗଳାରେ ହିଁ ଐଶ୍ୱର୍ଯ୍ୟା ରାୟ ଏବଂ ଅଭିଷେକ ବଚ୍ଚନ ୨୦୦୭ରେ ବିବାହ କରିଥିଲେ।
ପ୍ରୟାଗରାଜରେ ଅମିତାଭ ବଚ୍ଚନଙ୍କର ମଧ୍ୟ ଏକ ପୈତୃକ ସମ୍ପତ୍ତି ରହିଛି, ଯାହା ବର୍ତ୍ତମାନ ଏକ ଶିକ୍ଷଣୀୟ ଟ୍ରଷ୍ଟରେ ପରିଣତ ହୋଇଛି। ତାଙ୍କର ଗୁରୁଗାଓଁରେ ମଧ୍ୟ ଏକ ଫ୍ଲାଟ ଅଛି। ଅମିତାଭଙ୍କର ଜୁହୁରେ ଦୁଇଟି ଆପାର୍ଟମେଣ୍ଟ ଅଛି । ଯାହାର ମୂଲ୍ୟ ୪୦ କୋଟି ଟଙ୍କା ବୋଲି କୁହାଯାଉଛି। ଅମିତାଭଙ୍କର ଫ୍ରାନ୍ସର ରାଜଧାନୀ ପ୍ୟାରିସରେ ମଧ୍ୟ ଏକ ଘର ଅଛି। ଏହି ସମ୍ପତ୍ତି ତାଙ୍କୁ ଜୟା ବଚ୍ଚନ ଉପହାର ଦେଇଥିଲେ।
The post ଜାଣନ୍ତି ଅମିତାଭଙ୍କ ପାଖରେ କେତେ ଟଙ୍କାର ସମ୍ପତ୍ତି ଅଛି appeared first on Dharitri Odia News.