ସିଡ୍ନୀ, ୩୦ା୯ (ପି.ଟି.)-ଅଷ୍ଟ୍ରଲିଆର ପୂର୍ବତନ ମହିଳା ଟିମ୍ ଅଧିନାୟକ ବେଲିଣ୍ଡା କ୍ଲାର୍କ କ୍ରିକେଟ ବୋର୍ଡର କମ୍ୟୁନିଟି କ୍ରିକେଟ ଏକ୍ଜିକ୍ୟୁଟିଭ୍ ଜେନେରାଲ ମ୍ୟାନେଜର ପଦ ତ୍ୟାଗ କରିବେ ବୋଲି ମଙ୍ଗଳବାର ଘୋଷଣା କରିଛନ୍ତି। କ୍ଲାର୍କଙ୍କ ନେତୃତ୍ୱରେ ଅଷ୍ଟ୍ରେଲିଆ ଦୁଇଥର ବିଶ୍ୱକପ୍ ଟାଇଟଲ ଜିତିଛି। ଦେଶ ତରଫରୁ ସେ ୧୫ ଟେଷ୍ଟ ଏବଂ ୧୧୮ ଅନ୍ତର୍ଜାତୀୟ ଦିନିକିଆ ମ୍ୟାଚ ଖେଳିଛନ୍ତି। ସେ ଗତ ଅଢେଇବର୍ଷ ହେଲା ଏହି ପଦବୀରେ ଥିଲେ। ନଭେମ୍ବର ୩୦ରୁ ସେ ଏଥିରୁ ଓହରିଯିବେ ବୋଲି କହିଛନ୍ତି। ୫୦ବର୍ଷୀୟା ଏହି ପୂର୍ବତନ କ୍ରିକେଟର କିନ୍ତୁ ଆଇସିସି ଟି୨୦ ବିଶ୍ୱକପ୍ ଆୟୋଜକ କମିଟିର ନିର୍ଦ୍ଦେଶକ ପଦବୀରେ ରହିବେ। କ୍ଳାର୍କ ୨୦ବର୍ଷ ହେଲା କ୍ରିକେଟ ଅଷ୍ଟ୍ରେଲିଆ ଏବଂ ୬ ବର୍ଷ କ୍ରିକେଟ ନ୍ୟୁ ସାଉଥ ଓ୍ବେଲ୍ସ ସହ ସମ୍ପୃକ୍ତ ରହି ଆସିଥିବାବେଳେ ଆଇସିସି ମହିଳା କମିଟିର ଦୀର୍ଘକାଳୀନ ଷ୍ଟାଣ୍ଡିଂ କମିଟି ସଦସ୍ୟ ରହିଆସିଛନ୍ତି। ପୁନଶ୍ଚ ୨୦୧୮ରୁ ଆଇସିସି କ୍ରିକେଟ କମିଟିର ଜଣେ ସଦସ୍ୟ ଭାବେ କାର୍ଯ୍ୟକରି ଆସୁଛନ୍ତି। ବର୍ତ୍ତମାନ ସେ ୟଙ୍ଗ ଗର୍ଲଙ୍କର ନେତୃତ୍ୱ ନେବାର କ୍ୱାଲିଟିକୁ ବିକଶିତ କରିବା କ୍ଷେତ୍ରରେ ନିଜକୁ ନିୟୋଜିତ କରିବେ।
The post ପଦ ତ୍ୟାଗ କରିବେ ବେଲିଣ୍ଡା କ୍ଲାର୍କ appeared first on Dharitri Odia News.