ବାରିପଦା ଅଫିସ,୩୦ା୧୨-ବିଶ୍ୱ ମହାମାରୀ କରୋନା ପାଇଁ ଲକ୍ଡାଉନ୍ ପରିସ୍ଥିତି। ଘରୁ କେହି ପଦାକୁ ବାହାରୁ ନ ଥିବା ବେଳେ ଜୀବନ ଜୀବିକା ହୋଇ ପଡ଼ିଥିଲା ବିପନ୍ନ। ଠିକ୍ ଏହି ସମୟରେ ୟୁ ଟ୍ୟୁବ୍ ଦେଖି ଖେଳନା କଣ୍ଢେଇ ତିଆରି ଆରମ୍ଭ କଲେ। ସୁନ୍ଦର ଆକୃତି ସହିତ ରଙ୍ଗବେରଙ୍ଗର ଏହି କଣ୍ଢେଇ ଏବେ ଲୋକଙ୍କୁ ବେଶ ଆକୃଷ୍ଟ କରି ପାରୁଛି। ପଡ଼ୋଶୀ ପଶ୍ଚିମବଙ୍ଗର ନଦିଆ ଜିଲା ଅନ୍ତର୍ଗତ ରାନାଘାଟ ଅଞ୍ଚଳର ଯୁବକ ମଣି ପାଲ ମୟୂରଭଞ୍ଜ ଜିଲା ବାରିପଦା ସହରର ରାସ୍ତା କଡ଼ରେ ଏହି କଣ୍ଢେଇ ବିକି ବେଶ ଦି’ ପଇସା ରୋଜଗାର କରି ପାରୁଛନ୍ତି। ଦିନକୁ ୩ରୁ ୪ଶହ ଟଙ୍କା ରୋଜଗାର ହେଉଥିବା ବେଳେ ଏଥିରେ ତାଙ୍କ ପରିବାର ଲୋକେ ସହଯୋଗ କରୁଛନ୍ତି।
ମଣି ପାଲଙ୍କ ପରିବାର କହିଲେ ସ୍ତ୍ରୀଙ୍କ ସହ ଦୁଇ ସନ୍ତାନ ା ଦିନକୁ ୧୨ଘଣ୍ଟା ପରିଶ୍ରମ କରି ତିଆରି କରୁଛନ୍ତି କଣ୍ଢେଇ ା କୋଲକାତା ବଜାରରୁ ସାମଗ୍ରୀ କିଣି ଘରେ ବସି ଏହାକୁ ତିଆରି କରି ଦେଢ଼ଶହ ଟଙ୍କାରେ ବିକ୍ରି କରୁଛନ୍ତି ା ଅଧିକ ଦୁଇ ପଇସା ଲାଭ ଆଶାରେ ପଶ୍ଚିମବଙ୍ଗରୁ ଆସି ବାରିପଦା ସହରର ମୁଖ୍ୟ ସଡ଼କ ପାର୍ଶ୍ୱରେ ସୁନ୍ଦର ଭାବେ ସଜାଇ କଣ୍ଢେଇ ବିକ୍ରି କରୁଛନ୍ତି ା ଗୋଟିଏ କଣ୍ଢେଇ ତିଆରି ପାଇଁ ଦେଢ ଘଣ୍ଟା ସମୟ ଲାଗିଥାଏ ା ରାତିରେ ବସି ଏହାକୁ ପ୍ରସ୍ତୁତ କରୁଥିବା ମଣି ପାଲ କହିଛନ୍ତି। ବାଟୋଇ ଓ ଶିଶୁମାନଙ୍କୁ ଏହା ବେଶ ଆକୃଷ୍ଟ କରୁଥିବାରୁ କଣ୍ଢେଇ ଆଦର ବଢ଼ିବାକୁ ଲାଗିଛି ା
ବେଡ୍ରୁମ କିମ୍ବା ବୈଠକ ଘର କାନ୍ଥ ଥାକରେ ସଜାଇ ରଖିବା ପାଇଁ ଘରକୁ ନେଉଛୁ। ମନକୁ ଛୁଇଁଲା ପରି ହୋଇଥିବାରୁ କିଣୁଛି ବୋଲି ଗ୍ରାହକ ସତ୍ୟରୂପା ସିହ୍ନା ପ୍ରକାଶ କରିଛନ୍ତି ା ସେହିପରି ୪ଚକିଆ ଯାନର ସମ୍ମୁଖ ଓ ପଛ ପାର୍ଶ୍ୱରେ ଏହାକୁ ରଖିବା ପାଇଁ ଲୋକେ କିଣୁଛନ୍ତି। ସୁନ୍ଦର କାରୁକାର୍ଯ୍ୟ ଓ ଡିଜାଇନରେ ଏହାକୁ ପ୍ରସ୍ତୁତ କରାଯାଉଥିବାରୁ ବେଶ ମନଲୋଭା ହୋଇପାରିଛି ବୋଲି ମୁର୍ଗାବାଡ଼ି ଅଞ୍ଚଳର ରାଜାରାମ ଖଣ୍ଡେଲୱାଲ କହିଛନ୍ତି ା ତେବେ ଦୃଢ଼ ଇଚ୍ଛାଶକ୍ତି ଦ୍ୱାରା କୋଭିଡ୍-୧୯କୁ ମୁକାବିଲା କରି ସେ ରୋଜଗାରକ୍ଷମ ହୋଇପାରିଥିବା ମଣି ପାଲ କହିଛନ୍ତି। ଏହି ଭଳି ପ୍ରୟାସ ରଖି ଯୁବ ସମାଜ ଟେକ୍ନୋଲୋଜିର ସହାୟତା ନେଇ ରୋଜଗାରକ୍ଷମ ହୋଇପାରିବେ ବୋଲି ସେ ପ୍ରକାଶ କରିଛନ୍ତି ା
The post ଜୀବନ ସଜାଡିଛି କଣ୍ଢେଇ appeared first on Dharitri Odia News.