କପ୍ତିପଦା,୨୯ା୪(ଡି.ଏନ୍.ଏ.)- ମୟୂୂରଭଞ୍ଜ ଜିଲା କପ୍ତିପଦା ବ୍ଲକ ଅଧୀନ ଶରତ ପଞ୍ଚାୟତର ଅଶ୍ୱକୋଟୀ ସାରଜମଡ଼ି ଗ୍ରାମ ଏବେ ବି ପ୍ରଶାସନର ଦୃଷ୍ଟି ଆଢୁଆଳରେ ରହିଛି। ଏଠାରେ ବାସ କରୁଥିବା ଆଦିବାସୀ ସମ୍ପ୍ରଦାୟର ୩୦୦ ଊର୍ଦ୍ଧ୍ୱ ଲୋକ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ବାରମ୍ବାର ଅଭିଯୋଗ ପରେ ମଧ୍ୟ ପ୍ରଶାସନ ନିଦାବିଷ୍ଣୁ ସାଜିଛି। ଅଦ୍ୟାବଧି ଏହିି ଗ୍ରାମର ଲୋକେ ଚୁଆ ପାଣି ପିଉଛନ୍ତି। ସରକାରୀ ଭାବେ ଏହି ଗାଁରେ କେବଳ ଗୋଟିଏ ଛୋଟ ଗଡ଼ିଆ ଓ ୨ଟି ନଳ କୂଅ ରହିଛି।ଯାହାକି ଖରାଦିନେ ଶୁଖିଯାଏ। ବର୍ତ୍ତମାନ ଗ୍ରାମରେ ସେହି ପରିସ୍ଥିତି ଦେଖା ଦେଇଥିବା ବେଳେ ଲୋକେ ବିଲରେ ଚୁଆ ଖୋଳି ସେହି ପାଣିକୁ ବ୍ୟବହାର କରିବା ପାଇଁ ବାଧ୍ୟ ହେଉଛନ୍ତି।
ଗାଁରେ ଛୋଟ ଛୋଟ ପିଲା ଗୋଳିଆ ପାଣି ଗଡ଼ିଆରେ ଗାଧୋଇବା ଓ ଚୁଆ ପାଣି ପିଇ ବହୁ ଦୂରାରୋଗରେ ପଡ଼ୁଥିବା କୁହନ୍ତି ପାନମଣୀ ସିଂ ଓ ଗୁରୁବାରୀ ସିଂ। ଗାଁରେ ଥିବା ନଳକୂଅର ଜଳସ୍ତର ଖରା ଦିିନେ ତଳକୁ ଚାଲି ଯାଉଥିବାରୁ ପାଣି ବାହାରୁ ନାହିଁ ା ପଥୁରିଆ ଅଞ୍ଚଳ ଆଳ କରି ଜଳସ୍ତର ଠିକ୍ ଭାବେ ନ ଥିବାରୁ ନୂତନ ନଳକୂପ ମଧ୍ୟ ଖୋଳା ଯାଉ ନାହିଁ। ଚୁଆ ପାଣି ଲୋକଙ୍କ ଜୀବନ ବଞ୍ଚାଉଥିବା କୁହନ୍ତି ବିଜୟ ସିଂ ଓ ଶିବୁ ସିଂ। ଖରା ଦିନ ପାଇଁ ବିଭାଗ ପକ୍ଷରୁ ୨ ଦିନରେ ଥରେ ଟ୍ୟାଙ୍କର ପାଣି ଯୋଗାଇ ଦିଆଯିବ ବୋଲି ଶୁଣିବାକୁ ମିଳୁଥିବା ଜଙ୍ଗଲ ରାସ୍ତାରେ ୧କି.ମି ଦୂର ପାଣି ଆଣିବକୁ ଯିବାକୁ ପଡୁଛି ବୋଲି ଜିତେନ୍ଦ୍ର ସିଂ କହିଛନ୍ତି। ଏ ସମ୍ପର୍କରେ ବିଭାଗୀୟ ଯନ୍ତ୍ରୀଙ୍କୁ ପଚାରିବାରୁ ସାରଜମଡ଼ିରେ ଗୋଟିଏ ନଳକୂଅ ଖୋଳା ଯାଇଥିବା ବେଳେ ଅନ୍ୟ ଗୋଟିଏ ପାଇଁ ପ୍ରସ୍ତାବ ରହିଛି। ପଥୁରିଆ ଜାଗା ହୋଇଥିବାରୁ ସମସ୍ୟା ରହୁଛି। ଖରାଦିନେ ଟ୍ୟାଙ୍କର ଯୋଗେ ଲୋକଙ୍କୁ ପାଣି ଯୋଗାଇ ଦିଆଯିବାର ବ୍ୟବସ୍ଥା କରାଯାଉଛି ବୋଲି ସେ କହିଛନ୍ତି।
The post ଜୀବନ ବଞ୍ଚାଉଛି ଚୁଆପାଣି appeared first on Dharitri Odia News.